1 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵅⵍⴻⴼ ⵙⵉⴷⵉ ⵥⵉ ‘ⵍⵉ$ⵉⵢⴰⵜⴰⵏ’, ⴰⴼⵉⵖⴰⵔ ⵉⵜⵜⴻⵃⵔⵓⴵⵓⴹⴻⵏ ⵙ ⵜⴰⵥⵍⴰ, ⵙ ⵙⵙⵉⴼ ⵏⵏⴻⵙ ⵉⵇⵙⴻⵃ ⵓ ⵉⵎⵖⴰⵔ ⵓ ⵉⵊⵀⴻⴷ, ⵡⴰⵀ ⴰⴷ ⵉⵅⵍⴻⴼ ⵥⵉ ‘ⵍⵉ$ⵉⵢⴰⵜⴰⵏ’, ⴰⴼⵉⵖⴰⵔ ⵉⵜⵜⴻⵃⵔⵓⵔⵓⴷⴻⵏ, ⵓⵛⴰ ⴰⴷ ⵉⵏⴻⵖ ⵍⵀⴰⵢⵛⴻⵜ ⵏⵏⵉ ⵉⴵⴰⵏ ⴷⵉ ⵍⴻⴱⵃⴰⵔ.”

2 “ⴷⴻⴳ ⵡⴰⵙⵙ ⵏⵏⵉ ...

ⴰⴷ ⴷⵉⵏ ⵢⵉⵍⵉ ⵉⵊⵊ ⵏ ⵓⵎⴰⵔⵊⵓⵄ ⵏ ⵓⴹⵉⵍ ⵙ ⴱⵉⵏⵓ ⵉⵛⵏⴰⵏ.

ⵖⴻⵏⵏⵊⴻⵎ ⵅⴰⵙ ⵙ ⵏⵏⵓⴱⵜⴰⵜ.

3 ⵏⴻⵛⵛ, ⵙⵉⴷⵉ, ⴰⴷ ⵜⵜ ⵉⵃⴹⴰ,

ⴰⴷ ⵜⵜ ⵙⵙⴱⴻⵥⵥⴳⴻⵖ,

ⵃⵉⵎⴰ ⵡⴰⵔ ⵜⵜ ⵉⵊⴰⵔⵔⴻⵃ ⵃⴻⴷ,

ⵏⴻⵛⵛ ⴰⴷ ⵅⴰⵙ ⵄⴻⵙⵙⴻⵖ ⵙ ⵡⴰⵙⵙ ⴷ ⴵⵉⵍⴻⵜ.

4 ⵜⴰⴼⵇⴻⵃⵜ ⵡⴰⵔ ⴷⴰⵢⵉ ⵜⴻⴵⵉ ⵇⴰⵄ,

ⵎⴰⵛⴰ ⵎⴰⵍⴰ ⵛⴰ ⵏ ⵢⵉⵊⵊⴻⵏ ⵉⵥⵄⴻⵎ ⴰⴷ ⵉⵙⵙⴰⵔⵙ ⵥⵥⴰⵜⵉ ⵜⴰⵥⴻⴳⴳⵯⴰⵔⵜ ⴷ ⵉⵙⴻⵏⵏⴰⵏⴻⵏ,

ⵏⴻⵛⵛ ⴰⴷ ⴽⵉⴷⵙⴻⵏ ⵎⵎⴻⵏⵖⴻⵖ, ⴰⴷ ⵜⴻⵏ ⵙⵙⴰⵔⵖⴻⵖ ⵎⵓⵏⴻⵏ!

5 ⵖⴰⵔ ⵎⴰⵍⴰ ⵉⵟⵟⴻⴼ ⴱⵏⴰⴷⴻⵎ ⴷⵉ ⵊⵊⴻⵀⴷ ⵉⵏⵓ,

ⵓⵛⴰ ⴰⴷ ⵢⴻⴳⴳ ⵍⴻⵀⵏⴰ ⴰⴽⵉⴷⵉ,

ⴰⴷ ⵢⴻⴳⴳ ⵍⴻⵀⵏⴰ ⴰⴽⵉⴷⵉ!”

