1 ⵅ ⴰⵢⵜ ⵏ ⵄⴰⵎⵎⵓⵏ

“ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⵎⴰ ⵉⵙⵔⴰⵉⵍ ⵡⴰⵔ ⵖⴰⵔⴻⵙ ⴱⵓ ⵉⵃⴻⵏⵊⵉⵔⴻⵏ? ⵎⴰ ⵡⴰⵔ ⵖⴰⵔⴻⵙ ⴱⵓ ⴰⵡⵔⵉⵜ? ⵎⴰⵢⴻⵎⵎⵉ ⵅⴻⵏⵏⵉ ⵉⴵⴰ ⵓⵊⴻⴵⵉⴷ ⵏⵡⴻⵎ ⴷ ⴰⵡⵔⵉⵜ ⵏ ⵊⴰⴷ ⵓ ⵎⴰⵢⴻⵎⵎⵉ ⵉⵥⴻⴷⴷⴻⵖ ⵍⴳⴻⵏⵙ ⵏⵏⴻⵙ ⴷⵉ ⵜⵏⴻⴷⴷⴰⵎ ⵏ ⵊⴰⴷ? ^■   2 ⵙ ⵓⵢⴻⵏⵏⵉ ⵅⵥⴰⵔ, ⵓⵙⵙⴰⵏ ⴰⴷ ⴷⴷ-ⴰⵙⴻⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⴷ ⵊⵊⴻⵖ ⴰⴷ ⵜⵜⵡⴰⵙⵍⴻⵏ ⵅ ⵜⴻⵏⴷⵉⵏⵜ ⵏ ⵔⴰⴱⴱⴰ ⵏ ⴰⵢⵜ ⵏ ⵄⴰⵎⵎⵓⵏ ⵉⵖⵓⵢⵢⴰⵏ ⵏ ⵓⵎⴻⵏⵖⵉ. ⴰⴷ ⵜⴻⴷⵡⴻⵍ ⵜⴻⵏⴷⵉⵏⵜ ⴷ ⵉⵛⵜ ⵏ ⵍⴳⴻⵄⵄⴷⴻⵜ ⵏ ⵍⵅⴰⵔⴱⴻⵜ ⵓ ⵜⵉⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ ⴰⴷ ⵜⴻⵏⵜ ⵇⵇⴷⴻⵏ ⵙ ⵜⵎⴻⵙⵙⵉ. ⵉⵙⵔⴰⵉⵍ ⴰⴷ ⵉⵡⴰⵔⵜ ⵄⴰⵡⴻⴷ ⵎⵉⵏ ⵥⵥⴰⵢⴻⵙ ⴽⴽⵙⴻⵏ ⴷ ⵍⵡⴰⵔⵜ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ.^■   3 ⵔⵓ, ⴰ ⵃⴰⵛⴱⵓⵏ, ⵎⴰⵖⴰⵔ ⵜⴰⵏⴷⵉⵏⵜ ⵏ ⵄⴰⵢ ⵜᵉⵜⵜⵡⴰⵔⴻⴷⴷⴻⴵ, ⵙⵖⵓⵢⵢⴻⵏⵜ, ⴰ ⴽⴻⵏⵏⵉⵏⵜ ⵢⴻⵙⵙⵉⵙ ⵏ ⵔⴰⴱⴱⴰ, ⵃⴻⵥⵥⵎⴻⵏⵜ ⵙ ⵜⵅⵓⵏⵛⴰⵢ ⵏ ⵡⴻⵛⴹⴰⵏ, ⵛⴻⴹⵏⴻⵏⵜ ⵓⵛⴰ ⵓⵢⵓⵔⴻⵏⵜ ⵖⴰⵔ ⴷⴰ ⴷ ⴷⵉⵀⴰ ⵖⴰⵔ ⵓⵖⴻⵥⴷⵉⵙ ⵏ ⵉⵛⴱⴰⵔⴻⵏ, ⵎⴰⵖⴰⵔ ⴰⵊⴻⴵⵉⴷ ⵏⵡⴻⵎ, ⵎⵉⵍⴽⵓⵎ, ⴰⴷ ⵉⵜⵜⵡⴰⵏⴷⴻⵀ ⵖⴰⵔ ⵍⵎⴻⵏⴼⴰ, ⵉⴽⴻⵀⵀⴰⵏⴻⵏ ⵏⵏⴻⵙ ⴰⴽ-ⴷ ⵍⵃⵓⴽⴽⴰⵎ ⵏⵏⴻⵙ.’ ”^■  

