1 ⵉⵥⴷⴻⵖ ⵉⵙⵔⴰⵉⵍ ⴷⵉ ⵛⵉⵟⵟⵉⵎ ⵓⵛⴰ ⵉⴱⴷⴰ ⵍⴳⴻⵏⵙ ⴰⴷ ⵉⵙⵙⴻⴼⵙⴻⴷ ⵉⵅⴻⴼ ⵏⵏⴻⵙ ⴰⴽ-ⴷ ⵢⴻⵙⵙⵉⵙ ⵏ ⵎⵓ’ⴰⴱ. ^■   2 ⵄⴰⵔⴹⴻⵏ-ⴷⴷ ⵍⴳⴻⵏⵙ ⵖⴰⵔ ⵜⵖⴰⵔⵚⵉ ⵏ ⵉⵔⴻⴱⴱⵉⵜⴻⵏ ⵏⵙⴻⵏⵜ ⵓⵛⴰ ⵍⴳⴻⵏⵙ ⵉⵛⵛⴰ ⵥⵥⴰⵢⵙⴻⵏⵜ ⵓⵛⴰ ⵢⵓⴹⴰⵔ ⵉ ⵉⵔⴻⴱⴱⵉⵜⴻⵏ ⵏⵙⴻⵏⵜ.^■   3 ⴰⵎⵎⵓ ⵉⵎⵓⵏ ⵍⴳⴻⵏⵙ ⴰⴽ-ⴷ ⴱⴰⵄⵍ-ⴼⴰⵖⵓⵔ ⵓⵛⴰ ⵢⴰⵔⵖⴰ ⵡⴻⵖⴹⴰⴱ ⵏ ⵙⵉⴷⵉ ⵅ ⵉⵙⵔⴰⵉⵍ. ^■  

4 ⵉⵏⵏⴰ ⵙⵉⴷⵉ ⵉ ⵎⵓⵙⴰ: “ⴽⵙⵉ ⵎⴰⵔⵔⴰ ⵉⵔⵢⴰⵥⴻⵏ ⵏⵏⵉ ⴷ ⵉⵥⴻⴵⵉⴼⴻⵏ ⵏ ⵍⴳⴻⵏⵙ ⵓⵛⴰ ⴰⵢⴻⵍ ⵉ-ⵜⴻⵏ ⵥⵥⴰⵜ ⵉ ⵙⵉⴷⵉ ⴷⵉ ⵜⴼⵓⵛⵜ ⵉⵃⴰⵔⵔⴻⵏ, ⴰⵍ ⴷⴷ ⵖⴰ ⵉⵜⵜⵡⴰⴷⵡⴻⵍ ⵍⵃⴰⴷⵓⵇ ⵏ ⵡⴻⵖⴹⴰⴱ ⵏ ⵙⵉⴷⵉ ⵏ ⵉⵙⵔⴰⵉⵍ.” ^■   5 ⵅⴻⵏⵏⵉ ⵉⵏⵏⴰ ⵎⵓⵙⴰ ⵉ ⵍⵇⵓⴹⴰⵜ ⵏ ⵉⵙⵔⴰⵉⵍ: “ⴻⵊⵊ ⴽⵓⵍ ⵉⵊⵊ ⴰⴷ ⵉⵏⴻⵖ ⵉⵏⵏⵉ ⵥⵉ ⵊⴰⵔ ⵢⴻⵔⵢⴰⵥⴻⵏ ⵏⵏⴻⵙ ⵉⵎⵓⵏⴻⵏ ⴰⴽ-ⴷ ⴱⴰⵄⵍ-ⴼⴰⵖⵓⵔ!”

