‏1 ثِيرْبِيعِينْ ن إِحنْجِيرنْ ن هَارُونْ. ثَارْوَا ن هَارُونْ ثُوغَا أَثنْ ذ نَاذَابْ، أَبِيهُو، أَلِيعَازَارْ ذ إِثَامَارْ. ‏2 نَاذَابْ ذ أَبِيهُو مُّوثنْ زَّاثْ إِ وُوذمْ ن بَابَاثْسنْ. وَارْ غَارْسنْ بُو إِحنْجِيرنْ. أَلِيعَازَارْ ذ إِثَامَارْ ثُوغَا تّْسخَّارنْ أَمْ إِكهَّاننْ.

‏3 جْمِيعْ أَكْ-ذ صَاذُوقْ زڭْ إِحنْجِيرنْ ن أَلِيعَازَارْ ؤُ أَكْ-ذ أَخِيمَالِيكْ زڭْ إِحنْجِيرنْ ن إِثَامَارْ إِبْضَا إِ-ثنْ ذَاوُوذْ عْلَاحْسَابْ ثَاوقَّافْثْ نْسنْ إِ ثْسخَّارْثْ نْسنْ. ‏4 ؤُفِينْ أَقَا غَارْ إِحنْجِيرنْ ن أَلِيعَازَارْ أَطَّاسْ ن إِزدْجِيفنْ خْ إِزدْجِيفنْ ن يرْيَازنْ نِّي إِدْجَانْ غَارْ إِحنْجِيرنْ ن إِثَامَارْ. بْضَانْ ثنْ أَمنِّي: جَارْ إِحنْجِيرنْ ن إِلِيعَازَارْ ثُوغَا ذِينْ سطَّاشْ ن إِزدْجِيفنْ ن ڒَادْجَاثْ ؤُ جَارْ إِحنْجِيرنْ ن إِثَامَارْ ثْمنْيَا ن إِزدْجِيفنْ ن ڒَادْجَاثْ. ‏5 نِيثْنِي بْضَانْ ثنْ س ثْقدُّوحْثْ، أَمْ يِينَا نِيغْ أَمْ يِينَا، مَاغَارْ إِمقّْرَاننْ ن زَّاوشْثْ إِقدّْسنْ، إِمقّْرَاننْ ن أَربِّي، ثُوغَا أَثنْ زڭْ إِحنْجِيرنْ ن أَلِيعَازَارْ ؤُ زڭْ إِحنْجِيرنْ ن إِثَامَارْ.

‏6 شْمَايَا، مِّيسْ ن نَاثَانْيِيلْ، ونِّي ثُوغَا ذ أَمَارِيرْ زِي ثقْبِيتْشْ ن لَاوِي، إِزمّنْ إِ-ثنْ زَّاثْ إِ وُوذمْ ن ؤُجدْجِيذْ ذ إِمقّْرَاننْ ذ ؤُكهَّانْ صَاذُوقْ ذ أَخِيمَالِيكْ، مِّيسْ ن أَبْيَاثَارْ، ؤُ زَّاثْ إِ وُوذمْ ن إِزدْجِيفنْ ن ڒَادْجَاثْ جَارْ إِكهَّاننْ ؤُ جَارْ إِلَاوِييّنْ. ڭِّينْ ثَاقدُّوحْثْ إِ إِجّْ ن ڒَادْجْ ن أَلِيعَازَارْ، خنِّي إِ إِجّْ ن ڒَادْجْ ن إِثَامَارْ.

‏7 ثَاقدُّوحْثْ ثَامزْوَارُوثْ ثكَّارْ أَسْ-د إِ يَاهُويَارِيبْ، وِيسّْ ثْنَاينْ إِ يَاذَاعْيَا،

‏8 وِيسّْ ثْڒَاثَا إِ حَارِيمْ، وِيسّْ أَربْعَا إِ سَاعُورِيمْ،

‏9 وِيسّْ خمْسَا إِ مَالْكِييَا، وِيسّْ ستَّا إِ مِييَامِينْ،

‏10 وِيسّْ سبْعَا إِ هَاقُّوصْ، وِيسّْ ثْمنْيَا إِ أَبِييَا،

‏11 وِيسّْ ثسْعَا إِ يشُوعَا ، وِيسّْ عشْرَا إِ شَاكَانْيَا،

‏12 وِيسّْ حِيتَّاشْ إِ إِلْيَاشِيبْ، وِيسّْ ثنْعَاشْ إِ يَاقِيمْ،

‏13 وِيسّْ ثْڒطَّاشْ إِ حُوفَّا، وِيسّْ أَرْبعْطَاشْ إِ يَاشَابَاذْ،

‏14 وِيسّْ خمّسْطَاشْ إِ بِيلْجَا، وِيسّْ سطَّاشْ إِ إِمِّيرْ،

‏15 وِيسّْ سْبعْطَاشْ إِ حِيزِيرْ، وِيسّْ ثْمنْطَاشْ إِ حَافْصِيصْ،

‏16 وِيسّْ ثْسعْطَاشْ إِ فَاقَاحْيَا، وِيسّْ عِيشْرِينْ إِ يَاحَازْقِييِيلْ،

‏17 وِيسّْ وَاحِيثْ ؤُ-عِيشْرِينْ إِ يَاخِينْ، وِيسّْ ثْنَاينْ ؤُ-عِيشْرِينْ إِ جَامُولْ،

‏18 وِيسّْ ثْڒَاثَا ؤُ-عِيشْرِينْ إِ ذَالَايَا، وِيسّْ أَربْعَا ؤُ-عِيشْرِينْ إِ مَاعَازْيَا.

