‏1 أَوَاڒْ نِّي د-إِفّْغنْ زِي سِيذِي غَارْ إِرْمِييَا، إِنَّا: ‏2 ”سْڒمْ إِ وَاوَاڒنْ ن ڒْعَاهْذْ-أَ ؤُشَا سِيوڒْ أَكْ-ذ يرْيَازنْ ن يَاهُوذَا ؤُ أَكْ-ذ إِمزْذَاغْ ن ؤُرْشَالِيمْ ‏3 ؤُشَا إِنِي أَسنْ: ’أَمُّو إِ إِقَّارْ سِيذِي، أَربِّي ن إِسْرَائِيل: إِتّْوَانْعڒْ ورْيَازْ نِّي وَارْ إِسْڒِينْ إِ وَاوَاڒنْ ن ڒْعَاهْذْ-أَ، ^▪   ‏4 ونِّي وصِّيغْ إِ إِبَابَاثنْ نْومْ ذڭْ وَاسّْ ؤُمِي ثنْ سُّوفّْغغْ زِي ثمُّورْثْ ن مِيصْرَا، زڭْ ؤُفَارَّانْ ن وُوزَّاڒْ، ڒَامِي نِّيغْ: سْڒمْ إِ ثْمِيجَّا إِنُو ؤُشَا ڭّمْ أَمْ مَامّشْ إِ كنِّيوْ وصِّيغْ مَارَّا، خنِّي أَذْ أَيِي ثِيڒِيمْ ذ ڒْڭنْسْ إِنُو ؤُشَا نشّْ أَذْ أَومْ إِڒِيغْ ذ أَربِّي نْومْ، ^▪   ‏5 حِيمَا أَذْ منْعغْ ذِي ثْجَادْجِيثْ نِّي جُّودْجغْ ذِي طّْوعْ ن إِبَابَاثنْ نْومْ، مَاحنْذْ أَذْ أَسنْ وْشغْ إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ، أَمْ ثدْجْ أَسّْ-أَ.‘ “ خنِّي نشّْ أَرِّيغْ-د، نِّيغْ: ”أَمِينْ، سِيذِي!“ ^▪  

‏6 إِنَّا أَيِي سِيذِي: ”بَارّحْ س مَارَّا أَوَاڒنْ-أَ ذِي ثْندَّامْ ن يَاهُوذَا ؤُ ذڭْ إِبْرِيذنْ ن ؤُرْشَالِيمْ، إِنِي: ’سْڒمْ إِ وَاوَاڒنْ ن ڒْعَاهْذْ-أَ ؤُ ڭّمْ زَّايْسنْ، ‏7 مَاغَارْ نشّْ عڒْمغْ س جّهْذْ إِ إِبَابَاثنْ نْومْ ذڭْ وَاسّْ ؤُمِي ثنْ سُّوفّْغغْ زِي ثمُّورْثْ ن مِيصْرَا، زڭْ ؤُمزْوَارُو أَڒْ أَسّْ-أَ، وَاهْ شهْذغْ نِّيغْ: سْڒمْ غَارْ ثْمِيجَّا إِنُو‘ ^▪   ‏8 نِيثْنِي مَاشَا وَارْ سْڒِينْ ؤُ وَارْ ذ أَيِي وْشِينْ أَمزُّوغْ نْسنْ، مَاشَا نِيثْنِي ضْفَارنْ مَارَّا إِذْسنْ ڒقْسَاحثْ ن وُوڒْ نْسنْ أَعفَّانْ. س ؤُينِّي سِّيوْضغْ خَاسنْ مَارَّا أَوَاڒنْ ن ڒْعَاهْذْ-أَ، إِنِّي خْ ثنْ وصِّيغْ مَاحنْذْ أَذْ زَّايْسنْ ڭّنْ، مَاشَا وَارْ زَّايْسنْ ڭِّينْ.‘ “ ^▪  

‏9 إِنَّا أَيِي سِيذِي: ”أَقَا ثتّْوَاعَارَّا إِشْثْ ن ثْمعْمُوتْشْ جَارْ إِرْيَازنْ ن يَاهُوذَا ؤُ جَارْ إِمزْذَاغْ ن ؤُرْشَالِيمْ.

