1 Xseɣ ad iniɣ, mecḥař ma d awrit aqa-t ɛad d aḥenjir war din bu řfarq x umsexxar, waxxa netta d bab n marra nitni. 2 Netta iǧa ɛad sadu inni t yarebban u sadu iwkiřen inni xas iḥeṭṭan ař řweqt i yegga babas zi qbeř. 3 Ammu ɛawed neccin, umi d aneɣ tuɣa ɛad d iḥenjiren, tuɣa aneɣ d isemɣan sadu ṣṣulṭa n lfarayiḍ n ddunecta. 4 Maca umi dd-yiweḍ uɛemmar n řweqt, AREBBI aqa issekk-dd Mmis i dd-ittwaxeřqen zi temɣart, d wenni tuɣa sadu Ccariɛa, ^■   5 ḥima ad ifdi inni iǧan sadu Ccariɛa uca xenni neccin ad neṭṭef řefḍeř maḥend ad nettwaqbeř d mmis. ^□  ■  

6 Uca minzi kenniw teǧam d arraw, AREBBI issekk Arruḥ n Mmis deg wuřawen nwem, wenni ittřaɣan: ‘Baba, Babatneɣ!’ ^■   7 S uyenni war teǧim ɛad d imsexxaren, maca d iḥenjiren, u mařa iḥenjiřen i teǧam, aqa kenniw ɛawed d iwriten n AREBBI s Yeccu Lmasiḥ. 8 Maca di zman i war tessinem ca AREBBI, tuɣa tɛebbdem inni war iǧin s tewwa d irebbiten. ^■   9 Uca řexxu, awarni řami tessnem AREBBI, ɛad ḥsen AREBBI yargeb xawem, aqa tɛeqbem ɛawed ɣar ṣṣulṭa n lfarayiḍ iḍeɛfen izeřḍen n ddunect-a, texsem ad tent tɛebdem ɛawed! ^■  

10 Tḥeṭṭam ussan d iyuren d ikuden d iseggʷusa. ^■  

11 Ggʷedeɣ xawem aqa ttamareɣ jar awem x walu.

12 A aytma, ttzawgeɣ kenniw, iřim amecnaw necc, minzi necc amecnaw kenniw. Kenniw war d ayi teggim min war iḥřin.

13 Aqa kenniw tessnem belli barrḥeɣ awem-dd s Řexbar Aṣebḥan deg umezwaru s tuḍɛeft n arrimet inu.

14 Kenniw war tesseḥqarem niɣ tessṭeyyḥem zi tqeǧebt inu di arrimet, maca tqebřem ayi amecnaw ijj n lmalak n AREBBI amecnaw Yeccu Lmasiḥ. ^■  

15 Mani truḥ xenni lbaraka nwem? Minzi cehhdeɣ xawem belli, mařa tuɣa tzemmarem, ad tqeřɛem tiṭṭawin nwem ḥima ad ayi tent tewcem.

16 Ma dewřeɣ d řeɛdu nwem minzi barrḥeɣ kenniw s tidett?

17 Nitni cḍaren aṭṭas xawem, maca war iǧi amenni waha, maɣar xsen ad kenniw ḥebbsen, minzi kenniw tecḍarem xasen. ^■  

18 Mliḥ ad tiřim řebda tceṭṭarem di min iǧan d aṣebḥan, war iǧi xmi kiwem i ɣa ḥḍareɣ waha.

19 A iḥenjiren inu, twařa nneɣnit aqa ayi am ict n temɣart tenni iksin ddeyset zzaywem s unezbar n tarwa, ař daywem i ɣa iřint tefras n Lmasiḥ. ^■   20 Xseɣ řexxu ad iřiɣ akidwem uca ad beddřeɣ tmijja inu, minzi aqa ugnuɣ zzaywem.

21 Inim ayi, kenniw inni ittexsen ad tiřim sadu Ccariɛa, ma war tᵉṭṭiɛem ca Ccariɛa? 22 Minzi aqa tura belli Ibrahim tuɣa ɣares tnayen n iḥenjiren, ijjen n tayya, wenneɣni n tḥurrect. ^■   23 Wenni n tayya aqa ittwaxřeq-dd ɛlaḥsab ddat, maca wenni n tḥurrect ittwaxřeq-dd s lwaɛd. ^■   24 Tina d tnayen n imedya n tnayen n řɛuhud, ijjen n wedrar n Sina wenni i dd-itarwen tasmuɣi, aqa-t Hajar. 25 Minzi Hajar d adrar n Sina di Arabiyya tenni yarewsen di Urcalim n řexxu tenni iǧan di tesmuɣi ak-d tarwa nnes. ^■   26 Maca Urcalim n sennej d taḥurrect, aqa-tt d yemmatneɣ. ^■   27 Minzi tura:

“Farḥ, a tamɣart war ittirwen,

ɛeyyed uca tesɣuyyud,

a cem tenni war di iǧi unezbar n tarwa,

minzi aṭṭas iǧan d tarwa n temɣart i iǧan weḥḥdes

x tarwa n tenni ɣar iǧa weryaz.” ^■  

28 Neccin maca, a aytma, d tarwa n lwaɛd amecnaw Isḥaq. ^■   29 Maca amecnaw di řweqt nni, wi dd-itwaxeřqen ɛlaḥsab ddat tuɣa imarret wenni dd-ittwaxeřqen ɛlaḥsab Arruḥ, ammu ɛawed řexxu. ^■   30 Maca min iqqar wedlis? “Nḍarem barra tayya d mmis, minzi war ittiři mmis n tayya d awrit ak-d mmis n tḥurrect.” ^■   31 S uyenni, a aytma, aqa war neǧi ca d tarwa n tayya, maca n tḥurrect. ^□