إِعسَّاسنْ ن ثوَّارْثْ، إِوقَّافنْ نْ ڒكْنُوزْ، إِمحْضَاينْ ذ ڒْقُوضَاثْ
26
1 ثِيرْبِيعِينْ ن إِعسَّاسنْ ن ثوُّورَا: ن إِقُورَاحِييّنْ: مَاشَالَامْيَا، مِّيسْ ن قُورِي، زڭْ إِحنْجِيرنْ ن أَبِييَاسَافْ.
2 مَاشَالَامْيَا ثُوغَا غَارسْ إِحنْجِيرنْ:
زَاكَارِييَّا ثُوغَا-ث ذ أَمنْزُو،
يَاذِيعِيلْ وِيسّْ ثْنَاينْ، زَابَاذْيَا وِيسّْ ثْڒَاثَا،
يَاثْنِييِيلْ وِيسّْ أَربْعَا،
3 عِيلَامْ وِيسّْ خمْسَا،
يُوحَانَانْ وِيسّْ ستَّا،
إِلِيهُو-عِينَايْ وِيسّْ سبْعَا.
4 ؤُڒَا عُوبِيذْ-إِذُومْ ثُوغَا غَارسْ إِحنْجِيرنْ:
شْمَاعْيَا ثُوغَا-ث ذ أَمنْزُو،
يَاهُوزَابَاذْ وِيسّْ ثْنَاينْ،
يُووَاخْ وِيسّْ ثْڒَاثَا،
سَاكَارْ وِيسّْ أَربْعَا،
نَاثَانَايِيلْ وِيسّْ خمْسَا،
5 عَامِييِيلْ وِيسّْ ستَّا،
إِسَّاكَارْ وِيسّْ سبْعَا،
فَاعَالْثَايْ وِيسّْ ثْمنْيَا، مَاغَارْ إِبَاركْ إِ-ث أَربِّي.
6 ؤُڒَا إِ مِّيسْ شْمَاعْيَا تّْوَاخڒْقنْ أَسْ-د إِحنْجِيرنْ، إِنِّي ثُوغَا ذ ڒْحُوكَّامْ ذِي ثَادَّارْثْ ن بَابَاثْسنْ، مِينْزِي نِيثْنِي ثُوغَا أَثنْ ذ أَيْثْ ن بُو-ثغْرُوضْثْ إِمحْضنْ. 7 إِحنْجِيرنْ ن شْمَاعْيَا ثُوغَا أَثنْ ذ: عُوثْنِي، رَافَايِيلْ، عُوبِيذْ، إِلْزَابَاذْ أَكْ-ذ أَيْثْمَاسْ، إِحنْجِيرنْ إِمحْضنْ: إِلِيهُو ذ شَامَاكْيَا.
8 إِنَا مَارَّا ثُوغَا أَثنْ زڭْ إِحنْجِيرنْ ن عُوبِيذْ-إِذُومْ، نِيثْنِي ذ إِحنْجِيرنْ نْسنْ ذ وَاوْمَاثنْ نْسنْ، إِرْيَازنْ إِمحْضنْ، شُّورنْ س جّهْذْ إِ ثْسخَّارْثْ نْسنْ، ثْنَاينْ ؤُ-ستِّينْ ن يرْيَازنْ ن عُوبِيذْ-إِذُومْ.
9 مَاشَالَامْيَا ثُوغَا غَارسْ إِحنْجِيرنْ ذ وَاوْمَاثنْ، إِحنْجِيرنْ إِمحْضنْ، ثْمنْطَاشْ ن يرْيَازنْ.
10 حُوسَا، زڭْ إِحنْجِيرنْ ن مَارَارِي، ثُوغَا غَارسْ إِحنْجِيرنْ-أَ:
شِيمْرِي ثُوغَا ذ أَزدْجِيفْ، وَاخَّا نتَّا وَارْ إِدْجِي ذ أَمنْزُو، مَاشَا بَابَاسْ إِڭَّا إِ-ث ذ أَزدْجِيفْ.
11 حِيلْقِييَا ثُوغَا-ث ذ وِيسّْ ثْنَاينْ،
ثَابَالْيَا وِيسّْ ثْڒَاثَا،
زَاكَارِييَّا وِيسّْ أَربْعَا.
مَارَّا إِحنْجِيرنْ ذ وَاوْمَاثنْ ن حُوسَا ثُوغَا أَثنْ ذِي ثْڒطَّاشْ ن يرْيَازنْ.
12 خْ ثرْبِيعِينْ-أَ ن إِعسَّاسنْ ن ثوُّورَا، خْ إِزدْجِيفنْ ن أَيْثْ ن بُو-ثغْرُوضْثْ، ثُوغَا شّْغڒْ ن ثْسخَّارْثْ ذِي ثَادَّارْثْ ن سِيذِي، جْمِيعْ أَكْ-ذ أَيْثْمَاثْسنْ.
