1 Ma war ǧiɣ d aḥurri? Ma war ǧiɣ d rrasul? Ma war ẓriɣ Siditneɣ Yeccu Lmasiḥ? Ma war teǧim kenniw d řxedmet inu di Sidi inu? ^□  ■   2 Mařa war ǧiɣ d rrasul i wenneɣni, i kenniw nican ɛniɣ t, wah kenniw d acemmiɛ n řxedmet inu n rrasul.

3 Necc arriɣ x yenni xafi iḥekkmen ammu:

4 Ma war ɣarneɣ ttesriḥ ḥima ad necc, ad nsu? ^■   5 Ma war ɣarneɣ ttesriḥ ad nawi akidneɣ ict n twečmat d tamɣart amecnaw ɛawed rrusul inneɣni d wawmaten n Siditneɣ d Kifa? ^■   6 Niɣ waha Barnaba d necc war ɣarneɣ bu ttesriḥ ḥima war nxeddem? 7 Man wen i ɣa immenɣen di řɛeskar i ɣa ixeǧṣen řmunet nnit i yixef nnes? Man wen i ɣa iẓẓun tazayart, war ittett ca zi řɣiǧet nnes? Niɣ man wen i ɣa yarekkwesen ict n tḥimart, war isess ca aɣi n tḥimart? ^■   8 Ma qqareɣ man aya am bnadem waha? Xzar, uřa d Ccariɛa teqqar aya! 9 Minzi tura di Ccariɛa n Musa: “War ttegg tacmant i uyenduz issarwaten.” Ma AREBBI iḥeṭṭa x iyenduzen s tidett? ^■  

10 Nessen aqa inna i-t di ṭṭweɛ nneɣ u man aya tura di ṭṭweɛ nneɣ, minzi wenni icarrzen, ittxeṣṣa as ad icarz s usitem u wenni issarwaten s usitem ad ɣares yiři ṣṣabet.

11 Mařa neccin aqa nzarreɛ daywem min iǧan n Arruḥ, xenni ma d aṭṭas mařa nemjar zzaywem zi min iǧan n temmurt? ^■  

12 Mařa inneɣni ɣarsen ttesriḥ-a xawem maḥend ad carcen di min iǧan nwem, mayemmi neccin ktar lla? Maca neccin war nessxeddim ca ttesriḥ-a, maca narbu marra, ḥima war nettegg uřa d ict n tɛenkrift i Řexbar Aṣebḥan n Lmasiḥ. ^■  

13 Ma war tessinem ca belli inni ittsexxaren di Zzawect Iqeddsen, ad ttᵉtten zi min iǧan i Zzawect Iqeddsen uca inni din ittrajan i tsexxart n uɛalṭar ad ṭṭfen tasɣart nsen zeg uɛalṭar? ^■  

14 Ammu ɛawed yumur Siditneɣ i yenni ittbarrḥen Řexbar Aṣebḥan, belli ad ddaren zi Řexbar Aṣebḥan. ^■  

15 Maca necc war nnumeɣ maḥend ad stenfɛeɣ zi marra aya u necc war t uriɣ ca ḥima ad ittwagg man aya i necc, mři ufiɣ ad mmteɣ nnec ḥsen qbeř ma ca n ijjen ad issebḍeř asemɣar inu.

16 Xenni mařa necc ttbarrḥeɣ s Řexbar Aṣebḥan, necc war ɣari ca min di i ɣa ssemɣareɣ, minzi ittxeṣṣa ayi man aya. Ayeḥḥat xafi, mařa war ttbarrḥeɣ ca s Řexbar Aṣebḥan!

17 S uyenni, mařa ggiɣ tt s řxaḍar inu, ad ɣari tiři řmunet, maca mařa war tt tteggiɣ s řxaḍar, aqa ad iqqim uwekkeř deg ufus inu.

18 Man ten qaɛ iǧan d řmunet inu? Aqa-tt d ta: am ttbarrḥeɣ s Řexbar Aṣebḥan ad sseḥḍareɣ Řexbar Aṣebḥan n Lmasiḥ baṭeř, war ksiɣ ca ttesriḥ inu kuřci di Řexbar Aṣebḥan.

19 Necc, umi war stenfiɛeɣ ca zi marra man aya, aqa arreɣ ixef inu d amsexxar n marra ḥima ad arebḥeɣ aṭṭas n iwdan. 20 I Wudayen dewřeɣ amecnaw Uday ḥima ad arebḥeɣ Udayen, i yenni iǧan sadu Ccariɛa dewřeɣ amecnaw yenni sadu Ccariɛa ḥima ad arebḥeɣ inni iǧan sadu Ccariɛa. ^■   21 I yenni iǧan břa Ccariɛa dewřeɣ amecnaw wenni břa Ccariɛa, - war ǧiɣ břa Ccariɛa qibač i AREBBI, maca s Ccariɛa n Lmasiḥ - , ḥima ad arebḥeɣ inni iǧan břa Ccariɛa. ^■   22 Tuɣa ayi ḍeɛfeɣ ɣar yenni iḍeɛfen, ḥima ad arebḥeɣ inni iḍeɛfen. Aqa dewřeɣ d marra i marra, ḥima beɛda ad wceɣ Tudart i marra. ^■   23 Man aya tteggeɣ t ḥima ad ṭṭfeɣ tasɣart di Řexbar Aṣebḥan.

24 Ma war tessinem ca belli inni itteggen tḥamat n tazřa di řmeřɛeb, marra nican aqa ttazzřen, maca ijjen zzaysen i ɣa yarebḥen waha? Xenni azzřem kenniw ammu ař d ɣa tarebḥem. ^■   25 Maca kuř aryaz i itteggen ict n tḥamet, iḥekkem x yixef nnes di marra. Nitni uzzřen ḥima ad arebḥen ict n temrist tfenna, maca neccin ḥima ad narbeḥ icten war tfenni. ^■   26 S uyenni necc war ttizzřeɣ ca amenni waha, war ttmenɣiɣ am wenni iccaten di řeɛwin, 27 maca ttmarrateɣ arrimet inu, ad as qetmareɣ, ḥima necc war ttwasuffuɣeɣ ca barra awarni řami barrḥeɣ inneɣni.