1 ⵓⵙⵉⵏ-ⴷⴷ ⵖⴰⵔⵉ ⵢⴻⵔⵢⴰⵥⴻⵏ ⵥⴻⴳ ⵉⵎⵖⴰⵔⴻⵏ ⵏ ⵉⵙⵔⴰⵉⵍ ⵓⵛⴰ ⵇⵇⵉⵎⴻⵏ ⵥⵥⴰⵜⵉ. ^■   2 ⵅⴻⵏⵏⵉ ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

3 “ⴰ ⵎⵎⵉⵙ ⵏ ⴱⵏⴰⴷⴻⵎ, ⵉⵔⵢⴰⵥⴻⵏ-ⴰ ⵙⵙⴳⴻⵄⵄⴷⴻⵏ ⵉⵎⴻⵢⴹⴰ ⵏ ⵍ’ⴰⵚⵏⴰⵎ ⵏⵙⴻⵏ ⴷⴻⴳ ⵡⵓⵍ ⵏⵙⴻⵏ ⵓⵛⴰ ⴳⴳⵉⵏ ⵙⵙⵉⴱⴱⴻⵜ ⵏ ⵓⵏⴻⵇⵔⴰⴹ ⵉ ⴷⴷ-ⵢⵉⵡⵢⴻⵏ ⵍⵎⵓⵄⵚⵉⵢⵢⴻⵜ ⵏⵙⴻⵏ ⵏⵉⵛⴰⵏ ⵥⵥⴰⵜ ⵉ ⵢⵉⵅⴻⴼ ⵏⵙⴻⵏ. ⵎⴰ ⵏⴻⵛⵛ ⵎⵛⴰⵡⴰⵔⴻⵖ ⵄⴰⴷ ⴰⴽⵉⴷⵙⴻⵏ? 4 ⵙ ⵓⵢⴰ, ⵛⴻⴽ ⵙⵉⵡⴻⵍ ⴰⴽⵉⴷⵙⴻⵏ ⵓⵛⴰ ⵉⵏⵉ ⴰⵙⴻⵏ: ‘ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ: ⴽⵓⵍ ⴰⵔⵢⴰⵥ ⵥⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ ⵏⵏⵉ ⵉⵙⵙⴳⴻⵄⵄⴷⴻⵏ ⵉⵎⴻⵢⴹⴰ ⵏ ⵍ’ⴰⵚⵏⴰⵎ ⴷⴻⴳ ⵡⵓⵍ ⵏⵏⴻⵙ ⵓⵛⴰ ⵉⴳⴳⴰ ⵙⵙⵉⴱⴱⴻⵜ ⵏ ⵓⵏⴻⵇⵔⴰⴹ ⵉ ⴷⴷ-ⵢⵉⵡⵢⴻⵏ ⵍⵎⵓⵄⵚⵉⵢⵢⴻⵜ ⵏⵏⴻⵙ ⵏⵉⵛⴰⵏ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ ⵓⵛⴰ ⴰⴷ ⴷⴷ-ⵢⴰⵙ ⵖⴰⵔ ⵓⵏⴰⴱⵉ, ⵏⴻⵛⵛ, ⵙⵉⴷⵉ, ⴰⴷ ⵅⴰⵙ ⴷⴷ-ⵢⴰⵔⵔ, ⵎⴰⵍⴰ ⵉⵜⵜⴰⵙ-ⴷⴷ, ⴰⵏⴻⵛⵜ ⵍⵇⴻⴷⴷ ⵏ ⵓⴱⴰⵔⵔⵓ ⵏ ⵉⵎⴻⵢⴹⴰ ⵏⵏⴻⵙ ⵏ ⵍ’ⴰⵚⵏⴰⵎ, 5 ⵃⵉⵎⴰ ⴰⴷ ⵟⵟⴼⴻⵖ ⵜⴰⴷⴷⴰⵔⵜ ⵏ ⵉⵙⵔⴰⵉⵍ ⵙ ⵡⵓⵍ ⵏⵙⴻⵏ, ⵎⴰⵖⴰⵔ ⴰⴳⴳⵯⴻⵊⴻⵏ ⵅⴰⴼⵉ ⵎⴰⵔⵔⴰ ⵥⵉ ⵙⵙⵉⴱⴱⴻⵜ ⵏ ⵉⵎⴻⵢⴹⴰ ⵏⵙⴻⵏ ⵏ ⵍ’ⴰⵚⵏⴰⵎ.’ ”

