‏1 ”خْ قَاعْ مَانْ أَيَا أَذْ نڭّْ إِجّْ ن ڒْعَاهْذْ إِمْثنْ ؤُشَا أَذْ ث نْزمّمْ ذِي ثِيرَا ؤُشَا إِمقّْرَاننْ نّغْ، إِلَاوِييّنْ نّغْ ذ إِكهَّاننْ نّغْ أَذْ خَاسْ ڭّنْ أَشمِّيعْ.“ ‏2 إِنِّي خَاسْ إِڭِّينْ أَشمِّيعْ ذ إِنَا:

نَاحَامْيَا، ونِّي ذ لْوَالِي أَمقّْرَانْ، مِّيسْ ن حَاكَالْيَا ذ صِيذْقِييَا، ‏3 سَارَايَا، عَازَارْيَا، إِرْمِييَا، ‏4 فَاشْحُورْ، أَرْمَارْيَا، مَالْكِييَا، ‏5 حَاتُّوشْ، شَابَانْيَا، مَالُّوخْ، ‏6 حَارِيمْ، مَارِيمُوثْ، عُوبَاذْيَا، ‏7 ذَانِييَالْ، جِينِّيثُونْ، بَارُوخْ، ‏8 مَاشُولَّامْ، أَبِييَا، مِييَامِينْ، ‏9 مَاعَازْيَا، بِيلْجَايْ ذ شْمَاعْيَا. إِنَا ذ إِكهَّاننْ.

‏10 ؤُشَا إِلَاوِييّنْ: يشُوعَا، مِّيسْ ن أَزَانْيَا، بِينَّايْ. زڭْ أَيْثْ ن حِينَاذَاذْ، قَاذْمِييِيلْ.

‏11 ؤُڒَا ذ أَيْثْمَاثْسنْ: شَابَانْيَا، هُوذِييَا، قَالِيطَا، قَالَايَا، حَانَانْ،

‏12 مِيخَا، رَاحُوبْ، حَاشَابْيَا،

‏13 زَاكُّورْ، شَارَابْيَا، شَابَانْيَا،

‏14 هُوذِييَا، بَانِي، بَانِينُو.

‏15 إِزدْجِيفنْ ن ڒْڭنْسْ: فَارْعُوشْ، فَاحَاثْ-مُوآبَ، عِيلَامْ، زَاتُّو، بَانِي،

‏16 بُونِّي، عَازْجَاذْ، بِيبَايْ،

‏17 أَذُونِييَا، بِيغْوَايْ، عَاذِينْ،

‏18 أَطِيرْ، حِيزْقِييَا، عَازُّورْ،

‏19 هُوذِييَا، حَاشُومْ، بِيصَايْ، ‏20 حَارِيفْ، عَانَاثُوثْ، نِيبَايْ، ‏21 مَاجْفِيعَاشْ، مَاشُولَّامْ، حَازِيرْ، ‏22 مَاشِيزَابْيِيلْ، صَاذُوقْ، يَادُّوعْ، ‏23 فَالَاطْيَا، حَانَانْ، عَانَايَا، ‏24 هُوشِيعَا، حَانَانْيَا، حَاشُوبْ، ‏25 هَالُّوحِيشْ، فِيلْجَا، شُوبِيقْ، ‏26 رَاحُومْ، حَاشَابْنَا، مَاعْسِييَا، ‏27 ذ أَخِييَا، حَانَانْ، عَانَانْ، ‏28 مَالُّوخْ، حَارِيمْ ذ بَاعْنَا.

