1 “ⴰⵔⵔⵓⵃ ⵏ ⵙⵉⴷⵉ, ⵙⵉⴷⵉ, ⵅⴰⴼⵉ ⵎⵉⵏⵥⵉ ⵉⴷⵀⴻⵏ ⴰⵢⵉ ⵙⵉⴷⵉ ⵉⵏⵓ ⵎⴰⵃⴻⵏⴷ ⴰⴷ ⴰⵡⵢⴻⵖ ⵍⴻⵅⴱⴰⵔ ⴰⵚⴻⴱⵃⴰⵏ ⵉ ⵉⵎⵡⴰⴹⵄⴻⵏ. ⵏⴻⵜⵜⴰ ⵉⵙⵙⴻⴽⴽ ⴰⵢⵉ-ⴷⴷ, ⵎⴰⵃⴻⵏⴷ ⴰⴷ ⵊⴱⴰⵔⴻⵖ ⵉⵏⵏⵉ ⵓⵎⵉ ⵉⵜⵜⵡⴰⵔⵥ ⵓⵍ ⵏⵙⴻⵏ, ⵎⴰⵃⴻⵏⴷ ⴰⴷ ⴱⴰⵔⵔⵃⴻⵖ ⵙ ⵜⵍⴻⵍⵍⵉ ⵉ ⵉⵎⴻⵃⴱⴰⵙ ⴷ ⵓⵏⵓⴼⵙⴻⵍ ⵥⵉ ⵍⴻⵃⴱⴻⵙ ⵉ ⵢⴻⵏⵏⵉ ⵉⵛⴰⵔⴼⴻⵏ, ^■   2 ⵎⴰⵃⴻⵏⴷ ⴰⴷ ⴱⴰⵔⵔⵃⴻⵖ ⴰⵙⴻⴳⴳⵯⴰⵙ ⵏ ⴰⵔⴹⴰ ⵉ ⵙⵉⴷⵉ ⴷ ⵡⴰⵙⵙ ⵏ ⵡⴻⵅⵍⴰⴼ ⵏ ⴰⵔⴻⴱⴱⵉ ⵏⵏⴻⵖ, ⵎⴰⵃⴻⵏⴷ ⴰⴷ ⵙⵙⴼⴻⵡⵡⵊⴻⵖ ⵎⴰⵔⵔⴰ ⵉⵏⵏⵉ ⵉⵛⴻⴹⵏⴻⵏ, 3 ⵎⴰⵃⴻⵏⴷ ⴰⴷ ⴳⴳⴻⵖ ⵉ ⵢⴻⵏⵏⵉ ⵉⵛⴻⴹⵏⴻⵏ ⴷⵉ ⵚⵉⵀⵢⵓⵏ ⴰⵇⴰ ⴰⴷ ⴰⵙⴻⵏ ⵡⵛⴻⵏ ⵍⴻⵀⵥⵓⵟ ⴷⴻⴳ ⵡⴻⵎⵛⴰⵏ ⵏ ⵢⵉⵖⵖⴻⴹ, ⵥⵥⴻⵛⵜ ⵏ ⵍⴻⴼⵔⴰⵃⴻⵜ ⴷⴻⴳ ⵡⴻⵎⵛⴰⵏ ⵏ ⵡⴻⵛⴹⴰⵏ, ⴰⵔⵔⵓⴹ ⵏ ⵓⵙⴻⵎⵖⴰⵔ ⴷⴻⴳ ⵡⴻⵎⵛⴰⵏ ⵏ ⴱⵓⵃⴱⴻⵍ ⵉⵜⵜⵡⴰⵔⵥⴻⵏ, ⵃⵉⵎⴰ ⴰⴷ ⴰⵙⴻⵏ ⵍⴰⵖⴰⵏ ‘ⵜⵉⵛⴻⵊⵊⵓⵔⴰ ⵏ ⵢⵉⴳⴳ ⵏ ⵜⵙⴻⴳⴷⴰ!’, ⵜⴻⵏⵏⵉ ⵉⵜⵜⵡⴰⵥⵥⵓⵏ ⵥⵉ ⵙⵉⴷⵉ, ⵉ ⵍⵄⴻⵥⵥ ⵏⵏⴻⵙ!