6 “ⵙ ⵓⵢⴰ, ⵉⵏⵉ ⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ: ‘ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ: ⴷⴻⵡⵍⴻⵎ-ⴷⴷ ⵓⵛⴰ ⵇⴻⵍⴱⴻⵎ ⵅ ⵉⵎⴻⵢⴹⴰ ⵏⵡⴻⵎ ⵏ ⵍ’ⴰⵚⵏⴰⵎ ⵓⵛⴰ ⴰⵔⵔⴻⵎ ⵉⵖⴻⵎⴱⴰⴱ ⵏⵡⴻⵎ ⵅ ⵎⴰⵔⵔⴰ ⵊⵊⵄⴰⵢⴻⴼ ⵏⵡⴻⵎ.’ 7 ⵎⵉⵏⵥⵉ ⵉ ⴽⵓⵍ ⴰⵔⵢⴰⵥ ⵥⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ ⵓ ⵥⵉ ⵉⴱⴰⵔⵔⴰⵏⵉⵢⵢⴻⵏ ⵏⵏⵉ ⵉⵥⴻⴷⴷⵖⴻⵏ ⴷⵉ ⵉⵙⵔⴰⵉⵍ, - ⵡⴻⵏⵏⵉ ⵉ ⵖⴰ ⵢⴰⴳⴳⵯⴻⵊⴻⵏ ⵥⵉ ⴹⴻⴼⴼⴰⵔ ⵉⵏⵓ ⵓ ⵉⵜⵜⴻⵊⵊⴰ ⴰⴷ ⴷⴷ-ⴰⴷⴼⴻⵏ ⵉⵎⴻⵢⴹⴰ ⵏ ⵍ’ⴰⵚⵏⴰⵎ ⵖⴰⵔ ⵡⵓⵍ ⵏⵏⴻⵙ, ⵓⵛⴰ ⵉⴳⴳⴰ ⵙⵙⵉⴱⴱⴻⵜ ⵏ ⵓⵏⴻⵇⵔⴰⴹ ⵉ ⴷⴷ-ⵢⵉⵡⵢⴻⵏ ⵍⵎⵓⵄⵚⵉⵢⵢⴻⵜ ⵏⵏⴻⵙ ⵏⵉⵛⴰⵏ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ ⵓⵛⴰ ⵅⴻⵏⵏⵉ ⴰⴷ ⴷⴷ-ⵢⴰⵙ ⵖⴰⵔ ⵓⵏⴰⴱⵉ, ⵎⴰⵃⴻⵏⴷ ⴰⴷ ⵢⴰⵔⵥⵓ ⵥⵥⴰⵢⵉ ⵛⵛⵡⴰⵔ ⵉ ⵢⵉⵅⴻⴼ ⵏⵏⴻⵙ - , ⴰⵇⴰ ⵏⴻⵛⵛ ⴷ ⵙⵉⴷⵉ, ⵡⴰⵀ ⴰⴷ ⵅⴰⵙ ⴷⴷ-ⴰⵔⵔⴻⵖ. 8 ⵏⴻⵛⵛ ⴰⴷ ⴰⵔⵔⴻⵖ ⵓⴷⴻⵎ ⵉⵏⵓ ⴹⵉⴷⴷ ⵉ ⵡⴻⵔⵢⴰⵥ ⵏⵏⵉ ⵓⵛⴰ ⴰⴷ ⵜ ⵙⵙⵊⵄⴰⵔⴻⵖ ⴰⵍⴰⵎⵉ ⵉ ⵖⴰ ⵉⴷⵡⴻⵍ ⴷ ⵍⴻⵄⵍⴰⵎⴻⵜ ⵓⵍⴰ ⴷ ⵙⵙⵉⴱⴱⴻⵜ ⵉ ⵡⴰⵡⴰⵍⴻⵏ ⵉⵡⴻⵥⵏⴻⵏ. ⵏⴻⵛⵛ ⴰⴷ ⵜ ⵇⴻⴹⵄⴻⵖ ⵥⵉ ⵍⵡⴻⵙⵜ ⵏ ⵍⴳⴻⵏⵙ ⵉⵏⵓ ⵓ ⴽⴻⵏⵏⵉⵡ ⴰⴷ ⵜⴻⵙⵙⵏⴻⵎ ⴰⵇⴰ ⵏⴻⵛⵛ ⴷ ⵙⵉⴷⵉ.’ ” ^■  