6 “ⴷⴻⴳ ⵡⵓⵙⵙⴰⵏ ⵉ ⴷⴷ ⵖⴰ ⵢⴰⵙⴻⵏ ⴰⴷ ⵉⵡⵡⴻⵜ ⵢⴰⵄⵇⵓⴱ ⴰⵥⵡⴰⵔ, ⵉⵙⵔⴰⵉⵍ ⴰⴷ ⵉⵏⵏⵓⵡⴰⵔ, ⴰⴷ ⵉⵖⴻⵎⵎⵉ, ⵓ ⵏⵉⵜⵏⵉ ⴰⴷ ⵛⵛⵓⵔⴻⵏ ⵜⴰⵎⵎⵓⵔⵜ ⵙ ⵍⵖⵉⴵⴻⵜ.” ^■  

7 “ⵎⴰ ⵉⵡⵜⴰ ⵉ-ⵜ ⵏⴻⵜⵜⴰ, ⴰⵎ ⵎⴰⵎⵎⴻⵛ ⵡⴻⵏⵏⵉ ⵉⵡⵜⵉⵏ, ⵉⵡⵜⴰ ⵉ-ⵜ? ⵎⴰ ⵉⵜⵜⵡⴰⵏⴻⵖ ⵏⴻⵜⵜⴰ, ⴰⵎ ⵎⴰⵎⵎⴻⵛ ⵜⵜⵡⴰⵏⵖⴻⵏ ⵉⵏⵏⵉ ⵥⵥⴰⵢⴻⵙ ⵉⵜⵜⵡⴰⵏⵖⴻⵏ? ^□   8 ⵛⴻⴽ ⵜⴰⵔⴻⴱⴱⵉⴷ ⵜⵜ ⵙ ⵍⴻⵇⵢⴰⵙ ⵍⴰⵎⵉ ⵜⵜ ⵜⴻⵏⴹⴰⵔⴻⴷ, ⵏⴻⵜⵜⴰ ⵉⵙⵙⵓⵥⵥⴰⵔ ⵉ-ⵜⵜ ⵙ ⵓⵙⴻⵎⵎⵉⴹ ⵏⵏⴻⵙ ⵉⵇⴻⵙⵃⴻⵏ, ⴷⴻⴳ ⵉⵊⵊ ⵏ ⵡⴰⵙⵙ ⵏ ⵓⵙⴻⵎⵎⵉⴹ ⵥⵉ ⵎⴰⵏⵉⵙ ⵉ ⴷⴷ-ⵜⵏⴻⵇⵇⴰⵔ ⵜⴼⵓⵛⵜ. ^■   9 ⵙ ⵓⵢⴻⵏⵏⵉ ⴰⴷ ⵜᵉⵜⵜⵡⴰⴼⴷⵉ ⵍⵎⵓⵄⵚⵉⵢⵢⴻⵜ ⵏ ⵢⴰⵄⵇⵓⴱ ⵙ ⵎⴰⵏ ⴰⵢⴰ ⵓⵛⴰ ⴰⴷ ⵢⵉⵍⵉ ⴰⵢⴰ ⴷ ⵍⵖⵉⴵⴻⵜ ⵜⴻⴽⵎⴻⵍ ⵥⴻⴳ ⵓⵃⴻⵢⵢⴻⴷ ⵅ ⴷⴷⵏⵓⴱ ⵏⵏⴻⵙ: ⴰⵇⴰ ⵏⴻⵜⵜⴰ ⴰⴷ ⵢⴰⵔⵔ ⵎⴰⵔⵔⴰ ⵉⵥⵔⴰ ⵏ ⵉⵄⴰⵍⵟⴰⵔⴻⵏ ⴷ ⵉⵥⵔⴰ ⵏ ⵊⵊⴰⵔ ⵜⵜⵡⴰⵍⴻⴱⵥⴻⵏ ⵓ ⵡⴰⵔ ⴷⵉⵏ ⵜⵜⴱⴻⴷⴷⵉⵏⵜ ⵄⴰⴷ ⵜⵔⴻⴱⴱⵉⵏ ⵏ ⵛⵡⴰⵔⵜⵉ ⴷ ⵉⴱⵉⵍⴰⵔⴻⵏ ⵏ ⴰⵔⴻⴱⴱⵉ ⵏ ⵜⴼⵓⵛⵜ.”