4 “ⵎⴻⵛⵃⴰⵍ ⵜᵉⵜⵜⴼⴻⵢⵢⵛⴻⴷ ⵙ ⵍⴻⵡⴹⴰⵜ ⵏ ⵜⴻⵖⵥⵓⵔⵉⵏ ⵏⵏⴻⵎ, ⵙ ⵓⴼⴻⵢⵢⴻⴹ ⵏ ⵍⴻⵡⴹⴰ ⵏⵏⴻⵎ ⵏ ⵜⴻⵖⵥⵓⵔⵜ, ⴰ ⵛⴻⵎ ⵢⴻⴵⵉⵙ ⵉⴽⴼⴰⵔⴻⵏ, ⵜⴻⵏⵏⵉ ⵉⵜⵜⵛⴰⵍⴰⵏ ⵅ ⵡⴰⴳⵍⴰ ⵏⵏⴻⵙ, ⵜⴻⵇⵇⴰⵔ: ‘ⵡⵉ ⴷⴷ ⵖⴰⵔⵉ ⵉ ⵖⴰ ⵉⵇⴰⵔⵔⴱⴻⵏ?’ ^■   5 ⵅⵥⴰⵔ, ⴰⴷ ⵅⴰⵎ ⴷⴷ-ⵖⴻⴹⵔⴻⵖ ⵜⵉⴳⴳⵯⵓⴷⵉ ⵥⵉ ⵎⴰⵔⵔⴰ ⵉⵖⴻⵥⴷⵉⵙⴻⵏ ⵏⵏⴻⵎ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ ⵏ ⵍⵄⴻⵙⴽⴰⵔⴰⵜ. ⴽⴻⵏⵏⵉⵡ ⴰⴷ ⵜᵉⵜⵜⵡⴰⵄⴰⵔⵔⵏⴻⵎ, ⴽⵓⵍ ⵉⵊⵊ ⵏⵉⵛⴰⵏ ⵖⴰⵔ ⵥⵥⴰⵜ, ⵓⵛⴰ ⵡⴰⵔ ⴷⵉⵏ ⵓⵍⴰ ⴷ ⵉⵊⵊⴻⵏ ⵡⴻⵏⵏⵉ ⵉ ⵖⴰ ⵉⵙⵙⵎⵓⵏⴻⵏ ⵉⵏⵏⵉ ⵢⴰⵔⴻⵡⵍⴻⵏ. 6 ⵎⴰⵛⴰ ⴰⵡⴰⵔⵏⵉ ⴰⵙ ⴰⴷ ⵙⵙⴻⵏⵇⴻⵍⴱⴻⵖ ⵜⴰⵎⴻⵃⴱⴰⵙⵜ ⵏ ⴰⵢⵜ ⵏ ⵄⴰⵎⵎⵓⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ.”

7 ⵅ ⵉⴷⵓⵎ

“ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ: ‘ⵎⴰ ⵡⴰⵔ ⵜⴻⴵⵉ ⵄⴰⴷ ⵜⵉⵖⵉⵜ ⴷⵉ ⵜⵉⵢⵎⴰⵏ? ⵎⴰ ⵉⴱⴹⴻⵍ ⵛⵛⵡⴰⵔ ⵏ ⵉⵎⵉⵖⵉⵙⴻⵏ? ⵎⴰ ⵜⴹⴻⵢⵢⴻⵄ ⵜⵉⵖⵉⵜ ⵏⵙⴻⵏ? ^■   8 ⴰⵔⴻⵡⵍⴻⵎ, ⴷⴻⵡⵍⴻⵎ, ⴼⴼⴰⵔⴻⵎ ⴷⴻⴳ ⵉⵎⵓⵛⴰⵏ ⵢⵓⴵⵖⴻⵏ, ⴽⴻⵏⵏⵉⵡ ⵉⵎⴻⵥⴷⴰⵖ ⵏ ⴷⴰⴷⴰⵏ, ⵎⴰⵖⴰⵔ ⵏⴻⵛⵛ ⴰⴷ ⵅⴰⵙ ⴰⵡⵢⴻⵖ ⴰⴹⴻⵢⵢⴻⵄ ⵏ ⵄⵉⵙⵓ, ⴰⴽⵓⴷ ⵏⵏⵉ ⴷⵉ ⴰⴷ ⵜ ⵄⴰⵇⴱⴻⵖ. ^■   9 ⵎⴰⵍⴰ ⵓⵙⵉⵏ-ⴷⴷ ⵖⴰⵔⴻⴽ ⵉⵎⴻⵍⵇⴰⴹ ⵏ ⵓⴹⵉⵍ, ⵎⴰ ⵅⴻⵏⵏⵉ ⵡⴰⵔ ⵜⵜⴻⵊⵊⵉⵏ ⵛⴰ ⴰⵡⴰⵔⵏⵉ ⴰⵙⴻⵏ? ⵎⴰⵍⴰ ⵓⵙⵉⵏ-ⴷⴷ ⵉⵅⴻⵡⵡⴰⵏⴻⵏ ⵙ ⴵⵉⵍⴻⵜ, ⵎⴰ ⵅⴻⵏⵏⵉ ⵡⴰⵔ ⵜⵜⴹⴻⵢⵢⵉⵄⴻⵏ ⴰⵍ ⵖⴰ ⵊⵊⵉⵡⵏⴻⵏ? ^■  

