1 ⵉⵥⵍⵉ ⵏ ⵓⴳⴻⵄⵄⴻⴷ.

ⵓⵎⵉ ⵉⵙⵙⴻⵄⵇⴻⴱ ⵙⵉⴷⵉ ⵉⵏⵏⵉ ⴷⴷ-ⵉⴷⴻⵡⵍⴻⵏ ⵖⴰⵔ ⵚⵉⵀⵢⵓⵏ,

ⵜⵓⵖⴰ-ⵏⴻⵖ ⴰⵅⵎⵉ ⵢⴻⵏⵏⵉ ⵉⵜⵜⵓⵔⵊⴰⵏ.

2 ⵜⵓⵖⴰ ⴰⵇⴻⵎⵎⵓⵏ ⵏⵏⴻⵖ ⵉⵛⵛⵓⵔ ⵙ ⵜⴹⴻⵃⵃⴰⵛⵜ

ⴷ ⵉⵍⴻⵙ ⵏⵏⴻⵖ ⵉⵛⵛⵓⵔ ⵙ ⵓⵙⵍⵉⵡⵍⴻⵡ.

ⵊⴰⵔ ⵍⴻⴳⵏⵓⵙ ⵏⵏⴰⵏ:

‘ⵙⵉⴷⵉ ⵉⴳⴳⴰ ⴷⴰⵢⵙⴻⵏ ⵜⵉⵎⴻⵙⵍⴰⵢⵉⵏ ⵜⵉⵎⴻⵇⵇⵔⴰⵏⵉⵏ!’ ^■  

3 ⵙⵉⴷⵉ ⵉⴳⴳⴰ ⴷⴰⵢⵏⴻⵖ ⵜⵉⵎⴻⵙⵍⴰⵢⵉⵏ ⵜⵉⵎⴻⵇⵇⵔⴰⵏⵉⵏ,

ⴰⵇⴰ ⵏⴻⵛⵛⵉⵏ ⵏⴼⴰⵔⵃ ⵥⵥⴰⵢⴻⵙ.

4 ⴰ ⵙⵉⴷⵉ, ⵇⴻⴵⴻⴱ ⵜⴰⵎⴻⵃⴱⴰⵙⵜ ⵏⵏⴻⵖ,

ⴰⵎ ⵎⴰⵎⵎⴻⵛ ⵜⵜⵇⴻⴵⴱⴻⵏⵜ ⵜⵉⵖⴻⵥⵔⴰⵜⵉⵏ ⵜⴰⵎⵎⵓⵔⵜ ⵏ ⵍⵊⴰⵏⵓⴱ.

5 ⵉⵏⵏⵉ ⵉⵥⴰⵔⵔⵄⴻⵏ ⵙ ⵉⵎⴻⵟⵟⴰⵡⴻⵏ,

ⴰⴷ ⵎⵊⴰⵔⴻⵏ ⵙ ⵓⵙⵍⵉⵡⵍⴻⵡ.

6 ⵡⴻⵏⵏⵉ ⵢⴰⵔⴻⴱⴱⵓⵏ ⵥⵥⴰⵔⵉⵄⴻⵜ ⵃⵉⵎⴰ ⴰⴷ ⵜⵜ ⵉⵥⴰⵔⵄ,

ⵉⵜⵜⵔⵓ ⵅⵎⵉ ⴷⴷ-ⵉⴳⴳⵓⵔ,

ⵎⴰⵛⴰ ⵅⵎⵉ ⴷⴷ ⵖⴰ ⵢⴰⵙ, ⴰⴷ ⴷⴷ-ⵢⴰⵙ ⵙ ⵓⵙⵍⵉⵡⵍⴻⵡ,

ⴰⴷ ⵢⴰⵔⴱⵓ ⵉⵛⴻⵡⵡⴰⴼⴻⵏ ⵏ ⵉⵎⴻⵏⴷⵉ ⵏⵏⴻⵙ.