1 ⵙⵓⵍⵉⵎⴰⵏ ⵉⴷⵡⴻⵍ ⴷ ⴰⴹⴻⴳⴳⵯⴰⵍ ⵏ ⴼⵉⵔⵄⵓⵏ, ⴰⵊⴻⴵⵉⴷ ⵏ ⵎⵉⵚⵔⴰ. ⵏⴻⵜⵜⴰ ⵢⵉⵡⵉ ⵢⴻⴵⵉⵙ ⵏ ⴼⵉⵔⵄⵓⵏ ⵓⵛⴰ ⵉⵙⵙⵉⴷⵉⴼ ⵉ-ⵜⵜ ⵖⴰⵔ ⵜⴻⵏⴷⵉⵏⵜ ⵏ ⴷⴰⵡⵓⴷ, ⵖⴰⵔⴻⵙ ⴰⵍⴰⵎⵉ ⵜⵓⵖⴰ ⵉⵙⵙⴻⵇⴼⴻⵍ ⵍⴻⴱⵏⵉ ⵏ ⵜⴰⴷⴷⴰⵔⵜ ⵏⵏⴻⵙ ⴷ ⵜⴰⴷⴷⴰⵔⵜ ⵏ ⵙⵉⴷⵉ ⴷ ⵍⵃⵉⴹ ⵉ ⴷ ⴰⵙ ⴷⴷ-ⵉⵏⵏⴹⴻⵏ ⵉ ⵓⵔⵛⴰⵍⵉⵎ. ^■   2 ⵎⵖⵉⵔ ⵍⴳⴻⵏⵙ ⵉⵇⵇⵉⵎ ⵉⵜⵜⵇⴻⴷⴷⴰⵎ ⵜⵉⵖⴰⵔⵚⴰ ⵅ ⵍⴻⴳⵄⵓⴷⵉ ⵡⴰⵀⴰ, ⵎⵉⵏⵥⵉ ⴰⵍ ⵓⵙⵙⴰⵏ ⵏⵏⵉ ⵡⴰⵔ ⵜᵉⵜⵜⵡⴰⴱⴻⵏⵏⵉ ⵄⴰⴷ ⵜⴰⴷⴷⴰⵔⵜ ⵉ ⵢⵉⵙⴻⵎ ⵏ ⵙⵉⴷⵉ. ^■   3 ⵙⵓⵍⵉⵎⴰⵏ ⵜⵓⵖⴰ ⵉⵜⵜⴻⵅⵙ ⵙⵉⴷⵉ ⵓⵎⵉ ⵢⵓⵢⵓⵔ ⵄⵍⴰⵃⵙⴰⴱ ⵜⵉⵡⴻⵚⵚⴰ ⵏ ⴱⴰⴱⴰⵙ ⴷⴰⵡⵓⴷ. ⵉⵇⴻⴷⴷⴻⵎ ⵎⵖⵉⵔ ⵜⵉⵖⴰⵔⵚⴰ ⴷ ⵍⴻⴱⵅⵓⵔ ⵅ ⵍⴻⴳⵄⵓⴷⵉ ⵡⴰⵀⴰ.

4 ⴰⵎⵎⵓ ⵉ ⵢⵓⵢⵓⵔ ⵓⵊⴻⴵⵉⴷ ⵉⵛⵜ ⵏ ⵜⵡⴰⵍⴰ ⵖⴰⵔ ⵊⵉⴱⵄⵓⵏ, ⵃⵉⵎⴰ ⴰⴷ ⴷⵉⵏⵏⵉ ⵉⵖⴰⵔⵚ, ⵎⴰⵖⴰⵔ ⵍⴳⴻⵄⵄⴷⴻⵜ ⵏⵏⵉ ⵜⵓⵖⴰ-ⵜⵜ ⴷ ⵜⴰⵎⴻⵇⵇⵔⴰⵏⵜ ⵇⴰⵄ. ⵉⵙⵙⴳⴻⵄⵄⴻⴷ ⵙⵓⵍⵉⵎⴰⵏ ⵅ ⵓⵄⴰⵍⵟⴰⵔ ⵏⵏⵉ ⴰⵍⴻⴼ ⵜⵉⵖⴰⵔⵚⴰ ⵏ ⵡⴻⵛⵎⴰⴹ. ^■   5 ⵉⴱⴰⵏ-ⴷⴷ ⵙⵉⴷⵉ ⴷⵉ ⵊⵉⴱⵄⵓⵏ ⵙ ⴵⵉⵍⴻⵜ ⵉ ⵙⵓⵍⵉⵎⴰⵏ ⴷⴻⴳ ⵉⵛⵜ ⵏ ⵜⴻⵔⵊⵉⵜ, ⵓⵛⴰ ⵉⵏⵏⴰ ⴰⵔⴻⴱⴱⵉ: “ⵜⵜⴰⵔ! ⵎⵉⵏ ⵜᵉⵜⵜⴰⵔⴻⴷ, ⴰⴷ ⴰⵛ ⵜ ⵡⵛⴻⵖ!” ^■  

