‏1 هَالِّيلُو-يَاهْ، سْعُودْجمْ، كنِّيوْ إِمْسخَّارنْ ن سِيذِي،

سْعُودْجمْ إِسمْ ن سِيذِي!

‏2 أَذْ إِتّْوَابَاركْ إِسمْ ن سِيذِي،

زِي ڒخُّو غَارسْ أَڒْ ڒبْذَا. ^▪  

‏3 زِي مَانِيسْ د-ثْنقَّارْ ثْفُوشْثْ أَڒْ مَانِيسْ ثْغدْجِي ثْفُوشْثْ،

أَذْ إِتّْوَاسّْعُودْجْ إِسمْ ن سِيذِي.^▪  

‏4 سِيذِي يُوعْڒَا خْ مَارَّا ڒڭْنُوسْ،

ثِيوَا إِ إِجنْوَانْ ذ أَعُودْجِي نّسْ.

‏5 مَانْ ونْ إِدْجَانْ أَمْ سِيذِي، أَربِّي نّغْ،

ونِّي إِزدّْغنْ ذِي ڒُوعْڒَا قَاعْ،

‏6 ونِّي يُوضَارنْ،

مَاحنْذْ أَذْ إِژَارْ ذڭْ إِجنْوَانْ ؤُ خْ ثمُّورْثْ!

‏7 ونِّي د-إِسّْنكَّارَانْ أَمُوقْڒِيڒْ زِي ثْعجَّاجْثْ،

إِجبْذْ-د أَمزْڒُوضْ زڭْ وفْرَاضْ ^▪  

‏8 مَاحنْذْ أَذْ ث إِسّْغِيمْ أَكْ-ذ ثَارْوَا ن ثَاصِيڒثْ،

أَكْ-ذ ثَارْوَا ن ثَاصِيڒثْ نْ ڒْڭنْسْ نّسْ.

‏9 ونِّي إِسّزْذَاغنْ ثنِّي وَارْ إِتِّيرْونْ ذِي ثَادَّارْثْ،

أَمْ إِشْثْ ن ثْيمَّاثْ ن إِحنْجِيرنْ ثْفَارْحْ. هَالِّيلُو-يَاه.