‏10 نِيثْنِي ذوْڒنْ-د غَارْ ڒْمُوعْصِييّثْ ن إِبَابَاثنْ نْسنْ نِّي يُوڭِينْ أَذْ سْڒنْ غَارْ وَاوَاڒنْ إِنُو. نِيثْنِي رُوحنْ ضفَّارَانْ إِربِّيثنْ نّغْنِي مَاحنْذْ أَذْ أَسنْ سخَّارنْ. ثَادَّارْثْ ن إِسْرَائِيل ذ ثَادَّارْثْ ن يَاهُوذَا أَرْژِينْ ڒْعَاهْذْ إِنُو نِّي ڭِّيغْ أَكْ-ذ إِبَابَاثنْ نْسنْ.“

‏11 ”س ؤُينِّي، أَمُّو إِ إِقَّارْ سِيذِي: ’خْزَارْ، نشّْ أَذْ خَاسنْ نْضَارغْ إِجّْ ن ڒْغَارْ إِ زِي وَارْ زمَّارنْ أَذْ نجْمنْ. مَاڒَا ڒَاغَانْ أَيِي-د خنِّي، نشّْ وَارْ د غَارْسنْ تّسْڒِيغْ شَا. ^▪  

‏12 خنِّي أَذْ فّْغنْ ثِيندَّامْ ن يَاهُوذَا ذ إِمزْذَاغْ ن ؤُرْشَالِيمْ ؤُشَا أَذْ ڒَاغَانْ غَارْ إِربِّيثنْ إِ ينِّي ؤُمِي قدّْمنْ ثِيوْهِيبِينْ نْ ڒبْخُورْ، مَاشَا يِينَا وَارْ زمَّارنْ أَذْ أَسنْ وْشنْ أَفُوسْ ذِي ڒْوقْثْ ؤُمِي ثنْ إِڒْقفْ ڒْغَارْ.

‏13 مَاغَارْ إِربِّيثنْ نّكْ ذڭْ وَاطَّاسْ أَنشْثْ ن ثْندَّامْ نّكْ، أَ يَاهُوذَا، ؤُ إِعَالْثَارنْ إِ ثسّْبدّمْ إِ نّْعِي ن صَّانَامْ نِّي ذڭْ وَاطَّاسْ أَنشْثْ ن إِبْرِيذنْ ن ؤُرْشَالِيمْ، إِعَالْثَارنْ مَاحنْذْ أَذْ خَاسنْ وهّْبنْ ثِيوْهِيبِينْ ن ڒبْخُورْ إِ بَاعْلْ.‘ “ ^▪  

‏14 ”شكْ مَاشَا وَارْ ثتَّارْ إِ ڒْڭنْسْ-أَ، وَارْ تّكَّارذْ أَذْ أَسنْ ثْرُوذْ نِيغْ أَذْ أَسنْ ثذْعِيذْ، مَاغَارْ نشّْ وَارْ تّسْڒِيغْ ذِي ڒْوقْثْ نِّي خَافِي د غَا ڒَاغَانْ زِي سِّيبّثْ ن ڒْغَارْ إِ ثنْ إِڒقْفنْ.“ ^▪  

‏15 ”مِينْ خفْ ثَارزُّو ثمْعِيزْثْ إِنُو ذِي ثَادَّارْثْ إِنُو؟ نِّيفَاقْ ذ وَا، أَقَا أَطَّاسْ تَّاڭّْوجنْ خَاكْ أَكْ-ذ ويْسُومْ إِقدّْسنْ. س مَارَّا ثُوعفّْنَا إِ ثڭِّيذْ، مَا ثْزمَّارذْ عَاذْ أَذْ ثْنڭْزذْ س ڒفْرَاحثْ؟

‏16 ’ثَازِيثُونْثْ ثَازيْزَاوْثْ، أَ شمْ، ڒمْڒَاحثْ، س ڒْغِيدْجثْ إِشْنَانْ ذِي ڒوْصِيفثْ!‘، أَمُّو إِ ثُوغَا إِڭَّا سِيذِي إِسمْ نّمْ، مَاشَا ڒخُّو إِقّذْ أَسْ ثِيمسِّي أَمْ إِتّْوَاسڒْ ڒْحسّْ ن إِجّْ ن زّْهِيرْ ذ أَمقّْرَانْ، ؤُشَا تّْوَارْژنْ ڒفْرُوعْ نّسْ.

