1 ⵓⵛⴰ ⵉⴼⴼⴻⵖ ⵉⵊⵊ ⵏ ⵡⴻⵔⵢⴰⵥ ⵥⵉ ⵔⴰⴵ ⵏ ⵜⴰⴷⴷⴰⵔⵜ ⵏ ⵍⴰⵡⵉ, ⵢⵉⵡⵉ ⵉⵛⵜ ⵏ ⵜⵃⴻⵏⵊⵉⵔⵜ ⵏ ⵍⴰⵡⵉ ⴷ ⵜⴰⵎⵖⴰⵔⵜ. ^■   2 ⵜⴻⴽⵙⵉ ⵜⴻⵎⵖⴰⵔⵜ ⵙ ⴷⴷⴻⵢⵙⴻⵜ ⵓⵛⴰ ⵜⵓⵔⵓⵡ-ⴷⴷ ⴰⵃⴻⵏⵊⵉⵔ. ⵓⵎⵉ ⵜⴻⵥⵔⴰ ⴱⴻⵍⵍⵉ ⵉⵚⴱⴻⵃ ⵓⵃⴻⵏⵊⵉⵔ, ⵜⴻⴼⴼⴰⵔ ⵉ-ⵜ ⵜⵍⴰⵜⴰ ⵏ ⵉⵢⵓⵔⴻⵏ. ^□  ■   3 ⵓⵎⵉ ⵡⴰⵔ ⵜⴻⵥⵎⴰⵔ ⵄⴰⴷ ⴰⴷ ⵜ ⵜⴻⴼⴼⴰⵔ, ⵜⴻⴽⵙⵉ ⴰⵙ-ⴷⴷ ⵉⵛⵜ ⵏ ⵜⵙⴻⵏⴷⵓⵇⵜ ⵏ ⵓⵖⴰⵏⵉⵎ, ⵜⴻⴱⵔⴰ ⵉ-ⵜⵜ ⵙ ⵓⵛⴰⵔⵎⵓⴹ ⴷ ⵜⵉⵥⴻⴼⵜ ⵓⵛⴰ ⵜⴻⵙⵙⴰⵔⵙ ⴷⴰⵢⴻⵙ ⴰⵃⴻⵏⵊⵉⵔ, ⵜⴻⴳⴳⴰ ⵜⴰⵙⴻⵏⴷⵓⵇⵜ ⵏⵏⵉ ⵊⴰⵔ ⵓⵖⴰⵏⵉⵎ ⵅ ⵜⵎⴰ ⵏ ⵢⴻⵖⵥⴰⵔ. 4 ⵜⴱⴻⴷⴷ ⵡⵓⵞⵎⴰⵙ ⵖⴰⵔ ⵍⴰⴳⴳⵯⴰⵊ ⵎⴰⵃⴻⵏⴷ ⴰⴷ ⵜⵥⴰⵔ ⵎⵉⵏ ⵥⵥⴰⵢⴻⵙ ⵖⴰ ⴳⴳⴻⵏ.