‏29 إِنِّي إِقِّيمنْ زِي ڒْڭنْسْ، إِكهَّاننْ، إِلَاوِييّنْ، إِعسَّاسنْ ن ثوُّورَا، إِمذْيَازنْ، إِمْسخَّارنْ ن زَّاوشْثْ ثَامقّْرَانْثْ ذ مَارَّا إِنِّي ذ إِعزّْڒنْ إِخفْ نْسنْ خْ ڒڭْنُوسْ ن ثمُّورَا غَارْ شَّارِيعَا ن أَربِّي، ثِيمْغَارِينْ نْسنْ، إِحنْجِيرنْ نْسنْ ذ يسِّيثْسنْ، كُوڒْ إِجّْ ونِّي غَارْ ثدْجْ ثُوسّْنَا ذ ڒفْهَامثْ، ^▫   ‏30 نِيثْنِي مَارَّا ڒصْقنْ غَارْ أَيْثْمَاثْسنْ، أَيْثْ ن بُو-صُّولْطَا نْسنْ، ؤُشَا شَّارْشنْ ذِي نّعْڒثْ ذ ثْجَادْجِيثْ مَاحنْذْ أَذْ دَّارنْ عْلَاحْسَابْ شَّارِيعَا ن أَربِّي، ثنِّي إِمّوْشنْ خْ ؤُفُوسْ ن مُوسَا، أَمْسخَّارْ ن أَربِّي، ؤُشَا مَاهنْذْ أَذْ حْضَانْ مَارَّا ڒُومُورَاثْ ن سِيذِي، سِيذِيثْنغْ، ؤُشَا أَذْ طّْفنْ ذِي لْفَارْيِيضْ نّسْ ذ ثِيوصَّا نّسْ ‏31 ؤُشَا وَارْ نتِّيشْ يسِّيثْنغْ إِ ڒڭْنُوسْ ن ثمُّورْثْ ؤُشَا وَارْ نتِّيوِي يسِّيثْسنْ إِ إِحنْجِيرنْ نّغْ ذ ثَامْغَارْثْ. ^▪  

‏32 ؤُشَا مَاڒَا ڒڭْنُوسْ ن ثمُّورْثْ ؤُسِينْ-د ذڭْ وَاسّْ ن سّبْثْ، إِوْينْ صّڒْعثْ ذ عْڒَامْ كُوڒْ إِمنْذِي حِيمَا أَذْ زّنْزنْ أَيَا، أَقَا نشِّينْ ذِي سّبْثْ نِيغْ ذڭْ إِجّْ ن وَاسّْ إِقدّْسنْ نّغْنِي وَارْ خَاسنْ نتِّيوِي وَالُو ؤُشَا أَقَا نشِّينْ أَذْ نجّْ ثَامُّورْثْ ذڭْ ؤُسڭّْوَاسْ وِيسّْ سبْعَا ؤُ وَارْ نْكسِّي أَرِّيبَا زڭْ ؤُڒَا ذ يِيجّنْ. ^▪  

‏33 نڭَّا خَانغْ ڒُومُورَاثْ مَاحنْذْ أَذْ نوْشْ إِشْثْ ن تُّوڒُوثْ ن ؤُشِيقْلْ ذڭْ ؤُسڭّْوَاسْ إِ ثْسخَّارْثْ ن ثَادَّارْثْ ن أَربِّي نّغْ، ‏34 إِ وغْرُومْ ن وسْشَانْ ؤُ إِ ثوْهِيبْثْ ن ڒْغِيدْجثْ نْ ڒبْذَا ؤُ إِ ثْغَارْصْثْ ن وشْمَاضْ ن ڒبْذَا ذڭْ وُوسَّانْ ن سّبْثْ ؤُ ذڭْ وُوسَّانْ ن ؤُيُورْ ن جْذِيذْ، إِ ڒعْيُوذَاثْ إِتّْوَاڭّنْ ؤُ إِ ثْمسْڒَايِينْ إِقدّْسنْ ؤُ إِ ثْغَارْصَا ن دّنْبْ مَاحنْذْ أَذْ فْذِينْ خْ إِسْرَائِيل ؤُ خْ مَارَّا ثَاسخَّارْثْ ن ثَادَّارْثْ ن أَربِّي نّغْ. ^▪  

‏35 نشِّينْ، إِكهَّاننْ، إِلَاوِييّنْ ذ ڒْڭنْسْ، ڭِّينْ ثَاقدُّوحْثْ إِ ثوْهِيبْثْ ن ؤُكشُّوضْ ثنِّي ثُوغَا إِتّْخصَّانْ أَذْ ثتّْوَاسِّيذفْ غَارْ ثَادَّارْثْ ن أَربِّي نّغْ، عْلَاحْسَابْ ثُوذْرِينْ ن إِبَابَاثنْ نّغْ، ذڭْ وُوسَّانْ إِتّْوَاڭّنْ، أَسڭّْوَاسْ أَوَارْنِي إِ ؤُسڭّْوَاسْ، مَاحنْذْ أَذْ ثتّْوَاسشْمضْ خْ ؤُعَالْطَارْ ن سِيذِي، أَربِّي نّغْ، أَمْ مَامّشْ إِ ثُورَا ذِي شَّارِيعَا. ^▫  

