1 ⴼⴰⵇ, ⴼⴰⵇ, ⴰⵔⴹ ⵙ ⵊⵊⴻⵀⴷ ⴰ, ⵉⵎⴻⵥⴷⴰⵖ ⵏ ⵚⵉⵀⵢⵓⵏ, ⴰⵔⴹ ⵙ ⵡⴻⵔⵔⵓⴹ ⵏⵏⴻⵎ ⵉⵛⵛⵓⵡⵡⴰⵔⴻⵏ, ⴰ ⵓⵔⵛⴰⵍⵉⵎ, ⵜⴰⵏⴷⵉⵏⵜ ⵜⴰⵎⵇⴻⴷⴷⴰⵙⵜ! ⵣⵉ ⵙⵙⴰ ⵜⵙⴰⵡⴻⵏⵜ ⵡⴰⵔ ⵖⴰⵔⴻⵎ ⵜ-ⵉ-ⴷⴷ-ⵉⵜⵜⵉⴷⵉⴼ ⵄⴰⴷ ⵡⴻⵏⵏⵉ ⵡⴰⵔ ⵉⵜⵜⵡⴰⵅⴻⵜⵏⴻⵏ ⴷ ⵓⵎⴻⵅⵎⵓⵊ. 2 ⵣⴻⵔⵥ ⵅⴰⵎ ⵜⴰⵄⴻⵊⵊⴰⵛⵜ, ⴽⴽⴰⵔ, ⵇⵇⵉⵎ ⵛⴻⵎ, ⴰ ⵓⵔⵛⴰⵍⵉⵎ! ⴰⵔⵅⵓ ⵙⵙⵏⴰⵙⴻⵍ ⵥⴻⴳ ⵢⵉⵔⵉ ⵏⵏⴻⵎ, ⴰ ⵜⴰⵎⴻⵃⴱⵓⵙⵜ, ⴰ ⵜⴰⵢⴻⴵⵉⵜ ⵚⵉⵀⵢⵓⵏ! 3 ⵎⴰⵖⴰⵔ ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⵜⴻⵎⵎⴻⵏⵥⴻⵎ ⵙ ⴱⴰⵟⴻⵍ, ⴰⴷ ⵜᵉⵜⵜⵡⴰⵙⴼⴻⴽⴽⴻⵎ ⵄⴰⵡⴻⴷ ⴱⵍⴰ ⵜⵜⵎⴻⵏⵢⴰⵜ!’ 4 ⵎⴰⵖⴰⵔ ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ: ‘ⵣⵉⵛ ⵉⵀⵡⴰ ⵍⴳⴻⵏⵙ ⵉⵏⵓ ⵖⴰⵔ ⵎⵉⵚⵔⴰ ⵎⴰⵃⴻⵏⴷ ⴰⴷ ⴷⵉⵏⵏⵉ ⵉⵇⵇⵉⵎ ⴰⵎ ⵍⴱⴰⵔⵔⴰⵏⵉ, ⵓⵛⴰ ⴰⵛⵛⵓⵔ ⵉⵃⵚⴰⵔ ⵉ-ⵜ ⵅ ⵡⴰⵍⵓ!’ ” ^■  

5 “ⵓⵛⴰ ⵍⴻⵅⵅⵓ, ⵎⵉⵏ ⵖⴰⵔⵉ ⵄⴰⴷ ⵅⴰⴼⵉ ⴰⴷ ⵜⵜ ⴳⴳⴻⵖ ⴷⴰⵏⵉⵜⴰ, ⵉⵇⵇⴰⵔ ⵙⵉⴷⵉ, ⵎⴰⵖⴰⵔ ⴰⵡⵢⴻⵏ ⵍⴳⴻⵏⵙ ⵉⵏⵓ ⴱⵍⴰ ⵙⵙⵉⴱⴱⴻⵜ ⵓⵛⴰ ⵉⵏⵏⵉ ⵅⴰⵙ ⵉⵜⵜⵚⴻⵍⵍⵟⴻⵏ ⵙⵙⵖⵓⵢⵢⴻⵏ, ⵉⵇⵇⴰⵔ ⵙⵉⴷⵉ, ⴰⵙⵙ ⵎⴰⵔⵔⴰ ⵜⵜⵄⴻⵢⵢⴱⴻⵏ ⴷⴻⴳ ⵢⵉⵙⴻⵎ ⵉⵏⵓ. ^■   6 ⵙ ⵓⵢⴰ ⴰⴷ ⵉⵙⵙⴻⵏ ⵍⴳⴻⵏⵙ ⵉⵏⵓ ⵉⵙⴻⵎ ⵉⵏⵓ, ⵙ ⵓⵢⴰ, ⴰⵇⴰ ⵏⴻⵛⵛ ⴷ ⵡⴻⵏⵏⵉ ⵉⵇⵇⴰⵔⴻⵏ ⴷⴻⴳ ⵡⴰⵙⵙ ⵏⵏⵉ: ⵏⴻⵛⵛ ⴰⵇⴰ ⴰⵢⵉ ⴷⴰ!”

