‏1 زڭْ إِحنْجِيرنْ ن أَسَافْ ذ هَايْمَانْ ذ يَاذُوثُونْ إِعْزڒْ ذَاوُوذْ أَكْ-ذ إِكُومَانْذَارنْ ن ڒْعسْكَارْ إِرْيَازنْ إِ ثْسخَّارْثْ إِنِّي إِتّْنبَّانْ س ڒْڭَامْبْرِييَاثْ ذ لْهَارْبَاثْ ذ ثَادْجُونِينْ ن وُوزَّاڒْ. ڒْقدّْ ن يرْيَازنْ إِ إِڭِّينْ ڒْخذْمثْ ن ثْسخَّارْثْ نْسنْ ثُوغَا-ث ذ وَا:

‏2 خْ إِحنْجِيرنْ ن أَسَافْ: زَاكُّورْ ذ يُوسُوفْ ذ نَاثَانْيَا ذ أَشْرِييِيلْ، نِيثْنِي ذ إِحنْجِيرنْ ن أَسَافْ. ثُوغَا-ثنْ سَاذُو ؤُفُوسْ ن أَسَافْ. نتَّا ثُوغَا إِتّْنبَّا خْ إِشيَّارنْ ن ؤُجدْجِيذْ.

‏3 خْ يَاذُوثُونْ: إِحنْجِيرنْ ن يَاذُوثُونْ ثُوغَا أَثنْ ذ جَاذَالْيَا، صَارِي، إِشَاعْيَا، حَاشَابْيَا ذ مَاتِّيثْيَا، ستَّا ن إِحنْجِيرنْ، إِنِّي إِتّْقَاذَانْ ذ إِنِّي إِسّمْغَارَانْ سِيذِي سَاذُو ؤُفُوسْ ن بَابَاثْسنْ يَاذُوثُونْ، ونِّي ثُوغَا إِتّْنبَّانْ س ڒْڭَامْبْرِي.

‏4 خْ هِيمَانْ: إِحنْجِيرنْ ن هَايْمَانْ ثُوغَا أَثنْ ذ بُوقِّييَا، مَاتَّانْيَا، عُوزِّييِيلْ، شَاپُووِيلْ، يَارِيمُوثْ، حَانَانْيَا، حَانَانِي، إِلِييَاثَا، جِيدَّالْثِي، رُومَامْثِي-عَازَارْ، يُوشْبَاقَاشَا، مَالُّوثِي، هُوثِيرْ ذ مَاحْزِييُوثْ. ‏5 نِيثْنِي مَارَّا ثُوغَا أَثنْ ذ إِحنْجِيرنْ ن هَايْمَانْ، أَمْوَاڒَاوْ ن ؤُجدْجِيذْ س ڒفْهَامثْ ن وَاوَاڒنْ ن أَربِّي. حِيمَا أَذْ إِسّْڭعّذْ إِشّْ نّسْ يَارْزفْ أَربِّي إِ هَايْمَانْ أَرْبعْطَاشْ ن إِحنْجِيرنْ ذ ثْحنْجِيرِينْ.

‏6 مَارَّا إِنَا ثُوغَا أَثنْ سَاذُو ؤُفُوسْ ن بَابَاثْسنْ، ن أَسَافْ، يَاذُوثُونْ ذ هَايْمَانْ، إِ ؤُغنّغْ ن إِزْڒَانْ ذِي ثَادَّارْثْ ن سِيذِي س ثَادْجُونِينْ ن وُوزَّاڒْ ذ لْهَارْبَاثْ ذ ڒْڭَامْبْرِييَاثْ، إِ ثْسخَّارْثْ ذِي ثَادَّارْثْ ن أَربِّي سَاذُو ؤُفُوسْ ن ؤُجدْجِيذْ. ‏7 ڒْقدّْ نْسنْ، جْمِيعْ أَكْ-ذ أَيْثْمَاثْسنْ، إِنِّي ثُوغَا إِتّْوَاسْڒمْذنْ ذڭْ إِزْڒَانْ إِ سِيذِي، ڒْقدّْ ن مَارَّا إِنِّي غَارْسنْ ثِيزمَّارْ ذِي مَانْ أَيَا، ثُوغَا-ث مِيثَاينْ ؤُ-ثْمنْيَا ؤُ-ثْمَانْيِينْ.