‏36 ؤُشَا نڭَّا خَانغْ عَاوذْ مَاحنْذْ أَذْ نَاوِي ثَامنْزُوثْ ن ثمُّورْثْ نّغْ ذ ثْمنْزُوثْ ن ڒْغِيدْجثْ ن مَارَّا ثِيشجِّيرَا غَارْ ثَادَّارْثْ ن سِيذِي، أَسڭّْوَاسْ خْ ؤُمَاسْ ^▪   ‏37 ؤُڒَا ذ إِمنْزَا ن إِحنْجِيرنْ نّغْ ذ ڒْمَاڒْ نّغْ أَمْ مَامّشْ إِ ثُورَا ذِي شَّارِيعَا ؤُشَا أَذْ نَاوِي إِمنْزَا ن إِفُونَاسنْ نّغْ ذ وُودْجِي نّغْ ذِي ثَادَّارْثْ ن أَربِّي، غَارْ إِكهَّاننْ نِّي إِتّْسخَّارنْ ذِي ثَادَّارْثْ ن أَربِّي. ^▪  

‏38 ؤُشَا نڭَّا خَانغْ عَاوذْ أَذْ نتَّاوِي ثَامزْوَارُوثْ ن مِينْ إِتّْوَاڭّنْ زڭْ وَارشْثِي نّغْ ؤُ زِي ثوْهِيبِينْ ن ؤُسْڭعّذْ نّغْ ؤُ زِي فْرُوثَا ن مَارَّا ثِيشجِّيرَا ؤُ زِي بِينُو ن جْذِيذْ ذ زّشْثْ غَارْ إِكهَّاننْ ذڭْ إِخَّامنْ ن ثَادَّارْثْ ن أَربِّي نّغْ، ؤُڒَا ذ ڒعْشُورْ ن ثمُّورْثْ نّغْ غَارْ إِلَاوِييّنْ ؤُ إِلَاوِييّنْ سِيمَانْثْ نْسنْ أَذْ طّْفنْ ڒعْشُورْ ذِي مَارَّا ثِيندَّامْ مَانِي ثُوغَا نْخدّمْ نشِّينْ خْ ثمُّورْثْ، ^▪   ‏39 ؤُشَا أَذْ ذِينْ يِيڒِي إِجّْ ن ؤُكهَّانْ، إِجّْ ن مِّيسْ ن هَارُونْ، غَارْ إِلَاوِييّنْ خْمِي إِ غَا طّْفنْ إِلَاوِييّنْ ڒعْشُورْ ؤُشَا إِلَاوِييّنْ سِيمَانْثْ نْسنْ أَذْ أَوْينْ إِشْثْ ن ثعْشَارْثْ ن ڒعْشُورْ غَارْ ثَادَّارْثْ ن أَربِّي، غَارْ إِخَّامنْ ن ثَادَّارْثْ ن ثْخُوبَايْ، ^▫  ▪   ‏40 مِينْزِي أَيْثْ ن إِسْرَائِيل ذ أَيْثْ ن لَاوِي أَذْ أَوْينْ ثَاوْهِيبْثْ ن ؤُسْڭعّذْ ن إِمنْذِي، ن بِينُو ن جْذِيذْ ذ زّشْثْ ذڭْ إِخَّامنْ مَاغَارْ ڒقْشُوعْ ن زَّاوشْثْ إِقدّْسنْ أَقَا أَثنْ ذِينْ ؤُڒَا ذ إِكهَّاننْ إِنِّي إِتّْسخَّارنْ ذ إِعسَّاسنْ ن ثوُّورَا ذ إِمذْيَازنْ ؤُشَا إِتّْخصَّا أَنغْ وَارْ نْسمّحْ شَا ذِي ثَادَّارْثْ ن أَربِّي نّغْ.