1 “Deg wass nni ggur ad tedduqqez ict n tařa i taddart n Dawud uřa i imezdaɣ n Urcalim, ḍidd i ddenb u ḍidd i řexmej.

2 Deg wass nni ad imsar, ammu i iqqar SIDI n řɛeskarat, Necc ad teḥḥiɣ ismawen n řexyařat n ṣṣanam zi temmurt, ḥima war xasen ɛeqqřen ɛad. Uřa d inabiyyen d buḥbeř amengus ad ten jjeɣ ad ffɣen zi temmurt. ^□   3 Ad imsar, mařa ca n ijjen ad inebba, belli babas d yemmas inni t-i-dd ijjin, ad as inin: ‘Cek war ttɣimid teddared, maɣar cek tessiwřed ixarriqen deg isem n SIDI!’ Babas d yemmas inni t-i-dd ijjin, ad t ssnuqqben, xmi i ɣa inebba. ^■  

4 Deg wass nni ad imsar aqa inabiyyen ad sseḍḥan, kuř ijj x tmeẓriwt nnes, xmi i ɣa ittnebba. Nitni war ttiriḍen ca apartessu n ccɛar maḥend ad ssxarrqen. 5 Netta ad yini ‘Necc war ǧiɣ d anabi, necc d ijj n weryaz wenni ittfeǧḥen iyyar, minzi ikseb ayi ijjen zi temẓi inu.’ 6 Mařa ad as inin: ‘Min ɛnan xenni iyezzimen nni deg ifassen nnek?’, ad yini netta: ‘Ammu ittwawteɣ di taddart n imɛizzen inu.’ ”

7 “Ssif, kkar x umeksaw inu u x weryaz nni iǧan d amɛacar inu!, ammu i iqqar SIDI n řɛeskarat. Wwet ameksaw inu uca xenni ad immsebḍa wuǧi u Necc ad arreɣ afus inu tiwwa imuqřiřen.” ^■  

8 “Ad imsar di tammurt marra, iqqar SIDI, aqa tnayen n izeynat ad ttwaqeḍɛen u nitni ad ssuffɣen buḥbeř, maca azyen wiss třata ad dayes iqqim. 9 Azyen wiss třata ad t nḍareɣ di tmessi, ḥima ad ittwaṣeffa am mammec sseṣfan nnuqart u Necc ad ten jarrbeɣ am mammec ttjarraben ureɣ. Netta ad iřaɣa s Yisem inu u Necc ad as sřeɣ. Ad iniɣ: ‘Řgens inu!’ u netta ad yini: ‘SIDI d AREBBI inu!’ ”^■