9 “ⵅⵎⵉ ⵉⵊⵊ ⵏ ⵓⵏⴰⴱⵉ ⵉⵊⵊⴰ ⵉⵅⴻⴼ ⵏⵏⴻⵙ ⴰⴷ ⴰⵙ ⵖⴰⵔⵔⴻⵏ ⵓⵛⴰ ⵉⵙⵙⵉⵡⴻⵍ ⵉⵊⵊ ⵏ ⵡⴰⵡⴰⵍ, ⵅⴻⵏⵏⵉ ⵏⴻⵛⵛ, ⵙⵉⴷⵉ, ⴰⴷ ⵖⴰⵔⵔⴻⵖ ⴰⵏⴰⴱⵉ ⵏⵏⵉ ⵓⵛⴰ ⴰⴷ ⵙⵙⵡⵉⵥⵥⴹⴻⵖ ⴰⴼⵓⵙ ⵉⵏⵓ ⴹⵉⴷⴷ ⵏⵏⴻⵙ ⵓⵛⴰ ⴰⴷ ⵜ ⵜⴻⵃⵃⵉⵖ ⵥⵉ ⵍⵡⴻⵙⵜ ⵏ ⵍⴳⴻⵏⵙ ⵉⵏⵓ ⵏ ⵉⵙⵔⴰⵉⵍ. ^■  

10 ⵏⵉⵜⵏⵉ ⴰⴷ ⴰⵔⴱⵓⵏ ⵍⵎⵓⵄⵚⵉⵢⵢⴻⵜ ⵏⵙⴻⵏ. ⴰⵏⴻⵛⵜ ⵏ ⵍⵎⵓⵄⵚⵉⵢⵢⴻⵜ ⵏ ⵢⵉⵏⵏⵉ ⵢⴰⵔⴻⵥⵥⵓⵏ ⵛⵛⵡⴰⵔ, ⴰⵎⵎⵓ ⵉ ⵖⴰ ⵜⵉⵍⵉ ⵍⵎⵓⵄⵚⵉⵢⵢⴻⵜ ⵏ ⵓⵏⴰⴱⵉ ⵏⵏⵉ,

11 ⵃⵉⵎⴰ ⵜⴰⴷⴷⴰⵔⵜ ⵏ ⵉⵙⵔⴰⵉⵍ ⵡⴰⵔ ⵜᵉⵜⵜⵡⴻⴷⴷⴰⵔ ⵄⴰⴷ ⵥⵉ ⴹⴻⴼⴼⴰⵔ ⵉⵏⵓ ⵓ ⵏⵉⵜⵏⵉ ⵡⴰⵔ ⵙⵙⵅⴻⵎⵎⴰⵊⴻⵏ ⵄⴰⴷ ⵉⵅⴻⴼ ⵏⵙⴻⵏ ⵙ ⵎⴰⵔⵔⴰ ⵉⵅⴻⵟⵟⴰⵏ ⵏⵙⴻⵏ. ⵅⴻⵏⵏⵉ ⴰⴷ ⴰⵢⵉ ⵉⵍⵉⵏ ⴷ ⵍⴳⴻⵏⵙ ⵓ ⵏⴻⵛⵛ ⴰⴷ ⵉⵍⵉⵖ ⴷ ⴰⵔⴻⴱⴱⵉ ⵏⵙⴻⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ.”

