‏1 إِمْسَارْ ذڭْ وَاسّْ مِينْ ذِي إِكمّڒْ مُوسَا أَسْبذِّي ن ثْزذِّيغْثْ، إِذْهنْ ؤُ إِسّْقدّسْ إِ-ت أَكْ-ذ ذْ ڒقْشُوعْ نّسْ ؤُڒَا مَارَّا أَعَالْطَارْ أَكْ-ذ ڒقْشُوعْ نّسْ. أَقَا إِذْهنْ إِ-ثنْ ؤُشَا إِسّْقدّسْ إِ-ثنْ. ^▪   ‏2 خنِّي قَارّْبنْ-د إِمقّْرَاننْ ن إِسْرَائِيل، إِزدْجِيفنْ ن ڒَادْجَاثْ. نِيثْنِي ذ إِمقّْرَاننْ ن ثْقبَّاڒْ، نِيثْنِي ثُوغَا خْ ينِّي إِتّْوَاحسْبنْ. ‏3 نِيثْنِي إِوْينْ-د ثَاوْهِيبْثْ نْسنْ زَّاثْ إِ وُوذمْ ن سِيذِي: ستَّا ن إِكَارُّوثنْ س ثْسقِّيفْثْ ذ ثنْعَاشْ ن إِفُونَاسنْ، أَقَا ذ إِجّْ ن ؤُكَارُّو إِ ثْنَاينْ ن إِمْغَارنْ ذ إِجّْ ن ؤُينْذُوزْ إِ كُوڒْ إِجّْ ن ؤُمْغَارْ، ؤُشَا إِوْينْ ثنْ زَّاثْ إِ وُوذمْ ن ثْزذِّيغْثْ.

‏4 إِسِّيوڒْ سِيذِي أَكْ-ذ مُوسَا، إِنَّا:

‏5 ”كْسِي أَيَا زَّايْسنْ، حِيمَا أَذْ إِڒِينْ إِ ڒْخذْمثْ ن ثْسخَّارْثْ ن ؤُقِيضُونْ ن ؤُمْسَاڭَارْ. إِتّْخصَّا أَذْ ثنْ ثوْشذْ إِ إِلَاوِييّنْ، إِ كُوڒْ أَرْيَازْ أَمْ مَامّشْ د-إِتَّاسْ أَكْ-ذ ثْسخَّارْثْ نّسْ.“ ‏6 ؤُشَا مُوسَا إِطّفْ إِكَارُّوثنْ ذ إِفُونَاسنْ ؤُشَا إِوْشَا إِ-ثنْ إِ إِلَاوِييّنْ. ‏7 ثْنَاينْ ن إِكَارُّوثنْ ذ أَربْعَا ن إِفُونَاسنْ إِ إِوْشَا إِ أَيْثْ ن جَارْشُونْ، أَمْ مَامّشْ د-إِتَّاسْ أَكْ-ذ ثْسخَّارْثْ نْسنْ، ‏8 ؤُ إِ أَيْثْ ن مَارَارِي إِوْشَا أَسنْ أَربْعَا ن إِكَارُّوثنْ ذ ثْمنْيَا ن إِفُونَاسنْ، أَمْ مَامّشْ د-إِتَّاسْ أَكْ-ذ ثْسخَّارْثْ نْسنْ سَاذُو ؤُفُوسْ ن إِثَامَارْ، مِّيسْ ن ؤُكهَّانْ هَارُونْ. ‏9 إِ أَيْثْ ن قَاهَاثْ وَارْ ذ أَسنْ إِوْشِي وَالُو، مِينْزِي ثُوغَا خَاسنْ ثَاسخَّارْثْ ن زَّاوشْثْ إِقدّْسنْ، نِيثْنِي أَرْپُونْ زَّاوشْثْ خْ ثْغَارْوَاضْ نْسنْ.

‏10 خنِّي قَارّْبنْ-د إِمْغَارنْ أَكْ-ذ ثوْهِيبْثْ إِ ؤُذشّنْ ن ؤُعَالْطَارْ ذڭْ وَاسّْ مِينْ ذِي إِتّْوَاذْهنْ ؤُعَالْطَارْ. إِمْغَارنْ أَقَا إِوْينْ ثِيوْهِيبِينْ نْسنْ زَّاثْ إِ وُوذمْ ن ؤُعَالْطَارْ.