6 ⵉⵏⵏⴰ ⵙⵓⵍⵉⵎⴰⵏ:

“ⵛⴻⴽ ⵜⴻⵙⵙⴻⵛⵏⴻⴷ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵜⴰⵎⴻⵇⵇⵔⴰⵏⵜ ⵉ ⵓⵎⵙⴻⵅⵅⴰⵔ ⵏⵏⴻⴽ, ⴱⴰⴱⴰ ⴷⴰⵡⵓⴷ, ⴰⵎ ⵎⴰⵎⵎⴻⵛ ⵢⵓⵢⵓⵔ ⵏⴻⵜⵜⴰ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ ⵙ ⵍⴰⵎⴰⵏ ⴷ ⵜⵙⴻⴳⴷⴰ ⴷ ⵍⴻⵚⴼⴰⵢⴻⵜ ⵏ ⵡⵓⵍ ⵖⴰⵔⴻⴽ ⵓ ⵛⴻⴽ ⵜⵅⴻⵎⵎⵍⴻⴷ ⴰⵙ ⵜⴰⵎⴻⵅⵙⵉⵡⵜ-ⴰ ⵉⵛⴻⵡⵡⴰⵔⴻⵏ ⵜⴰⵎⴻⵇⵇⵔⴰⵏⵜ ⵓ ⵛⴻⴽ ⵜⴻⵡⵛⵉⴷ ⴰⵙ ⵉⵊⵊ ⵏ ⵎⵎⵉⵙ ⵃⵉⵎⴰ ⴰⴷ ⵉⵇⵇⵉⵎ ⵅ ⵍⵄⴰⵔⵛ ⵏⵏⴻⵙ, ⴰⵎ ⵜⴻⴵⴰ ⴰⵙⵙ-ⴰ. ^□   7 ⵅⴻⵏⵏⵉ ⵍⴻⵅⵅⵓ, ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ, ⵛⴻⴽ ⵜⴻⴳⴳⵉⴷ ⴰⵎⵙⴻⵅⵅⴰⵔ ⵏⵏⴻⴽ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏ ⴱⴰⴱⴰ ⴷⴰⵡⵓⴷ ⵓ ⵏⴻⵛⵛ ⵄⴰⴷ ⴷ ⴰⵃⴻⵏⵊⵉⵔ ⴰⵎⴻⵥⵢⴰⵏ. ⵏⴻⵛⵛ ⵡⴰⵔ ⵙⵙⵉⵏⴻⵖ ⵎⴰⵎⵎⴻⵛ ⵉ ⵖⴰ ⴼⴼⵖⴻⵖ ⵓ ⵎⴰⵎⵎⴻⵛ ⵉ ⵖⴰ ⵄⴻⵇⴱⴻⵖ. ^■   8 ⴰⵎⵙⴻⵅⵅⴰⵔ ⵏⵏⴻⴽ ⴰⵇⴰ-ⵜ ⴷⵉ ⵍⵡⴻⵙⵜ ⵏ ⵍⴳⴻⵏⵙ ⵏⵏⴻⴽ ⵏⵏⵉ ⵜⵉⵅⴹⴰⵔⴻⴷ ⵛⴻⴽ, ⵉⵊⵊ ⵏ ⵍⴳⴻⵏⵙ ⵉⵎⵖⴰⵔ ⴰⵍⴰⵎⵉ ⵡⴰⵔ ⵉⵥⴻⵎⵎⴰⵔ ⴰⴷ ⵉⵜⵜⵡⴰⵇⴻⴷⴷ ⵏⵉⵖ ⴰⴷ ⵉⵜⵜⵡⴰⵃⴻⵙⵙⴻⴱ ⵥⴻⴳ ⵓⴱⴰⵔⵔⵓ ⵏⵏⴻⵙ ⴰⵎⴻⵇⵇⵔⴰⵏ. ^■   9 ⴻⵡⵛ ⵅⴻⵏⵏⵉ ⵉ ⵓⵎⵙⴻⵅⵅⴰⵔ ⵏⵏⴻⴽ ⵉⵊⵊ ⵏ ⵡⵓⵍ ⵉⴼⵜⴻⵏ ⵃⵉⵎⴰ ⴰⴷ ⵜⴰⴼ ⵉⵥⴻⵎⵎⴰⵔ ⴰⴷ ⵉⵃⴽⴻⵎ ⴷⵉ ⵍⴳⴻⵏⵙ ⵓ ⵃⵉⵎⴰ ⴰⴷ ⵉⴼⴰⵔⵥ ⵙ ⵍⴻⵄⵇⴻⵍ ⵊⴰⵔ ⵎⵉⵏ ⵉⴵⴰⵏ ⵉⵛⵏⴰ ⴷ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ, ⵎⵉⵏⵥⵉ ⵎⴰⵏ ⵡⴻⵏ ⵉⵥⴻⵎⵎⴰⵔⴻⵏ ⴰⴷ ⵉⵃⴽⴻⵎ ⵅ ⵍⴳⴻⵏⵙ-ⴰ ⵡⴰ ⴰⵎⴻⵇⵇⵔⴰⵏ ⵏⵏⴻⴽ?”