5 ⵓ ⵅⵥⴰⵔ, ⵜⴻⵀⵡⴰ ⵢⴻⴵⵉⵙ ⵏ ⴼⵉⵔⵄⵓⵏ ⵎⴰⵃⴻⵏⴷ ⴰⴷ ⵜⴻⵙⵙⵉⵔⴷ ⵉⵅⴻⴼ ⵏⵏⴻⵙ ⴷⴻⴳ ⵢⴻⵖⵥⴰⵔ. ⵜⵓⵖⴰ ⵜⵉⵢⵢⴰ ⵏⵏⴻⵙ ⴳⴳⵓⵔⴻⵏⵜ ⵅ ⵜⵎⴰ ⵏ ⵢⴻⵖⵥⴰⵔ. ⵏⴻⵜⵜⴰⵜ ⵜⴻⵥⵔⴰ ⵜⴰⵙⴻⵏⴷⵓⵇⵜ ⴷⴻⴳ ⵓⵖⴰⵏⵉⵎ ⵓⵛⴰ ⵜⴻⵙⵙⴻⴽⴽ ⵜⵉⵙⵎⴻⵖⵜ ⵏⵏⴻⵙ ⵓⵛⴰ ⵜⴻⴽⵙⵉ ⵜ-ⵉ-ⴷⴷ. ^■   6 ⴰⵍⴰⵎⵉ ⵜⵜ ⵜⴰⵔⵥⴻⵎ, ⵜⴻⵥⵔⴰ ⴰⵃⴻⵏⵊⵉⵔ ⵏⵏⵉ, ⵓⵛⴰ ⵅⵥⴰⵔ, ⴰⵃⴻⵏⵊⵉⵔ ⵜⵓⵖⴰ ⵉⵜⵜⵔⵓ. ⵢⵓⴷⴻⴼ ⵉ-ⵜⵜ ⵓⵥⵉⴵⴻⵥ, ⵜⴻⵏⵏⴰ: “ⵡⴰ ⴷ ⵉⵊⵊ ⵥⴻⴳ ⵉⵃⴻⵏⵊⵉⵔⴻⵏ ⵏ ⵉⵄⵉⴱⵔⴰⵏⵉⵢⵢⴻⵏ!” 7 ⵍⴻⵅⴷⴻⵏⵏⵉ ⵜⴻⵏⵏⴰ ⵓⵞⵎⴰⵙ ⵉ ⵢⴻⴵⵉⵙ ⵏ ⴼⵉⵔⵄⵓⵏ: “ⵎⴰ ⴰⴷ ⵔⴰⵃⴻⵖ ⴰⴷ ⵍⴰⵖⵉⵖ ⵅ ⵉⵛⵜ ⵏ ⵜⴻⵎⵙⵓⴹⴻⴹⵜ ⵥⵉ ⵜⵄⵉⴱⵔⴰⵏⵉⵢⵢⵉⵏ ⵎⴰⵃⴻⵏⴷ ⴰⴷ ⴰⵎ ⵜⴻⵙⵙⵓⵟⵟⴻⴹ ⴰⵃⴻⵏⵊⵉⵔ?” 8 ⵜⴻⵏⵏⴰ ⴰⵙ ⵢⴻⴵⵉⵙ ⵏ ⴼⵉⵔⵄⵓⵏ: “ⵔⵓⵃ!” ⵜⵔⵓⵃ ⵜⴻⵄⵥⴰⵔⴻⵛⵜ, ⵜⵍⴰⵖⴰ ⵉ ⵢⴻⵎⵎⴰⵙ ⵏ ⵓⵃⴻⵏⵊⵉⵔ. 9 ⵍⴻⵅⴷⴻⵏⵏⵉ ⵜⴻⵏⵏⴰ ⴰⵙ ⵢⴻⴵⵉⵙ ⵏ ⴼⵉⵔⵄⵓⵏ: “ⴰⵡⵉ-ⴷⴷ ⴰⵃⴻⵏⵊⵉⵔ-ⴰ, ⵜⴻⵙⵙⵓⵟⵟⴻⴹ ⵉ-ⵜ ⵉ ⵏⴻⵛⵛ ⵓ ⵏⴻⵛⵛ ⴰⴷ ⵛⴻⵎ ⵅⴻⴵⵚⴻⵖ.” ⵜⴻⴽⵙⵉ ⵜⴻⵎⵖⴰⵔⵜ ⴰⵃⴻⵏⵊⵉⵔ ⵓⵛⴰ ⵜⴻⵙⵙⵓⵟⵟⴻⴹ ⵉ-ⵜ.

10 ⵓⵎⵉ ⵉⴳⵎⴰ ⵓⵃⴻⵏⵊⵉⵔ, ⵜⵉⵡⵢⵉ ⵉ-ⵜ ⵖⴰⵔ ⵢⴻⴵⵉⵙ ⵏ ⴼⵉⵔⵄⵓⵏ, ⵉⴷⵡⴻⵍ ⴰⵎ ⵎⵎⵉⵙ ⵓⵛⴰ ⵜⴻⴳⴳⴰ ⴰⵙ ⵎⵓⵙⴰ, ⵜⴻⵏⵏⴰ: “ⴰⵇⴰ ⵊⴻⴱⴷⴻⵖ ⵜ-ⵉ-ⴷⴷ ⵥⴻⴳ ⵡⴰⵎⴰⵏ.”

