1 “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⵃⴹⴰⵎ ⵍⵃⴻⵇⵇ ⵓⵛⴰ ⴳⴳⴻⵎ ⵜⴰⵙⴻⴳⴷⴰ, ⵎⵉⵏⵥⵉ ⴰⵙⴻⵏⵊⴻⵎ ⵉⵏⵓ ⵢⵓⴷⴻⵙ-ⴷⴷ, ⴰⴷ ⴷⴷ-ⵢⴰⵙ ⴷⴻⵖⵢⴰ, ⵓⵛⴰ ⵜⴰⵙⴻⴳⴷⴰ ⵉⵏⵓ ⵜⵉⵡⴻⴹ-ⴷⴷ ⵃⵉⵎⴰ ⴰⴷ ⵜᵉⵜⵜⵡⴰⵙⴰⵔⴳⴻⴱ. 2 ⵙⵙⴻⵄⴷ ⵏ ⵡⴻⵔⵢⴰⵥ ⵏⵏⵉ ⵉⵜⵜⴻⴳⴳⴻⵏ ⴰⵎⵎⵓ ⵓⵍⴰ ⴷ ⵎⵎⵉⵙ ⵏ ⴱⵏⴰⴷⴻⵎ ⵏⵏⵉ ⵉⵎⴻⵏⵏⵄⴻⵏ ⴷⵉ ⵎⴰⵏ ⴰⵢⴰ, ⵡⴻⵏⵏⵉ ⵉⵃⴻⵟⵟⴰⵏ ⴰⵙⵙ ⵏ ⵙⵙⴻⴱⵜ ⵃⵉⵎⴰ ⵡⴰⵔ ⵉⵜⵜⵡⴰⵙⵄⵉⴵⵉⵜ, ⴷ ⵡⴻⵏⵏⵉ ⵉⵃⴻⵟⵟⴰⵏ ⴰⴼⵓⵙ ⵏⵏⴻⵙ ⴰⵍⴰⵎⵉ ⵡⴰⵔ ⵉⵜⵜⴻⴳⴳ ⵥⵉ ⵎⴰⵔⵔⴰ ⵎⵉⵏ ⵡⴰⵔ ⵉⵃⵍⵉⵏ.

3 ⵡⴰⵔ ⵜⵜⴻⵊⵊⵉ ⴰⴱⴰⵔⵔⴰⵏⵉ ⵡⴻⵏⵏⵉ ⵉⵇⵇⵏⴻⵏ ⵖⴰⵔ ⵙⵉⴷⵉ ⴰⴷ ⵢⵉⵏⵉ: ‘ⵙⵉⴷⵉ ⵉⵄⵥⴻⵍ ⴰⵢⵉ ⵇⴰⵄ ⵅ ⵍⴳⴻⵏⵙ ⵏⵏⴻⵙ!’, ⵓⵛⴰ ⵡⴰⵔ ⵜⵜⴻⵊⵊⵉ ⴰⵎⵙⴻⵅⵅⴰⵔ ⵡⴻⵏⵏⵉ ⵓⵎⵉ ⵜⵜⵡⴰⴷⴷⵥⴻⵏ ⵉⵎⴻⴵⴰⵍⴻⵏ ⴰⴷ ⵢⵉⵏⵉ: ‘ⵅⵥⴰⵔ, ⵏⴻⵛⵛ ⴷ ⵜⴰⵛⴻⵊⵊⴰⵔⵜ ⵢⵓⵥⵖⴻⵏ!’ ^□  