‏17 سِيذِي ن ڒْعسْكَارَاثْ، ذ ونِّي شمْ إِژُّونْ، إِڭَّا خَامْ إِجّْ ن ڒْغَارْ زِي سِّيبّثْ ن ڒْغَارْ إِ ثڭَّا ثَادَّارْثْ ن إِسْرَائِيل ؤُڒَا ذ ثَادَّارْثْ ن يَاهُوذَا إِ يِيخفْ نْسنْ ؤُمِي ذ أَيِي سْعَارنْ س ثوْهِيبِينْ ن ڒبْخُورْ إِ بَاعْلْ.“ ^▪  

‏18 ”سِيذِي إِجَّا أَيِي أَذْ سّْنغْ ؤُشَا أَمُّو إِ سّْنغْ، خنِّي ثسّشْنذْ أَيِي ثِيمڭَّا نْسنْ.

‏19 نشّْ سِيمَانْثْ إِنُو ثُوغَا أَيِي أَمْ إِجّْ ن يزْمَارْ ن ثَادَّارْثْ، إِتّْوَانذْهنْ إِ ثْغَارْسْثْ، مَاغَارْ ثُوغَا وَارْ سِّينغْ أَقَا نِيثْنِي نذْينْ أَيِي س مِينْ إِدْجَانْ ذ أَعفَّانْ ؤُمِي قَّارنْ: ’أجّْ أَنغْ أَذْ نْضيّعْ ثَاشجَّارْثْ أَكْ-ذ ڒْغِيدْجثْ نّسْ ؤُ أَذْ ت نْثحَّا زِي ثمُّورْثْ ن يِينِّي إِدَّارنْ مَاحنْذْ إِسمْ نّسْ وَارْ ث تِّيذَارنْ عَاذْ.‘ “ ^▫  

‏20 ”سِيذِي ن ڒْعسْكَارَاثْ، أَ شكْ ڒْقَاضِي إِسڭّْذنْ نِّي إِتّْجَارَّابنْ ثِيژَّاڒْ ذ وُوڒْ، سْشنْ أَيِي نّقْمثْ نّكْ، مَاغَارْ نشّْ سلّْمغْ دّعْوثْ إِنُو ذڭْ إِفَاسّنْ نّكْ.“ ^▫  ▪  

‏21 ”س ؤُينِّي، أَمُّو إِ إِقَّارْ سِيذِي خْ يرْيَازنْ ن عَانَاثُوثْ، إِنِّي يَارزُّونْ ڒعْمَارْ نّكْ، قَّارنْ: ’وَارْ تّْنَابْ س يِيسمْ ن سِيذِي أَڒَامِي وَارْ ثْمتِّيذْ س ؤُفُوسْ نّغْ.‘ ‏22 س ؤُينِّي، أَمُّو إِ إِقَّارْ سِيذِي ن ڒْعسْكَارَاثْ: ’خْزَارْ، نشّْ أَذْ ثنْ خدْجْصغْ: إِحُوذْرِييّنْ أَذْ مّْثنْ س سِّيفْ، إِحنْجِيرنْ ذ يسِّيثْسنْ أَذْ مّْثنْ س ڒَاژْ. ‏23 وَارْ إِتّْغِيمِي مِينْ إِقِّيمنْ زَّايْسنْ، مَاغَارْ نشّْ أَذْ غَارْسنْ د-سِّيوْضغْ إِشْثْ ن ثشْثِي ذ ثَاعفَّانْثْ خْ يرْيَازنْ ن عَانَاثُوثْ، ذڭْ ؤُسڭّْوَاسْ نِّي ذِي ثنْ إِ غَا خدْجْصغْ.‘ “