1 ⵉⵥⵍⵉ ⵏ ⵓⴳⴻⵄⵄⴻⴷ.

”ⵣⵉ ⵜⴻⵎⵥⵉ ⵉⵏⵓ ⵃⵚⴰⵔⴻⵏ ⴰⵢⵉ ⴰⵟⵟⴰⵙ ⵏ ⵜⵡⴰⵍⴰⵡⵉⵏ!”

ⵉⵏⵉ ⵜ ⵅⴻⵏⵏⵉ ⴰⵎⵎⵓ, ⴰ ⵉⵙⵔⴰⵉⵍ,

2 ⵥⵉ ⵜⴻⵎⵥⵉ ⵉⵏⵓ ⵃⵚⴰⵔⴻⵏ ⴰⵢⵉ ⴰⵟⵟⴰⵙ ⵏ ⵜⵡⴰⵍⴰⵡⵉⵏ,

ⵎⴰⵛⴰ ⵡⴰⵔ ⴷ ⴰⵢⵉ ⵥⴻⵎⵎⴰⵔⴻⵏ.

3 ⵉⵎⵛⴰⵔⵔⵥⴻⵏ ⵛⴰⵔⵥⴻⵏ ⵅ ⵡⴻⵄⵔⵓⵔ ⵉⵏⵓ,

ⴳⴳⵉⵏ ⵍⴰⵜⴰⵔⴰⵜ ⵏ ⵡⴻⵛⵔⴰⵥ ⵏⵙⴻⵏ ⴷ ⵉⵥⵉⵔⴰⵔⴻⵏ.

4 ⵙⵉⴷⵉ ⴷ ⴰⵎⵙⴻⴳⴳⴻⴷ.

ⵏⴻⵜⵜⴰ ⵉⵇⴹⴻⵄ ⵉⵙⴻⵖⵡⴰⵏ ⵏ ⵉⵄⴻⴼⴼⴰⵏⴻⵏ.

5 ⴻⵊⵊ ⵎⴰⵔⵔⴰ ⵉⵏⵏⵉ ⵉⵛⴰⵔⵔⵀⴻⵏ ⵚⵉⵀⵢⵓⵏ,

ⴰⴷ ⵙⵙⴻⴹⵃⴰⵏ ⵓ ⴰⴷ ⵜⵜⵡⴰⵄⴰⵔⵏⴻⵏ ⵖⴰⵔ ⴹⴻⴼⴼⴰⵔ.

6 ⵉⵍⵉ ⴰⴷ ⵉⵍⵉⵏ ⴰⵎ ⴰⵔⵔⴱⵉⵄ ⵅ ⵜⵥⴻⵖⵡⵉⵏ,

ⵉⵜⵜⵉⵙⵍⴰⵡ ⵇⴱⴻⵍ ⵎⴰ ⴰⴷ ⵉⵜⵜⵡⴰⵇⵍⴻⵄ, ^■  

7 ⵡⴰⵔ ⵥⵥⴰⵢⴻⵙ ⵉⵜⵜⵄⴻⵎⵎⴰⵔ ⵓⵛⴻⵡⵡⴰⵔ ⴰⴼⵓⵙ ⵏⵏⴻⵙ,

ⵓⵍⴰ ⴷ ⵡⴻⵏⵏⵉ ⵉⵜⵜⵛⴻⴷⴷⴰⵏ ⵉⵛⴻⵡⵡⴰⴼⴻⵏ ⵏ ⵉⵎⴻⵏⴷⵉ ⴰⵃⵙⵉⵏ ⵏⵏⴻⵙ,

8 ⵓ ⵉⵎⵙⴻⴱⵔⵉⴷⴻⵏ ⵡⴰⵔ ⵇⵇⴰⵔⴻⵏ:

“ⵍⴱⴰⵔⴰⴽⴰ ⵏ ⵙⵉⴷⵉ ⴰⵇⴰ-ⵜⵜ ⴰⴽⵉⴷⵡⴻⵎ!

ⵏⴻⵛⵛⵉⵏ ⵏⴱⴰⵔⴻⴽ ⴽⴻⵏⵏⵉⵡ ⵙ ⵢⵉⵙⴻⵎ ⵏ ⵙⵉⴷⵉ.”