4 ⵎⴰⵖⴰⵔ ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵅ ⵉⵎⵙⴻⵅⵅⴰⵔⴻⵏ ⵉⵏⵏⵉ ⵓⵎⵉ ⵜⵜⵡⴰⴷⴷⵥⴻⵏ ⵉⵎⴻⴵⴰⵍⴻⵏ, ⵉⵏⵏⵉ ⵉⵃⴻⵟⵟⴰⵏ ⵓⵙⵙⴰⵏ ⵉⵏⵓ ⵏ ⵙⵙⴻⴱⵜ ⵓ ⵜⵜⵉⵅⴹⴰⵔⴻⵏ ⵎⵉⵏ ⵉⴵⴰⵏ ⵉ ⴰⵔⴹⴰ ⵉⵏⵓ ⵓ ⵜⵜᵉⵟⵟⴼⴻⵏ ⴷⵉ ⵍⵄⴰⵀⴷ ⵉⵏⵓ: 5 ‘ⵏⴻⵛⵛ ⴰⴷ ⴰⵙⴻⵏ ⴳⴳⴻⵖ ⴰⵎⵛⴰⵏ ⴷⵉ ⵜⴰⴷⴷⴰⵔⵜ ⵉⵏⵓ ⵓ ⵊⴰⵔ ⵍⴻⵃⵢⵓⴹ ⵉⵏⵓ ⵓⵛⴰ ⴰⴷ ⴰⵙⴻⵏ ⵡⵛⴻⵖ ⵉⵙⴻⵎ ⵃⵙⴻⵏ ⵅ ⵢⵉⵙⴻⵎ ⵏ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ. ⴽⵓⵍ ⵉⵊⵊⴻⵏ ⵥⵥⴰⵢⵙⴻⵏ ⴰⴷ ⴰⵙ ⵡⵛⴻⵖ ⵉⵙⴻⵎ ⵏ ⵍⴻⴱⴷⴰ ⵏⵏⵉ ⵄⴻⵎⵎⴰⵔⵚ ⵡⴰⵔ ⵉⵎⴻⵃⵃⵉⵏ.

6 ⵉⴱⴰⵔⵔⴰⵏⵉⵢⵢⴻⵏ ⵏⵏⵉ ⵉ ⵖⴰ ⵉⵇⵇⵏⴻⵏ ⵖⴰⵔ ⵙⵉⴷⵉ ⵃⵉⵎⴰ ⴰⴷ ⴰⵙ ⵙⴻⵅⵅⴰⵔⴻⵏ ⵓ ⵃⵉⵎⴰ ⴰⴷ ⵅⵙⴻⵏ ⵉⵙⴻⵎ ⵏ ⵙⵉⴷⵉ, ⵃⵉⵎⴰ ⴰⴷ ⵉⵍⵉⵏ ⴷ ⵉⵎⵙⴻⵅⵅⴰⵔⴻⵏ ⵏⵏⴻⵙ, ⵎⴰⵔⵔⴰ ⵉⵏⵏⵉ ⵉⵃⴻⵟⵟⴰⵏ ⴰⵙⵙ ⵏ ⵙⵙⴻⴱⵜ ⵃⵉⵎⴰ ⵡⴰⵔ ⵉⵜⵜⵡⴰⵙⵄⵉⴵⵉⵜ, ⵓⵍⴰ ⴷ ⵉⵏⵏⵉ ⵉⵎⴻⵏⵏⵄⴻⵏ ⴷⵉ ⵍⵄⴰⵀⴷ ⵉⵏⵓ, 7 ⴰⴷ ⵜⴻⵏ ⴰⵡⵢⴻⵖ ⵄⴰⵡⴻⴷ ⵖⴰⵔ ⵡⴻⴷⵔⴰⵔ ⴰⵎⵇⴻⴷⴷⴻⵙ ⵉⵏⵓ ⵓ ⴰⴷ ⵜⴻⵏ ⵙⵙⴻⴼⵔⴰⵃⴻⵖ ⴷⵉ ⵜⴰⴷⴷⴰⵔⵜ ⵉⵏⵓ ⵏ ⵜⵥⴰⴵⵉⵜ. ⵜⵉⵖⴰⵔⵚⴰ ⵏⵙⴻⵏ ⵏ ⵡⴻⵛⵎⴰⴹ ⴷ ⵜⵖⴰⵔⵚⴰ ⵏⵙⴻⵏ ⵏⵏⴻⵖⵏⵉ ⴰⴷ ⵉⵍⵉⵏⵜ ⵉ ⴰⵔⴹⴰ ⵉⵏⵓ ⵅ ⵓⵄⴰⵍⵟⴰⵔ ⵉⵏⵓ, ⵎⴰⵖⴰⵔ ⵜⴰⴷⴷⴰⵔⵜ ⵉⵏⵓ ⴰⴷ ⴰⵙ ⵍⴰⵖⴰⵏ ⵜⴰⴷⴷⴰⵔⵜ ⵏ ⵜⵥⴰⴵⵉⵜ ⵉ ⵎⴰⵔⵔⴰ ⵍⴻⴳⵏⵓⵙ.’ ” ^■  

