1 ⵜⵓⵖⴰ ⴰⵊⴻⴵⵉⴷ ⵙⵓⵍⵉⵎⴰⵏ ⴷ ⴰⵊⴻⴵⵉⴷ ⵅ ⵎⴰⵔⵔⴰ ⵉⵙⵔⴰⵉⵍ.

2 ⵉⵏⴰ ⵜⵓⵖⴰ ⴷ ⵍⵃⵓⴽⴽⴰⵎ ⵏⵏⴻⵙ ⵉⵎⴻⵇⵇⵔⴰⵏⴻⵏ:

ⵄⴰⵥⴰⵔⵢⴰ, ⵎⵎⵉⵙ ⵏ ⵚⴰⴷⵓⵇ, ⵜⵓⵖⴰ-ⵜ ⴷ ⴰⵎⵛⴰⵡⴰⵔ ⴷ ⴰⵎⴻⵥⵡⴰⵔⵓ.

3 ⵉⵍⵉⵃⵓⵔⴰⴼ ⴷ ⴰⵅⵉⵢⴰ, ⵉⵃⴻⵏⵊⵉⵔⴻⵏ ⵏ ⵛⵉⵛⴰ, ⵜⵓⵖⴰ ⴰⵜⴻⵏ ⴷ ⵉⵎⴰⵔⵉⵔⴻⵏ.

ⵢⴰⵃⵓⵛⴰⴼⴰⵟ, ⵎⵎⵉⵙ ⵏ ⴰⵅⵉⵍⵓⴷ, ⵜⵓⵖⴰ-ⵜ ⴷ ⴰⵎⴰⵔⵉⵔ ⴰⵎⴻⵥⵡⴰⵔⵓ. ^□  

4 ⴱⴰⵏⴰⵢⴰ, ⵎⵎⵉⵙ ⵏ ⵢⴰⵀⵓⵢⴰⴷⴰⵄ, ⵜⵓⵖⴰ-ⵜ ⵅ ⵍⵄⴻⵙⴽⴰⵔ.

ⵚⴰⴷⵓⵇ ⴷ ⴰⴱⵢⴰⵜⴰⵔ ⵜⵓⵖⴰ ⴰⵜⴻⵏ ⴷ ⵉⴽⴻⵀⵀⴰⵏⴻⵏ.

5 ⵄⴰⵥⴰⵔⵢⴰ, ⵎⵎⵉⵙ ⵏ ⵏⴰⵜⴰⵏ, ⵜⵓⵖⴰ-ⵜ ⵅ ⵍⵡⵓⵍⴰⵜ.

ⵣⴰⴱⵓⴷ, ⵎⵎⵉⵙ ⵏ ⵏⴰⵜⴰⵏ, ⵜⵓⵖⴰ-ⵜ ⴷ ⴰⵡⴽⵉⵍ ⴷ ⴰⵎⴻⴷⴷⵓⴽⴽⴻⵍ ⵏ ⵓⵊⴻⴵⵉⴷ.

6 ⴰⵅⵉⵛⴰⵔ ⵜⵓⵖⴰ-ⵜ ⵅ ⵜⵥⴻⴷⴷⵉⵖⵜ ⵏ ⵓⵊⴻⴵⵉⴷ.

ⴰⴷⵓⵏⵉⵔⴰⵎ, ⵎⵎⵉⵙ ⵏ ⴰⴱⴷⴰ ⵜⵓⵖⴰ-ⵜ ⵅ ⵍⵊⵉⵥⵢⴰ. ^■  

7 ⵙⵓⵍⵉⵎⴰⵏ ⵖⴰⵔⴻⵙ ⵜⴻⵏⵄⴰⵛ ⵏ ⵍⵡⵓⵍⴰⵜ ⵅ ⵎⴰⵔⵔⴰ ⵉⵙⵔⴰⵉⵍ, ⵉⵏⵏⵉ ⵉⴱⴻⴷⴷⴻⵏ ⵅ ⵍⴻⵄⵡⴻⵞ ⵏ ⵓⵊⴻⴵⵉⴷ ⴷ ⵜⴰⴷⴷⴰⵔⵜ ⵏⵏⴻⵙ. ⴰⴷ ⵉⴽⵙⵉ ⴽⵓⵍ ⵉⵊⵊ ⵉⵊⵊ ⵏ ⵓⵢⵓⵔ ⴷⴻⴳ ⵓⵙⴻⴳⴳⵯⴰⵙ. 8 ⵉⵏⴰ ⴷ ⵉⵙⵎⴰⵡⴻⵏ ⵏⵙⴻⵏ:

ⵎⵎⵉⵙ ⵏ ⵃⵓⵔ ⵅ ⵉⴷⵓⵔⴰⵔ ⵏ ⵉⴼⵔⴰⵢⵉⵎ.

