1 ⴷⴻⴳ ⵓⵙⴻⴳⴳⵯⴰⵙ ⵏⵏⵉ ⴷⵉ ⴷⴷ-ⵢⵓⵙⴰ ⵓⴽⵓⵎⴰⵏⴷⴰⵔ ⵏ ⵍⵄⴻⵙⴽⴰⵔ ⵖⴰⵔ ⴰⵛⴷⵓⴷ, - ⵓⵎⵉ ⵜ ⵉⵙⵙⴻⴽⴽ ⵙⴰⵔⵊⵓⵏ, ⴰⵊⴻⴵⵉⴷ ⵏ ⴰⵛⵛⵓⵔ -, ⵓ ⵉⵎⵎⵏⴻⵖ ⴰⴽ-ⴷ ⴰⵛⴷⵓⴷ ⵓⵛⴰ ⵉⵟⵟⴻⴼ ⵉ-ⵜ, 2 ⴷⵉ ⵍⵡⴻⵇⵜ ⵏⵏⵉ ⵜⵓⵖⴰ ⵉⵙⵙⴰⵡⴰⵍ ⵙⵉⴷⵉ, ⵙ ⵓⵇⴻⵎⵎⵓⵎ ⵏ ⵉⵛⴰⵄⵢⴰ, ⵎⵎⵉⵙ ⵏ ⴰⵎⵓⵚ, ⵉⵏⵏⴰ: “ⵓⵢⵓⵔ, ⵙⴰⵔⵙ ⴰⵔⵔⵓⴹ ⵏ ⵜⵅⴰⵏⵛⴻⵜ ⵏ ⵡⴻⵛⴹⴰⵏ ⵏⵏⵉ ⵅ ⵜⴻⵊⵄⵉⵏⵏⴰ ⵏⵏⴻⴽ ⵓ ⴽⴽⴻⵙ ⵜⵉⵙⵉⵍⴰ ⵏⵏⴻⴽ ⵅ ⵉⴹⴰⵔⴻⵏ ⵏⵏⴻⴽ!” ⵉⴳⴳⴰ ⵉ-ⵜ ⵉⵛⴰⵄⵢⴰ, ⵉⴳⴳⵓⵔ ⴷ ⴰⵄⴰⵔⵢⴰⵏ ⵓ ⵙ ⵍⴻⵀⴼⴰ ⵅ ⵉⴹⴰⵔⴻⵏ ⵏⵏⴻⵙ. ^□   3 ⵍⴻⵅⴷⴻⵏⵏⵉ ⵉⵏⵏⴰ ⵙⵉⴷⵉ: “ⴰⵎ ⵎⴰⵎⵎⴻⵛ ⵉⴳⴳⵓⵔ ⵓⵎⵙⴻⵅⵅⴰⵔ ⵉⵏⵓ ⵉⵛⴰⵄⵢⴰ ⵍⴻⵅⵅⵓ ⵄⴰⴷ ⵜⵍⴰⵜⴰ ⵏ ⵉⵙⴻⴳⴳⵯⵓⵙⴰ ⴷ ⴰⵄⴰⵔⵢⴰⵏ ⵓ ⵙ ⵍⴻⵃⴼⴰ ⴷⴰ ⴷ ⴷⵉⵀⴰ, ⴰⵎ ⵍⴻⵄⵍⴰⵎⴻⵜ ⵓ ⴰⵎ ⵉⵊⵊ ⵏ ⵍⴻⵄⵊⴻⴱ ⵉ ⵎⵉⵚⵔⴰ ⵓ ⵉ ⴽⵓⵛ, 4 ⴰⵎⵎⵓ ⵉ ⵖⴰ ⵉⵏⴷⴻⵀ ⵓⵊⴻⴵⵉⴷ ⵏ ⴰⵛⵛⵓⵔ ⵉⵎⴻⵃⴱⴰⵙ ⵏ ⵎⵉⵚⵔⴰ ⴷ ⵉⵎⴻⵏⴼⵉⵢⵢⴻⵏ ⵏ ⴽⵓⵛ, ⴰⵎⴻⵥⵢⴰⵏ ⴷ ⵓⵎⴻⵇⵇⵔⴰⵏ, ⴰⵄⴰⵔⵢⴰⵏ ⴷ ⵓⵃⴻⴼⵢⴰⵏ ⵏ ⵉⴹⴰⵔⴻⵏ, ⵓⵍⴰ ⵙ ⴷⴷⴰⴱⵓⴱ ⵉⵄⴰⵔⵔⴰⵏ, ⴰⵇⴰ ⴷ ⵍⴻⴼⴹⵉⵃⴻⵜ ⵉ ⵎⵉⵚⵔⴰ. 5 ⵅⴻⵏⵏⵉ ⴰⴷ ⴳⴳⵯⴻⴷⴻⵏ ⵓ ⴰⴷ ⵙⵙⴻⴹⵃⴰⵏ ⵥⵉ ⵙⵙⵉⴱⴱⴻⵜ ⵏ ⴰⵢⵜ ⵏ ⴽⵓⵛ ⵉ ⵖⴰⵔ ⵜⵓⵖⴰ ⵅⴻⵥⵥⴰⵔⴻⵏ ⴷ ⵛⴰ, ⵓ ⵥⵉ ⵙⵙⵉⴱⴱⴻⵜ ⵏ ⵉⵎⵉⵚⵔⵉⵢⵢⴻⵏ, ⴰⴼⴻⵢⵢⴻⵛ ⵏⵙⴻⵏ. ^□   6 ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ-ⴰ ⵅ ⵜⵎⴰ ⵏ ⵍⴻⴱⵃⴰⵔ ⴰⴷ ⵉⵏⵉⵏ ⴷⴻⴳ ⵡⴰⵙⵙ ⵏⵏⵉ: ‘ⵅⵥⴰⵔ, ⴰⵎⵎⵓ ⵉ ⵉⵎⵙⴰⵔ ⵉ ⵡⴻⵏⵏⵉ ⵖⴰⵔ ⵏⵅⴻⵥⵥⴰⵔ ⴷ ⵛⴰ, ⴷ ⵡⴻⵏⵏⵉ ⵖⴰⵔ ⵏⴰⵔⵡⴻⵍ ⵃⵉⵎⴰ ⴰⴷ ⵏⴰⵔⵥⵓ ⵜⵡⵉⵥⴰ, ⵃⵉⵎⴰ ⴰⴷ ⵏⴻⵜⵜⵡⴰⴼⴻⴽⴽ ⵥⵉ ⵥⵥⴰⵜ ⵏ ⵡⵓⴷⴻⵎ ⵏ ⵓⵊⴻⴵⵉⴷ ⵏ ⴰⵛⵛⵓⵔ. ⵎⴰⵎⵎⴻⵛ ⵅⴻⵏⵏⵉ ⵏⵥⴻⵎⵎⴰⵔ ⴰⴷ ⵏⴻⵏⵊⴻⵎ ⵍⴻⵅⵅⵓ?’ ”