7 “ⵎⴻⵛⵃⴰⵍ ⵛⵏⴰⵏ ⵅ ⵉⴷⵓⵔⴰⵔ ⵉⵚⵓⵔⴰⴼ ⵏ ⵓⵎⴱⴻⵛⵛⴰⵔ ⵏⵏⵉ ⵉⵜⵜⴱⴰⵔⵔⵃⴻⵏ ⵙ ⵍⴻⵀⵏⴰ, ⵏ ⵓⵎⴱⴻⵛⵛⴰⵔ ⵏ ⵍⴻⵅⴱⴰⵔ ⴰⵚⴻⴱⵃⴰⵏ ⵏⵏⵉ ⵉⵜⵜⴱⴰⵔⵔⵃⴻⵏ ⵙ ⵓⵙⴻⵏⵊⴻⵎ, ⵡⴻⵏⵏⵉ ⵉⵇⵇⴰⵔⴻⵏ ⵉ ⵚⵉⵀⵢⵓⵏ: ‘ⴰⵔⴻⴱⴱⵉ ⵏⵏⴻⵎ ⴷ ⴰⵊⴻⴵⵉⴷ!’ ^■   8 ⵙⵍⴻⵎ ⵉ ⵜⵎⵉⵊⵊⴰ ⵏ ⵉⵄⴻⵙⵙⴰⵙⴻⵏ ⵏⵏⴻⵎ! ⵏⵉⵜⵏⵉ ⵙⵙⴳⴻⵄⵄⴷⴻⵏ ⵜⵎⵉⵊⵊⴰ ⵏⵙⴻⵏ, ⵙⵍⵉⵡⵍⵉⵡⴻⵏ ⵎⵓⵏⴻⵏ, ⵎⴰⵖⴰⵔ ⵓⴷⴻⵎ ⴷⴻⴳ ⵓⴷⴻⵎ ⴰⴽ-ⴷ ⵙⵉⴷⵉ ⵜⵜⵡⴰⵍⴰⵏ ⵎⴰⵎⵎⴻⵛ ⵉ ⴷⴷ-ⵉⵙⵙⴻⵄⵇⴻⴱ ⵙⵉⴷⵉ ⵚⵉⵀⵢⵓⵏ. 9 ⵙⵖⵓⵢⵢⴻⵏⵜ ⵙ ⵍⴻⴼⵔⴰⵃⴻⵜ, ⵙⵍⵉⵡⵍⴻⵡⴻⵏⵜ ⵜⵎⵓⵏⴻⵏⵜ, ⴰ ⵍⵅⵉⵔⴱⴰⵜ ⵏ ⵓⵔⵛⴰⵍⵉⵎ, ⵎⴰⵖⴰⵔ ⵙⵉⴷⵉ ⵉⵙⵙⴼⴻⵡⵡⴻⵊ ⵍⴳⴻⵏⵙ ⵏⵏⴻⵙ, ⵉⵙⵙⴻⵏⵊⴻⵎ ⵓⵔⵛⴰⵍⵉⵎ.

10 ⵉⵄⴰⵔⵔⴰ ⵙⵉⴷⵉ ⴰⵖⵉⵍ ⵏⵏⴻⵙ ⴰⵎⵇⴻⴷⴷⴻⵙ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵎⴰⵔⵔⴰ ⵍⴻⴳⵏⵓⵙ ⵓ ⵎⴰⵔⵔⴰ ⵜⵉⵎⴰⵡⵡⵉⵏ ⵏ ⵜⴻⵎⵎⵓⵔⵜ ⴰⴷ ⵥⴰⵔⴻⵏⵜ ⴰⵙⴻⵏⵊⴻⵎ ⵏ ⴰⵔⴻⴱⴱⵉ ⵏⵏⴻⵖ.” ^■  

