‏1 إِزْڒِي، أَزهّذْ زڭْ أَيْثْ قُورَاحْ.

‏2 سِيذِي ذ أَمقّْرَانْ، إِتّسْذِيهَادْجْ أَذْ إِتّْوَاسّمْغَارْ أَطَّاسْ،

ذِي ثنْذِينْثْ ن أَربِّي نّغْ، خْ وذْرَارْ نّسْ إِقدّْسنْ.

‏3 ڒُوعْڒَا نّسْ ذ ڒمْڒَاحثْ، أَقَا أَذْرَارْ ن صِيهْيُونْ ذ ڒفْرَاحثْ إِ مَارَّا ثَامُّورْثْ،

غَارْ ؤُغزْذِيسْ ن شَّامَالْ ن ثنْذِينْثْ ن ؤُجدْجِيذْ ذ أَمقّْرَانْ. ^▪  

‏4 أَربِّي أَقَا-ث ذِي ڒقْصُورْ نّسْ،

نتَّا إِتّْوَاسّنْ أَمْ إِجّْ ن لْپُورْجْ يُوعْڒَانْ.

‏5 مَاغَارْ خْزَارْ، إِجدْجِيذنْ مُوننْ،

أَقَا فّْغنْ جْمِيعْ.

‏6 ڒَامِي ث ژْرِينْ، ثْبهْثنْ،

أَقَا نّْجرْفَانْ ؤُشَا أَروْڒنْ ذغْيَا.

‏7 ذِينِّي ثطّفْ إِ-ثنْ ثَارْجِيجِيثْ،

أَمْ ڒحْرِيقْ ن إِشْثْ ن ثمْغَارْثْ ثتَّارُو.

‏8 س ؤُسمِّيضْ زِي شَّارْقْ ثتَّارژِّيذْ إِغَارُّوبَا ن ثَارْشِيشْ.

‏9 أَمْ مَامّشْ ثُوغَا ت نسْڒَا،

أَمُّو إِ ت نثْوَاڒَا ذِي ثنْذِينْثْ ن سِيذِي ن ڒْعسْكَارَاثْ،

ذِي ثنْذِينْثْ ن أَربِّي نّغْ.

أَربِّي أَذْ ت إِسّمْثنْ إِ ڒبْذَا. سِيلَاهْ.

‏10 أَ أَربِّي، نِيذَارْ ثَامخْسِيوْثْ نّكْ إِشوَّارنْ،

ذِي ڒْوسْثْ ن زَّاوشْثْ نّكْ ثَامقّْرَانْثْ.

‏11 أَمشْنَاوْ إِسمْ نّكْ، أَ أَربِّي،

أَمُّو إِتَّاكّْوَاضْ ؤُڒَا ذ شَّانْ نّكْ غَارسْ أَڒْ ثِينڭُّورَا ن ثمُّورْثْ.

أَفُوسْ نّكْ أَفُوسِي إِشُّورْ س ثْسڭْذَا.

‏12 أجّْ أَذْرَارْ ن صِيهْيُونْ أَذْ إِفَارْحْ،

جّمْ يسِّيسْ ن يَاهُوذَا أَذْ أَرشْقنْثْ زِي سِّيبّثْ ن ڒحْكَامَاثْ نّكْ.

‏13 كّمْ خْ صِيهْيُونْ، نّْضمْ أَسْ-د،

حسْبمْ صُّومْعَاثْ نّسْ!

‏14 ڭّمْ ؤُڒْ نْومْ خْ لْبَارَاجْ نّسْ،

خْزَارمْ مْلِيحْ ذِي ڒقْصُورْ نّسْ،

حِيمَا أَذْ ت تّْعَاوْذذْ إِ جِّيڒْ  إِ د غَا يَاسنْ.

‏15 مَاغَارْ أَربِّي وَانِيثَا ذ أَربِّي نّغْ إِ ڒبْذَا قَاعْ.

نتَّا أَذْ أَنغْ إِنْذهْ أَڒْ ڒْموْثْ.