12 ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

13 “ⴰ ⵎⵎⵉⵙ ⵏ ⴱⵏⴰⴷⴻⵎ, ⵎⴰⵍⴰ ⵜⴻⵅⴹⴰ ⵉⵛⵜ ⵏ ⵜⴻⵎⵎⵓⵔⵜ ⴰⴽⵉⴷⵉ ⴰⵎ ⵜᵉⵜⵜⴻⴳⴳ ⵙ ⵍⵖⴻⴷⵔⴰⵏ ⴰⵎⴻⵇⵇⵔⴰⵏ, ⵅⴻⵏⵏⵉ ⵏⴻⵛⵛ ⴰⴷ ⵙⵙⵡⵉⵥⵥⴹⴻⵖ ⴰⴼⵓⵙ ⵉⵏⵓ ⴹⵉⴷⴷ ⵏⵏⴻⵙ. ⴰⴷ ⴰⵔⵥⴻⵖ ⵍⴻⵄⵡⴻⵞ ⵏ ⵡⴻⵖⵔⵓⵎ ⵏⵏⴻⵙ ⵓ ⴰⴷ ⵙⵙⴻⴽⴽⴻⵖ ⴷⴰⵢⴻⵙ ⵍⴰⵥ ⵓ ⴰⵎⵎⵓ ⵉ ⵖⴰ ⵜⴻⵃⵃⵉⵖ ⴰⵎ ⴱⵏⴰⴷⴻⵎ ⵓⵍⴰ ⴷ ⵍⵎⴰⵍ. ^■  

14 ⵎⴰⵍⴰ ⵜⵓⵖⴰ ⴰⵜⴻⵏ ⴷⵉ ⵍⵡⴻⵙⵜ ⵏⵏⴻⵙ ⵜⵍⴰⵜⴰ ⵏ ⵢⴻⵔⵢⴰⵥⴻⵏ-ⴰ, ⵏⵓⵃ ⴷ ⴷⴰⵏⵉⵢⵉⵍ ⴷ ⴰⵢⵓⴱ, ⵡⴰⵅⵅⴰ ⴰⵎⴻⵏⵏⵉ ⴰⴷ ⴼⴻⴽⴽⴻⵏ ⵏⵉⵜⵏⵉ ⵎⵖⵉⵔ ⵍⴻⵄⵎⴰⵔ ⵏ ⵢⵉⵅⴻⴼ ⵏⵙⴻⵏ ⵙ ⵜⵙⴻⴳⴷⴰ ⵏⵙⴻⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ.”

15 “ⵎⴰⵍⴰ ⴳⴳⵉⵖ ⴰⴷ ⵥⵡⴰⵏ ⵉⵎⵓⴷⴷⴰⵔⴻⵏ ⵏ ⵍⴻⵅⵍⴰ ⵅ ⵜⴻⵎⵎⵓⵔⵜ ⵓⵛⴰ ⴰⴷ ⵥⵥⴰⵢⴻⵙ ⴽⴻⵛⵛⴹⴻⵏ ⵉⵃⴻⵏⵊⵉⵔⴻⵏ, ⴰⵍⴰⵎⵉ ⵜⴻⴷⵡⴻⵍ ⴷ ⴷⴷⴻⵎⵏⴻⵜ, ⴰⵍⴰⵎⵉ ⵡⴰⵔ ⵢⴻⴵⵉ ⵡⵉ ⵙⵙⴻⵏⵏⵉ ⵉ ⵖⴰ ⵢⴻⵄⴷⵓⵏ ⵥⵉ ⵙⵙⵉⴱⴱⴻⵜ ⵏ ⵉⵎⵓⴷⴷⴰⵔⴻⵏ ⵏ ⵍⴻⵅⵍⴰ,

16 ⵡⴰⵅⵅⴰ ⵜⵓⵖⴰ ⵜⵍⴰⵜⴰ ⵏ ⵢⴻⵔⵢⴰⵥⴻⵏ ⵏⵏⵉ ⴷⵉ ⵍⵡⴻⵙⵜ ⵏⵏⴻⵙ, ⵙ ⵜⵉⴷⴻⵜⵜ ⴰⵎ ⴷⴷⴰⵔⴻⵖ ⵏⴻⵛⵛ, ⵉⵙⵙⴰⵡⴰⵍ ⵙⵉⴷⵉ ⵉⵏⵓ, ⵙⵉⴷⵉ, ⵡⴰⵔ ⵥⴻⵎⵎⴰⵔⴻⵏ ⴰⴷ ⴼⴻⴽⴽⴻⵏ ⵉⵃⴻⵏⵊⵉⵔⴻⵏ ⵏⵉⵖ ⵜⵉⵃⴻⵏⵊⵉⵔⵉⵏ, ⴰⴷ ⴼⴻⴽⴽⴻⵏ ⵎⵖⵉⵔ ⵉⵅⴻⴼ ⵏⵙⴻⵏ, ⵓⵛⴰ ⵜⴰⵎⵎⵓⵔⵜ ⴰⴷ ⵜⴻⴷⵡⴻⵍ ⴷ ⴷⴷⴻⵎⵏⴻⵜ.”