4 ⴰⴷ ⵙⵙⴱⴻⴷⴷⴻⵏ ⵍⵅⵉⵔⴱⴰⵜ ⵏ ⵡⴻⵛⵃⴰⵍ ⵓⵢⴰ, ⴰⴷ ⵄⴻⴷⵍⴻⵏ ⵍⴻⴱⵏⵉⵢⵢⴰⵜ ⵉⵀⴻⴷⵎⴻⵏ ⵏ ⵍⴻⵊⴷⵓⴷ ⵏⵙⴻⵏ, ⵓⵛⴰ ⴰⴷ ⵙⵙⴱⴻⴷⴷⴻⵏ ⵄⴰⵡⴻⴷ ⵜⵉⵏⴻⴷⴷⴰⵎ ⵉⵅⴰⵔⵔⴱⴻⵏ ⵏⵏⵉ ⵜⵓⵖⴰ ⵉⵀⴻⴷⵎⴻⵏ ⵥⵉ ⵊⵊⵉⵍ ⴰⵍ ⵊⵊⵉⵍ ⵏⵏⴻⵖⵏⵉ. ^■   5 ⵉⴱⴰⵔⵔⴰⵏⵉⵢⵢⴻⵏ ⴰⴷ ⵉⵍⵉⵏ ⵡⴻⵊⴷⴻⵏ ⵃⵉⵎⴰ ⴰⴷ ⴰⵔⴻⵡⵙⴻⵏ ⵓⴵⵉ ⵏⵡⴻⵎ ⵓⵛⴰ ⵉⴱⴰⵔⵔⴰⵏⵉⵢⵢⴻⵏ ⴰⴷ ⵉⵍⵉⵏ ⴷ ⵉⴼⴻⴵⴰⵃⴻⵏ ⵏⵡⴻⵎ ⴷ ⴰⵢⵜ ⵏ ⵜⵥⴰⵢⴰⵔⵜ ⵏⵡⴻⵎ. 6 ⴰⴷ ⴰⵡⴻⵎ ⵍⴰⵖⴰⵏ ⵎⴰⵛⴰ ‘ⵉⴽⴻⵀⵀⴰⵏⴻⵏ ⵏ ⵙⵉⴷⵉ!’ ⵓⵛⴰ ⴰⴷ ⴰⵡⴻⵎ ⵉⵏⵉⵏ ‘ⵉⵎⵙⴻⵅⵅⴰⵔⴻⵏ ⵏ ⴰⵔⴻⴱⴱⵉ ⵏⵏⴻⵖ!’. ⴰⴷ ⵜⴻⵛⵛⴻⵎ ⴰⴳⵍⴰ ⵏ ⵍⴻⴳⵏⵓⵙ ⵓⵛⴰ ⴰⴷ ⵜⴼⴻⵢⵢⵛⴻⵎ ⵙ ⵓⵄⵓⴵⵉ ⵏⵙⴻⵏ. ^■  

7 ⴷⴻⴳ ⵡⴻⵎⵛⴰⵏ ⵏ ⵓⵙⴻⴹⵃⵉ ⵏⵡⴻⵎ, ⴰⴷ ⵜᵉⵟⵟⴼⴻⵎ ⵜⵏⴰⵢⴻⵏ ⵏ ⵜⵙⴻⵇⵇⴰⵔ, ⵓ ⴷⴻⴳ ⵡⴻⵎⵛⴰⵏ ⵏ ⵍⴻⴼⴹⵉⵃⴻⵜ, ⴰⴷ ⵙⵍⵉⵡⵍⴻⵡⴻⵏ ⵏⵉⵜⵏⵉ ⵅ ⵜⴻⵙⵖⴰⵔⵜ ⵏⵙⴻⵏ: ⴰⵎⵎⵓ ⵉ ⵖⴰ ⵟⵟⴼⴻⵏ ⵜⵏⴰⵢⴻⵏ ⵏ ⵜⵙⴻⵇⵇⴰⵔ ⴷⵉ ⵜⴻⵎⵎⵓⵔⵜ ⵏⵙⴻⵏ. ⵍⴻⴼⵔⴰⵃⴻⵜ ⵉⵜⵜⴷⵓⵎⴰⵏ ⴰⴷ ⵖⴰⵔⵙⴻⵏ ⵜⵉⵍⵉ. 8 ⵎⴰⵖⴰⵔ ⵏⴻⵛⵛ, ⵙⵉⴷⵉ, ⵜⵜⴻⵅⵙⴻⵖ ⵍⵃⴻⵇⵇ, ⵛⴰⵔⵔⵀⴻⵖ ⵜⵓⴽⴽⴰⵔⴹⴰ ⵙ ⵍⵄⵓⵏⴼ. ⵏⴻⵛⵛ ⴰⴷ ⴰⵙⴻⵏ ⵡⵛⴻⵖ ⵍⵎⵓⵏⴻⵜ ⴷⵉ ⵍⴰⵎⴰⵏ, ⴰⴷ ⴽⵉⴷⵙⴻⵏ ⵇⵇⵏⴻⵖ ⵉⵊⵊ ⵏ ⵍⵄⴰⵀⴷ ⵉⵜⵜⴷⵓⵎⴰⵏ. 