‏8 نِيثْنِي نْضَارنْ ثِيقدُّوحِينْ إِ ثْعسَّاسْثْ، أَمْ ؤُمژْيَانْ أَمْ ؤُمقّْرَانْ، أَمْ ؤُمْسڒْمَاذْ أَمْ ؤُمحْضَارْ.

‏9 ثَاقدُّوحْثْ ثَامزْوَارُوثْ ثكَّارْ أَسْ-د إِ يُوسُوفْ.

وِيسّْ ثْنَاينْ إِ جَاذَالْيَا. نتَّا ذ أَيْثْمَاسْ ذ إِحنْجِيرنْ نّسْ، ثنْعَاشْ ن يرْيَازنْ.

‏10 وِيسّْ ثْڒَاثَا ثكَّارْ أَسْ-د إِ زَاكُّورْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏11 وِيسّْ أَربْعَا ثكَّارْ أَسْ-د إِ يَاصْرِي. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏12 وِيسّْ خمْسَا ثكَّارْ أَسْ-د إِ نَاثَانْيَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏13 وِيسّْ ستَّا ثكَّارْ أَسْ-د إِ بُوقِّييَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏14 وِيسّْ سبْعَا ثكَّارْ أَسْ-د إِ يَاشَارْيِيلَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏15 وِيسّْ ثْمنْيَا ثكَّارْ أَسْ-د إِ يَاشْعِييَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏16 وِيسّْ ثسْعَا ثكَّارْ أَسْ-د إِ مَاتَّانْيَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏17 وِيسّْ عشْرَا ثكَّارْ أَسْ-د إِ شِيمْعِي. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏18 وِيسّْ حِيطَاشْ ثكَّارْ أَسْ-د إِ عَازَارْيِيلْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏19 وِيسّْ ثنْعَاشْ ثكَّارْ أَسْ-د إِ هَاشَابْيَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏20 وِيسّْ ثْڒطَّاشْ ثكَّارْ أَسْ-د إِ شُوبَايِيلْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏21 وِيسّْ أَرْبعْطَاشْ ثكَّارْ أَسْ-د إِ مَاتِّيثْيَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏22 وِيسّْ خمّسْطَاشْ ثكَّارْ أَسْ-د إِ يَارِيمُوثْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏23 وِيسّْ سطَّاشْ ثكَّارْ أَسْ-د إِ حَانَانْيَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏24 وِيسّْ سْبعْطَاشْ ثكَّارْ أَسْ-د إِ يَاشْبَاقَاشْيَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏25 وِيسْ ثْمنْطَاشْ ثكَّارْ أَسْ-د إِ حَانَانِي. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏26 وِيسّْ ثْسعْطَاشْ ثكَّارْ أَسْ-د إِ مَالُّوثِي. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏27 وِيسّْ عِيشْرِينْ ثكَّارْ أَسْ-د إِ إِلِييَاثَا. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏28 وِيسّْ وَاحِيثْ ؤُ-عِيشْرِينْ ثكَّارْ أَسْ-د إِ هُوثِيرْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏29 وِيسّْ ثْنَاينْ ؤُ-عِيشْرِينْ ثكَّارْ أَسْ-د إِ جِيدَّالْثِي. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏30 وِيسّْ ثْڒَاثَا ؤُ-عِيشْرِينْ ثكَّارْ أَسْ-د إِ مَاحْزِييُوثْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.

‏31 وِيسّْ أَربْعَا ؤُ-عِيشْرِينْ ثكَّارْ أَسْ-د إِ رُومَامْثِي-عَازَارْ. إِحنْجِيرنْ نّسْ ذ أَيْثْمَاسْ، ثنْعَاشْ ن يرْيَازنْ.