‏11 إِنَّا سِيذِي إِ مُوسَا: ”إِجّْ ن ؤُمْغَارْ ذڭْ إِجّْ ن وَاسّْ، خنِّي عَاوذْ إِجّْ ن ؤُمْغَارْ ذڭْ وَاسّْ أَوَارْنِي أَسْ، أَمُّو أَذْ قَارّْبنْ نِيثْنِي أَكْ-ذ ثوْهِيبِينْ نْسنْ إِ ؤُذشّنْ ن ؤُعَالْطَارْ.

‏12 ذڭْ وَاسّْ أَمزْوَارُو إِسّْقَارّبْ-د نَاحْشُونْ، مِّيسْ ن عَامِّينَاذَابْ، زِي ثقْبِيتْشْ ن يَاهُوذَا، ثَاوْهِيبْثْ نّسْ.

‏13 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ.

‏14 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ،

‏15 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي، إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ،

‏16 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ،

‏17 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ ذ خمْسَا ن إِشَارِّييّنْ ذ خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن نَاحْشُونْ، مِّيسْ ن عَامِّينَاذَابْ.

‏18 ذڭْ وَاسّْ وِيسّْ ثْنَاينْ إِسّْقَارّبْ-د نَاثَانَايِيلْ، مِّيسْ ن صُوغَارْ، ونِّي ذ أَمقّْرَانْ ن إِسَّاكَارْ، ثَاوْهِيبْثْ نّسْ.

‏19 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏20 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏21 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏22 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏23 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن نَاثَانَايِيلْ، مِّيسْ ن صُوغَارْ.

‏24 ذڭْ وَاسّْ وِيسّْ ثْڒَاثَا إِسّْقَارّبْ-د ؤُمْغَارْ ن أَيْثْ ن زَاپُولُونْ، إِلِييَابْ، مِّيسْ ن حِيلُونْ، ثَاوْهِيبْثْ نّسْ. ‏25 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏26 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏27 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏28 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏29 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن إِلِييَابْ، مِّيسْ ن حِيلُونْ.

‏30 ذڭْ وَاسّْ وِيسّْ أَربْعَا إِسّْقَارّبْ-د ؤُمْغَارْ ن أَيْثْ ن رُوبِينْ، أَلِيصُورْ، مِّيسْ ن شَاذَايُّورْ، ثَاوْهِيبْثْ نّسْ. ‏31 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏32 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏33 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏34 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏35 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَلِيصُورْ، مِّيسْ ن شَاذَايُّورْ.

‏36 ذڭْ وَاسّْ وِيسّْ خمْسَا إِسّْقَارّبْ-د ؤُمْغَارْ ن أَيْثْ ن شِيمْعُونْ، شَالُومِييِيلْ، مِّيسْ ن صُورِيشَادَّايْ، ثَاوْهِيبْثْ نّسْ. ‏37 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏38 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏39 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏40 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏41 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن شَالُومِييِيلْ، مِّيسْ ن صُورِيشَادَّايْ.

‏42 ذڭْ وَاسّْ وِيسّْ ستَّا إِسّْقَارّبْ-د ؤُمْغَارْ ن أَيْثْ ن جَاذْ، أَلِييَاسَافْ، مِّيسْ ن ذَاعُويِيلْ، ثَاوْهِيبْثْ نّسْ. ‏43 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏44 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏45 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏46 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏47 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَلِييَاسَافْ، مِّيسْ ن ذَاعُويِيلْ.

‏48 ذڭْ وَاسّْ وِيسّْ سبْعَا إِسّْقَارّبْ-د ؤُمْغَارْ ن أَيْثْ ن إِفْرَايِيمْ، إِلِيشَامَاعْ، مِّيسْ ن عَامِّيهُوذْ، ثَاوْهِيبْثْ نّسْ. ‏49 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏50 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏51 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏52 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏53 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن إِلِيشَامَاعْ، مِّيسْ ن عَامِّيهُوذْ.

‏54 ذڭْ وَاسّْ وِيسّْ ثْمنْيَا إِسّْقَارّبْ-د ؤُمْغَارْ ن أَيْثْ ن مَانَاسَّا، جَامَالِييِيلْ، مِّيسْ ن فَاذَاهْصُورْ، ثَاوْهِيبْثْ نّسْ. ‏55 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏56 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏57 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏58 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏59 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن جَامَالِييِيلْ، مِّيسْ ن فَاذَاهْصُورْ.