9 ⵎⵎⵉⵙ ⵏ ⴷⴰⵇⴰⵔ ⴷⵉ ⵎⴰⵇⴰⵙ ⵓ ⴷⵉ ⵛⴰⵄⴰⵍⵓⴱⴱⵉⵎ ⵓ ⴱⴰⵢⵜ-ⵛⴰⵎⵙ ⴷ ⵉⵍⵓⵏ-ⴱⴰⵢⵜ-ⵃⴰⵏⴰⵏ.

10 ⵎⵎⵉⵙ ⵏ ⵃⴰⵙⴰⴷ ⴷⵉ ⴰⵔⵓⴱⵓⵜ. ⵏⴻⵜⵜⴰ ⵜⵓⵖⴰ ⵖⴰⵔⴻⵙ ⵙⵓⴽⵓ ⴷ ⵎⴰⵔⵔⴰ ⵜⴰⵎⵎⵓⵔⵜ ⵏ ⵃⴰⴼⵉⵔ.

11 ⵎⵎⵉⵙ ⵏ ⴰⴱⵉⵏⴰⴷⴰⴱ ⵖⴰⵔⴻⵙ ⵎⴰⵔⵔⴰ ⵜⵉⵡⵔⵉⵔⵉⵏ ⵏ ⴷⵓⵔ. ⵜⴰⴼⴰⵜ, ⵢⴻⴵⵉⵙ ⵏ ⵙⵓⵍⵉⵎⴰⵏ, ⵜⵓⵖⴰ-ⵜⵜ ⵖⴰⵔⴻⵙ ⴷ ⵜⴰⵎⵖⴰⵔⵜ.

12 ⴱⴰⵄⵏⴰ, ⵎⵎⵉⵙ ⵏ ⴰⵅⵉⵍⵓⴷ, ⵖⴰⵔⴻⵙ ⵜⴰⵄⵏⴰⴽ, ⵎⴰⵊⵉⴷⴷⵓ ⴷ ⵎⴰⵔⵔⴰ ⴱⴰⵢⵜ-ⵛⴰⵏ ⵉ ⵉⴵⴰⵏ ⵖⴰⵔ ⵚⵓⵔⵜⴰⵏ, ⵙⵡⴰⴷⴷⴰⵢ ⵏ ⵢⴰⵥⵔⴰⵄⵉⵍ, ⵥⵉ ⴱⴰⵢⵜ-ⵛⴰⵏ ⵖⴰⵔⴻⵙ ⴰⵍ ⴰⴱⴰⵍ-ⵎⴰⵃⵓⵍⴰ, ⵖⴰⵔⴻⵙ ⴰⵍ ⵓⵖⴻⵥⴷⵉⵙ ⵏⵏⴻⵖⵏⵉ ⵏ ⵢⵓⵇⵎⴰⵄⴰⵎ.

13 ⵎⵎⵉⵙ ⵏ ⵊⴰⴱⴰⵔ ⵜⵓⵖⴰ ⴷⵉ ⵔⴰⵎⵓⵜ-ⵊⵉⵍⵄⴰⴷ. ⵏⴻⵜⵜⴰ ⵖⴰⵔⴻⵙ ⴷⵛⵓⵔⴰⵜ ⵏ ⵢⴰ’ⵉⵔ, ⵎⵎⵉⵙ ⵏ ⵎⴰⵏⴰⵙⵙⴰ, ⵜⵉⵏⵏⵉ ⵉⴵⴰⵏ ⴷⵉ ⵊⵉⵍⵄⴰⴷ. ⵜⵓⵖⴰ ⵖⴰⵔⴻⵙ ⵓⵍⴰ ⴷ ⵊⵊⵉⵀⴻⵜ ⵏ ⴰⵔⵊⵓⴱ, ⵜⴻⵏⵏⵉ ⴷⵉ ⴱⴰⵛⴰⵏ, ⵙⴻⵜⵜⵉⵏ ⵏ ⵜⵉⵏⴻⴷⴷⴰⵎ ⵎⵖⴰⵔⴻⵏⵜ ⵙ ⵍⵃⵉⴹ ⵓ ⵙ ⵥⵥⴻⴽⵔⵓⵏ ⵏ ⵏⵏⵃⴰⵙ.