11 “ⵔⵓⵃⴻⵎ, ⵔⵓⵃⴻⵎ, ⴼⴼⵖⴻⵎ-ⴷⴷ ⵙⵙⴻⵏⵏⵉ, ⵡⴰⵔ ⵜⵜⵃⴰⴷⴰⵎ ⵡⴰⵍⵓ ⵏ ⵎⵉⵏ ⵉⵅⴻⵎⵊⴻⵏ, ⴼⴼⵖⴻⵎ ⵙⵙⴻⵏⵏⵉ ⵥⵉ ⵍⵡⴻⵙⵜ ⵏⵏⴻⵙ, ⵙⵉⵥⴻⴷⴳⴻⵎ ⵉⵅⴻⴼ ⵏⵡⴻⵎ, ⴰ ⴽⴻⵏⵏⵉⵡ ⵉⵏⵏⵉ ⵢⴰⵔⴻⴱⴱⵓⵏ ⵍⴻⵇⵛⵓⵄ ⵏ ⵙⵉⴷⵉ! ^■  

12 ⵎⴰⵖⴰⵔ ⴽⴻⵏⵏⵉⵡ ⵡⴰⵔ ⵜᵉⵜⵜⴻⴼⴼⵖⴻⵎ ⵙ ⵜⴻⵥⵍⴰ, ⵡⴰⵔ ⵜⴰⵔⴻⴽⴽⵡⴰⵍⴻⵎ, ⵎⴰⵖⴰⵔ ⵙⵉⴷⵉ ⴰⴷ ⵢⵓⵢⵓⵔ ⵥⵥⴰⵜ ⵏⵡⴻⵎ ⵓ ⴰⵔⴻⴱⴱⵉ ⵏ ⵉⵙⵔⴰⵉⵍ ⴰⴷ ⵢⵉⵍⵉ ⴷ ⴰⵖⴻⵥⴷⵉⵙ ⵏⵡⴻⵎ ⴰⵏⴻⴳⴳⴰⵔ.”

13 “ⵅⵥⴰⵔ, ⴰⵎⵙⴻⵅⵅⴰⵔ ⵉⵏⵓ ⴰⴷ ⵢⴻⴳⴳ ⵙ ⵍⴻⵄⵇⴻⵍ, ⴰⴷ ⵉⵜⵜⵡⴰⵙⵙⵄⵓⴵⴰ ⵓ ⴰⴷ ⵉⵜⵜⵡⴰⵙⵙⵓⵄⵍⴰ, ⵡⴰⵀ ⴰⴷ ⵉⵜⵜⵡⴰⵙⵄⵓⴵⴰ ⴰⵍ ⵟⵟⴰⵔⴼ.

14 ⴰⵎ ⵥⵥⴰⵢⴻⴽ ⵏⵏⵅⴻⵍⵄⴻⵏ ⴰⵟⵟⴰⵙ — ⵎⴰⵖⴰⵔ ⴰⵎⵎⵓ ⵙ ⵡⴰⵟⵟⴰⵙ ⵉⵅⵚⴰⵔ ⵓⴷⴻⵎ ⵏⵏⴻⵙ, ⴽⵜⴰⵔ ⵥⴻⴳ ⵓⵍⴰ ⴷ ⵉⵊⵊⴻⵏ, ⵓ ⴰⴷⴷⵓⴷ ⵏⵏⴻⵙ, ⴽⵜⴰⵔ ⵥⴻⴳ ⵓⵍⴰ ⴷ ⵉⵊⵊ ⵏ ⵎⵎⵉⵙ ⵏ ⴱⵏⴰⴷⴻⵎ — ^■  

15 ⴰⵎⵎⵓ ⵉ ⵖⴰ ⵉⵙⵙⴻⵏⴳⴻⵥ ⵏⴻⵜⵜⴰ ⴰⵟⵟⴰⵙ ⵏ ⵍⴻⴳⵏⵓⵙ, ⵡⴰⵀ, ⵄⴰⴷ ⵉⵊⴻⴵⵉⴷⴻⵏ ⴰⴷ ⵙⵙⴻⵖⴷⴻⵏ, ⵎⴰⵖⴰⵔ ⵎⵉⵏ ⵡⴰⵔ ⴷ ⴰⵙⴻⵏ ⴱⴰⵔⵔⵃⴻⵏ, ⴰⴷ ⵜ ⵥⴰⵔⴻⵏ, ⵓ ⵎⵉⵏ ⵄⴻⵎⵎⴰⵔⵚ ⵡⴰⵔ ⵙⵍⵉⵏ, ⴰⴷ ⵜ ⴼⴻⵀⵎⴻⵏ.” ^■