11 ⴷⴻⴳ ⵡⵓⵙⵙⴰⵏ ⵏⵏⵉ ⵉⵎⵙⴰⵔ, ⵓⵎⵉ ⵉⴳⵎⴰ ⵎⵓⵙⴰ, ⴰⵇⴰ ⵉⴼⴼⴻⵖ-ⴷⴷ ⵖⴰⵔ ⴰⵢⵜⵎⴰⵙ, ⵎⴰⵃⴻⵏⴷ ⴰⴷ ⵉⵥⴰⵔ ⴷⴷⵇⴻⵍ ⴷ ⵜⴰⵎⴰⵔⴰ ⵉ ⵅⴰⵙⴻⵏ ⵙⵙⴰⵔⴻⴱⴱⵓⵏ. ⵉⵥⵔⴰ ⵉⵊⵊ ⵏ ⵓⵎⵉⵚⵔⵉ ⵉⵛⵛⴰⵜ ⵉⵊⵊ ⵏ ⵓⵄⵉⴱⵔⴰⵏⵉ, ⵉⵊⵊⴻⵏ ⵥⴻⴳ ⴰⵢⵜⵎⴰⵙ. ^■  

12 ⵉⵅⵥⴰⵔ ⴷⴰ ⴷ ⴷⵉⵀⴰ, ⵉⵥⵔⴰ ⴱⴻⵍⵍⵉ ⵡⴰⵔ ⴷⵉⵏ ⵃⴻⴷ, ⵅⴻⵏⵏⵉ ⵉⵏⵖⴰ ⴰⵎⵉⵚⵔⵉ ⵏⵏⵉ ⵓⵛⴰ ⵉⵖⴱⴰ ⵜ ⴷⴻⴳ ⵉⵊⴷⵉ.

13 ⵓⵎⵉ ⴷⴷ-ⵉⴼⴼⴻⵖ ⵜⵉⵡⴻⵛⵛⴰ ⵏⵏⴻⵙ, ⵉⵥⵔⴰ ⵜⵏⴰⵢⴻⵏ ⵏ ⵢⴻⵔⵢⴰⵥⴻⵏ ⵉⵄⵉⴱⵔⴰⵏⵉⵢⵢⴻⵏ ⵜⵜⵎⴻⵏⵖⴰⵏ. ⵉⵏⵏⴰ ⵎⵓⵙⴰ ⵉ ⵡⴻⵏⵏⵉ ⵉⵜⵜⵄⴻⴷⴷⴰⵏ: “ⵎⴰⵖⴰⵔ ⵜⴻⵛⵛⴰⵜⴻⴷ ⴰⵎⵇⴰⵔⵔⴻⴱ ⵏⵏⴻⴽ?”

14 ⵉⵏⵏⴰ ⵏⴻⵜⵜⴰ: “ⵡⵉ ⵉ ⵛⴻⴽ ⵉⴳⴳⵉⵏ ⴷ ⵍⵃⴰⴽⴻⵎ ⵓ ⴷ ⵍⵇⴰⴹⵉ ⵅⴰⵏⴻⵖ? ⵎⵎⴰ ⵛⴻⴽ ⵜⴻⵇⵇⴰⵔⴻⴷ ⴰⵢⴰ ⵓⵎⵉ ⵛⴻⴽ ⵜⴻⵏⵡⵉⴷ ⴰⴷ ⴰⵢⵉ ⵜⴻⵏⵖⴻⴷ ⴰⵎⴻⵛⵏⴰⵡ ⵎⴰⵎⵎⴻⵛ ⵜⴻⵏⵖⵉⴷ ⴰⵎⵉⵚⵔⵉ?” ⵍⴻⵅⴷⴻⵏⵏⵉ ⵉⴳⴳⵯⴻⴷ ⵎⵓⵙⴰ, ⵉⵏⵏⴰ: “ⵙ ⵜⵉⴷⴻⵜⵜ ⵜⴰⵎⴻⵙⵍⴰⵛⵜ ⵜᵉⵜⵜⵡⴰⵙⵙⴻⵏ!” ^■  