8 “ⵙⵉⴷⵉ ⵉⵏⵓ, ⵙⵉⴷⵉ, ⵡⴻⵏⵏⵉ ⴷ ⵉⵙⵙⵎⵓⵏⴰⵏ ⵉⵏⵏⵉ ⵅ ⵢⵓⵥⵥⵍⴻⵏ ⵏ ⵉⵙⵔⴰⵉⵍ, ⵉⵙⵙⴰⵡⴰⵍ: ‘ⵏⴻⵛⵛ ⴰⴷ ⵖⴰⵔⴻⵙ ⴷⴷ-ⵙⵙⵎⵓⵏⴻⵖ ⴽⵜⴰⵔ ⵅ ⵢⴻⵏⵏⵉ ⴷⴷ-ⵉⵜⵜⵡⴰⵙⵎⵓⵏⴻⵏ.’ ”

9 “ⵎⴰⵔⵔⴰ ⵍⴻⵡⵃⵓⵛ ⵏ ⵍⴻⵅⵍⴰ, ⴰⵙⴻⵎ-ⴷⴷ ⵉ ⵎⴰⵛⵛⴰ, ⵡⴰⵀ, ⵎⴰⵔⵔⴰ ⵍⵎⴰⵍ ⵏ ⵡⴻⵥⵖⴰⵔ! ^□  

10 ⵉⵄⴻⵙⵙⴰⵙⴻⵏ ⵏⵏⴻⵙ ⴷⴷⴰⵔⵖⵍⴻⵏ ⵎⴰⵔⵔⴰ, ⵡⴰⵔ ⵙⵙⵉⵏⴻⵏ ⵡⴰⵍⵓ. ⵎⴰⵔⵔⴰ ⵏⵉⵜⵏⵉ ⴷ ⵉⵟⴰⵏ ⵉⴱⴻⴽⵎⴻⵏ, ⵡⴰⵔ ⵥⴻⵎⵎⴰⵔⴻⵏ ⴰⴷ ⵥⵓⵏ, ⵟⵟⵙⴻⵏ, ⵥⵥⵍⴻⵏ, ⵜⵜⴻⵅⵙⴻⵏ ⴰⵏⵓⴷⴻⵎ.

11 ⵉⵟⴰⵏ-ⴰ ⴰⵔⵊⴼⴻⵏ ⴰⵍ ⵟⵟⴰⵔⴼ, ⵡⴰⵔ ⵙⵙⵉⵏⴻⵏ ⵜⴰⵢⴰⵡⴰⵏⵜ. ⵏⵉⵜⵏⵉ ⴷ ⵉⵎⴻⴽⵙⴰⵡⴻⵏ ⵡⴰⵔ ⵉⴼⴻⵀⵀⵎⴻⵏ, ⴽⵓⵍ ⵉⵊⵊⴻⵏ ⵥⵥⴰⵢⵙⴻⵏ ⵉⴹⴻⴼⴼⴰⵔ ⴰⴱⵔⵉⴷ ⵏⵏⴻⵙ, ⴽⵓⵍ ⵉⵊⵊ ⵢⴰⵔⴻⵥⵥⵓ ⵜⵉⵥⵉ ⵏⵏⴻⵙ, ⵄⴰⴷ ⵡⴻⵏⵏⵉ ⴷ ⴰⵏⴻⴳⴳⴰⵔ ⵥⵥⴰⵢⵙⴻⵏ.

12 ⵇⵇⴰⵔⴻⵏ: ‘ⴰⵙⴻⵜⵜⵉⵡ-ⴷⴷ, ⴰⴷ ⴷⴷ-ⴰⵡⵢⴻⵖ ⴱⵉⵏⵓ, ⴰⴷ ⵏⴻⵙⵙⵛⴰⵔ ⵙ ⵛⵛⵔⴰⴱ. ⴰⵎ ⵡⴰⵙⵙ-ⴰ ⴰⵎⵎⵓ ⵉ ⵖⴰ ⵢⵉⵍⵉ ⵓⵍⴰ ⴷ ⵜⵉⵡⴻⵛⵛⴰ, ⴰⴷ ⵢⵉⵍⵉ ⵄⴰⴷ ⴷ ⴰⵎⴻⵇⵇⵔⴰⵏ ⴷ ⵉⵛⵏⴰⵏ ⵅⴰⵙ!’ ”