10 ⵏⴻⵛⵛ ⵎⴰⵛⴰ ⵇⴻⵛⵛⴰⵔⴻⵖ ⵜⴰⵎⵎⵓⵔⵜ ⵏ ⵄⵉⵙⵓ, ⵄⴰⵔⵔⵉⵖ ⵅ ⵉⵎⵓⵛⴰⵏ ⵏⵏⴻⵙ ⵉⵏⵏⵓⴼⴼⴰⵔⴻⵏ ⴰⵍⴰⵎⵉ ⵡⴰⵔ ⵉⵥⴻⵎⵎⴰⵔ ⵄⴰⴷ ⴰⴷ ⵉⵏⵏⵓⴼⴼⴰⵔ. ⵜⴰⵔⵡⴰ ⵏⵏⴻⵙ ⵜⵜⵡⴰⵔⴻⴷⴷⴵⴻⵏ, ⵓⵍⴰ ⴷ ⴰⵢⵜⵎⴰⵙ ⴷ ⵊⵊⵉⵔⴰⵏ ⵏⵏⴻⵙ, ⴰⵇⴰ ⵏⴻⵜⵜⴰ ⵡⴰⵔ ⵉⴵⵉ ⵄⴰⴷ.

11 ⴻⵊⵊ ⵉⵢⵓⵊⵉⵍⴻⵏ ⵏⵏⴻⴽ, ⵏⴻⵛⵛ ⴰⴷ ⵜⴻⵏ ⵃⴹⵉⵖ ⴰⴷ ⵇⵇⵉⵎⴻⵏ ⴷⴷⴰⵔⴻⵏ, ⵜⵉⵊⵊⴰⵍ ⵏⵏⴻⴽ ⴻⵊⵊ ⵉ-ⵜⴻⵏⵜ ⴰⴷ ⵅⴰⴼⵉ ⵜⵜⴻⵛⵍⴻⵏⵜ.

12 ⵎⴰⵖⴰⵔ ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ⵅⵥⴰⵔ, ⵉⵏⵏⵉ ⵡⴰⵔ ⵜ ⵉⵙⵙⴷⵉⵀⴻⴵⴻⵏ ⴰⴷ ⵙⵡⴻⵏ ⵥⵉ ⵍⴽⴰⵙ, ⴰⴷ ⵥⵥⴰⵢⴻⵙ ⵙⵡⴻⵏ. ⵓ ⵛⴻⴽ ⵡⴻⵏⵏⵉ ⵜ ⵉⵙⵙⴷⴰⵀⴻⴵⴻⵏ, ⵎⴰ ⴰⴷ ⵜᵉⵜⵜⵡⴰⴱⴰⵔⵔⵉⴷ? ⵡⴰⵔ ⵜᵉⵜⵜⵡⴰⴱⴰⵔⵔⵉⴷ ⵛⴰ ⵄⴻⵎⵎⴰⵔⵚ, ⴰⴷ ⵥⵥⴰⵢⴻⵙ ⵜⴻⵙⵡⴻⴷ ⵙ ⵓⵖⵉⵍ!

13 ⵎⴰⵖⴰⵔ ⵏⴻⵛⵛ ⵊⵊⵓⴵⴻⵖ ⵖⴰⵔ ⵉⵅⴻⴼ ⵉⵏⵓ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⵇⴰ ⴱⵓⵚⵔⴰ ⴰⴷ ⵉⴷⵡⴻⵍ ⴷ ⵉⵊⵊ ⵏ ⵓⵎⴻⴷⵢⴰ ⵏ ⵓⵙⵏⴻⵅⵍⵉⵄ, ⴷ ⵍⵄⴰⵔ, ⴷ ⵉⵛⵜ ⵏ ⵊⵊⵉⵀⴻⵜ ⵉⵜⵜⵡⴰⵅⴰⵔⵔⴱⴻⵏ ⵓⵍⴰ ⴷ ⵉⵛⵜ ⵏ ⵏⵏⴻⵄⵍⴻⵜ, ⵓⵛⴰ ⵎⴰⵔⵔⴰ ⵜⵉⵏⴻⴷⴷⴰⵎ ⵏⵏⴻⵙ ⴰⴷ ⴷⴻⵡⵍⴻⵏⵜ ⴷ ⵍⵅⵉⵔⴱⴰⵜ ⵉ ⵍⴻⴱⴷⴰ.”

14 “ⵏⴻⵛⵛ ⵙⵍⵉⵖ ⵉⵊⵊ ⵏ ⵍⴻⵅⴱⴰⵔ ⵥⵉ ⵙⵉⴷⵉ, ⴰⵇⴰ ⵉⵜⵜⵡⴰⵙⵙⴻⴽⴽ-ⴷⴷ ⵉⵊⵊ ⵏ ⵓⵔⴻⵇⵇⴰⵙ ⵊⴰⵔ ⵍⴻⴳⵏⵓⵙ ⵃⵉⵎⴰ ⴰⴷ ⵢⵉⵏⵉ: ‘ⵙⵎⵓⵏⴻⵎ, ⵙⴳⴻⵄⵄⴷⴻⵎ ⵅⴰⵙ, ⴽⴽⴰⵔⴻⵎ ⵖⴰⵔ ⵓⵎⴻⵏⵖⵉ!’ ^■  

15 ⵎⵉⵏⵥⵉ ⵅⵥⴰⵔ, ⵏⴻⵛⵛ ⵙⵙⴻⵎⵥⵉⵢⴻⵖ ⵏⵏⴻⴽ ⵊⴰⵔ ⵍⴻⴳⵏⵓⵙ, ⵜᵉⵜⵜⵡⴰⵙⴻⵃⵇⴰⵔⴻⴷ ⵊⴰⵔ ⵉⵡⴷⴰⵏ.

