Tenɛac n iḥenjiren n Israil
2
1 Ina tuɣa aten d iḥenjiren n Israil: Rubin, Cimɛun, Lawi d Yahuda, Issakar d Zabulun, 2 Dan, Yusuf d Binyamin, Naftali, Jad d Acir.Tarwa n Yahuda
3 Iḥenjiren n Yahuda tuɣa aten d Ɛir d Unan d Cayla. Třata ttwarwen as-dd zeg yeǧis n Cuɛa, Takanɛanit. Ɛir, amenzu n Yahuda, tuɣa d aɛeffan di tiṭṭawin n SIDI. S uyenni inɣa i-t.
4 Tamar, tasřit nnes, turuw as-dd Fariṣ d Zaraḥ. Yahuda tuɣa ɣares s marra xemsa n iḥenjiren.
5 Iḥenjiren n Fariṣ tuɣa aten d Ḥaṣrun d Ḥamul.
6 Iḥenjiren n Zaraḥ tuɣa aten d Zimri, Itan, Hayman, Kalkul d Daraɛ. S marra xemsa.
7 Iḥenjiren n Karmi tuɣa aten d Ɛaxar, wenni iɣeḍřen Israil di řeɣben, minzi igga s řeɣdar ak-d min tuɣa ittwaḥarrmen.
8 Iḥenjiren n Itan: mɣir Ɛazarya.
9 Iḥenjiren n Ḥaṣrun inni d as dd-ittwarwen tuɣa aten d Yarḥam’il d Ram d Kalubay.
10 Ram ijja-dd Ɛamminadab.
Ɛamminadab ijja-dd Naḥcun, řḥakem n ayt n Yahuda.
11 Naḥcun ijja-dd Salmu.
Salmu ijja-dd Buɛaz.
12 Buɛaz ijja-dd Ɛubid.
Ɛubid ijja-dd Yassa.
13 Yassa ijja-dd Iliyab, amenzu nnes, wiss tnayen Abinadab, wiss třata Cimɛa,
14 wiss arebɛa Natanayil, wiss xemsa Radday,
15 wiss setta Uṣam d wiss sebɛa Dawud.
16 Yessitmatsen tuɣa aten d Ṣaruya d Abijayil.
Iḥenjiren n Ṣaruya tuɣa aten d Abicay d Yuwab d Ɛasayil, třata n iḥenjiren.
17 Abijayil turuw-dd Ɛamasa u babas n Ɛamasa tuɣa-t d Yatru, Asmaɛili.
18 Kalib, mmis n Ḥaṣrun, ijja-dd ak-d Ɛazuba, tamɣart nnes, yeǧis Yariɛut.
D ina tuɣa aten d iḥenjiren nnes: Yacar, Cubab d Ardun.
19 Umi immut Ɛazuba, yiwi Kalib Ifrata d tamɣart i yixef nnes u nettat turuw as-dd Ḥur.
20 Ḥur ijja-dd Uri u Uri ijja-dd Baṣalyil.
21 Awarni as yudef Ḥaṣrun ɣar yeǧis n Maxir, babas n Jilɛad, u netta yiwyi tt d tamɣart umi ɣares tuɣa settin n iseggʷusa u nettat turuw as-dd Sajub.
22 Sajub ijja-dd Ya’ir. Netta tuɣa ɣares třata u-ɛicrin n tneddam di temmurt n Jilɛad.
23 Jacur ak-d Aram ikkes zzaysen dcurat n Ya’ir, uřa Qanat d tneddam i ɣares dd-iqqnen, s marra settin n tneddam.
Ina marra tuɣa aten d iḥenjiren n Maxir, babas n Jilɛad.
24 Awarni i řmewt n Ḥaṣrun di Kalib-Ifrata, turuw as-dd Abiya, tamɣart n Ḥaṣrun, Acḥur, babas n Taquɛa.
25 Iḥenjiren n Yarḥam’il, amenzu n Ḥaṣrun, tuɣa aten d Ram, amenzu, xenni Buna, Awran, Uṣama d Axiya.
26 Yarḥam’il tuɣa ɣares ɛad ict n temɣart nneɣnit, qqaren as Aṭara. Nettat tuɣa d yemmas n Unam.
27 Iḥenjiren n Ram, amenzu n Yarḥam’il tuɣa aten d Maɛaṣ d Yamin d Ɛaqar.
28 Iḥenjiren n Unam tuɣa aten d Cammay d Yadaɛ.
Iḥenjiren n Cammay tuɣa aten d Nadab d Abicur.