15 ⵓⵎⵉ ⵉⵙⵍⴰ ⴼⵉⵔⵄⵓⵏ ⵎⴰⵏ ⴰⵢⴰ, ⵢⴰⵔⵥⵓ ⴰⴷ ⵉⵏⴻⵖ ⵎⵓⵙⴰ. ⵎⴰⵛⴰ ⵎⵓⵙⴰ ⵢⴰⵔⵡⴻⵍ ⵥⵉ ⵥⵥⴰⵜ ⵏ ⴼⵉⵔⵄⵓⵏ ⵓⵛⴰ ⵉⵥⴷⴻⵖ ⴷⵉ ⵜⴻⵎⵎⵓⵔⵜ ⵏ ⵎⵉⴷⵢⴰⵏ ⵓⵛⴰ ⵉⵇⵇⵉⵎ ⵖⴰⵔ ⵉⵊⵊ ⵏ ⵡⴰⵏⵓ. ^■  

16 ⴰⴽⴻⵀⵀⴰⵏ ⵏ ⵎⵉⴷⵢⴰⵏ ⵜⵓⵖⴰ ⵖⴰⵔⴻⵙ ⵙⴻⴱⵄⴰ ⵏ ⵢⴻⵙⵙⵉⵙ, ⵜⵉⵏⵏⵉ ⵉ ⴷⴷ-ⵢⵓⵙⵉⵏ ⴰⴷ ⴰⵢⵎⴻⵏⵜ ⴰⵎⴰⵏ ⴷⵉⵏ ⵓⵛⴰ ⵛⵛⵓⵔⴻⵏⵜ ⵙⵙⵡⴰⵔⴻⵊ ⵃⵉⵎⴰ ⴰⴷ ⵡⴰⵔⴷⴻⵏⵜ ⵓⴵⵉ ⵏ ⴱⴰⴱⴰⵜⵙⴻⵏⵜ.

17 ⵓⵙⵉⵏ-ⴷⴷ ⵉⵎⴻⴽⵙⴰⵡⴻⵏ ⵓⵛⴰ ⵓⵥⵥⵍⴻⵏ ⵅⴰⵙⴻⵏⵜ. ⵉⴽⴽⴰⵔ ⵎⵓⵙⴰ ⵍⴻⵅⴷⴻⵏⵏⵉ, ⵉⴼⴻⴽⴽ ⵉ-ⵜⴻⵏⵜ, ⵉⵡⴰⵔⴷ ⵓⴵⵉ ⵏⵙⴻⵏⵜ. ^□  

18 ⵓⵎⵉ ⴷⴻⵡⵍⴻⵏⵜ ⵖⴰⵔ ⴱⴰⴱⴰⵜⵙⴻⵏⵜ ⵓⵎⵉ ⵇⵇⴰⵔⴻⵏ ⵔⴰⵄⵓⵢⵉⵍ, ⵉⵏⵏⴰ ⴰⵙⴻⵏⵜ: “ⵎⴰⵢⴻⵎⵎⵉ ⴷⴷ-ⵜⵜⵄⴻⵇⴱⴻⵏⵜ ⴰⵙⵙ-ⴰ ⴷⴻⵖⵢⴰ?” ^□  

19 ⵏⵉⵜⴻⵏⵜⵉ ⴰⵔⵔⵉⵏⵜ-ⵉ-ⴷⴷ ⵅⴰⵙ: “ⵉⵊⵊ ⵏ ⵡⴻⵔⵢⴰⵥ ⴷ ⴰⵎⵉⵚⵔⵉ ⵉⴼⴻⴽⴽ ⴰⵏⴻⵖ ⵥⴻⴳ ⵉⴼⴰⵙⵙⴻⵏ ⵏ ⵉⵎⴻⴽⵙⴰⵡⴻⵏ ⵓⵛⴰ ⵄⴰⵡⴻⴷ ⵢⵓⵢⴻⵎ ⴰⵏⴻⵖ-ⴷⴷ ⴰⵟⵟⴰⵙ ⵏ ⵡⴰⵎⴰⵏ ⵓⵛⴰ ⵉⵡⴰⵔⴷ ⵓⴵⵉ.” ^□   20 ⵉⵏⵏⴰ ⵉ ⵢⴻⵙⵙⵉⵙ: “ⵉ ⵎⴰⵏⵉ ⵢⴻⴵⴰ, ⵎⴰⵢⴻⵎⵎⵉ ⵜⴻⵊⵊⵉⵏⵜ ⴰⵔⵢⴰⵥ ⴷⵉⵏ? ⵔⵓⵃⴻⵏⵜ ⵍⴰⵖⴰⵏⵜ-ⵉ-ⴷⴷ ⵅⴰⵙ ⵃⵉⵎⴰ ⴰⴷ ⵉⵛⵛ ⴰⵖⵔⵓⵎ!” 21 ⵓⵛⴰ ⵉⵇⴱⴻⵍ ⵎⵓⵙⴰ ⴰⴷ ⵉⵥⴷⴻⵖ ⴰⴽ-ⴷ ⵡⴻⵔⵢⴰⵥ ⵏⵏⵉ ⵓⵛⴰ ⵏⴻⵜⵜⴰ ⵉⵡⵛⴰ ⴰⵙ ⵉ ⵎⵓⵙⴰ ⵢⴻⴵⵉⵙ ⵚⴰⴼⴼⵓⵔⴰ ⴷ ⵜⴰⵎⵖⴰⵔⵜ.

