1 ⴰⵡⴰⵍ ⵏ ⵙⵉⴷⵉ ⵏⵏⵉ ⴷⴷ-ⵢⵓⵙⵉⵏ ⵖⴰⵔ ⵓⵏⴰⴱⵉ ⵉⵔⵎⵉⵢⴰ, ⴰⵡⴰⵍ ⵉ ⵉⵡⴻⵊⵊⵀⴻⵏ ⴹⵉⴷⴷ ⵉ ⵉⴼⵉⵍⵉⵙⵟⵉⵏⵉⵢⵢⴻⵏ ⵇⴱⴻⵍ ⵎⴰ ⵉⵡⵜⴰ ⴼⵉⵔⵄⵓⵏ ⵖⴰⵥⵥⴰ.

2 “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⵅⵥⴰⵔ, ⴰⵎⴰⵏ ⴳⴻⵄⵄⴷⴻⵏ ⵥⵉ ⵛⵛⴰⵎⴰⵍ, ⴰⴷ ⴷⴻⵡⵍⴻⵏ ⴷ ⵉⵛⵜ ⵏ ⵜⴻⵖⵥⴰⵔⵜ ⵜⴻⵙⵙⴼⴰⵢ. ⴰⴷ ⵃⴻⵎⵍⴻⵏ ⵅ ⵜⴻⵎⵎⵓⵔⵜ ⵓ ⵅ ⵎⴰⵔⵔⴰ ⵎⵉⵏ ⴷⴰⵢⴻⵙ ⵉⴵⴰⵏ, ⵜⴰⵏⴷⵉⵏⵜ ⴷ ⵉⵎⴻⵥⴷⴰⵖ ⵏⵏⴻⵙ. ⴰⴷ ⵙⵖⵓⵢⵢⴻⵏ ⵉⵡⴷⴰⵏ ⵓ ⵎⴰⵔⵔⴰ ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ ⴰⴷ ⵛⴻⴹⵏⴻⵏ ⴰⵟⵟⴰⵙ 3 ⵥⵉ ⵙⵙⵉⴱⴱⴻⵜ ⵏ ⵡⴻⵥⴱⴰⵔ ⵏ ⵜⴻⵛⵜⵉ ⵏ ⵜⵛⴻⴹⵢⵉⵏ ⵏ ⵢⴻⵢⵙⴰⵏ ⵉⵊⴻⵀⴷⴻⵏ, ⵥⵉ ⵙⵙⵉⴱⴱⴻⵜ ⵏ ⴷⴷⵔⵉⵥ ⵏ ⵉⴽⴰⵔⵔⵓⵜⴻⵏ ⵏ ⵓⵎⴻⵏⵖⵉ ⴷ ⵓⵇⴰⵔⵇⴻⴱ ⵏ ⵜⵊⴰⵔⵔⴰⵔⵉⵏ. ⵄⴰⴷ ⵉⴱⴰⴱⴰⵜⴻⵏ ⵡⴰⵔ ⵃⴻⴽⴽⴰⵔⴻⵏ ⵛⴰ ⵉ ⵉⵃⴻⵏⵊⵉⵔⴻⵏ ⵎⴰⵖⴰⵔ ⵉⴼⴰⵙⵙⴻⵏ ⵏⵙⴻⵏ ⴷⴻⵡⵍⴻⵏ ⴰⵔⴻⵀⴼⴻⵏ ^■   4 ⵥⵉ ⵙⵙⵉⴱⴱⴻⵜ ⵏ ⵡⴰⵙⵙ ⵉ ⴷⴷ ⵖⴰ ⵢⴰⵙⴻⵏ ⵃⵉⵎⴰ ⴰⴷ ⵜⵜⵡⴰⵜⴻⵃⵃⴰⵏ ⵎⴰⵔⵔⴰ ⴰⵢⵜ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ, ⵃⵉⵎⴰ ⴰⴷ ⵉⵜⵜⵡⴰⴽⴽⴻⵙ ⴽⵓⵍ ⴱⵓ-ⵜⵡⵉⵥⴰ ⵉ ⵉⵇⵇⵉⵎⴻⵏ ⵥⵉ ⵚⵓⵔ ⴷ ⵚⵉⴷⵓⵏ, ⵎⴰⵖⴰⵔ ⵙⵉⴷⵉ ⴰⴷ ⵉⵜⴻⵃⵃⴰ ⵉⴼⵉⵍⵉⵙⵟⵉⵏⵉⵢⵢⴻⵏ, ⵎⵉⵏ ⵉⵇⵇⵉⵎⴻⵏ ⵏ ⵜⴻⴳⵥⵉⵔⵜ ⵏ ⴽⴰⴼⵜⵓⵔ. ^■   5 ⵜⵓⵙⴰ-ⴷⴷ ⵜⵇⴻⵛⵛⴰⵔⵜ ⵅ ⵖⴰⵥⵥⴰ, ⵜⴻⵙⵙⴻⵖⴷ ⵜⴻⵎⵎⵓⵔⵜ ⵏ ⴰⵛⵇⴰⵍⵓⵏ ⵊⵎⵉⵄ ⴰⴽ-ⴷ ⵎⵉⵏ ⵉⵇⵇⵉⵎⴻⵏ ⵏ ⵍⴻⵡⴹⴰ ⵏ ⵜⴻⵖⵥⵓⵔⵜ ⵏⵙⴻⵏ. ⴰⵍ ⵎⴻⵍⵎⵉ ⵉ ⵖⴰ ⵜⴻⵇⵇⵉⵎⴻⴷ ⵄⴰⴷ ⵜⵅⴻⴱⴱⵛⴻⴷ ⵉⵅⴻⴼ ⵏⵏⴻⵎ? ^■   6 ⵓⵛⵜ, ⴰ ⵛⴻⴽ ⵙⵙⵉⴼ ⵏ ⵙⵉⴷⵉ, ⵖⴰⵔⴻⵙ ⴰⵍ ⵎⴻⵍⵎⵉ ⵉ ⵖⴰ ⵜⴻⵇⵇⵉⵎⴻⴷ ⵄⴰⴷ ⵏⴱⵍⴰ ⴰⵔⵔⴰⵃⴻⵜ? ⴷⵡⴻⵍ-ⴷⴷ ⵖⴰⵔ ⴼⵓⵔⵔⵓ ⵏ ⵡⴻⵖⵍⴰⴼ ⵏⵏⴻⴽ, ⵓⵛⴰ ⵇⵇⵉⵎ ⵡⴰⵔ ⵜⴻⵏⵀⴻⵥⵥⴰ! 7 ⵎⴰⵎⵎⴻⵛ ⵉ ⵖⴰ ⵜⴻⵇⵇⵉⵎⴻⴷ ⵜⴰⵔⵙⵉⴷ? ⴰⵇⴰ ⵙⵉⴷⵉ ⵢⵓⵎⵓⵔ ⵙⵙⵉⴼ ⴹⵉⴷⴷ ⵉ ⴰⵛⵇⴰⵍⵓⵏ ⵓ ⴹⵉⴷⴷ ⵉ ⵜⵎⴰ ⵏ ⵍⴻⴱⵃⴰⵔ, ⵉ ⵎⴰⵏⴰⵢⴻⵏⵏⵉ ⵉ ⵉⵜⵜⵡⴰⴳⴳ.’ ”