29 Tamɣart n Abicur qqaren as Abiḥayil. Nettat turuw as-dd Aḥban d Mulid.
30 Iḥenjiren n Nadab tuɣa aten d Salad d Affayim.
Salad immut břa iḥenjiren.
31 Iḥenjiren n Affayim: mɣir Yicɛi.
Iḥenjiren n Yicɛi: mɣir Cican.
Iḥenjiren n Cican: mɣir ict n yeǧis, Aḥlay.
32 Iḥenjiren n Yadaɛ, umas n Cammay, tuɣa aten d Yatru d Yunatan.
Yatru immut břa iḥenjiren.
33 Iḥenjiren n Yunatan tuɣa aten d Falat d Zaza.
Ina tuɣa aten d iḥenjiren n Yarḥam’il.
34 Cican tuɣa war ɣares bu iḥenjiren, maca yessis wah. Cican tuɣa ɣares ijj n umsexxar d Amiṣri, qqaren as Yarḥaɛ. 35 Cican iwca yeǧis d tamɣart i umsexxar nnes Yarḥaɛ u nettat turuw as-dd Ɛattay.
36 Attay ijja-dd Natan,
Natan ijja-dd Zabad,
37 Zabad ijja-dd Iflal,
Iflal ijja-dd Ɛubid,
38 Ɛubid ijja-dd Yahu,
Yahu ijja-dd Ɛazarya,
39 Ɛazarya ijja-dd Ḥalaṣ,
Ḥalaṣ ijja-dd Ilɛasa,
40 Ilɛasa ijja-dd Sismay,
Sismay ijja-dd Callum,
41 Callum ijja-dd Yaqamya,,
Yaqamya ijja-dd Ilicamaɛ.
42 Iḥenjiren n Kalib, umas n Yarḥam’il: mɣir Micaɛ, amenzu nnes wenni d babas n Zif, uřa d iḥenjiren n Marica, babas n Ḥabrun.
43 Iḥenjiren n Ḥabrun tuɣa aten d Quraḥ, Taqquɛa, Raqam d Camaɛ.
44 Camaɛ ijja-dd Raḥam, babas n Jaraqɛam,
u Raqam ijja-dd Cammay.
45 Mmis n Cammai tuɣa-t d Maɛun.
Maɛun tuɣa d babas n Bayt-Ṣur.
46 Ɛiyfa, tayya n Kalib, turuw-dd Ḥaran, Muṣa d Jaziz.
Ḥaran ijja-dd Jaziz.
47 Iḥenjiren n Jahday tuɣa aten d Rajam, Yutam, Jican, Falaṭ, Ɛiyfa d Caɛaf.
48 Ak-d tayya n Kalib, Maɛka, ijja-dd netta Cabar d Tarḥana.
49 Nettat turuw-dd Caɛaf, babas n Madmanna, Cawa, babas n Makbina d babas n Jabaɛa. Yeǧis n Kalib tuɣa Ɛaksa.
50 Ina d iḥenjiren n Kalib: mmis n Ḥur, amenzu n Ifrata, tuɣa Cubal, babas n Qaryat-Yaɛarim, 51 Salma, babas n Bayt-Laḥm d Ḥarif, babas n Bayt-Jadir.
52 Iḥenjiren n Cubal, babas n Qaryat-Yaɛarim, tuɣa aten d Haruwa d Ḥaṣi-Hammanuḥut.
53 Tiwacunin n Qaryat-Yaɛarim tuɣa aten d Iyitriyyen, Ifutiyyen, Icamatiyyen d Imacraɛiyyen. Zzaysen i dd-iqqarṣen Iṣurɛiyyen d Ictawuliyyen.
54 Iḥenjiren n Salma tuɣa aten d Bayt-Laḥm, Iniṭufatiyyen, Ɛaṭrut, Bayt-Yu’ab d Ḥaṣi-Hamanuḥi d Iṣurɛiyyen.
55 Tiwacunin n imariren nni izeddɣen di Yaɛbis, tuɣa aten d Itirɛatiyyen d Icamɛayyen d Isukaniyyen. Nitni d Iqiniyyen inni dd iqqarsen zi Ḥammat, babas n taddart n Rakab.