10 ⴰⵡⴰⵍ-ⴰ ⵜⵓⵖⴰ ⴷ ⵍⴻⵎⵍⵉⵃ ⴷⵉ ⵜⵉⵟⵟⴰⵡⵉⵏ ⵏ ⵙⵉⴷⵉ, ⵍⴰⵎⵉ ⵥⴻⵄⵎⴰ ⵙⵓⵍⵉⵎⴰⵏ ⵉⵜⵜⴰⵔ ⵎⴰⵏ ⴰⵢⴰ. ^□  

11 ⵉⵏⵏⴰ ⴰⵙ ⴰⵔⴻⴱⴱⵉ:

“ⵎⵉⵏⵥⵉ ⵛⴻⴽ ⵜᵉⵜⵜⴰⵔⴻⴷ ⴰⵢⴰ ⵓ ⵡⴰⵔ ⵜᵉⵜⵜⴰⵔⴻⴷ ⵛⴰ ⵜⵓⴷⴰⵔⵜ ⵜⴰⵥⵉⵔⴰⵔⵜ ⵉ ⵢⵉⵅⴻⴼ ⵏⵏⴻⴽ, ⵓ ⵡⴰⵔ ⵜᵉⵜⵜⴰⵔⴻⴷ ⴰⴳⵍⴰ ⵉ ⵢⵉⵅⴻⴼ ⵏⵏⴻⴽ ⵓ ⵡⴰⵔ ⵜᵉⵜⵜⴰⵔⴻⴷ ⵛⴰ ⵜⵓⴷⴰⵔⵜ ⵏ ⵍⵄⴻⴷⵢⴰⵏ ⵏⵏⴻⴽ, ⵎⴰⵛⴰ ⵜᵉⵜⵜⴰⵔⴻⴷ ⵉ ⵢⵉⵅⴻⴼ ⵏⵏⴻⴽ ⵍⴻⵄⵇⴻⵍ ⵃⵉⵎⴰ ⴰⴷ ⵜⵥⴻⵎⵎⴰⵔⴻⴷ ⴰⴷ ⵜⴻⵙⵍⴻⴷ ⴷⴷⴻⵄⵡⴰⵜ ⴷⵉ ⵍⵎⴻⵃⴽⴰⵎⴰ, ^■  