10 “ⵎⴰⵖⴰⵔ ⵜⴰⵏⴷⵉⵏⵜ ⵉⵜⵜⵡⴰⵙⵊⴻⵀⴷⴻⵏ ⴰⴷ ⵜⴻⴷⵡⴻⵍ ⵃⴰⴼⵉ, ⴰⵎ ⵉⵛⵜ ⵏ ⵜⵥⴻⴷⴷⵉⵖⵜ ⵉⵜⵜⵡⴰⵊⵊⴻⵏ, ⵉⵅⵍⴰⵏ ⴰⵎ ⵍⴻⵅⵍⴰ. ⴷⵉⵏⵏⵉ ⴰⴷ ⵀⴷⴰⵏ ⵉⵢⴻⵏⴷⵓⵥⴻⵏ ⴰⴷ ⴷⵉⵏ ⵊⵏⴰⵏ, ⴰⴷ ⵛⵛⴻⵏ ⵇⴰⵄ ⵜⵉⵙⴻⴹⵡⵉⵏ ⵏⵏⴻⵙ. ^□  

11 ⵅⵎⵉ ⵉ ⵖⴰ ⵢⴰⵥⵖⴻⵏ ⵍⴻⴼⵔⵓⵄ ⵏⵏⴻⵙ, ⴰⴷ ⵜⵜⵡⴰⵇⴻⴹⵄⴻⵏ. ⴰⴷ ⴷⴷ-ⴰⵙⴻⵏⵜ ⵜⴻⵎⵖⴰⵔⵉⵏ, ⴰⴷ ⵜⴻⵏ ⵙⵙⴰⵔⵖⴻⵏⵜ, ⵎⴰⵖⴰⵔ ⵡⴰⵔ ⵉⴵⵉ ⴷ ⵉⵊⵊ ⵏ ⵍⴳⴻⵏⵙ ⴷⴰⵢⴻⵙ ⵍⴻⴼⵀⴰⵎⴻⵜ. ⵙ ⵓⵢⴰ ⵡⴻⵏⵏⵉ ⵜ ⵉⴳⴳⵉⵏ, ⵡⴰⵔ ⴷ ⴰⵙⴻⵏ ⵉⵥⵥⵉⴵⵉⵥ, ⵓ ⵡⴻⵏⵏⵉ ⵜ ⵉⴽⴻⵡⵡⵏⴻⵏ, ⵡⴰⵔ ⴷ ⴰⵙ ⵢⴰⵔⴻⵟⵟⴰ.”

12 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵥⵡⴻⴹ ⵙⵉⴷⵉ ⵜⵉⴷⵔⵉⵏ ⵥⵉ ⵎⴰⵏⵉ ⵉⴵⴰ ⵢⴻⵖⵥⴰⵔ ⵏ ⵍⴼⵓⵔⴰⵟ ⴰⵍ ⵜⴻⵖⵥⴰⵔⵜ ⵏ ⵎⵉⵚⵔⴰ. ⵎⴰⵛⴰ ⴽⴻⵏⵏⵉⵡ ⴰⴷ ⵜⵜⵡⴰⵍⴻⵇⴹⴻⵎ, ⵉⵊⵊⴻⵏ ⴰⵡⴰⵔⵏⵉ ⵉ ⵡⴻⵏⵏⴻⵖⵏⵉ, ⴰ ⴰⵢⵜ ⵏ ⵉⵙⵔⴰⵉⵍ. ^■  

13 ⴷⴻⴳ ⵡⴰⵙⵙ ⵏⵏⵉ ⴰⴷ ⵚⵓⴹⴻⵏ ⴷⴻⴳ ⵓⵢⵉⵛⵛ ⴰⵎⴻⵇⵇⵔⴰⵏ ⵏ ⵉⵛⴰⵔⵔⵉ. ⵅⴻⵏⵏⵉ ⴰⴷ ⴷⴷ-ⴰⵙⴻⵏ ⵉⵏⵏⵉ ⵉⵙⵙⵡⴻⵊⴷⴻⵏ ⴰⴷ ⵀⴻⵍⵍⴽⴻⵏ ⴷⵉ ⴰⵛⵛⵓⵔ ⵓⵍⴰ ⴷ ⵢⴻⵏⵏⵉ ⵉⵜⵜⵡⴰⵄⴰⵔⵔⵏⴻⵏ ⵖⴰⵔ ⵜⴻⵎⵎⵓⵔⵜ ⵏ ⵎⵉⵚⵔⴰ. ⵏⵉⵜⵏⵉ ⴰⴷ ⵙⴻⵊⴷⴻⵏ ⵉ ⵙⵉⴷⵉ ⴷⴻⴳ ⵡⴻⴷⵔⴰⵔ ⵉⵇⴻⴷⴷⵙⴻⵏ ⴷⵉ ⵓⵔⵛⴰⵍⵉⵎ.”