17 “ⵏⵉⵖ ⴰⴷ ⵙⵙⵉⵡⴹⴻⵖ ⵙⵙⵉⴼ ⵅ ⵜⴻⵎⵎⵓⵔⵜ ⵏⵏⵉ, ⴰⴷ ⵉⵏⵉⵖ: ‘ⵙⵙⵉⴼ, ⴻⴽⴽ ⵅ ⵜⴻⵎⵎⵓⵔⵜ!’, ⴰⵍⴰⵎⵉ ⵥⵥⴰⵢⴻⵙ ⵉ ⵖⴰ ⵇⴻⴹⵄⴻⵖ ⴱⵏⴰⴷⴻⵎ ⴷ ⵍⵎⴰⵍ,

18 ⵙ ⵜⵉⴷⴻⵜⵜ ⴰⵎ ⴷⴷⴰⵔⴻⵖ ⵏⴻⵛⵛ, ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ, ⵄⴰⴷ ⵡⴰⵅⵅⴰ ⵜⵓⵖⴰ ⵜⵍⴰⵜⴰ ⵏ ⵢⴻⵔⵢⴰⵥⴻⵏ ⵏⵏⵉ ⴷⵉ ⵍⵡⴻⵙⵜ ⵏⵏⴻⵙ, ⵡⴰⵅⵅⴰ ⴰⵎⴻⵏⵏⵉ ⵡⴰⵔ ⵥⴻⵎⵎⴰⵔⴻⵏ ⴰⴷ ⴼⴻⴽⴽⴻⵏ ⵉⵃⴻⵏⵊⵉⵔⴻⵏ ⵏⵉⵖ ⵜⵉⵃⴻⵏⵊⵉⵔⵉⵏ, ⴰⴷ ⴼⴻⴽⴽⴻⵏ ⵎⵖⵉⵔ ⵉⵅⴻⴼ ⵏⵙⴻⵏ.”

19 “ⵏⵉⵖ ⴰⴷ ⵙⵙⴻⴽⴽⴻⵖ ⵟⵟⴰⵄⵓⵏ ⵖⴰⵔ ⵜⴻⵎⵎⵓⵔⵜ ⵏⵏⵉ ⵓⵛⴰ ⴰⴷ ⵙⵙⴼⴰⵔⵖⴻⵖ ⴰⵙⵄⴰⵔ ⵉⵏⵓ ⵉⵅⴻⴵⴹⴻⵏ ⵙ ⵉⴷⴰⵎⵎⴻⵏ ⴰⵍⴰⵎⵉ ⵥⵥⴰⵢⴻⵙ ⵉ ⵖⴰ ⵇⴻⴹⵄⴻⵖ ⴱⵏⴰⴷⴻⵎ ⴷ ⵍⵎⴰⵍ, 20 ⵙ ⵜⵉⴷⴻⵜⵜ ⴰⵎ ⴷⴷⴰⵔⴻⵖ ⵏⴻⵛⵛ, ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ, ⵄⴰⴷ ⵡⴰⵅⵅⴰ ⵜⵓⵖⴰ ⵏⵓⵃ ⴷ ⴷⴰⵏⵉⵢⴰⵍ ⴷ ⴰⵢⵓⴱ ⴷⵉ ⵍⵡⴻⵙⵜ ⵏⵏⴻⵙ, ⵡⴰⵔ ⵥⴻⵎⵎⴰⵔⴻⵏ ⴰⴷ ⴼⴻⴽⴽⴻⵏ ⵉⵃⴻⵏⵊⵉⵔⴻⵏ ⵏⵉⵖ ⵜⵉⵃⴻⵏⵊⵉⵔⵉⵏ, ⴰⴷ ⴼⴻⴽⴽⴻⵏ ⵎⵖⵉⵔ ⵉⵅⴻⴼ ⵏⵙⴻⵏ ⵙ ⵜⵙⴻⴳⴷⴰ ⵏⵙⴻⵏ.”