6 ⵓⵛⴰ ⵅⵥⴰⵔ, ⵉⵊⵊ ⵏ ⵡⴻⵔⵢⴰⵥ ⵥⴻⴳ ⴰⵢⵜ ⵏ ⵉⵙⵔⴰⵉⵍ ⵢⵓⵙⴰ-ⴷⴷ ⵓⵛⴰ ⵢⵉⵡⵉ-ⴷⴷ ⵉⵛⵜ ⵏ ⵜⴻⵎⵖⴰⵔⵜ ⵜⵎⵉⴷⵉⵢⴰⵏⴻⵛⵜ ⵖⴰⵔ ⴰⵢⵜⵎⴰⵙ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵎⵓⵙⴰ ⵓⵛⴰ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵎⴰⵔⵔⴰ ⵜⴰⵎⴻⵙⵎⵓⵏⵜ ⵏ ⴰⵢⵜ ⵏ ⵉⵙⵔⴰⵉⵍ, ⴰⵎ ⵜⵔⵓⵏ ⵏⵉⵜⵏⵉ ⵖⴰⵔ ⵡⴰⴷⴰⴼ ⵏ ⵓⵇⵉⴹⵓⵏ ⵏ ⵓⵎⵙⴰⴳⴰⵔ. 7 ⵉⵥⵔⴰ ⵉ-ⵜ ⴼⵉⵏⴰⵃⴰⵙ, ⵎⵎⵉⵙ ⵏ ⴰⵍⵉⵄⴰⵥⴰⵔ, ⵎⵎⵉⵙ ⵏ ⵀⴰⵔⵓⵏ, ⵓⵛⴰ ⵏⴻⵜⵜⴰ ⵉⴽⴽⴰⵔ ⵥⵉ ⵍⵡⴻⵙⵜ ⵏ ⵜⵎⴻⵙⵎⵓⵏⵜ. ⵏⴻⵜⵜⴰ ⵉⴽⵙⵉ ⵉⵊⵊ ⵏ ⵓⵃⵔⵉⵛ ⴷⴻⴳ ⵓⴼⵓⵙ ⵏⵏⴻⵙ ^■   8 ⵓⵛⴰ ⵉⵔⵓⵃ ⴰⵡⴰⵔⵏⵉ ⵉ ⵡⴻⵔⵢⴰⵥ ⴰⵢⵉⵙⵔⴰⵉⵍⵉ ⵖⴰⵔ ⵓⵇⵉⴹⵓⵏ ⵙ ⵍⵇⵓⴱⴱⴻⵜ ⵓⵛⴰ ⵉⵙⵙⵏⵓⵇⵇⴻⴱ ⵉ-ⵜⴻⵏ ⵙ ⵜⵏⴰⵢⴻⵏ, ⴰⵎⵎⵓ ⴰⵔⵢⴰⵥ ⵥⵉ ⵉⵙⵔⴰⵉⵍ ⵓⵍⴰ ⴷ ⵜⴰⵎⵖⴰⵔⵜ ⵙ ⵓⵄⴻⴷⴷⵉⵙ ⵏⵏⴻⵙ. ⵅⴻⵏⵏⵉ ⵜⴱⴻⴷⴷ ⵊⵊⵔⵉⵃⴻⵛⵜ ⵅ ⴰⵢⵜ ⵏ ⵉⵙⵔⴰⵉⵍ. 9 ⵓⵛⴰ ⵎⵎⵓⵜⴻⵏ ⴷⵉ ⵊⵊⵔⵉⵃⴻⵛⵜ ⴰⵔⴻⴱⵄⴰ ⵓ-ⵄⵉⵛⵔⵉⵏ-ⴰⵍⴻⴼ ⵏ ⵉⵡⴷⴰⵏ. ^■  

10 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ:

11 “ⴼⵉⵏⴻⵃⴰⵙ, ⵎⵎⵉⵙ ⵏ ⴰⵍⵉⵄⴰⵥⴰⵔ, ⵎⵎⵉⵙ ⵏ ⵀⴰⵔⵓⵏ, ⴰⴽⴻⵀⵀⴰⵏ, ⵉⵙⵙⴻⴷⵡⴻⵍ-ⴷⴷ ⴰⵙⵄⴰⵔ ⵉⵏⵓ ⵅ ⴰⵢⵜ ⵏ ⵉⵙⵔⴰⵉⵍ, ⵎⵉⵏⵥⵉ ⵏⴻⵜⵜⴰ ⵜⵓⵖⴰ ⵉⵎⵃⴻⴹ ⴰⵟⵟⴰⵙ ⴷⵉ ⵍⵡⴻⵙⵜ ⵏⵙⴻⵏ ⴷⵉ ⵟⵟⵡⴻⵄ ⵏ ⵜⵓⵙⵎⵉ ⵉⵏⵓ, ⴰⵍⴰⵎⵉ ⵏⴻⵛⵛ ⵡⴰⵔ ⵀⴷⵉⵊⴻⵖ ⵄⴰⴷ ⴰⴷ ⵜⴻⵃⵃⵉⵖ ⴰⵢⵜ ⵏ ⵉⵙⵔⴰⵉⵍ ⴷⵉ ⵍⵡⴻⵇⵜ ⵏ ⵜⵓⵙⵎⵉ ⵉⵏⵓ. ^■  