13 نِيثْنِي نْضَارنْ ثَاقدُّوحْثْ، أَمْ ؤُمژْيَانْ أَمْ ؤُمقّْرَانْ، إِ ڒَادْجَاثْ نْسنْ، إِ ثوَّارْثْ ؤُ إِ ثوَّارْثْ نّغْنِي.
14 ثَاقدُّوحْثْ إِ ثْعسَّاسْثْ ن شَّارْقْ ثكَّارْ أَسْ-د إِ شَالَامْيَا.
ؤُڒَا إِ مِّيسْ زَاكَارِييَّا، ونِّي ذ أَمْشَاوَارْ س ڒعْقڒْ، ثوْضَا أَسْ-د ثَاقدُّوحْثْ ؤُ ثَاقدُّوحْثْ نّسْ ثكَّارْ أَسْ-د إِ شَّامَالْ.
15 إِ عُوبِيذْ-إِذُومْ ثكَّارْ أَسْ-د ثْقدُّوحْثْ إِ لْجَانُوبْ ؤُ إِ إِحنْجِيرنْ نّسْ إِ ثَادَّارْثْ ن إِخَّامنْ ن ڒخْزنْ. ▫
16 إِ شُوفِّيمْ ذ حُوسَا ثكَّارْ أَسنْ-د ثْقدُّوحْثْ إِ لْغَارْبْ، أَكْ-ذ ثوَّارْثْ ن شَالْكَاثْ غَارْ وبْرِيذْ أَمقّْرَانْ إِڭعّْذنْ غَارْ زَّاوشْثْ ثَامقّْرَانْثْ. إِجّْ ن ؤُعسَّاسْ ثُوغَا إِبدّْ غَارْ إِجّْ ن ؤُعسَّاسْ نّغْنِي.
17 غَارْ مَانِيسْ إِ د-ثْنقَّارْ ثْفُوشْثْ بدّنْ ستَّا ن إِلَاوِييّنْ ؤُ غَارْ شَّامَالْ بدّنْ ذِينْ كُوڒْ أَسّْ أَربْعَا. غَارْ لْجَانُوبْ عَاوذْ كُوڒْ أَسّْ أَربْعَا ؤُ غَارْ إِخَّامنْ ن ڒخْزنْ ثْنَاينْ ؤُ عَاوذْ ثْنَاينْ.
18 غَارْ ڒبْنِي بَارَّا غَارْ ؤُغزْذِيسْ ن لْغَارْبْ ن زَّاوشْثْ ثَامقّْرَانْثْ أَربْعَا غَارْ وبْرِيذْ أَمقّْرَانْ ؤُ ثْنَاينْ غَارْ ڒبْنِي ن بَارَّا.
19 ثِينَا ثُوغَا ذ ثِيرْبِيعِينْ ن إِعسَّاسنْ ن ثوُّورَا زڭْ إِحنْجِيرنْ ن ؤُقُورَاحِي ؤُ زڭْ إِحنْجِيرنْ ن مَارَارِي.
20 أَيْثْمَاثْسنْ إِلَاوِييّنْ ثُوغَا أَثنْ خْ إِخَّامنْ ن ثْخُوبَايْ ن ثَادَّارْثْ ن أَربِّي ؤُ خْ إِخَّامنْ ن ثْخُوبَايْ ن ثوْهِيبِينْ إِتّْوَاقدّْسنْ.
21 إِحنْجِيرنْ ن لَاعْذَانْ، إِحنْجِيرنْ ن ؤُجَارْشُونِي نِّي ثُوغَا غَارْ لَاعْذَانْ، إِخْسْ أَذْ يِينِي إِزدْجِيفنْ ن إِبَابَاثنْ ن ڒَادْجَاثْ ن لَاعْذَانْ، أَجَارْشُونِي: جَاحِييِيلِي وَاهَا.
22 إِحنْجِيرنْ ن يَاحْيِيلِي ثُوغَا أَثنْ ذ زِيثَامْ ذ يُووِيلْ، ؤُمَاسْ. نِيثْنِي ثُوغَا أَثنْ خْ إِخَّامنْ ن ثْخُوبَايْ ن ثَادَّارْثْ ن سِيذِي.
23 ن إِرَامِييّنْ ذ إِيِيصْهَارِييّنْ ذ إِحَابْرُونِييّنْ ذ إِعَازِييِيلِييّنْ 24 ثُوغَا شَاپُووِيلْ، مِّيسْ ن جَارْشُومْ، مِّيسْ ن مُوسَا، ذ أَمحْضَايِي خْ إِخَّامنْ ن ثْخُوبَايْ.