16 ⵍⴻⵃⴽⴰⵎⴻⵜ ⵏⵏⴻⴽ ⵉⵙⵙⴰⴳⴳⵯⴰⴷⴻⵏ ⵜⵖⴰⵔⵔ ⵉ ⵛⴻⴽ ⵓⵍⴰ ⴷ ⵏⵏⴼⴰⵅⴻⵜ ⵏ ⵡⵓⵍ ⵏⵏⴻⴽ, ⴰ ⵛⴻⴽ ⵡⴻⵏⵏⵉ ⵉⵥⴻⴷⴷⵖⴻⵏ ⴷⴻⴳ ⵉⴼⵔⴰⵏ ⵏ ⵍⴻⵊⵔⵓⴼ, ⵡⴻⵏⵏⵉ ⵉⵜⵜⵛⴻⴱⴱⴰⵔⴻⵏ ⴷⵉ ⵜⵇⵉⵛⵛⴻⵜ ⵏ ⵜⴻⵡⵔⵉⵔⵉⵏ! ⵡⴰⵅⵅⴰ ⵜⴻⴳⴳⵉⴷ ⵍⵄⵓⵛⵛ ⵏⵏⴻⴽ ⵙⴻⵏⵏⴻⵊ ⵇⴰⵄ ⴰⵎ ⵓⴳⵉⴷⴻⵔ, ⵏⴻⵛⵛ ⴰⴷ ⵛⴻⴽ ⴷⴷ-ⵖⴻⴹⵍⴻⵖ ⵙⵙⴻⵏⵏⵉ, ⵉⵇⵇⴰⵔ ⵙⵉⴷⵉ. ^■  

17 ⵉⴷⵓⵎ ⴰⴷ ⵉⴷⵡⴻⵍ ⴷ ⵉⵊⵊ ⵏ ⵓⵎⴻⴷⵢⴰ ⵏ ⵓⵙⵏⴻⵅⵍⵉⵄ. ⴽⵓⵍ ⵉⵊⵊ ⵡⴻⵏⵏⵉ ⴷⴷ ⴰⵙ ⵉ ⵖⴰ ⵉⴽⴽⴻⵏ, ⴰⴷ ⵉⵏⵏⴻⵅⵍⴻⵄ ⵓ ⴰⴷ ⵉⵚⴻⴼⴼⴰⵔ ⵙ ⵡⴻⵙⵔⵓⴱⵉ ⵅ ⵎⴰⵔⵔⴰ ⵊⵊⵄⴰⵢⴻⴼ ⵏⵏⴻⵙ. ^■  

18 ⴰⵎⴻⵛⵏⴰⵡ ⵖⴰⵔ ⵓⵏⴻⵇⵍⴻⴱ ⵏ ⵙⴰⴷⵓⵎ ⴷ ⵄⴰⵎⵓⵔⵔⴰ ⴷ ⴷⵛⵓⵔⴰⵜ ⵏⵏⴻⵙ ⵢⵓⴷⵙⴻⵏ, ⵉⵇⵇⴰⵔ ⵙⵉⴷⵉ, ⵡⴰⵔ ⴷⵉⵏⵏⵉ ⵉⵥⴻⴷⴷⴻⵖ ⵄⴰⴷ ⵓⵍⴰ ⴷ ⵉⵊⵊ ⵓ ⵡⴰⵔ ⴷⴰⵢⴻⵙ ⵉⵜⵜⵖⵉⵎⵉ ⵄⴰⴷ ⵓⵍⴰ ⴷ ⵉⵊⵊ ⵏ ⵎⵎⵉⵙ ⵏ ⴱⵏⴰⴷⴻⵎ ⴷ ⴰⴱⴰⵔⵔⴰⵏⵉ. ^■  

19 ⵅⵥⴰⵔ, ⴰⵎ ⵉⵊⵊ ⵏ ⵡⴰⵢⵔⴰⴷ ⴰⴷ ⴷⴷ-ⵉⴳⴻⵄⵄⴻⴷ ⵥⵉ ⵛⴱⴰⵔⵇ ⵉⵇⵇⵏⴻⵏ ⵏ ⵍ'ⵓⵔⴷⵓⵏ ⴹⵉⴷⴷ ⵉ ⵜⵥⴻⴷⴷⵉⵖⵜ ⵉⵊⴻⵀⴷⴻⵏ, ⵅⴻⵏⵏⵉ ⴷⴻⴳ ⵡⴻⵔⵎⴰⵛ ⵏ ⵡⴰⴱⵍⵉⵡⴻⵏ ⴰⴷ ⵜⴻⵏ ⴰⵔⵔⴻⵖ ⴰⴷ ⴰⵥⵥⵍⴻⵏ ⵙⵙⴻⵏⵏⵉ, ⵓ ⵡⴻⵏⵏⵉ ⵓⵎⵉ ⴼⴰⵔⵥⴻⵖ, ⴰⴷ ⵅⴰⵙ ⵜ ⴰⵔⴻⵛⵛⵃⴻⵖ. ⵎⴰⵖⴰⵔ ⵎⴰⵏ ⵡⴻⵏ ⵉⴵⴰⵏ ⴰⵎ ⵏⴻⵛⵛ, ⵎⴰⵏ ⵡⴻⵏ ⵅⴰⴼⵉ ⵉ ⴷⴷ ⵖⴰ ⵉⵍⴰⵖⴰⵏ ⵉ ⴷⴷⴻⵄⵡⴻⵜ? ⵎⴰⵏ ⵡⴻⵏ ⴷ ⴰⵎⴻⴽⵙⴰⵡ ⵡⴻⵏⵏⵉ ⵉ ⵖⴰ ⵉⵇⵇⵉⵎⴻⵏ ⵥⵥⴰⵜⵉ ⵉⴱⴻⴷⴷ? ^■   20 ⵙ ⵓⵢⴻⵏⵏⵉ ⵙⵍⴻⵎ ⵉ ⵓⵛⴰⵡⴰⵔ ⵏ ⵙⵉⴷⵉ ⵏⵏⵉ ⵉⵇⴹⴻⵄ ⵅ ⵉⴷⵓⵎ, ⵓ ⵙⵍⴻⵎ ⵉ ⵉⵏⵡⴰⵢⴻⵏ ⵏⵏⵉ ⵉⵅⴰⵔⵔⴻⵚ ⵅ ⵉⵎⴻⵥⴷⴰⵖ ⵏ ⵜⴰⵢⵎⴰⵏ: ‘ⵙ ⵜⵉⴷⴻⵜⵜ, ⵉⵏⵏⵉ ⵉⵎⴻⵥⵢⴰⵏⴻⵏ ⴰⵟⵟⴰⵙ ⵥⴻⴳ ⵡⵓⴵⵉ ⴰⴷ ⵜⴻⵏ ⵊⴰⵔⵔⴻⵏ, ⵙ ⵜⵉⴷⴻⵜⵜ, ⵜⴰⵥⴻⴷⴷⵉⵖⵜ ⵏⵙⴻⵏ ⴰⴷ ⵜᵉⵜⵜⵡⴰⵙⵙⵏⴻⵅⵍⴻⵄ!’ 21 ⵜⴰⵎⵎⵓⵔⵜ ⵜᵉⵜⵜⴻⵏⵀⴻⵥⵥⴰ ⵙ ⵍⵃⴻⵙⵙ ⵏ ⵓⵡⴻⵟⵟⵓ ⵏⵙⴻⵏ, ⵙ ⵜⵖⵓⵢⵢⵉⵜ ⵉ ⵥⵉ ⵖⴰ ⵉⵜⵜⵡⴰⵙⴻⵍ ⵍⵃⴻⵙⵙ ⵏⵏⴻⵙ ⵖⴰⵔⴻⵙ ⴰⵍ ⵍⴻⴱⵃⴰⵔ ⵏ ⵜⴻⵍⴳⴰ. 22 ⵅⵥⴰⵔ, ⵉⵜⵜⴳⴻⵄⵄⴰⴷ ⴰⵎ ⵉⵊⵊ ⵏ ⵓⴳⵉⴷⴻⵔ ⵖⴰⵔ ⵓⵊⴻⵏⵏⴰ, ⵉⵜⵜⴻⵃⵔⴰⵔⴰ, ⵉⵜⵜⴱⴻⵥⵥⴰⵄ ⴰⴼⵔⵉⵡⴻⵏ ⵏⵏⴻⵙ ⵜⵉⵡⴰ ⵏ ⴱⵓⵚⵔⴰ. ⴷⴻⴳ ⵡⴰⵙⵙ ⵏⵏⵉ ⴰⴷ ⵢⵉⵍⵉ ⵡⵓⵍ ⵏ ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵏ ⵉⴷⵓⵎ ⴰⵎ ⵡⵓⵍ ⵏ ⵉⵛⵜ ⵏ ⵜⴻⵎⵖⴰⵔⵜ ⵙ ⵍⴻⵃⵔⵉⵇ ⵏ ⵜⴰⵔⵡⴰ.” ^■  