12 ⴰⵇⴰ ⵙ ⵓⵢⴰ ⵏⴻⵛⵛ ⴳⴳⵉⵖ ⵄⵍⴰⵃⵚⴰⴱ ⴰⵡⴰⵍⴻⵏ ⵏⵏⴻⴽ. ⵅⵥⴰⵔ, ⵏⴻⵛⵛ ⵡⵛⵉⵖ ⴰⵛ ⵉⵊⵊ ⵏ ⵡⵓⵍ ⴷ ⴰⵎⵉⵖⵉⵙ ⴷ ⴰⴼⴻⵀⵀⴰⵎ, ⴰⵎ ⵎⴰⵎⵎⴻⵛ ⵡⴰⵔ ⵜⵓⵖⵉ ⵇⴱⴻⵍ ⵉ ⵛⴻⴽ ⵓ ⵡⴰⵔ ⵉⵜⵜⵉⵍⵉ ⴰⵡⴰⵔⵏⵉ ⴰⵛ. ^■  

13 ⵓⵍⴰ ⴷ ⵎⵉⵏ ⵡⴰⵔ ⵜᵉⵜⵜⴰⵔⴻⴷ, ⴰⴷ ⴰⵛ ⵜ ⵡⵛⴻⵖ, ⴰⵎ ⵡⴰⴳⵍⴰ ⴰⵎ ⵓⵄⵓⴵⵉ, ⴰⵍⴰⵎⵉ ⵎⴰⵔⵔⴰ ⵓⵙⵙⴰⵏ ⵏ ⵜⵓⴷⴰⵔⵜ ⵏⵏⴻⴽ ⵡⴰⵔ ⴷⵉⵏ ⵉⵜⵜⵉⵍⵉ ⵡⴻⵔⵢⴰⵥ ⴰⵎ ⵛⴻⴽ ⵊⴰⵔ ⵉⵊⴻⴵⵉⴷⴻⵏ. ^■  

14 ⵎⴰⵍⴰ ⵛⴻⴽ ⵜⵓⵢⵓⵔⴻⴷ ⵅ ⵜⴻⴱⵔⵉⴷⵉⵏ ⵉⵏⵓ ⴰⵍⴰⵎⵉ ⵉ ⵖⴰ ⵜⴻⵃⴹⵉⴷ ⵜⵉⵡⴻⵚⵚⴰ ⵉⵏⵓ ⴷ ⵍⵓⵎⵓⵔⴰⵜ ⵉⵏⵓ, ⴰⵎ ⵎⴰⵎⵎⴻⵛ ⵢⵓⵢⵓⵔ ⴱⴰⴱⴰⵛ ⴷⴰⵡⵓⴷ, ⵅⴻⵏⵏⵉ ⵏⴻⵛⵛ ⴰⴷ ⵙⵙⵥⵓⴳⴳⴰⵔⴻⵖ ⵓⵙⵙⴰⵏ ⵏ ⵜⵓⴷⴰⵔⵜ ⵏⵏⴻⴽ.”

15 ⵉⴼⴰⵇ-ⴷⴷ ⵙⵓⵍⵉⵎⴰⵏ, ⵓ ⵅⵥⴰⵔ, ⵜⵓⵖⴰ-ⵜⵜ ⴷ ⵉⵛⵜ ⵏ ⵜⴻⵔⵊⵉⵜ. ⵏⴻⵜⵜⴰ ⵢⵓⵙⴰ-ⴷⴷ ⵖⴰⵔ ⵓⵔⵛⴰⵍⵉⵎ ⵓⵛⴰ ⵉⴱⴻⴷⴷ ⵥⵥⴰⵜ ⵉ ⵜⵜⴰⴱⵓⵜ ⵏ ⵍⵄⴰⵀⴷ ⵏ ⵙⵉⴷⵉ ⵓ ⵉⵙⵙⴳⴻⵄⵄⴻⴷ ⵜⵉⵖⴰⵔⵚⴰ ⵏ ⵡⴻⵛⵎⴰⴹ ⵓ ⵉⴳⴳⴰ ⵜⵉⵡⵀⵉⴱⵉⵏ ⵏ ⵍⴻⵀⵏⴰ ⵓ ⵉⵙⵙⴻⵡⵊⴻⴷ ⵄⴰⵡⴻⴷ ⵉⵊⵊ ⵏ ⵎⴰⵛⵛⴰ ⵉ ⵎⴰⵔⵔⴰ ⵉⵎⵙⴻⵅⵅⴰⵔⴻⵏ ⵏⵏⴻⵙ.