22 ⵜⴻⵊⵊⴰ ⴰⵙ-ⴷⴷ ⴰⵃⴻⵏⵊⵉⵔ, ⵉⴳⴳⴰ ⴰⵙ ⵊⴰⵔⵛⵓⵎ, ⵎⵉⵏⵥⵉ ⵉⵏⵏⴰ: “ⵏⴻⵛⵛ ⵜⵓⵖⴰ ⴰⵢⵉ ⴷ ⴰⵖⵔⵉⴱ ⴷⴻⴳ ⵉⵛⵜ ⵏ ⵜⴻⵎⵎⵓⵔⵜ ⴷ ⵜⴰⵖⵔⵉⴱⵜ ⵅⴰⴼⵉ.” ^□  ■  

23 ⵍⴰⵎⵉ ⵉⵄⴷⵓ ⵡⴰⵟⵟⴰⵙ ⵏ ⵍⵡⴻⵇⵜ, ⵉⵎⵎⵓⵜ ⵓⵊⴻⴵⵉⴷ ⵏ ⵎⵉⵚⵔⴰ ⵓⵛⴰ ⵇⵇⵉⵎⴻⵏ ⴰⵢⵜ ⵏ ⵉⵙⵔⴰⵉⵍ ⵜⵜⵏⵉⵅⵙⵉⵙⴻⵏ ⴷⵉ ⵜⴻⵙⵎⵓⵖⵉ ⵉ ⴷⵉ ⵜⵓⵖⴰ ⴷⴷⴰⵔⴻⵏ, ⵙⵙⵖⵓⵢⵢⴻⵏ ⵓⵛⴰ ⵉⵖⵓⵢⵢⴰⵏ ⵏⵙⴻⵏ ⴳⴻⵄⵄⴷⴻⵏ ⵖⴰⵔ ⴰⵔⴻⴱⴱⵉ ⵥⵉ ⵜⴻⵙⵎⵓⵖⵉ ⵏⵙⴻⵏ. 24 ⵓⵛⴰ ⵉⵙⵙⵃⴻⵙⵙ ⴰⵔⴻⴱⴱⵉ ⵉ ⵜⵖⵓⵢⵢⵉⵜ ⵏⵙⴻⵏ ⵓⵛⴰ ⵉⵅⴰⵔⵔⴻⵚ ⴰⵔⴻⴱⴱⵉ ⴷⵉ ⵍⵄⴰⵀⴷ ⵏⵏⴻⵙ ⴰⴽ-ⴷ ⵉⴱⵔⴰⵀⵉⵎ ⵓ ⴰⴽ-ⴷ ⵉⵙⵃⴰⵇ ⵓ ⴰⴽ-ⴷ ⵢⴰⵄⵇⵓⴱ. ^■   25 ⵉⵅⵥⴰⵔ ⴰⵔⴻⴱⴱⵉ ⵖⴰⵔ ⴰⵢⵜ ⵏ ⵉⵙⵔⴰⵉⵍ ⵓⵛⴰ ⵢⴰⵔⴳⴻⴱ ⴰⵔⴻⴱⴱⵉ ⵅ ⵍⴻⵖⴱⴻⵏ ⵏⵙⴻⵏ.