1 A aytma inu, xseɣ ad tessnem, belli řejdud nneɣ tuɣa aten marra sadu useynu uca marra cuqqen di řebḥar, ^■   2 uca marra ttwasɣeḍṣen di Musa deg useynu u di řebḥar, ^■   3 uca marra ccin macca taruḥect d ict, ^■   4 uca marra swin tisessit taruhect d ict, minzi nitni swin zeg Weẓru n Arruḥ wenni tuɣa akidsen, u Aẓru nni tuɣa-t d Lmasiḥ. ^■   5 Maca AREBBI tuɣa war yarḍi x wezyen ameqqran zzaysen, minzi aqa aten wḍan di řexřa. ^■  

6 Man aya imsar d lmatal i neccin, ḥima xenni war dayneɣ ittiři mmeẓri di min iɛeffnen, am mammec tuɣa nitni daysen meẓri. ^■   7 Ejj aneɣ war ndikkwiř ca ad neɛbed l’aṣnam, amecnaw ca zzaysen, am mammec ittwari:

“Řgens iqqim ḥima ad icc ad issu

uca kkaren ḥima ad iraren.” ^■  

8 War iɛeddeř ad nessefsad ixef nneɣ amecnaw ca zzaysen. Aqa mmuten din třata u-ɛicrin-ařef deg ijj n wass. ^■   9 War iɛeddeř ad nqeǧeb Lmasiḥ am mammec ggin ca zzaysen uca ttwahelken s ifiɣran. ^■  

10 War iɛeddeř ɛawed ad nesfixex řami ca zzaysen sfixixen, uca xenni ttwahellken zeg umhellek. ^■  

11 Marra min d asen imsaren, aqa t d lmatal i neccin uca tura d aɛřam i neccin, minzi aneggar nsen n ikuden n řweqt aqa yusa-dd xaneɣ. ^■  

12 S uyenni wenni umi ittɣiř aqa ibedd, iwa ad iḥḍa war iweṭṭi.

13 War xawem ittekk ujarreb mɣir wenni i ɣa yawḍen ɣar iwdan, maca AREBBI dayes řaman. Netta war kenniw ittejji ad tᵉttwajarrbem sennej i min tzemmarem, maca Netta ittic uffuɣ ak-d ujarreb nwem, ḥima ad tzemmarem ad tarbum ajarreb. ^■  

14 S uyenni, imɛizzen inu, arewřem zeg uɛbad i l’aṣnam.

15 Ssawařeɣ akidwem axmi ssawařeɣ ak-d imiɣisen. Ḥekmem s yixef nwem x min d awem qqareɣ.

16 Řkas n uqadi wenni nettbarak, ma war iǧi d tamunt ak-d idammen n Lmasiḥ? Aɣrum nni ntareẓẓa, ma war iǧi d tamunt ak-d Arrimet n Lmasiḥ?

17 Am mammec iǧa aɣrum d ijjen, ammu marra neccin d ict n Arrimet, minzi marra neccin neṭṭef zeg ijj n weɣrum. ^■  

18 Xzarem ɣar Israil ɛlaḥsab arrimet! Ma inni ittetten zi tɣarṣa war ɣarsen acrac ak-d uɛalṭar? ^□  

19 Min i ɣa iniɣ di man aya? Ma belli min immewcen d taɣarṣt i l’aṣnam d ca niɣ belli l’aṣnam d ca? Lla. ^■   20 Min wcin lkuffar d taɣarṣt, wehhben tt i ccwaṭen, war iǧi i AREBBI. Uca necc war xseɣ ad tcarcem ak-d ccwaṭen. ^□  ■   21 War tzemmarem ad teswem řkas n Siditneɣ uřa d řkas n ccwaṭen, uca war tzemmarem ad tcarcem taẓewḍa n Siditneɣ uřa d taẓewḍa n ccwaṭen. ^□   22 Niɣ ad nessekkar tusmi n Siditneɣ? Ma nejhed xas neccin?

23 Marra ittḥeǧeř ayi, maca marra war ineffeɛ. Marra ittheǧeř, maca marra war ibenni. ^■   24 Uřa d ijj war yarezzu ca tizi nnes, maca ejj kuř ijj ad yarzu ɛawed tenni n umqarreb nnes. ^■  

25 Marra min ittmenzan di ssuq n igezzaren, tzemmarem ad t teccem břa aseqsi di ṭṭweɛ n tnefsect, 26 minzi i SIDI i umi ɣar teǧa temmurt d řekmařet nnes. ^■   27 Mařa ca n yijjen zeg inni war yuminen iɛarḍi kenniw u texsem ad traḥem, ccem zi marra min d awem i d ɣa issars, war tesseqsim ca x ssibbet n tnefsect. ^□  ■   28 Maca mařa ḥed inna awem: “Degga ittwaɣarṣ i l’aṣnam!”, war zzayes tᵉttem di ṭṭweɛ n wenni d awem iɛeřmen uřa di ṭṭweɛ n tnefsect. 29 Mařa necc nniɣ di ṭṭweɛ n ‘tnefsect’, war ɛniɣ tanefsect nwem, maca tenni n wenneɣni. Minzi mayemmi i ɣa tᵉttwaḥakem třelli inu s tnefsect n wenneɣni? 30 Mařa necc carceɣ s uqadi, mayemmi i ɣa ttwaceqqfeɣ di ssibbet mixef ttqadiɣ? ^■  

31 Xenni mařa tᵉttettem niɣ tsessem, niɣ tᵉtteggem ca n řḥajjet nneɣni, ggem tt marra i uɛuǧi n AREBBI. ^■   32 War ttiřim d taɛenkrift uřa i Wudayen uřa i Iramiyyen uřa i tmesmunt n AREBBI, ^■   33 amecnaw necc ɛawed arezzuɣ ad dd-aseɣ ak-d marra di kuřci, war arezzuɣ min iǧan i tizi inu, maca min iǧan i tizi n waṭṭas, ḥima ad ɣarsen tiři Tudart. ^■