16 ⵅⴻⵏⵏⵉ ⵓⵙⵉⵏⵜ-ⵉ-ⴷⴷ ⵜⵏⴰⵢⴻⵏ ⵏ ⵜⴻⵎⵖⴰⵔⵉⵏ, ⵜⵉⵏⵏⵉ ⵉⴵⴰⵏ ⴷ ⵜⵉⵎⵖⴰⵔⵉⵏ ⵏ ⴼⴰⵔⵇ-ⵛⵛⵖⴻⵍ, ⵖⴰⵔ ⵓⵊⴻⴵⵉⴷ, ⴱⴻⴷⴷⴻⵏⵜ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ.

17 ⵉⵛⵜ ⵏ ⵜⴻⵎⵖⴰⵔⵜ ⵜⴻⵏⵏⴰ: “ⵎⴰⵍⴰ ⵜⴻⵅⵙⴻⴷ, ⴰ ⵙⵉⴷⵉ ⵉⵏⵓ, ⵏⴻⵛⵛ ⵥⴻⴷⴷⵖⴻⵖ ⴰⴽ-ⴷ ⵜⴻⵎⵖⴰⵔⵜ-ⴰ ⴷⵉ ⵜⴰⴷⴷⴰⵔⵜ ⴷ ⵉⵛⵜ ⵓ ⵏⴻⵛⵛ ⵓⵔⵡⴻⵖ ⵓⵎⵉ ⵉ ⴷ ⴰⵢⵉ ⵜⵓⵖⴰ ⵖⴰⵔⴻⵙ ⴷⵉ ⵜⴰⴷⴷⴰⵔⵜ.

18 ⴷⴻⴳ ⵡⴰⵙⵙ ⵡⵉⵙⵙ ⵜⵍⴰⵜⴰ ⴰⵡⴰⵔⵏⵉ ⵍⴰⵎⵉ ⴷⴷ-ⵓⵔⵡⴻⵖ, ⵉⵎⵙⴰⵔ, ⴰⵇⴰ ⵓⵍⴰ ⴷ ⵜⴰⵎⵖⴰⵔⵜ-ⴰ ⵜⵓⵔⵓⵡ-ⴷⴷ ⵉⵊⵊ ⵏ ⵓⵃⴻⵏⵊⵉⵔ. ⵏⴻⵛⵛⵉⵏ ⵜⵓⵖⴰ ⵏⵎⵓⵏ, ⵡⴰⵔ ⵜⵓⵖⵉ ⵖⴰⵔⵏⴻⵖ ⵓⵍⴰ ⴷ ⵉⵊⵊ ⵏ ⵓⴱⴰⵔⵔⴰⵏⵉ ⴷⵉ ⵜⴰⴷⴷⴰⵔⵜ, ⵎⵖⵉⵔ ⵏⴻⵛⵛⵉⵏ ⵙ ⵜⵏⴰⵢⴻⵏ ⴷⵉ ⵜⴰⴷⴷⴰⵔⵜ.

