1 Izři n ugeɛɛed.

A SIDI, idar Dawud, idar marra aweddeb nnes,

2 mammec ijjuǧ i SIDI,

iwaɛd i Umzemmar n Yaɛqub:

3 “Uct, mařa ad adfeɣ ɣar taqidunt n taddart inu,

ad ḥebceɣ x qama n rectu inu, ^■  

4 ad semmḥeɣ yiḍeṣ i tiṭṭawin inu,

uřa d anudem i wabřiwen inu,

5 qbeř i ɣa afeɣ amcan i SIDI,

ict n Tzeddiɣt i SIDI, Amzemmar n Yaɛqub!”

6 Xzar, nesřa x Ttabut di Ifrata,

nufa i-tt deg iyyaren n Yaɛar. ^□  

7 Ad nadef ɣar tzeddiɣin nnes,

ad naḍar zzat i tnebdat n iḍaren nnes.

8 Kkar, SIDI, uyur ɣar arraḥet nnek,

Cek d Ttabut n jjehd nnek.

9 Ejj ikehhanen nnek ad yarḍen s tsegda,

imtiqqan nnek ad sřiweřwen.

10 War dd-tarri udem n umedhun nnek di ṭṭweɛ n umsexxar nnek Dawud.

11 SIDI ijjuǧ i Dawud s řaman,

ɛemmarṣ ad iḥeyyed Netta x tjaǧit nnes:

“Zi řɣiǧet n uɛeddis nnek ad ssɣimeɣ ijj x řɛarc nnek. ^■  

12 Mařa iḥenjiren nnek ad ḥḍan Řɛahd inu d cchadat inu,

tinni d asen i ɣa ssřemdeɣ,

xenni uřa d iḥenjiren nsen ad qqimen x řɛarc nnek i řebda.”

13 Maɣar SIDI ifarz Ṣihyun,

imeẓri tt d tazeddiɣt i yixef nnes.

14 “Wa d amcan n arrahet inu i řebda,

da i xseɣ ad zedɣeɣ, Necc xseɣ t. ^■  

15 Ad barkeɣ nniɛmet n Ṣihyun,

ad ssjiwneɣ imezřaḍ nnes s weɣrum.

16 Ad ssyarḍeɣ ikehhanen nnes s usenjem am s werruḍ,

imtiqqan nnes ad sřiweřwen s jjehd. ^■  

17 Dinni ad ssɣemmyeɣ ijj n uyicc i Dawud,

ijj n řefnar i umedhun inu sswejdeɣ t din.^■  

18 Ad ssyarḍeɣ řɛedyan nnes s useḍḥi,

maca ad xas tennuwar temrist nnes.”