23 ⵅ ⴷⵉⵎⴰⵛⵇ

“ⵃⴰⵎⴰⵜ ⴷ ⴰⵔⴼⴰⴷ ⵙⵙⴻⴹⵃⴰⵏ, ⵎⴰⵖⴰⵔ ⵏⵉⵜⵏⵉ ⵙⵍⵉⵏ ⵉ ⵡⴰⵔⴻⵇⵇⴰⵙ ⴷ ⴰⵄⴻⴼⴼⴰⵏ, ⴼⴻⵛⵍⴻⵏ. ⵖⴰⵔ ⵍⴻⴱⵃⴰⵔ ⵜᵉⵜⵜⵡⴰⴼ ⵍⴻⵃⵚⴰⵔⴻⵜ, ⴱⵏⴰⴷⴻⵎ ⵡⴰⵔ ⵉⵥⴻⵎⵎⴰⵔ ⴰⴷ ⵢⴰⵔⵙⴰ ⴷⵉⵏ.^■   24 ⵜⴰⵔⵅⵓ ⵜⴻⵏⴷⵉⵏⵜ ⵏ ⴷⵉⵎⴰⵛⵇ, ⵜⴻⵏⵏⴻⵇⵍⴻⴱ ⵎⴰⵃⴻⵏⴷ ⴰⴷ ⵜᵉⵟⵟⴻⴼ ⴷⵉ ⵜⴰⵔⴻⵡⵍⴰ. ⵉⵎⵏⴻⵄ ⵉ-ⵜⵜ ⵓⵇⴷⵉⴷⴷⴻⵙ. ⵍⴻⵃⵚⴰⵔⴻⵜ ⴷ ⵍⴻⵡⵊⴻⵄ ⵟⵟⴼⴻⵏ ⵜⵜ ⴰⵎⴻⵛⵏⴰⵡ ⵜⴻⵏⵏⵉ ⵉⵜⵜⴰⵔⵡⴻⵏ. ^■   25 ‘ⵜⴰⵏⴷⵉⵏⵜ ⵉⵛⴻⵏⵄⴻⵏ, ⵎⴰ ⵡⴰⵔ ⵜⴻⴳⴳⵉ ⴰⵎ ⵜⴻⵏⵏⵉ ⵉⵜⵜⵡⴰⵊⵊⴻⵏ, ⵜⴰⵏⴷⵉⵏⵜ ⵏ ⵍⴻⴼⵔⴰⵃⴻⵜ ⵉⵏⵓ!?’ 26 ⵙ ⵓⵢⴻⵏⵏⵉ ⴰⴷ ⵡⴹⴰⵏ ⵉⵃⵓⴷⵔⵉⵢⵢⴻⵏ ⵏⵏⴻⵙ ⴷⴻⴳ ⵡⴰⵥⵥⴰⵢⴻⵏ ⵓ ⵎⴰⵔⵔⴰ ⵉⵄⴻⵙⴽⴰⵔⵉⵢⵢⴻⵏ ⴰⴷ ⵜⵜⵡⴰⵙⴻⵖⴷⴻⵏ ⴷⴻⴳ ⵡⴰⵙⵙ ⵏⵏⵉ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ. 27 ⵏⴻⵛⵛ ⴰⴷ ⵙⵙⴰⵔⵖⴻⵖ ⵜⵉⵎⴻⵙⵙⵉ ⴷⴰⵅⴻⵍ ⴷⵉ ⵍⴻⵃⵢⵓⴹ ⵏ ⴷⵉⵎⴰⵛⵇ, ⴰⴷ ⵜⴻⵛⵛ ⵍⴻⵇⵚⵓⵔ ⵏ ⴱⵉⵏⵀⴰⴷⴰⴷ.” ^■  

28 ⵅ ⵇⵉⴷⴰⵔ ⴷ ⵜⴳⴻⵍⴷⵉⵜⵉⵏ ⵏ ⵃⴰⵚⵓⵔ ⵏⵏⵉ ⵉⵖⵍⴻⴱ ⵏⴰⴱⵓⵅⴰⴷⵔⴰⵚⵚⴰⵔ, ⴰⵊⴻⴵⵉⴷ ⵏ ⴱⴰⴱⵉⵍ.

“ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⴽⴽⴰⵔⴻⵎ ⵓⵛⴰ ⵀⴻⵊⵎⴻⵎ ⵅ ⵇⵉⴷⴰⵔ ⵓⵛⴰ ⴰⵔⴻⴷⴷⴵⴻⵎ ⴰⵢⵜ ⵏ ⵛⵛⴰⵔⵇ.