19 ⴰⵃⴻⵏⵊⵉⵔ ⵏ ⵜⴻⵎⵖⴰⵔⵜ-ⴰ ⵉⵎⵎⵓⵜ ⴷⵉ ⴵⵉⵍⴻⵜ ⵓⵎⵉ ⵜⴻⵥⵥⴻⵍ ⵅⴰⵙ ⴷⴻⴳ ⵉⴹⴻⵙ. 20 ⵏⴻⵜⵜⴰⵜ ⵜⴻⴽⴽⴰⵔ ⵖⴰⵔ ⵡⴻⵥⵢⴻⵏ ⵏ ⴵⵉⵍⴻⵜ, ⵜⴻⴽⴽⴻⵙ ⴰⵢⵉ ⴰⵃⴻⵏⵊⵉⵔ ⵉⵏⵓ, ⵓⵎⵉ ⵜⴰⵢⵢⴰ ⵏⵏⴻⴽ ⵜᵉⵟⵟⴻⵚ, ⵓ ⵜⴻⵙⵙⴰⵔⵙ ⵉ-ⵜ ⴷⴻⴳ ⵡⴻⵃⵙⵉⵏ ⵏⵏⴻⵙ ⵓⵛⴰ ⵎⵎⵉⵙ ⵏⵏⴻⵙ ⵉⵎⵎⵓⵜⴻⵏ ⵜⴻⵙⵙⴰⵔⵙ ⵉ-ⵜ ⴷⴻⴳ ⵡⴻⵃⵙⵉⵏ ⵉⵏⵓ. 21 ⵓⵎⵉ ⴽⴽⴰⵔⴻⵖ ⵖⴰⵔ ⵜⵓⴼⴼⵓⵜ ⵃⵉⵎⴰ ⴰⴷ ⵙⵙⵓⵟⵟⵓⴹⴻⵖ ⴰⵃⴻⵏⵊⵉⵔ ⵉⵏⵓ, ⵅⵥⴰⵔ, ⵏⴻⵜⵜⴰ ⵉⵎⵎⵓⵜ. ⴷⵉ ⵚⵚⴱⴻⵃ ⵜⵓⵖⴰ ⴰⵢⵉ ⵅⴻⵥⵥⴰⵔⴻⵖ ⵎⵍⵉⵃ, ⵥⵔⵉⵖ ⵜⵓⵖⴰ-ⵜ ⵡⴰⵔ ⵉⴵⵉ ⵛⴰ ⴷ ⴰⵃⴻⵏⵊⵉⵔ ⵉⵏⵓ ⵡⴻⵏⵏⵉ ⴷⴷ-ⵓⵔⵡⴻⵖ.” 22 ⵅⴰⵙ ⵓⵛⴰ ⵜⴻⵏⵏⴰ ⵜⴻⵎⵖⴰⵔⵜ ⵏⵏⴻⵖⵏⵉⵜ: “ⵍⵍⴰ, ⵡⴻⵏⵏⵉ ⵉⴷⴷⴰⵔⴻⵏ ⴷ ⴰⵃⴻⵏⵊⵉⵔ ⵉⵏⵓ ⵓ ⵡⴻⵏⵏⵉ ⵉⵎⵎⵓⵜⴻⵏ ⴷ ⴰⵃⴻⵏⵊⵉⵔ ⵏⵏⴻⵎ!” ⵜⴻⵏⵏⴻⵖⵏⵉⵜ ⵜⴻⵏⵏⴰ: “ⵍⵍⴰ, ⵡⴻⵏⵏⵉ ⵉⵎⵎⵓⵜⴻⵏ ⴷ ⴰⵃⴻⵏⵊⵉⵔ ⵏⵏⴻⵎ ⵓ ⵡⴻⵏⵏⵉ ⵉⴷⴷⴰⵔⴻⵏ ⴷ ⴰⵃⴻⵏⵊⵉⵔ ⵉⵏⵓ!” ⴰⵎⵎⵓ ⵉ ⵙⵙⵉⵡⵍⴻⵏⵜ ⵥⵥⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ.