9 ⵣⵥⴰⵔⵉⵄⴻⵜ ⵏⵙⴻⵏ ⴰⴷ ⵜⴻⴷⵡⴻⵍ ⵜᵉⵜⵜⵡⴰⵙⵙⴻⵏ ⵊⴰⵔ ⵍⴻⴳⵏⵓⵙ ⵓⵛⴰ ⵜⴰⵔⵡⴰ ⵏⵙⴻⵏ ⴷⵉ ⵍⵡⴻⵙⵜ ⵏ ⵍⴻⴳⵏⵓⵙ. ⵎⴰⵔⵔⴰ ⵡⵉ ⵜⴻⵏ ⵉ ⵖⴰ ⵉⵥⴰⵔⴻⵏ, ⴰⴷ ⵇⴻⵏⵄⴻⵏ ⴰⵇⴰ ⵉⵏⴰ ⴷ ⵥⵥⴰⵔⵉⵄⴻⵜ ⵉ ⵉⴱⴰⵔⴻⴽ ⵙⵉⴷⵉ.”

10 “ⴼⴰⵔⵃⴻⵖ ⴰⵟⵟⴰⵙ ⴷⵉ ⵙⵉⴷⵉ, ⵍⴻⵄⵎⴰⵔ ⵉⵏⵓ ⵉⴼⴰⵔⵃ ⴷⵉ ⴰⵔⴻⴱⴱⵉ ⵉⵏⵓ ⵎⵉⵏⵥⵉ ⵏⴻⵜⵜⴰ ⵉⵙⵙⵢⴰⵔⴹ ⴰⵢⵉ ⴰⵔⵔⵓⴹ ⵏ ⵓⵙⴻⵏⵊⴻⵎ, ⵓ ⵙ ⵓⵙⴻⵍⵀⴰⵎ ⵏ ⵜⵙⴻⴳⴷⴰ ⵉ ⴷ ⴰⵢⵉ ⵉⵍⴻⵃⵃⴻⴼ, ⴰⵎ ⵎⵓⵍⴰⵢ ⵉ ⵉⵇⵇⵏⴻⵏ ⴰⵔⴻⵥⵥⴻⵜ ⵏ ⵓⴽⴻⵀⵀⴰⵏ ⵓ ⴰⵎ ⵜⴻⵙⵍⵉⵜ ⵉⵥⴻⵡⵡⵇⴻⵏ ⵉⵅⴻⴼ ⵏⵏⴻⵙ ⵙ ⵜⴻⵎⵔⵉⵙⵜ ⵏⵏⴻⵙ.

11 ⵎⴰⵖⴰⵔ ⴰⵎ ⵜⴻⵎⵎⵓⵔⵜ ⵜᵉⵜⵜⴻⵊⵊⴰ ⴰⵖⴻⵎⵎⵓⵢ ⵏⵏⴻⵙ ⴰⴷ ⴷⴷ-ⵉⴼⴼⴻⵖ ⵓ ⴰⵎ ⵡⴻⵃⵡⵉⵛ ⵉⵙⵙⵖⴻⵎⵎⴰⵢ ⵎⵉⵏ ⴷⴰⵢⴻⵙ ⵉⵥⴰⵔⵔⵄⴻⵏ, ⴰⵎⵎⵓ ⵉ ⴷⴷ ⵉⵙⵙⴻⵖⵎⴰⵢ ⵙⵉⴷⵉ ⵉⵏⵓ, ⵙⵉⴷⵉ, ⵜⴰⵙⴻⴳⴷⴰ ⴷ ⵛⵛⴰⵏ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵎⴰⵔⵔⴰ ⵍⴻⴳⵏⵓⵙ.”