12 ⵙ ⵓⵢⴰ ⵉⵏⵉ: ‘ⵅⵥⴰⵔ, ⴰⴷ ⴰⵙ ⵡⵛⴻⵖ ⵍⵄⴰⵀⴷ ⵉⵏⵓ ⵏ ⵍⴻⵀⵏⴰ. ^■  

13 ⵏⴻⵜⵜⴰ ⴷ ⵥⵥⴰⵔⵉⵄⴻⵜ ⵏⵏⴻⵙ ⴰⵡⴰⵔⵏⵉ ⴰⵙ ⴰⴷ ⵖⴰⵔⵙⴻⵏ ⵢⵉⵍⵉ ⵍⵄⴰⵀⴷ ⵏ ⵜⵓⴽⴻⵀⵀⴰⵏⵜ ⵉ ⵍⴻⴱⴷⴰ, ⵎⵉⵏⵥⵉ ⵏⴻⵜⵜⴰ ⵜⵓⵖⴰ ⵉⵎⵃⴻⴹ ⴷⵉ ⵟⵟⵡⴻⵄ ⵏ ⴰⵔⴻⴱⴱⵉ ⵏⵏⴻⵙ ⵓⵛⴰ ⵉⴼⴷⴰ ⵅ ⴰⵢⵜ ⵏ ⵉⵙⵔⴰⵉⵍ.’ ”

14 ⵉⵙⴻⵎ ⵏ ⵡⴻⵔⵢⴰⵥ ⴰⵢⵉⵙⵔⴰⵉⵍⵉ ⵏⵏⵉ ⵉⵜⵜⵡⴰⵏⵖⴻⵏ, ⵡⴻⵏⵏⵉ ⵜⵓⵖⴰ ⵉⵜⵜⵡⴰⵏⵖⴻⵏ ⵊⵎⵉⵄ ⴰⴽ-ⴷ ⵜⴻⵎⵖⴰⵔⵜ ⵜⴰⵎⵉⴷⵢⴰⵏⴻⵛⵜ, ⵜⵓⵖⴰ-ⵜ ⴷ ⵣⵉⵎⵔⵉ, ⵎⵎⵉⵙ ⵏ ⵙⴰⵍⵓ, ⴰⵎⴻⵇⵇⵔⴰⵏ ⵅ ⵜⴰⴷⴷⴰⵔⵜ ⵏ ⴱⴰⴱⴰⵜⵙⴻⵏ ⵏ ⵉⵛⵉⵎⵄⵓⵏⵉⵢⵢⴻⵏ.

15 ⵉⵙⴻⵎ ⵏ ⵜⴻⵎⵖⴰⵔⵜ ⵜⴰⵎⵉⴷⵢⴰⵏⵉⵛⵜ ⵉ ⵜⵓⵖⴰ ⵉⵜⵜⵡⴰⵏⵖⴻⵏ ⵜⵓⵖⴰ-ⵜⵜ ⴽⵓⵥⴱⵉ, ⵢⴻⴵⵉⵙ ⵏ ⵚⵓⵔ, ⵡⴻⵏⵏⵉ ⴷ ⵉⵊⵊ ⵏ ⵓⵥⴻⴵⵉⴼ ⵅ ⵜⴻⵇⴱⵉⵞ ⵏ ⵉⵛⵜ ⵏ ⵍⴰⴵ ⵏ ⵉⵎⵉⴷⵢⴰⵏⵉⵢⵢⴻⵏ.

16 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ:

17 “ⵃⵚⴰⵔⴻⵎ ⵅ ⵉⵎⵉⴷⵢⴰⵏⵉⵢⵢⴻⵏ ⵓⵛⴰ ⵖⴻⵍⵍⴱⴻⵎ ⵅⴰⵙⴻⵏ,^■  

18 ⵎⵉⵏⵥⵉ ⵏⵉⵜⵏⵉ ⵃⵚⴰⵔⴻⵏ ⴽⴻⵏⵏⵉⵡ ⵙ ⵜⴻⵃⵔⴰⵢⵎⴻⵛⵜ ⵏⵙⴻⵏ ⵙ ⵎⵉⵏⵥⵉ ⴽⴻⵏⵏⵉⵡ ⵥⴻⵍⵖⴻⵏ ⵥⵉ ⵊⵊⵉⵀⴻⵜ ⵏ ⴼⴰⵖⵓⵔ ⴷ ⴽⵓⵥⴱⵉ, ⵢⴻⴵⵉⵙ ⵏ ⵓⵎⵖⴰⵔ ⵏ ⵎⵉⴷⵢⴰⵏ, ⵓⵞⵎⴰⵜⵙⴻⵏ, ⵜⴻⵏⵏⵉ ⵉⵜⵜⵡⴰⵏⵖⴻⵏ ⴷⴻⴳ ⵡⴰⵙⵙ ⵏ ⵊⵊⵔⵉⵃⴻⵛⵜ ⴷⵉ ⵙⵙⵉⴱⴱⴻⵜ ⵏ ⴼⴰⵖⵓⵔ.” ^■  

19 ⵓⵛⴰ ⴰⵡⴰⵔⵏⵉ ⵉ ⵊⵊⵔⵉⵃⴻⵛⵜ ⵉⵎⵙⴰⵔ ⵎⵉⵏ ⴷⴷ-ⵉⴳⴳⵓⵔⴻⵏ.