Tarwa n tqebbař inneɣni
7
1 Iḥenjiren n Issakar tuɣa aten d Tulaɛ d Fuwwa d Yacub d Cimrun, arebɛa n iḥenjiren. 2 Iḥenjiren n Tulaɛ tuɣa aten d Ɛuzzi d Rafaya d Yariyil d Yaḥmay d Yibcam d Cimuwil, izeǧifen n řaǧat n Tulaɛ, ayt n bu-teɣruḍt imeḥḍen, nitni ttwazemmemen ɛlaḥsab axřaq nsen. Deg wussan n Dawud tuɣa řqedd nsen tnayen u-ɛicrin-ařef u-setta-mya n yeryazen.
3 Iḥenjiren n Ɛuzzi, mɣir Yazraḥya u iḥenjiren n Yazraḥya tuɣa aten d Mixayil d Ɛubadya d Yuwil d Yaciya, nitni marra tuɣa aten xemsa n izeǧifen. 4 Tuɣa xasen řumur x terbiɛin n řɛeskar, u nitni tuɣa ttwasettfen ɛlaḥsab axřaq nsen u ɛlaḥsab taddart n ibabaten nsen. Aqa-ten di setta u-třatin-ařef n yeryazen, maɣar nitni tuɣa ɣarsen aṭṭas n temɣarin d iḥenjiren. □ 5 Uca xenni aytmatsen zi marra řaǧat n Issakar, sebɛa u-tmanyin-ařef n ayt n bu-teɣruḍt imeḥḍen, inni ittwazemmemen marra di listat n jjadira.
6 Iḥenjiren n Binyamin tuɣa aten d Bilaɛ d Bakar d Yadiɛayil, třata n iḥenjiren.
7 Iḥenjiren n Bilaɛ tuɣa aten d Iṣbun d Ɛuzzi d Ɛuzziyil d Yarimut d Ɛayri, xemsa n izeǧifen n řaǧat, ayt n bu-teɣruḍt imeḥḍen. Ttwazemmemen zzaysen tnayen u-ɛicrin-ařef u-arebɛa u-třatin n yeryazen di listat n jjadira.
8 Iḥenjiren n Bakar tuɣa aten d Zamira d Yuɛac d Iliɛazar d Ilyuɛini d Ɛumri d Yarimut d Abiya d Ɛanatut d Ɛalamat. Nitni marra tuɣa aten d iḥenjiren n Bakar. 9 Ttwazemmemen zzaysen ɛicrin-ařef u-mitayn n ayt n bu-teɣruḍt imeḥḍen di listat n jjadira, ɛlaḥsab axřaq nsen u nitni ttwasettfen ɛlaḥsab izeǧifen n řaǧat nsen.
10 Iḥenjiren n Yadiɛil, mɣir Bilhan. U iḥenjiren n Bilhan tuɣa aten d Yaɛic d Binyamin d Ihud d Kanɛana d Zaytan d Tarcic d Axicaḥar.
11 Nitni marra tuɣa aten d iḥenjiren n Yadiɛil. Sbeɛṭac-ařef u-mitayn n ayt n bu-teɣruḍt imeḥḍen, ttwasettfen ɛlaḥsab izeǧifen n řaǧat nsen, ffɣen ak-d řɛeskar ɣar umenɣi.
12 Cuffim d Huffim tuɣa aten d iḥenjiren n Ɛir, Hucim, iḥenjiren n Aḥir.
13 Iḥenjiren n Naftali tuɣa aten d Jaḥṣiyil d Juni d Yaṣar d Callum, iḥenjiren n Bilha.
14 Iḥenjiren n Manassa: Acriyil, wenni dd-turuw nettat. Tayya nnes, ict n temɣart Taramit, turuw-dd Maxir, babas n Jilɛad. □
15 Maxir iksi ict n temɣart i Ḥuffim d Cuffim. Isem n učmas tuɣa-tt d Maɛka. Isem n wenni wiss tnayen tuɣa-t d Ṣalufḥad. Ṣalufḥad ɣares yessis waha.
16 Maɛka, tamɣart n Maxir, turuw-dd ijj n mmis uca tegga as Farac u umas qqaren as Carac u iḥenjiren nnes tuɣa aten d Ulam d Raqam.