‏19 إِنَا ثُوغَا خَاسنْ ثَاوقَّافْثْ مَاحنْذْ أَذْ أَذْفنْ غَارْ ثَادَّارْثْ ن سِيذِي عْلَاحْسَابْ أَستّفْ ن ثْسخَّارْثْ نْسنْ أَمْ مَامّشْ لْفَارِيضَا إِ د-يُوسِينْ س ؤُفُوسْ ن بَابَاثْسنْ هَارُونْ أَمْ مَامّشْ إِ ذ أَسْ يُومُورْ سِيذِي، أَربِّي ن إِسْرَائِيل.

‏20 زِي جِّيهثْ ن ؤُستّفْ ن مِينْ إِقِّيمنْ ن إِحنْجِيرنْ ن لَاوِي:

شُوبَايِيلْ ثُوغَا ذ أَزدْجِيفْ إِ إِحنْجِيرنْ ن عَامْرَامْ،

يَاحَاذْيَا ثُوغَا ذ أَزدْجِيفْ إِ إِحنْجِيرنْ ن شُوبَايِيلْ.

‏21 خْ رَاحَابْيَا: خْ إِحنْجِيرنْ ن رَاحَابْيَا ثُوغَا يَاشِييَا ذ أَزدْجِيفْ.

‏22 خْ ثَارْوَا ن يِيصْهَارْ ثُوغَا شَالُومِيثْ ذ أَزدْجِيفْ.

خْ إِحنْجِيرنْ ن شَالُومِيثْ ثُوغَا يَاهَاثْ ذ أَزدْجِيفْ.

‏23 ؤُ خْ إِحنْجِيرنْ ن حِيبْرُونْ ثُوغَا يَارِييَا ذ أَزدْجِيفْ، أَمَارْيَا ثُوغَا-ث ذ وِيسّْ ثْنَاينْ، يَاحْزِييِيلْ ذ وِيسّْ ثْڒَاثَا، يَاقْمَاعَامْ وِيسّْ أَربْعَا.

‏24 خْ إِحنْجِيرنْ ن عُوزِّييِيلْ ثُوغَا مِيخَا ذ أَزدْجِيفْ.

خْ إِحنْجِيرنْ ن مِيخَا ثُوغَا شَامِيرْ ذ أَزدْجِيفْ.

‏25 ؤُمَاسْ ن مِيخَا ثُوغَا ذ يَاشِّييَا. خْ إِحنْجِيرنْ ن يَاشِييَا ثُوغَا زَاكَارِييَّا ذ أَزدْجِيفْ.

‏26 إِحنْجِيرنْ ن مَارَارِي ثُوغَا أَثنْ ذ مَاحْلِي ذ مُوشِي. خْ إِحنْجِيرنْ ن يَاعَازْيَا ثُوغَا بَانُو ذ أَزدْجِيفْ.

‏27 إِحنْجِيرنْ ن مَارَارِي ن مِّيسْ يَاعَازْيَا ثُوغَا أَثنْ ذ بَانُو ذ شُوهَامْ ذ زَاكُّورْ ذ عِيبْرِي.

‏28 ن مَاحْلِي ثُوغَا أَلِيعَازَارْ ذ مِّيسْ. وَانِيثَا ثُوغَا وَارْ غَارسْ بُو إِحنْجِيرنْ.

‏29 خْ قِيسْ: إِحنْجِيرنْ ن قِيسْ: مْغِيرْ يَارْحَامْيِيلْ.

‏30 إِحنْجِيرنْ ن مُوشِي ثُوغَا أَثنْ ذ مَاحْلِي، عَاذِيرْ ذ يَارِيمُوثْ.

إِنَا ثُوغَا أَثنْ ذ إِحنْجِيرنْ ن لَاوِي، تّْوَاستّْفنْ عْلَاحْسَابْ ڒَادْجَاثْ نْسنْ.

‏31 ؤُڒَا ذ نِيثْنِي نْضَارنْ ثِيقدُّوحِينْ أَمشْنَاوْ أَيْثْمَاثْسنْ، إِحنْجِيرنْ ن هَارُونْ، زَّاثْ إِ وُوذمْ ن ؤُجدْجِيذْ ذَاوُوذْ ذ صَاذُوقْ ذ أَخِيمَالِيكْ ذ إِزدْجِيفنْ جَارْ إِبَابَاثنْ ن ڒَادْجَاثْ ن إِكهَّاننْ ؤُ جَارْ إِلَاوِييّنْ، أَمْ إِبَابَاثنْ نِّي إِدْجَانْ ذ أَزدْجِيفْ أَمْ ؤُمَاثْسنْ ذ أَمژْيَانْ قَاعْ.