14 ⴰⵅⵉⵏⴰⴷⴰⴱ, ⵎⵎⵉⵙ ⵏ ⵄⵉⴷⴷⵓ, ⵖⴰⵔⴻⵙ ⵎⴰⵃⴰⵏⴰⵢⵉⵎ.

15 ⴰⵅⵉⵎⴰⵄⴰⵥ ⵜⵓⵖⴰ-ⵜ ⴷⵉ ⵏⴰⴼⵜⴰⵍⵉ. ⵏⴻⵜⵜⴰ ⵢⵉⵡⵉ ⵓⵍⴰ ⴱⴰⵙⵉⵎⴰⵜ, ⵢⴻⴵⵉⵙ ⵏ ⵙⵓⵍⵉⵎⴰⵏ, ⴷ ⵜⴰⵎⵖⴰⵔⵜ ⵏⵏⴻⵙ.

16 ⴱⴰⵄⵏⴰ, ⵎⵎⵉⵙ ⵏ ⵀⵓⵛⴰⵉ, ⵜⵓⵖⴰ-ⵜ ⴷⵉ ⴰⵛⵉⵔ ⵓ ⴷⵉ ⴱⴰⵄⴰⵍⵓⵜ.

17 ⵢⴰⵀⵓⵛⴰⴼⴰⵟ, ⵎⵎⵉⵙ ⵏ ⴼⴰⵔⵓⵃ, ⵜⵓⵖⴰ-ⵜ ⴷⵉ ⵉⵙⵙⴰⴽⴰⵔ.

18 ⵛⵉⵎⵄⵉ, ⵎⵎⵉⵙ ⵏ ⵉⵢⵍⴰ, ⵜⵓⵖⴰ-ⵜ ⴷⵉ ⴱⵉⵏⵢⴰⵎⵉⵏ.

19 ⵊⴰⴱⴰⵔ, ⵎⵎⵉⵙ ⵏ ⵓⵔⵉ, ⵜⵓⵖⴰ-ⵜ ⴷⵉ ⵜⴻⵎⵎⵓⵔⵜ ⵏ ⵊⵉⵍⵄⴰⴷ, ⵜⴰⵎⵎⵓⵔⵜ ⵏ ⵙⵉⵃⵓⵏ, ⴰⵊⴻⴵⵉⴷ ⵏ ⵉⵎⵓⵔⵉⵢⵢⴻⵏ, ⵓ ⵏ ⵄⵓⵊ, ⴰⵊⴻⴵⵉⴷ ⵏ ⴱⴰⵛⴰⵏ. ⵏⴻⵜⵜⴰ ⵜⵓⵖⴰ ⴷ ⴰⵢⴻⵏⵏⵉ ⵏ ⵍⵡⴰⵍⵉ ⴷⵉ ⵜⴻⵎⵎⵓⵔⵜ ⵏⵏⵉ.

20 ⵜⵓⵖⴰ ⵍⴳⴻⵏⵙ ⵏ ⵢⴰⵀⵓⴷⴰ ⴷ ⵉⵙⵔⴰⵉⵍ ⵙ ⵡⴰⵟⵟⴰⵙ ⴰⵎ ⵉⵊⴷⵉ ⵖⴰⵔ ⵜⵎⴰ ⵏ ⵍⴻⴱⵃⴰⵔ, ⴰⵎⵎⵓ ⴰⵟⵟⴰⵙ. ⵏⵉⵜⵏⵉ ⵛⵛⵉⵏ, ⵙⵡⵉⵏ ⵓ ⴼⴰⵔⵃⴻⵏ.