29 ⵏⵉⵜⵏⵉ ⴰⴷ ⴰⵙⴻⵏ ⴽⴽⵙⴻⵏ ⵉⵇⵉⴹⴰⵏ ⵏⵙⴻⵏ ⴷ ⵡⵓⴵⵉ ⵏⵙⴻⵏ, ⵜⵉⵊⴰⵔⵜⵉⵍⵉⵏ ⵏ ⵓⵇⵉⴹⴰⵏ ⵏⵙⴻⵏ ⴷ ⵎⴰⵔⵔⴰ ⵍⵇⴻⵛⵛ ⵏⵙⴻⵏ. ⵓⵛⴰ ⵓⵍⴰ ⴷ ⵉⵍⴻⵖⵎⴰⵏ ⵏⵙⴻⵏ ⴰⴷ ⵜⴻⵏ ⴰⵡⵢⴻⵏ ⴰⴽⵉⴷⵙⴻⵏ. ⴰⴷ ⵅⴰⵙⴻⵏ ⵙⵖⵓⵢⵢⴻⵏ: ‘ⴰⵙⵉⴳⴳⵯⴻⴷ ⵎⴰⵏⵉⵙ ⵎⵎⴰ!’ 30 ⴰⵔⴻⵡⵍⴻⵎ, ⴱⴻⵄⵄⴷⴻⵎ, ⴼⴼⴰⵔⴻⵎ ⴷⴻⴳ ⵉⵎⵓⵛⴰⵏ ⵢⵓⴵⵖⴻⵏ, ⴽⴻⵏⵏⵉⵡ ⵉⵎⴻⵥⴷⴰⵖ ⵏ ⵃⴰⵚⵓⵔ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⵎⴰⵖⴰⵔ ⵏⴰⴱⵓⵅⴰⴷⵔⴰⵚⵚⴰⵔ, ⴰⵊⴻⴵⵉⴷ ⵏ ⴱⴰⴱⵉⵍ, ⵉⵇⴹⴻⵄ ⵅⴰⵡⴻⵎ ⴰⵛⴰⵡⴰⵔ ⵓⵛⴰ ⵉⵅⴰⵔⵔⴻⵚ ⴷⴻⴳ ⵉⵊⵊ ⵏ ⵡⴻⵏⵡⴰⵢ ⵅⴰⵡⴻⵎ. 31 ⴽⴽⴰⵔⴻⵎ, ⴳⴻⵄⵄⴷⴻⵎ ⵅ ⵉⵊⵊ ⵏ ⵍⴳⴻⵏⵙ ⵏⵏⵉ ⵉⵥⴻⴷⴷⵖⴻⵏ ⴷⵉ ⵍⵀⵓⴷⵏⴻⵜ ⵓ ⴷⵉ ⵍⴰⵎⴰⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⵉⵊⵊ ⵏ ⵍⴳⴻⵏⵙ ⵡⴰⵔ ⵖⴰⵔⴻⵙ ⴱⵓ ⵜⴻⵡⵡⵓⵔⴰ ⵓⵍⴰ ⴷ ⵥⵥⴻⵏⴽⵔⵓⵏ, ⵡⴻⵏⵏⵉ ⵉⵥⴻⴷⴷⵖⴻⵏ ⵡⴻⵃⵃⴷⴻⵙ. 32 ⵉⵍⴻⵖⵎⴰⵏ ⵏⵙⴻⵏ ⴰⴷ ⵜⵜⵡⴰⵃⴻⵡⵡⵙⴻⵏ ⵓⵛⴰ ⴰⴱⴰⵔⵔⵓ ⵏ ⵜⵃⵉⵎⵔⵉⵡⵉⵏ ⵏⵙⴻⵏ ⵏ ⵍⵎⴰⵍ ⴰⴷ ⵜⵜⵡⴰⵛⴰⵔⴻⵏⵜ ⵓ ⵏⴻⵛⵛ ⴰⴷ ⵜⴻⵏ ⵥⵓⵥⵥⴰⵔⴻⵖ ⵖⴰⵔ ⵎⴰⵔⵔⴰ ⵉⵙⴻⵎⵎⵉⴹⴻⵏ, ⵎⴰⵔⵔⴰ ⵉⵏⵏⵉ ⵉⵜⵜⵃⴻⴼⴼⴰⵏ ⴰⵛⴻⵡⵡⴰⴼ ⵅ ⵟⵟⵔⵓⴼⴰ ⵏ ⵜⴻⵏⵢⴰⵔⵜ ⴷ ⵜⵎⴰⵔⵜ. ⵏⴻⵛⵛ ⴰⴷ ⵅⴰⵙⴻⵏ ⴷⴷ-ⴰⵡⵢⴻⵖ ⴰⴹⴻⵢⵢⴻⵄ ⵥⵉ ⵎⴰⵔⵔⴰ ⵉⵖⴻⵥⴷⵉⵙⴻⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ. ^■   33 ⵀⴰⵚⵓⵔ ⴰⴷ ⵉⴷⵡⴻⵍ ⴷ ⵜⴰⵥⴻⴷⴷⵉⵖⵜ ⵉ ⵡⵓⵛⵛⴰⵏⴻⵏ ⵏ ⵍⴻⵅⵍⴰ, ⵉⵛⵜ ⵏ ⵍⵅⴰⵔⴱⴻⵜ ⵉ ⵍⴻⴱⴷⴰ. ⵡⴰⵔ ⴷⴰⵢⴻⵙ ⵉⵥⴻⴷⴷⴻⵖ ⵄⴰⴷ ⵓⵍⴰ ⴷ ⵉⵊⵊⴻⵏ ⵓⵛⴰ ⵓⵍⴰ ⴷ ⵉⵊⵊ ⵏ ⵎⵎⵉⵙ ⵏ ⴱⵏⴰⴷⴻⵎ ⴰⴷ ⴷⵉⵏ ⵉⵇⵇⵉⵎ ⵄⴰⴷ ⴰⵎ ⵓⴱⴰⵔⵔⴰⵏⵉ.’ ” ^■  