25 أَيْثْمَاسْ زِي جَّاذِيرَا ن إِلِيعَازَارْ ثُوغَا أَثنْ ذ مِّيسْ رَاحَابْيَا، مِّيسْ نّسْ يَاشَاعْيَا، مِّيسْ يُورَامْ، مِّيسْ نّسْ زِيكْرِي ذ مِّيسْ شَالُومِيثْ. 26 شَالُومِيثْ وَانِيثَا ذ أَيْثْمَاسْ ثُوغَا أَثنْ خْ إِخَّامنْ ن ثْخُوبَايْ ن ثوْهِيبِينْ إِتّْوَاقدّْسنْ، ثِينِّي إِسّْقدّسْ إِ-ثنْثْ ؤُجدْجِيذْ ذَاوُوذْ أَكْ-ذ إِزدْجِيفنْ جَارْ إِبَابَاثنْ ن ڒَادْجَاثْ ؤُ أَكْ-ذ ڒْقبْطَانَاثْ خْ وَاڒفْ ذ خْ مْيَا، ؤُ أَكْ-ذ إِكُومَانْذَارنْ ن ڒْعسْكَارْ. 27 نِيثْنِي ثُوغَا سّْقدّْسنْ ثنْثْ زِي ڭَارَّاثْ ؤُ زِي ثْكشَّاضْثْ حِيمَا أَذْ زَّايْسنْثْ عذْڒنْ ثَادَّارْثْ ن سِيذِي. 28 ؤُڒَا مَارَّا مِينْ ثُوغَا إِسّْقدّسْ إِ-ث ؤُمْوَاڒَاوْ شَامْوِيلْ، ذ شَاوُولْ، مِّيسْ ن قِيسْ، ذ أَبْنِيرْ، مِّيسْ ن نِيرْ، ذ يُووَابْ، مِّيسْ ن صَارَايَا. مَارَّا مِينْ ثُوغَا إِتّْوَاقدّْسنْ ثُوغَا سَاذُو أَفُوسْ ن شَالُومِيثْ ذ أَيْثْمَاسْ.
29 زڭْ إِيِيصْهَارِييّنْ ثُوغَا كَانَانْيَا ذ إِحنْجِيرنْ نّسْ خدّْمنْ أَمْ إِوقَّافنْ ذ ڒْقُوضَاثْ بَارَّا ذِي ثمُّورْثْ ن إِسْرَائِيل.
30 زڭْ إِحَابْرُونِييّنْ، ثُوغَا ثَاوقَّافْثْ خْ إِسْرَائِيل غَارْ حَاشَابْيَا ذ أَيْثْمَاسْ، إِرْيَازنْ إِمحْضنْ، أَڒفْ ؤُ-سبْعَا-مْيَا ن يرْيَازنْ، خْ ؤُجمَّاضْ ن لْ'ؤُرْذُونْ غَارْ لْغَارْبْ، ثُوغَا أَثنْ خْ مَارَّا ڒْخذْمثْ إِ سِيذِي ؤُ خْ ثْسخَّارْثْ إِ ؤُجدْجِيذْ. 31 زڭْ إِحَابْرُونِييّنْ ثُوغَا يَارِييَا ذ أَزدْجِيفْ، ن إِحَابْرُونِييّنْ، ن ڒشْيُورْ نْسنْ إِنِّي د-إِقَّارْسنْ زڭْ إِبَابَاثنْ. ذڭْ ؤُسڭّْوَاسْ وِيسّْ أَربْعِينْ ن ثْڭلْذِيثْ ن ذَاوُوذْ تّْوَارْزُونْ ؤُ تّْوَافنْ أَيْثْ ن بُو-ثغْرُوضْثْ إِمحْضنْ ذِي يَاعْزِيرْ ذِي جِيلْعَاذْ. 32 أَيْثْمَاسْ ثُوغَا أَثنْ ذ إِحنْجِيرنْ إِمحْضنْ، أَڒْفَاينْ ؤُ-سبْعَا-مْيَا ن إِزدْجِيفنْ جَارْ إِبَابَاثنْ ن ڒَادْجَاثْ. أَجدْجِيذْ ذَاوُوذْ إِڭَّا ثنْ خْ إِرُوبِينِييّنْ، إِجَاذِييّنْ ذ وزْينْ ن ثقْبِيتْشْ ن مَانَاسَّا، خْ مَارَّا ثِيمسْڒَايِينْ ن أَربِّي ؤُ خْ مَارَّا ثِيمسْڒَايِينْ ن ؤُجدْجِيذْ.