‏1 أَقَا نتَّارْ زَّايْومْ، أَ أَيْثْمَا، زِي جِّيهثْ ن ثْوَاسِيثْ ن سِيذِيثْنغْ يشُّو لْمَاسِيحْ ذ ؤُمُونِي نّغْ أَكِيذسْ، ‏2 أَقَا وَارْ تّْنخْڒِيعمْ نِيغْ ثسْحِيسّْفمْ شَا ذغْيَا، وَارْ إِدْجِي س إِجّْ ن وَاوَاڒْ نِيغْ س شَا ن أَرُّوحْ نِيغْ س إِشْثْ ن ثبْرَاثْ أَخْمِي زَّايْنغْ إِ إِقَّارنْ: ”خْزَارْ، أَسّْ ن سِيذِيثْنغْ يُوسَا-د!“ ^▪   ‏3 وَارْ ثجِّي ؤُڒَا ذ إِجّْ أَذْ كنِّيوْ إِغْوَا س شَا ن وبْرِيذْ، مِينْزِي أَسّْ نِّي وَارْ د-إِتِّيسْ قْبڒْ  إِ د غَا يَاسْ ؤُغوّغْ ؤُشَا أَذْ د-إِبَانْ بْنَاذمْ ن دّْنُوبْ، أَقَا-ث ذ مِّيسْ ن ثهْلِيكثْ. ^▫  ▪   ‏4 نتَّا إِتّمْعَاڒَا ؤُ إِسّْعُودْجْ إِخفْ نّسْ خْ مَارَّا مِينْ إِتّْوَاسمَّانْ ’أَربِّي‘ نِيغْ ’أَعْبَاذْ‘، أَڒْ غَا إِقِّيمْ ذِي زَّاوشْثْ ثَامقّْرَانْثْ ن أَربِّي ؤُشَا أَذْ إِڭّْ إِخفْ نّسْ أَخْمِي نتَّا ذ أَربِّي. ^▪  

‏5 مَا وَارْ ثعْقِيڒمْ شَا ؤُمِي ثُوغَا أَيِي كِيومْ، أَقَا نِّيغْ أَومْ-ث؟ ‏6 مَاشَا ڒخُّو ثِيوْضمْ ثسّْنمْ مِينْ ذ أَسْ إِبدّنْ عَاذْ ذڭْ وبْرِيذْ حِيمَا أَذْ د-إِبَانْ ذِي ڒْوقْثْ نّسْ. ‏7 سِّيرّْ ن ڒْمُوعْصِييّثْ أَقَا إِخدّمْ ڒخُّو، مَاشَا مَاڒَا مِينْ ذ أَسْ إِسّْبدّنْ عَاذْ ذڭْ وبْرِيذْ أَذْ إِمّكْسِي زِي ڒْوسْثْ، ‏8 أَذْ د-إِضْهَارْ بَابْ ن ڒْمُوعْصِييّثْ، ونِّي إِ غَا إِسّْهلّكْ سِيذِيثْنغْ يشُّو س ثْوَارِّيثْ ن نّفْسْ زڭْ ؤُقمُّومْ نّسْ ؤُشَا أَذْ ث إِسّبْضڒْ خْمِي د غَا إِضْحَارْ غَارْ ثْوَاسِيثْ نّسْ. ^▪   ‏9 مَاغَارْ ثَاوَاسِيثْ ن بَابْ نْ ڒْمُوعْسِييّثْ وَانِيثَا أَقَا-ث ذ ڒْخذْمثْ ن شِّيطَانْ س مَارَّا جّهْذْ ذ ڒعْڒَامَاثْ ذ لْمُوعْجِيزَاثْ إِسّْخَارِّيقنْ، ^▪  

‏10 ؤُ س مَارَّا ڒْغشّْ ن ڒْمُوعْصِييّثْ ذڭْ ينِّي إِ غَا إِهلّْكنْ، مِينْزِي نِيثْنِي وَارْ قْبِيڒنْ شَا ثَايْرِي ن ثِيذتّْ حِيمَا أَذْ زَّايسْ دَّارنْ. ^▪  

‏11 س ؤُينِّي أَربِّي أَذْ غَارْسنْ د-إِسّكّْ مِينْ ثنْ غَا يَارّْ س جّهْذْ غَارْ ؤُودَّارْ، أَڒْ غَا يَامْننْ ذڭْ إِخَارِّيقنْ. ^▪  

‏12 مَارَّا إِنِّي وَارْ يُومِيننْ شَا ذِي ثِيذتّْ، مَاشَا إِخْضَارنْ ڒْمُوعْصِييّثْ، أَذْ تّْوَاحَاكْمنْ.

‏13 مَاشَا إِشُووَّارْ أَنغْ أَذْ خَاومْ نْقَاذَا أَربِّي ڒبْذَا، أَ أَوْمَاثنْ إِنِّي خفْ إِعِيزّْ سِيذِيثْنغْ، بلِّي أَربِّي أَقَا إِخْضَارْ إِ كنِّيوْ زڭْ ؤُمزْوَارُو إِ ؤُسنْجمْ س ثْقدَّاسْثْ زِي أَرُّوحْ ؤُ س لْ-إِيمَانْ ن ثِيذتّْ.

‏14 أَقَا إِڒَاغَا-د خَاومْ إِ مَانْ أَيَا س ؤُبَارّحْ نّغْ س ڒخْبَارْ أَصبْحَانْ، حِيمَا أَذْ ثِيڒِيمْ إِ ؤُعُودْجِي ن سِيذِيثْنغْ يشُّو لْمَاسِيحْ.

‏15 س ؤُينِّي، أَ أَيْثْمَا، بدّمْ نِيشَانْ ؤُشَا طّْفمْ ذِي ثْوصَّا إِ ذ أَومْ إِتّْوَاسْڒمْذنْ زَّايْنغْ، مَا س وَاوَاڒْ نِيغْ س ثبْرَاثْ نّغْ. ^▪  

‏16 مَاشَا سِيذِيثْنغْ يشُّو لْمَاسِيحْ، ؤُ أَربِّي، بَابَاثْنغْ، ونِّي ذ أَنغْ إِخْسنْ ذ ونِّي ذ أَنغْ إِوْشنْ أَفوّجْ إِتّْذُومَانْ ذ ؤُسِيثمْ إِشْنَانْ س أَرْضَا نّسْ،

‏17 أَذْ إِسّْفوّجْ ؤُڒَاونْ نْومْ ؤُشَا أَذْ كنِّيوْ إِسّجْهذْ ذِي مَارَّا أَوَاڒْ ؤُ ذِي مَارَّا ڒْخذْمثْ ثَاصبْحَانْثْ. ^▪