34 ⴰⵡⴰⵍ ⵏ ⵙⵉⴷⵉ ⵉ ⵓⵏⴰⴱⵉ ⵉⵔⵎⵉⵢⴰ ⵉ ⵜⵓⵖⴰ ⵅ ⵄⵉⵍⴰⵎ, ⴷⴻⴳ ⵓⵎⴻⵥⵡⴰⵔⵓ ⵏ ⵜⴳⴻⵍⴷⴰ ⵏ ⵚⵉⴷⵇⵉⵢⴰ, ⴰⵊⴻⴵⵉⴷ ⵏ ⵢⴰⵀⵓⴷⴰ, ⵉⵏⵏⴰ:

35 “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ: ‘ⵅⵥⴰⵔ, ⵏⴻⵛⵛ ⴰⴷ ⴰⵔⵥⴻⵖ ⵍⵇⴻⵡⵙ ⵏ ⵄⵉⵍⴰⵎ, ⴰⵎⴻⵥⵡⴰⵔⵓ ⵏ ⵜⵥⴻⵎⵎⴰⵔ ⵏⵙⴻⵏ ⵏ ⴰⵢⵜ ⵏ ⴱⵓ-ⵜⴻⵖⵔⵓⴹⵜ. 36 ⵏⴻⵛⵛ ⴰⴷ ⴷⴷ-ⵙⵙⴻⵀⵡⵉⵖ ⵅ ⵄⵉⵍⴰⵎ ⴰⵔⴻⴱⵄⴰ ⵏ ⵉⵙⴻⵎⵎⵉⴹⴻⵏ ⵥⵉ ⴰⵔⴻⴱⵄⴰ ⵏ ⵜⵖⴻⵎⵎⵓⵔⴰ ⵏ ⵓⵊⴻⵏⵏⴰ ⵓ ⵖⴰⵔ ⵎⴰⵔⵔⴰ ⵊⵊⵡⴰⵢⴻⵀ ⵏ ⵉⵙⴻⵎⵎⵉⴹⴻⵏ ⴰⴷ ⵜⴻⵏ ⵥⵓⵥⵥⴰⵔⴻⵖ. ⵡⴰⵔ ⵉⵜⵜⵉⵍⵉ ⴱⵓ ⵍⴳⴻⵏⵙ ⵎⴰⵏⵉ ⵡⴰⵔ ⴷⴷ-ⵜⵜⵉⵙⴻⵏ ⵉⵏⵏⵉ ⵅ ⵓⵥⵥⵍⴻⵏ ⵥⵉ ⵄⵉⵍⴰⵎ. 37 ⵏⴻⵛⵛ ⴰⴷ ⵙⵙⵏⴻⵅⵍⵄⴻⵖ ⴰⵢⵜ ⵏ ⵄⵉⵍⴰⵎ ⵥⵥⴰⵜ ⵉ ⵍⵄⴻⴷⵢⴰⵏ ⵏⵙⴻⵏ ⵓ ⵥⵥⴰⵜ ⵉ ⵢⴻⵏⵏⵉ ⵢⴰⵔⴻⵥⵥⵓⵏ ⵜⵓⴷⴰⵔⵜ ⵏⵙⴻⵏ. ⵏⴻⵛⵛ ⴰⴷ ⴷⴷ-ⵖⴻⴹⵍⴻⵖ ⵍⵖⴰⵔ ⵅⴰⵙⴻⵏ, ⵍⵃⴰⴷⵓⵇ ⵏ ⵡⴻⵖⴹⴰⴱ ⵉⵏⵓ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ. ⵏⴻⵛⵛ ⴰⴷ ⴰⵙⴻⵏ ⵙⵙⴻⴹⴼⴰⵔⴻⵖ ⵙⵙⵉⴼ ⵖⴰⵔⴻⵙ ⴰⵍ ⵜⴻⵏ ⵜⴻⵃⵃⵉⵖ. 38 ⵏⴻⵛⵛ ⴰⴷ ⵙⵙⴱⴻⴷⴷⴻⵖ ⵍⵄⴰⵔⵛ ⵉⵏⵓ ⴷⵉ ⵄⵉⵍⴰⵎ ⵓⵛⴰ ⴳⴳⵓⵔ ⴰⴷ ⵜⴻⵃⵃⵉⵖ ⴰⵊⴻⴵⵉⴷ ⴷ ⵍⵃⵓⴽⴽⴰⵎ ⵙⵙⴻⵏⵏⵉ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ. 39 ⴷⴻⴳ ⵓⵏⴻⴳⴳⴰⵔ ⵏ ⵡⵓⵙⵙⴰⵏ ⴰⴷ ⵙⵙⴻⵏⵇⴻⵍⴱⴻⵖ ⵜⴰⵎⴻⵃⴱⴰⵙⵜ ⵏ ⵄⵉⵍⴰⵎ ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ.’ ” ^■