21 “ⵎⵉⵏⵥⵉ ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ: ⵎⴰⵀⵓ ⵅⵎⵉ ⵉ ⵖⴰ ⵙⵙⴻⴽⴽⴻⵖ ⴹⵉⴷⴷ ⵉ ⵓⵔⵛⴰⵍⵉⵎ ⴰⵔⴻⴱⵄⴰ ⵏ ⵍⴻⵃⴽⴰⵎⴰⵜ ⵉⵏⵓ ⵉⵇⴻⵙⵃⴻⵏ: ⵙⵙⵉⴼ ⴷ ⵍⴰⵥ ⴷ ⵍⵎⴰⵍ ⵏ ⵍⴻⵅⵍⴰ ⴷ ⵟⵟⴰⵄⵓⵏ ⵎⴰⵃⴻⵏⴷ ⴰⴷ ⵥⵥⴰⵢⴻⵙ ⵇⴻⴹⵄⴻⵖ ⴱⵏⴰⴷⴻⵎ ⴷ ⵍⵎⴰⵍ! 22 ⵓⵛⴰ ⵅⵥⴰⵔ, ⴰⴷ ⴷⴰⵢⴻⵙ ⵇⵇⵉⵎⴻⵏ ⵄⴰⴷ ⵉⵏⵏⵉ ⵉⵏⵏⴻⵊⵎⴻⵏ ⵓ ⵏⵉⵜⵏⵉ ⴰⴷ ⵜⵜⵡⴰⵏⴻⴷⵀⴻⵏ ⴱⴰⵔⵔⴰ, ⴰⵎ ⵉⵃⴻⵏⵊⵉⵔⴻⵏ ⴰⵎ ⵜⵃⴻⵏⵊⵉⵔⵉⵏ. ⵅⵥⴰⵔ, ⴰⴷ ⵖⴰⵔⵡⴻⵎ ⴷⴷ-ⴼⴼⵖⴻⵏ ⵓⵛⴰ ⴽⴻⵏⵏⵉⵡ ⴰⴷ ⵜⵥⴰⵔⴻⵎ ⴰⴱⵔⵉⴷ ⵏⵙⴻⵏ ⴷ ⵍⴻⵅⴷⴰⵢⴻⵎ ⵏⵙⴻⵏ ⵓⵛⴰ ⴽⴻⵏⵏⵉⵡ ⴰⴷ ⵜⵜⵡⴰⵙⴼⴻⵡⵡⵊⴻⵎ ⵅ ⵍⵖⴰⵔ ⵏⵏⵉ ⵙⵙⵉⵡⴹⴻⵖ ⵅ ⵓⵔⵛⴰⵍⵉⵎ, ⵡⴰⵀ ⵅ ⵎⴰⵔⵔⴰ ⵎⵉⵏ ⵅⴰⵙ ⵙⵙⵉⵡⴹⴻⵖ. 23 ⵏⵉⵜⵏⵉ ⴰⴷ ⴽⴻⵏⵏⵉⵡ ⵙⵙⴼⴻⵡⵡⵊⴻⵏ ⵅⵎⵉ ⵉ ⵖⴰ ⵜⵥⴰⵔⴻⵎ ⴰⴱⵔⵉⴷ ⵏⵙⴻⵏ ⴷ ⵍⴻⵅⴷⴰⵢⴻⵎ ⵏⵙⴻⵏ ⵓⵛⴰ ⴽⴻⵏⵏⵉⵡ ⴰⴷ ⵜⴻⵙⵙⵏⴻⵎ ⴱⴻⵍⵍⵉ ⵎⴰⵔⵔⴰ ⵎⵉⵏ ⴷⴰⵢⴻⵙ ⴳⴳⵉⵖ, ⵡⴰⵔ ⵜ ⴳⴳⵉⵖ ⴱⵍⴰ ⵙⵙⵉⴱⴱⴻⵜ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ.”