1 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⵍⴻⵅⵍⴰ ⵏ ⵍⴻⴱⵃⴰⵔ.

“ⴰⵎ ⵎⴰⵎⵎⴻⵛ ⵜⵜⴰⵥⵥⵍⴻⵏⵜ ⵜⵃⴰⵔⵢⴰⴹⵉⵏ ⴷⵉ ⵜⴻⵎⵎⵓⵔⵜ ⵏ ⵍⵊⴰⵏⵓⴱ, ⴰⵎⵎⵓ ⵉ ⵖⴰ ⵉⴼⴼⴻⵖ ⵏⴻⵜⵜⴰ ⵥⵉ ⵍⴻⵅⵍⴰ, ⵥⵉ ⵜⴻⵎⵎⵓⵔⵜ ⵉⵙⵙⴰⴳⴳⵯⴰⴷⴻⵏ. ^□   2 ⵜⵓⵙⴰ-ⴷⴷ ⵖⴰⵔⵉ ⵉⵛⵜ ⵏ ⵜⵎⴻⵥⵔⵉⵡⵜ ⵜⴻⵇⵙⴻⵃ: ‘ⴰⵖⴻⴷⴷⴰⵔ ⵉⵜⵜⴻⴳⴳ ⵙ ⵍⴻⵖⴷⴰⵔⴻⵜ ⵓ ⴰⵎⵜⴻⵃⵃⴰⵢ ⴰⴷ ⵉⵜⴻⵃⵃⴰ. ⴳⴰⵄⵄⴻⴷ-ⴷⴷ, ⴰ ⵄⵉⵍⴰⵎ, ⵃⵚⴰⵔ, ⴰ ⵎⴰⴷⴰⵢ!’ ⵏⴻⵛⵛ ⴰⴷ ⵙⵙⴱⴻⴷⴷⴻⵖ ⵎⴰⵔⵔⴰ ⴰⵏⴻⵅⵙⴻⵙ ⵏⵏⴻⵙ. 3 ⵙ ⵓⵢⴻⵏⵏⵉ ⵜⵜⴻⴽⵙⴻⵏⵜ ⴷⴰⵢⵉ ⵜⴻⵊⵄⵉⵏⵏⴰⵜⵉⵏ ⵉⵏⵓ, ⵓ ⵜⵜᵉⵟⵟⴼⴻⵏ ⴰⵢⵉ ⵍⴻⵡⵊⴻⵄ ⵏ ⵜⴰⵔⵓⵜ ⴰⵎ ⵍⴻⵡⵊⴻⵄ ⵏ ⵉⵛⵜ ⵏ ⵜⴻⵎⵖⴰⵔⵜ ⵉⵜⵜⴰⵔⵡⴻⵏ. ⵏⴻⵛⵛ ⵜⵜⵏⴻⵥⴱⴰⵔⴻⵖ ⵅⵎⵉ ⴷ ⴰⵙ ⵜⵜⴻⵙⵍⵉⵖ, ⵏⵏⵅⴻⵍⵄⴻⵖ ⵓⵎⵉ ⵜ ⵜⵜⵡⴰⵍⵉⵖ. 4 ⵓⵍ ⵉⵏⵓ ⵉⵏⵏⴻⵊⵍⴻⴼ, ⴰⵇⴰⵔⵇⴻⴱ ⵏⵏⴻⵙ ⵉⵙⵙⴻⵏⵀⴻⵥⵥⴰ ⴷⴰⵢⵉ ⵜⵉⴳⴳⵯⵓⴷⵉ. ⵜⴱⴰⵎⴱⴰⵙⵜ ⵏ ⵜⵎⴻⴷⴷⵉⵜ ⵏⵏⵉ ⵡⴻⵀⵀⵛⴻⵖ ⴰⵟⵟⴰⵙ, ⵉⴳⴳⴰ ⴰⵢⵉ ⵜⵜ ⴷ ⵍⵄⵓⵔⵔⴻⵜ.” ^■  

5 “ⵙⵔⵓⵙⴰ-ⴷⴷ ⵟⵟⴰⴱⵍⴰ, ⵙⴱⴻⴷⴷ ⴰⵄⴻⵙⵙⴰⵙ, ⴻⵛⵛ, ⵙⵓ!”

