1 “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⵎⴰⵏⵉ ⵜⴻⴵⴰ ⵜⴻⴱⵔⴰⵜ ⵏ ⵡⴰⴵⴰⴼ ⵜⴻⵏⵏⵉ ⵥⵉ ⵙⵙⵇⴻⴱⴱⴹⴻⵖ ⵢⴻⵎⵎⴰⵜⵡⴻⵎ? ⵏⵉⵖ ⵉ ⵎⴰⵏ ⵡⴻⵏ ⵥⴻⴳ ⴰⵢⵜⴱⴰⴱ ⵏ ⵡⴰⵔⴻⵟⵟⴰⵔ ⵉⵏⵓ ⴽⴻⵏⵏⵉⵡ ⵥⵥⴻⵏⵥⴻⵖ? ⵅⵥⴰⵔ, ⵥⵉ ⵙⵙⵉⴱⴱⴻⵜ ⵏ ⵍⵎⵓⵄⵚⵉⵢⵢⴻⵜ ⵏⵡⴻⵎ ⵜⴻⵎⵎⴻⵏⵥⴻⵎ ⵓ ⵥⵉ ⵙⵙⵉⴱⴱⴻⵜ ⵏ ⵉⵄⴻⴷⴷⵉⵢⴻⵏ ⵏⵡⴻⵎ ⵜⴻⵎⵎⴻⵏⵥ ⵢⴻⵎⵎⴰⵜⵡⴻⵎ. 2 ⵎⴰⵢⴻⵎⵎⵉ ⴷⴷ-ⵓⵙⵉⵖ, ⵡⴰⵔ ⴷⵉⵏ ⵉⴵⵉ ⵓⵍⴰ ⴷ ⵉⵊⵊ, ⵎⴰⵢⴻⵎⵎⵉ ⵉ ⵍⴰⵖⵉⵖ, ⵡⴰⵔ ⴷⴷ-ⵢⴰⵔⵔⵉ ⵓⵍⴰ ⴷ ⵉⵊⵊ? ⵎⴰ ⴰⴼⵓⵙ ⵉⵏⵓ ⴷ ⴰⵇⵓⴹⴰⴹ ⴰⵍⴰⵎⵉ ⵡⴰⵔ ⵉⵥⴻⵎⵎⴰⵔ ⴰⴷ ⵉⴼⴻⴽⴽ, ⵎⴰ ⵡⴰⵔ ⴷⴰⵢⵉ ⵉⴵⵉ ⵊⵊⵀⴻⴷ ⵃⵉⵎⴰ ⴰⴷ ⴼⴻⴽⴽⴻⵖ? ⵅⵥⴰⵔ, ⵙ ⵓⵙⵉⴳⴳⵯⴻⴷ ⵉⵏⵓ ⴰⴷ ⵙⵙⵉⵥⵔⴻⵖ ⵍⴻⴱⵃⴰⵔ, ⴰⴷ ⴳⴳⴻⵖ ⵉⵖⴻⵥⵔⴰⵏ ⴷ ⵍⴻⵅⵍⴰ ⵓⵛⴰ ⴰⴷ ⴰⵥⵖⴻⵏ ⴰⵍⴰⵎⵉ ⵉ ⵖⴰ-ⵢ-ⴰⵔⵚⵓⴹⴻⵏ ⵉⵙⴻⵍⵎⴰⵏ ⵏⵙⴻⵏ ⵎⴰⵖⴰⵔ ⵡⴰⵔ ⴷⵉⵏ ⵉⴵⵉ ⵄⴰⴷ ⵡⴰⵎⴰⵏ, ⵓⵛⴰ ⴰⴷ ⵎⵎⵜⴻⵏ ⵥⴻⴳ ⵓⴼⴰⴷⵉ. ^■   3 ⴰⴷ ⵙⵙⵢⴰⵔⴹⴻⵖ ⴰⵊⴻⵏⵏⴰ ⵙ ⵜⵓⴱⴱⴰⵔⵛⴻⵏⵜ, ⴰⴷ ⵜⴻⵏ ⵍⴻⵃⵃⴼⴻⵖ ⵙ ⵜⵅⴻⵏⵛⴻⵜ ⵏ ⵡⴻⵛⴹⴰⵏ ⴰⵎ ⵡⴰⵔⵔⵓⴹ ⵏⵙⴻⵏ.’ ”