17 Iḥenjiren n Ulam: mɣir Badan. Ina d iḥenjiren n Jilɛad, mmis n Maxir, mmis n Manassa.
18 X učmas Hamulakat, nettat turuw-dd Ichud d Abiɛazar d Maḥla.
19 Iḥenjiren n Camidaɛ tuɣa aten d Ixyan, Cakim d Laqḥi d Aniɛam.
20 Iḥenjiren n Ifrayim, mɣir Cutalaḥ d mmis nnes Barad d mmis Taḥat d mmis Ilɛada d mmis nnes Taḥat 21 d mmis nnes Zabad d mmis nnes Cutalaḥ u xenni Ɛazar d Ilɛad. Iryazen n Jat, inni dd-ittwaxeřqen di temmurt, nɣin ten, minzi nitni tuɣa hwan, ḥima ad kksen řmař nsen.
22 Ifrayim, babatsen, icḍen aṭṭas n wussan uca aytmas usin-dd ḥima ad t ɛezzan. 23 Xenni yudef netta x temɣart nnes uca teksi ddeyset uca turuw-dd ijj n uḥenjir. Netta igga as Bariɛa, minzi deg wussan nni tuɣa d arẓiyyet di taddart nnes.
24 Yeǧis tuɣa Cira. Nettat tessbedd Bayt-Ḥurun n wadday d Bayt-Ḥurun n nnej d Uzzin-Cira.
25 Rafaɛ tuɣa d mmis uřa d Racaf uca mmis nnes Talaḥ d mmis nnes Taḥan, 26 mmis nnes Laɛdan, mmis nnes Ɛammihud, mmis nnes Ilicamaɛ, 27 mmis nnes Nun d mmis nnes Yacuwa. □
28 Agřa nsen d wemcan mani zeddɣen tuɣa Bayt-Il ak-d tneddam i ɣares dd-iqqnen d Naɛran ɣar ccarq u Jazar ɣar řɣarb ak-d tneddam i ɣares dd-iqqnen uřa d Cakim ak-d tneddam i ɣares dd-iqqnen ař Ɣazza ak-d tneddam i ɣares dd-iqqnen. 29 Tuɣa Bayt-Can ak-d tneddam i ɣares dd-iqqnen, Taɛnak ak-d tneddam i ɣares dd-iqqnen, Majiddu ak-d tneddam i ɣares dd-iqqnen u Dur ak-d tneddam i ɣares dd-iqqnen deg ifassen n ayt n Manassa. Ayt n Yusuf, mmis n Israil, zedɣen daysent.
30 Iḥenjiren n Acir tuɣa aten d Yimna d Yicwa d Yicwi d Bariɛa d Saraḥ tenni d učmatsen.
31 Iḥenjiren n Bariɛa tuɣa aten d Ḥabir d Malkiyil. Netta d baba n Birzawat.
32 Ḥabir ijja-dd Yafliṭ d Cumir d Ḥutam d učmatsen Cuɛa. 33 Iḥenjiren n Yafliṭ tuɣa aten d Fasak d Bimhal d Ɛacwat. Ina tuɣa aten d iḥenjiren n Yafliṭ.
34 Iḥenjiren n Camar tuɣa aten d Axi d Ruhja, Yahubba d Aram.
35 Iḥenjiren n umas Hilam tuɣa aten d Ṣufaḥ d Yimnaḥ d Calac d Ɛamal.
36 Iḥenjiren n Ṣufaḥ tuɣa aten d Suwaḥ d Ḥaranfar d Cuɛal d Biri d Yamra, 37 Baṣar d Hud d Camma d Cilca d Yitran d Ba’ira.
38 Tarwa n Yitram tuɣa aten d Yafunni d Ficfa d Ara.
39 Iḥenjiren n Ɛulla tuɣa aten d Araḥ d Ḥaniyil d Riṣya.
40 Marra ina tuɣa aten d iḥenjiren n Acir, izeǧifen n řaǧat, ayt n bu-teɣruḍt ifarzen imeḥḍen, izeǧifen n imeqqranen. Nitni ttwazemmemen di listat n jjadira n řɛeskar i umenɣi. Tuɣa řqedd nsen setta u-ɛicrin-ařef n yeryazen.