23 ⵉⵏⵏⴰ ⵓⵊⴻⴵⵉⴷ: “ⵜⴰⵏⵉⵜⴰ ⵜⴻⵇⵇⴰⵔ: ‘ⵡⴻⵏⵏⵉ ⵉⴷⴷⴰⵔⴻⵏ ⴷ ⴰⵃⴻⵏⵊⵉⵔ ⵉⵏⵓ ⵓ ⵡⴻⵏⵏⵉ ⵉⵎⵎⵓⵜⴻⵏ ⴷ ⴰⵃⴻⵏⵊⵉⵔ ⵏⵏⴻⵎ!’, ⵓⵛⴰ ⵡⴻⵏⵏⴻⵖⵏⵉ ⵜⴻⵇⵇⴰⵔ: ‘ⵍⵍⴰ, ⵡⴻⵏⵏⵉ ⵉⵎⵎⵓⵜⴻⵏ ⴷ ⴰⵃⴻⵏⵊⵉⵔ ⵏⵏⴻⵎ ⵓ ⵡⴻⵏⵏⵉ ⵉⴷⴷⴰⵔⴻⵏ ⴷ ⴰⵃⴻⵏⵊⵉⵔ ⵉⵏⵓ.’ ” 24 ⵅⴻⵏⵏⵉ ⵉⵏⵏⴰ ⵓⵊⴻⴵⵉⴷ: “ⴰⵡⵢⴻⵎ ⴰⵢⵉ-ⴷⴷ ⵉⵊⵊ ⵏ ⵙⵙⵉⴼ!” ⵏⵉⵜⵏⵉ ⵉⵡⵢⴻⵏ ⵉⵊⵊ ⵏ ⵙⵙⵉⴼ ⵖⴰⵔ ⵓⵊⴻⴵⵉⴷ. ^□   25 ⴰⵊⴻⴵⵉⴷ ⵉⵏⵏⴰ: “ⵇⴻⵙⵙⴻⵎ ⴰⵃⴻⵏⵊⵉⵔ ⵉⴷⴷⴰⵔⴻⵏ ⵅ ⵜⵏⴰⵢⴻⵏ ⵓⵛⴰ ⵡⵛⴻⵎ ⵉⵊⵊ ⵏ ⵡⴻⵥⵢⴻⵏ ⵉ ⵢⵉⵛⵜⴻⵏ ⵓ ⵡⵛⴻⵎ ⵉ ⵢⵉⵛⵜⴻⵏ ⵏⵏⴻⵖⵏⵉ ⵉⵊⵊ ⵏ ⵡⴻⵥⵢⴻⵏ ⵏⵏⴻⵖⵏⵉ.” 26 ⵎⴰⵛⴰ ⵍⴰⵎⵉ ⵜⵓⵖⴰ ⵜⴰⵛⵉⵜ ⵏⵏⴻⵙ ⵉ ⵓⵃⴻⵏⵊⵉⵔ ⵏⵏⴻⵙ ⵉⵎⵖⴰⵔ, ⵜⴻⵙⵙⵉⵡⴻⵍ ⵜⴻⵎⵖⴰⵔⵜ ⵜⴻⵏⵏⵉ ⵖⴰⵔ ⵉⴵⴰ ⵓⵃⴻⵏⵊⵉⵔ ⵉⴷⴷⴰⵔ, ⴰⴽ-ⴷ ⵓⵊⴻⴵⵉⴷ, ⵜⴻⵏⵏⴰ: “ⴰ, ⵙⵉⴷⵉ ⵉⵏⵓ, ⵡⵛⴻⵜ ⴰⵙ ⴰⵃⴻⵏⵊⵉⵔ ⵏⵏⵉ ⵉⴷⴷⴰⵔⴻⵏ ⵎⴰⵍⴰ ⵜⴻⵅⵙⴻⴷ, ⵡⴰⵔ ⵜ ⵏⴻⵇⵇⴻⵜ!” ⵜⴰⵏⵉⵜⴰ ⵎⴰⵛⴰ ⵜⴻⵏⵏⴰ: “ⵡⴰⵔ ⵉⵜⵜⵉⵍⵉ ⵉⵏⵓ ⵓⵍⴰ ⵏⵏⴻⵎ. ⵇⴻⵙⵙⴻⵜ ⵜ ⴷⵉ ⵍⵡⴻⵙⵜ!” 27 ⵅⴻⵏⵏⵉ ⵢⴰⵔⵔⴰ-ⴷⴷ ⵓⵊⴻⴵⵉⴷ, ⵉⵏⵏⴰ: “ⵡⵛⴻⵎ ⴰⵙ ⴰⵃⴻⵏⵊⵉⵔ ⵉⴷⴷⴰⵔⴻⵏ! ⵡⴰⵔ ⵜ ⵏⴻⵇⵇⴻⵎ. ⵏⴻⵜⵜⴰⵜ ⴷ ⵢⴻⵎⵎⴰⵙ.” 28 ⵎⴰⵔⵔⴰ ⵉⵙⵔⴰⵉⵍ ⵉⵙⵍⴰ ⵅ ⵍⴻⵃⴽⴰⵎ ⵉ ⵥⵉ ⵉⵃⴽⴻⵎ ⵓⵊⴻⴵⵉⴷ ⵓ ⵏⵉⵜⵏⵉ ⴳⴳⵯⴻⴷⴻⵏ ⵥⵥⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ, ⵎⵉⵏⵥⵉ ⵏⵉⵜⵏⵉ ⵥⵔⵉⵏ ⴱⴻⵍⵍⵉ ⵜⵉⵖⵉⵜ ⵏ ⴰⵔⴻⴱⴱⵉ ⴷⴰⵢⴻⵙ ⵃⵉⵎⴰ ⴰⴷ ⵉⴳⴳ ⴰⵥⵔⴻⴼ.