4 “ⵙⵉⴷⵉ ⵉⵏⵓ, ⵙⵉⴷⵉ, ⵉⵡⵛⴰ ⴰⵢⵉ ⵉⵍⴻⵙ ⵏ ⵓⵎⴻⵃⴹⴰⵔ, ⵎⴰⵃⴻⵏⴷ ⵏⴻⵛⵛ ⴰⴷ ⵙⵙⵏⴻⵖ ⵎⴰⵎⵎⴻⵛ ⵉ ⵖⴰ ⵙⵙⵎⴻⵃⴷⴻⵖ ⵡⴻⵏⵏⵉ ⵢⵓⵃⵃⵍⴻⵏ ⵙ ⵉⵊⵊ ⵏ ⵡⴰⵡⴰⵍ. ⵇⴰⵄ ⵜⵓⴼⴼⵓⵜ ⵏⴻⵜⵜⴰ ⵉⵙⵙⴼⴰⵇⴰ ⴰⵢⵉ-ⴷⴷ, ⵉⵙⵙⴼⴰⵇⴰ ⴰⵢⵉ ⴰⵎⴻⵥⵥⵓⵖ, ⵎⴰⵃⴻⵏⴷ ⵏⴻⵛⵛ ⴰⴷ ⵖⴰⵔⴻⵙ ⵙⵍⵉⵖ ⴰⵎ ⵓⵎⴻⵃⴹⴰⵔ. 5 ⵙⵉⴷⵉ ⵉⵏⵓ, ⵙⵉⴷⵉ, ⵢⴰⵔⵥⴻⵎ ⴰⵢⵉ ⴰⵎⴻⵥⵥⵓⵖ ⵓ ⵏⴻⵛⵛ ⵡⴰⵔ ⵖⴻⵡⵡⵖⴻⵖ ⵛⴰ, ⵡⴰⵔ ⴷⴷ-ⴷⴷⵡⵉⵍⴻⵖ ⵖⴰⵔ ⴹⴻⴼⴼⴰⵔ. ^■   6 ⵏⴻⵛⵛ ⵡⵛⵉⵖ ⴰⵄⵔⵓⵔ ⵉⵏⵓ ⵉ ⵢⴻⵏⵏⵉ ⴷ ⴰⵢⵉ ⵉⵡⵜⵉⵏ, ⵓ ⵉⵖⴻⵎⵎⵉⵥⴻⵏ ⵉⵏⵓ ⵉ ⵢⴻⵏⵏⵉ ⴷ ⴰⵢⵉ ⵉⵙⵙⵏⴻⵛⴼⴻⵏ ⵜⵎⴰⵔⵜ. ⴰⵖⴻⵎⴱⵓⴱ ⵉⵏⵓ ⵡⴰⵔ ⵜ ⵙⵙⵏⵓⴼⴼⴰⵔⴻⵖ ⵥⵥⴰⵜ ⵉ ⵓⵙⴻⵃⵇⴰⵔ ⴷ ⵓⵙⵓⵙⴻⴼ. 7 ⵎⴰⵛⴰ ⵙⵉⴷⵉ ⵉⵏⵓ, ⵙⵉⴷⵉ, ⴰⴷ ⴰⵢⵉ ⵉⵡⵛ ⴰⴼⵓⵙ, ⵙ ⵓⵢⴻⵏⵏⵉ ⵡⴰⵔ ⵇⴻⵟⵟⵉⵖ ⴷⵉ ⵍⴻⴼⴹⵉⵃⴻⵜ, ⵙ ⵓⵢⴻⵏⵏⵉ ⵊⵊⵉⵖ ⴰⵖⴻⵎⴱⵓⴱ ⵉⵏⵓ ⵉⵇⵙⴻⵃ ⴰⵎ ⵙⵙⴻⴵⴰⵃ, ⵎⵉⵏⵥⵉ ⵙⵙⵏⴻⵖ, ⴰⵇⴰ ⵏⴻⵛⵛ ⵡⴰⵔ ⵜⵜⵙⴻⴹⵃⵉⵖ ⵛⴰ. 8 ⵡⴻⵏⵏⵉ ⴷ ⴰⵢⵉ ⵉⵜⵜⵙⴻⴳⴳⴷⴻⵏ, ⴰⵇⴰ-ⵜ ⵢⵓⴷⴻⵙ. ⵎⴰⵏ ⵡⴻⵏ ⵉ ⵖⴰ ⵉⵥⴻⵄⵎⴻⵏ ⴰⴷ ⴽⵉⴷⵉ ⵉⵛⴰⵔⵔⴻⵄ? ⵊⵊⴻⵎ ⴰⵏⴻⵖ ⴰⴷ ⵏⴱⴻⴷⴷ ⵏⵎⵓⵏ! ⵎⴰⵏ ⵡⴻⵏ ⴽⵉⴷⵉ ⵉⵜⵜⴻⵎⵛⴰⵔⵔⴰⵄⴻⵏ? ⴻⵊⵊ ⵉ-ⵜ ⴰⴷ ⵖⴰⵔⵉ ⴷⴷ-ⵢⴰⵙ. ^■   9 ⵅⵥⴰⵔ, ⵙⵉⴷⵉ ⵉⵏⵓ, ⵙⵉⴷⵉ, ⴰⴷ ⴰⵢⵉ ⵉⵡⵛ ⴰⴼⵓⵙ. ⵎⴰⵏ ⵡⴻⵏ ⵉⵥⴻⵎⵎⴰⵔⴻⵏ ⴰⴷ ⴰⵢⵉ ⵉⴳⴳ ⵍⵄⵉⴱ? ⵅⵥⴰⵔ, ⵏⵉⵜⵏⵉ ⵎⴰⵔⵔⴰ ⴰⵎ ⵡⴰⵔⵔⵓⴹ ⵉⴷⴷⵓⵢⵙⴰⵔⴻⵏ, ⴰⴷ ⵜⴻⵏ ⵜⴻⵛⵛ ⵜⵛⵉⵏⴷⴰ.”

10 “ⵎⴰⵏ ⵡⴻⵏ ⵉ ⴷⵉⵏ ⵊⴰⵔ ⴰⵡⴻⵎ ⵉⵜⵜⴻⴳⴳⵯⴻⴷ ⵥⵉ ⵙⵉⴷⵉ, ⵎⴰⵏ ⵡⴻⵏ ⵊⴰⵔ ⴰⵡⴻⵎ ⵉⵜⵜⴻⵙⵍⴰⵏ ⵉ ⵜⵎⵉⵊⵊⴰ ⵏ ⵓⵎⵙⴻⵅⵅⴰⵔ ⵏⵏⴻⵙ? ⵡⴻⵏⵏⵉ ⵉⴳⴳⵓⵔⴻⵏ ⴷⵉ ⵜⴰⴵⴻⵙⵜ ⴷ ⵡⴻⵏⵏⵉ ⵓⵎⵉ ⵡⴰⵔ ⵖⴰⵔ ⵜⴻⴵⵉ ⵜⴰⴼⴰⵡⵜ, ⴻⵊⵊ ⵉ-ⵜ ⴰⴷ ⵉⵜⵜⵛⴻⵍ ⵅ ⵢⵉⵙⴻⵎ ⵏ ⵙⵉⴷⵉ, ⴻⵊⵊ ⵉ-ⵜ ⴰⴷ ⵉⵄⴻⵎⵎⴻⴷ ⵅ ⴰⵔⴻⴱⴱⵉ ⵏⵏⴻⵙ.

11 ⵅⵥⴰⵔ, ⴽⴻⵏⵏⵉⵡ ⵎⴰⵔⵔⴰ ⵜⴻⵙⵙⴰⵔⵖⴻⵎ ⵜⵉⵎⴻⵙⵙⵉ, ⵜⴱⴻⵢⵙⴻⵎ ⵉⵅⴻⴼ ⵏⵡⴻⵎ ⵙ ⴼⵍⵉⵜⵛⴰⵜ ⵉ ⵓⵙⴻⵛⵎⴰⴹ. ⵉⵡⴰ, ⵓⵢⵓⵔⴻⵎ ⵅⴻⵏⵏⵉ ⴷⵉ ⵜⴼⴰⵡⵜ ⵏ ⵜⵎⴻⵙⵙⵉ ⵏⵡⴻⵎ ⵓ ⵖⴰⵔ ⵜⴼⴰⵡⵜ ⵏ ⴼⵍⵉⵜⵛⴰⵜ ⵢⴰⵔⴻⵇⵇⴻⵏ ⵏⵏⵉ ⵜⴻⵙⵙⴰⵔⵖⴻⵎ. ⴰⵢⴰ ⴰⴷ ⵅⴰⵡⴻⵎ ⴷⴷ-ⵢⴰⵙ ⵥⴻⴳ ⵓⴼⵓⵙ ⵉⵏⵓ, ⵙ ⵍⴻⵃⵔⵉⵇ ⴰⴷ ⵜⴻⵥⵥⵍⴻⵎ ⴷⵉⵏⵏⵉ.”