“ⴽⴽⴰⵔⴻⵎ, ⴰ ⵉⵊⴻⴵⵉⴷⴻⵏ, ⴷⴻⵀⵏⴻⵎ ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ!” 6 ⵎⴰⵖⴰⵔ ⴰⵎⵎⵓ ⵉ ⴷ ⴰⵢⵉ ⵉⵏⵏⴰ ⵙⵉⴷⵉ: “ⵓⵢⵓⵔ, ⴻⴳⴳ ⵉⵊⵊ ⵏ ⵓⵄⴻⵙⵙⴰⵙ, ⴻⵊⵊ ⵉ-ⵜ ⴰⴷ ⵉⵅⴻⴱⴱⴰⵔ ⵎⵉⵏ ⵉⵜⵜⵡⴰⵍⴰ!” 7 ⴰⵇⴰ ⵉⵥⵔⴰ ⵉⴽⴰⵔⵔⵓⵜⴻⵏ ⵏ ⵓⵎⴻⵏⵖⵉ ⴷ ⵜⵢⵓⵢⴰⵜ ⵏ ⵢⵉⵏⵏⵉ ⵉⵏⴻⴷⴷⵀⴻⵏ ⵉⵢⵙⴰⵏ, ⵉⵊⵊ ⵏ ⵓⴽⴰⵔⴰ$ⴰⵏ ⵏ ⵢⴻⵖⵢⴰⵍ ⴷ ⵉⵊⵊ ⵏ ⵓⴽⴰⵔⴰ$ⴰⵏ ⵏ ⵉⵍⴻⵖⵎⴰⵏ. ⵜⵓⵖⴰ ⵉⵃⴻⵟⵟⴰ ⵎⵍⵉⵃ, ⵎⵍⵉⵃ ⴰⵟⵟⴰⵙ. 8 ⵅⴻⵏⵏⵉ ⵉⵍⴰⵖⴰ ⵡⴻⵏⵏⵉ ⵉⵥⵔⵉⵏ: “ⴰ ⵙⵉⴷⵉ ⵉⵏⵓ, ⴷⴻⴳ ⵡⴰⵙⵙ ⵜⵜⴱⴻⴷⴷⵉⵖ ⴱⵍⴰ ⵇⴻⵟⵟⵓ ⵅ ⵡⴻⵛⴱⴰⵔ ⵏ ⵜⵄⴻⵙⵙⴰⵙⵜ ⵓ ⴽⵓⵍ ⴵⵉⵍⴻⵜ ⵜⵜⵄⴻⵙⵙⴻⵖ. ^■   9 ⵅⵥⴰⵔ, ⴷⵉⵀⴰ ⵓⵙⵉⵏ-ⴷⴷ ⵉⵔⵢⴰⵥⴻⵏ ⵏⵏⵉ ⵉⵏⵏⵢⵉⵏ ⵅ ⵢⴻⵢⵙⴰⵏ, ⵜⵢⵓⵢⴰ ⵏ ⵉⵎⵏⴰⵢⴻⵏ ⴰⴽ-ⴷ ⵜⵢⵓⵢⴰ ⵏⵏⴻⵖⵏⵉ!” ⵄⴰⵡⴻⴷ ⵉⵟⵟⴻⴼ ⵏⴻⵜⵜⴰ ⴷⴻⴳ ⵡⴰⵡⴰⵍ, ⵉⵏⵏⴰ: “ⵜⴻⵡⴹⴰ ⵜⴻⵏⴷⵉⵏⵜ ⵏ ⴱⴰⴱⵉⵍ, ⵜⴻⵡⴹⴰ, ⴷ ⵎⴰⵔⵔⴰ ⵍⴻⵅⵢⴰⵍⴰⵜ ⵉⵏⴻⵇⵛⴻⵏ ⵏ ⵉⵔⴻⴱⴱⵉⵜⴻⵏ ⵏⵏⴻⵙ ⵉⵍⴱⴻⵥ ⵉ-ⵜⴻⵏ ⵅ ⵜⴻⵎⵎⵓⵔⵜ!” ^■  

10 ⴰ ⴰⵙⴰⵔⵡⴰⵜ ⵉⵏⵓ, ⴰ ⵎⵎⵉⵙ ⵏ ⵓⵏⴻⴷⵔⴰⵔ ⵉⵏⵓ! ⵎⵉⵏ ⵙⵍⵉⵖ ⵥⵉ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⴰⵔⴻⴱⴱⵉ ⵏ ⵉⵙⵔⴰⵉⵍ, ⵅⴻⴱⴱⴰⵔⴻⵖ ⴽⴻⵏⵏⵉⵡ ⵅⴰⵙ.

11 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⴷⵓⵎⴰ.

“ⵣⵉ ⵙⴰⵄⵉⵔ ⵍⴰⵖⴰⵏ ⴰⵢⵉ-ⴷⴷ: ‘ⴰⵄⴻⵙⵙⴰⵙ, ⵎⴻⵛⵃⴰⵍ ⵄⴰⴷ ⵖⴰ ⵜⴻⴽⴽ ⴵⵉⵍⴻⵜ? ⴰⵄⴻⵙⵙⴰⵙ, ⵎⴻⵛⵃⴰⵍ ⵄⴰⴷ ⵖⴰ ⵜⴻⴽⴽ ⴵⵉⵍⴻⵜ?’

