1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴰⵢⵓⴱ, ⵉⵏⵏⴰ:

2 ⵎⴰⵎⵎⴻⵛ ⵜⴻⴳⴳⵉⴷ ⵜⵡⴻⵛⵉⴷ ⴰⴼⵓⵙ ⵉ ⵡⴻⵏⵏⵉ ⵡⴰⵔ ⵖⴰⵔ ⵉⴵⵉ ⵊⵊⴻⵀⴷ,

ⵎⴰⵎⵎⴻⵛ ⵜⴱⴻⴷⴷⴻⴷ ⵖⴰⵔ ⵓⵖⵉⵍ ⵏ ⵡⴻⵏⵏⵉ ⵡⴰⵔ ⵖⴰⵔ ⵜⴻⴵⵉ ⵜⵥⴻⵎⵎⴰⵔ!

3 ⵣⴻⵄⵎⴰ ⴰⵇⴰ ⵜⴻⵡⵛⵉⴷ ⴰⵡⴻⵙⵙⵉ ⵉⵙⴻⴱⵃⴻⵏ ⵉ ⵡⴻⵏⵏⵉ ⵡⴰⵔ ⵖⴰⵔ ⵜⴻⴵⵉ ⵜⵉⵖⵉⵜ,

ⵎⴰⵎⵎⴻⵛ ⵉ ⵜⴻⵙⵙⴰⵔⴳⴱⴻⴷ ⴰⵟⵟⴰⵙ ⵏ ⵜⵡⴰⵍⴰⵡⵉⵏ ⵎⵓⵎⵎⵓ ⵏ ⵜⵎⴻⵙⵍⴰⵛⵜ!

4 ⵉ ⵓⵎⵉ ⵜⵄⴰⵡⴷⴻⴷ ⵍⴻⵅⵅⵓ ⴰⵡⴰⵍⴻⵏ ⵏⵏⴻⴽ?

ⵎⴰⵏ ⵏⵏⴻⴼⵙ ⴷⴷ-ⵉⴼⴼⵖⴻⵏ ⵥⵥⴰⵢⴻⴽ?

5 ⵍⴻⵅⵢⴰⵍⴰⵜ ⵏ ⵉⵎⴻⵜⵜⴰⵏ ⴼⴻⵙⵙⵢⴻⵏ

ⵙⴰⴷⵓ ⵡⴰⵎⴰⵏ ⴷ ⵉⵎⴻⵥⴷⴰⵖ ⵏⵙⴻⵏ.

6 ⴷ ⴰⵄⴰⵔⵢⴰⵏ ⵜⴻⵥⵥⴻⵍ ⵥⵥⴰⵜⴻⵙ ⵍⴰⵅⴰⵔⵜ,

ⵡⴰⵔ ⴷⵉⵏ ⵜⴻⴵⵉ ⵜⵇⴻⴱⴱⴰⵔⵜ ⵉ ⵍⴰⴵⴰⵖ ⵏ ⵓⵀⴻⵍⵍⴻⴽ. ^■  

7 ⵉⴱⴻⵥⵥⴻⵄ ⴰⵊⴻⵏⵏⴰ ⴷⵉ ⵛⵛⴰⵎⴰⵍ ⵜⵉⵡⴰ ⵍⵅⴰⵡⵉ ⵏ ⵡⵓⴷⴻⵎ ⵏ ⵡⴰⵎⴰⵏ,

ⵢⵓⵢⴻⵍ ⵜⴰⵎⵎⵓⵔⵜ ⵖⴰⵔ ⵡⴰⵍⵓ. ^■  

8 ⵏⴻⵜⵜⴰ ⵉⵜⵜⵛⴻⴷⴷⴰ ⴰⵎⴰⵏ ⴷⴻⴳ ⵉⵙⴻⵢⵏⵓⵜⴻⵏ ⵏⵏⴻⵙ,

ⵡⴰⵅⵅⴰ ⴰⵎⴻⵏⵏⵉ ⵡⴰⵔ ⵉⵜⵜⴰⵔⴻⵥⵥⵉ ⴰⵙⴻⵢⵏⵓ ⵙⵡⴰⴷⴷⴰⵢ.

9 ⵉⵙⵙⴷⵓⵔⵔⵓⵢ ⵓⴷⴻⵎ ⵏ ⵍⵄⴰⵔⵛ ⵏⵏⴻⵙ,

ⵉⵜⵜⴱⴻⵥⵥⴰⵄ ⵅⴰⵙ ⴰⵙⴻⵢⵏⵓ ⵏⵏⴻⵙ. ^■  

10 ⵢⴰⵔⵛⴻⵎ ⵜⴰⵇⵓⵔⴰⵛⵜ ⵅ ⵡⵓⴷⴻⵎ ⵏ ⵡⴰⵎⴰⵏ,

ⵖⴰⵔⴻⵙ ⴰⵍ ⵜⵎⴰ ⵏ ⵜⴼⴰⵡⵜ ⴰⴽ-ⴷ ⵜⴰⴵⴻⵙⵜ. ^■  

11 ⵉⴱⵉⵍⴰⵔⴻⵏ ⵏ ⵓⵊⴻⵏⵏⴰ ⵜⵜⴰⵔⵊⵉⵊⵉⵏ,

ⵜⵜⵏⴻⵅⵍⴰⵄⴻⵏ ⵥⴻⴳ ⵓⵡⴻⴷⴷⴻⴱ ⵏⵏⴻⵙ.

12 ⵙ ⵊⵊⴻⵀⴷ ⵏⵏⴻⵙ ⵉⵙⵙⵀⴰⵊ ⵍⴻⴱⵃⴰⵔ,

ⵓ ⵙ ⵍⴻⴼⵀⴰⵎⴻⵜ ⵏⵏⴻⵙ ⵉⵍⴱⴻⵥ ⵔⴰⵀⴰⴱ. ^■  

13 ⵙ ⴰⵔⵔⵓⵃ ⵏⵏⴻⵙ ⵉⵜⵜⵉⵙⵙⵉⵇ ⵓⵊⴻⵏⵏⴰ ⴰⵎ ⵡⵓⴷⴻⵎ ⵏ ⵜⴻⵏⵏⵉ ⵡⴰⵔ ⵉⵜⵜⵍⴻⵃⵃⵉⴼⴻⵏ,

ⴰⴼⵓⵙ ⵏⵏⴻⵙ ⵉⵙⵙⵏⵓⵇⵇⴻⴱ ⴰⴼⵉⵖⴰⵔ ⵉⵜⵜⴻⵃⵍⵓⴵⵓⴹⴻⵏ ⵙ ⵜⴰⵥⵍⴰ. ^■  

14 ⵅⵥⴰⵔ, ⵎⴰⵏ ⴰⵢⴰ ⵡⴰⵀⴰ ⵉⵅⴻⴼ ⵏ ⵉⴱⵔⵉⴷⴻⵏ ⵏⵏⴻⵙ,

ⵏⴻⵙⵍⴰ ⵎⵖⵉⵔ ⵜⴰⵃⴻⵙⵙⴻⵛⵜ ⵏ ⵛⴰ ⵏ ⵡⴰⵡⴰⵍⴻⵏ ⵥⵥⴰⵢⴻⵙ.

ⵡⵉ ⵉⵥⴻⵎⵎⴰⵔⴻⵏ ⵅⴻⵏⵏⵉ ⴰⴷ ⵉⵙⵙⴻⵏ ⴰⵊⵊⴰⵊ ⵏ ⵊⵊⵀⴻⴷ ⵏⵏⴻⵙ?