12 ⵉⵏⵏⴰ ⵓⵄⴻⵙⵙⴰⵙ: ‘ⵢⵓⵙⴰ-ⴷⴷ ⵓⵜⴻⴼⴼⵓ ⵏ ⵍⵃⴰⵍ, ⵓⵍⴰ ⴷ ⴵⵉⵍⴻⵜ ⵜⵓⵙⴰ-ⴷⴷ. ⵎⴰⵍⴰ ⴽⴻⵏⵏⵉⵡ ⵜⴻⵅⵙⴻⵎ ⴰⴷ ⵜⴻⵙⵙⴻⵇⵙⴰⵎ, ⵙⴻⵇⵙⴰⵎ! ⴷⴻⵡⵍⴻⵎ-ⴷⴷ, ⴰⵙⴻⵎ-ⴷⴷ!’ ”

13 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⴷⵉ ⵜⵎⴻⴷⴷⵉⵜ.

“ⴷⴻⴳ ⵡⴻⵥⵖⴰⵔ ⴷⵉ ⵜⴻⵎⵎⵓⵔⵜ ⵏ ⵡⴻⵄⵔⴰⴱⴻⵏ ⴰⴷ ⵜⴻⵙⵙⴻⵏⵙⴻⵎ, ⴰ ⴽⴻⵏⵏⵉⵡ, ⵉⴽⴰⵔⴰ$ⴰⵏⴻⵏ ⵏ ⴰⵢⵜ ⵏ ⴷⴰⴷⴰⵏ! ^□  

14 ⵓⵢⵓⵔⴻⵎ ⵖⴰⵔ ⵡⵓⵎⵙⴰⴳⴰⵔ ⴰⴽ-ⴷ ⵡⴻⵏⵏⵉ ⵉⴼⴼⵓⴷⴻⵏ ⵃⵉⵎⴰ ⴰⴷ ⴰⵙ ⵜⴰⵡⵢⴻⵎ ⴰⵎⴰⵏ! ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ ⵏ ⵜⴰⵢⵎⴰ ⴼⴼⵖⴻⵏ-ⴷⴷ ⵖⴰⵔ ⵓⵎⵙⴰⴳⴰⵔ ⴰⴽ-ⴷ ⵓⵎⴰⵔⵡⴰⵍ ⵙ ⵡⴻⵖⵔⵓⵎ.

15 ⵎⴰⵖⴰⵔ ⵏⵉⵜⵏⵉ ⴰⵔⴻⵡⵍⴻⵏ ⵥⵉ ⵍⴻⵙⵢⵓⴼ, ⵥⵉ ⵙⵙⵉⴼ ⵉ ⴷⴷ-ⵉⵜⵜⵡⴰⵊⴻⴱⴷⴻⵏ ⵓ ⵥⵉ ⵍⵇⴻⵡⵙ ⵉⵜⵜⵡⴰⵎⴻⵃⴷⴻⵏ ⵓ ⵥⵉ ⵍⴻⵖⴱⴻⵏ ⵏ ⵓⵎⴻⵏⵖⵉ.

16 ⵎⴰⵖⴰⵔ ⴰⵎⵎⵓ ⵉ ⴷ ⴰⵢⵉ ⵉⵏⵏⴰ ⵙⵉⴷⵉ: ‘ⵄⴰⴷ ⴷⴻⴳ ⵉⵊⵊ ⵏ ⵓⵙⴻⴳⴳⵯⴰⵙ, ⵄⵍⴰⵃⵙⴰⴱ ⵉⵙⴻⴳⴳⵯⵓⵙⴰ ⵏ ⵓⵛⴻⵡⵡⴰⵍ, ⵅⴻⵏⵏⵉ ⴰⴷ ⵉⵇⴹⴰ ⵎⴰⵔⵔⴰ ⵅ ⵓⵄⵓⴵⵉ ⵏ ⵇⵉⴷⴰⵔ!

17 ⵍⵇⴻⴷⴷ ⵏ ⴰⵢⵜ ⵏ ⴱⵓ-ⵍⵇⴻⵡⵙ ⵉⵇⵇⵉⵎⴻⵏ, ⴰⵢⵜ ⵏ ⴱⵓ-ⵜⴻⵖⵍⵓⴷⵟ ⵏ ⵉⵇⵉⴷⴰⵔⵉⵢⵢⴻⵏ, ⴰⴷ ⵢⵉⵍⵉ ⴷⵔⵓⵙ ⵡⴰⵀⴰ, ⵎⴰⵖⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ ⴷ ⵡⴻⵏⵏⵉ ⵉⵏⵏⴰⵏ ⴰⵢⴰ.’ ”