‏60 ذڭْ وَاسّْ وِيسّْ ثسْعَا إِسّْقَارّبْ-د ؤُمْغَارْ ن أَيْثْ ن بِينْيَامِينْ، أَبِيذَانْ، مِّيسْ ن جِيذْعُونِي، ثَاوْهِيبْثْ نّسْ. ‏61 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏62 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏63 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏64 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏65 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَبِيذَانْ، مِّيسْ ن جِيذْعُونِي.

‏66 ذڭْ وَاسّْ وِيسّْ عشْرَا إِسّْقَارّبْ-د ؤُمْغَارْ ن أَيْثْ ن ذَانْ، أَخِيعَازَارْ، مِّيسْ ن عَامِيشَادَّايْ، ثَاوْهِيبْثْ نّسْ. ‏67 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏68 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏69 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏70 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏71 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَخِيعَازَارْ، مِّيسْ ن عَامِيشَادَّايْ.

‏72 ذڭْ وَاسّْ وِيسّْ حِيطَاشْ إِسّْقَارّبْ-د ؤُمْغَارْ ن أَيْثْ ن أَشِيرْ، فَاجْعِييِيلْ، مِّيسْ ن عُوكْرَانْ، ثَاوْهِيبْثْ نّسْ. ‏73 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏74 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏75 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏76 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏77 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن فَاجْعِييِيلْ، مِّيسْ ن عُوكْرَانْ.

‏78 ذڭْ وَاسّْ وِيسّْ ثنْعَاشْ إِسّْقَارّبْ-د ؤُمْغَارْ ن أَيْثْ ن نَافْثَالِي، أَخِيرَاعْ، مِّيسْ ن عِييْنَانْ، ثَاوْهِيبْثْ نّسْ. ‏79 ثُوغَا-ت ذ ثَاوْهِيبْثْ نّسْ: إِجّْ ن طّبْصِي ن نُّوقَارْثْ ن مْيَا ؤُ-ثْڒَاثِينْ ن إِشِيقْلنْ ن دّْقڒْ، ذ إِشْثْ ن طَّاوْيَا إِ ؤُرُوشِّي ن نُّوقَارْثْ ن سبْعِينْ ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. ثُوغَا-ثنْ س ثْنَاينْ شُّورنْ س وَارنْ أَزْذَاذْ إِخدْجْضنْ س زّشْثْ أَمْ ثوْهِيبْثْ ن ڒْغِيدْجثْ. ‏80 خنِّي إِشْثْ ن ثْغنْجَاشْثْ ن وُورغْ ن عشْرَا ن إِشِيقْلنْ ثشُّورْ س ڒبْخُورْ، ‏81 إِجّْ ن ؤُينْذُوزْ، أَمژْيَانْ ن ؤُفُونَاسْ، إِجّْ ن إِشَارِّي ذ إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ، ‏82 إِجّْ ن إِغَايْضْ ذ أَمژْيَانْ إِ ثْغَارْصْثْ ن وشْمَاضْ، ‏83 ؤُ إِ ثْغَارْصْثْ ن ڒهْنَا: ثْنَاينْ ن إِفُونَاسنْ، خمْسَا ن إِشَارِّييّنْ، خمْسَا ن إِغَايْضنْ ذ خمْسَا ن إِزْمَارنْ ن إِجّْ ن ؤُسڭّْوَاسْ. أَقَا ثَا ذ ثَاوْهِيبْثْ ن أَخِيرَاعْ، مِّيسْ ن عِييْنَانْ.

‏84 ثُوغَا ثَا ذ ثَاوْهِيبْثْ إِ ؤُذشّنْ ن ؤُعَالْطَارْ زڭْ إِمْغَارنْ ن إِسْرَائِيل ذڭْ وَاسّْ ؤُمِي إِتّْوَاذْهنْ ؤُعَالْطَارْ: ثنْعَاشْ ن طّْبَاصِي ن نُّوقَارْثْ ذ ثنْعَاشْ ن طَّاوْيَاثْ إِ ؤُرُوشِّي ن نُّوقَارْثْ ذ ثنْعَاشْ ن ثْغنْجَايِينْ ن وُورغْ.

‏85 إِجّْ ن طّبْصِي ن نُّوقَارْثْ إِوْزنْ مْيَا ؤُ-ثْڒَاثِينْ شِيقْلُو ذ إِشْثْ ن طَّاوْيَا إِ ؤُرُوشِّي إِوْزنْ سبْعِينْ شِيقْلُو. مَارَّا نُّوقَارْثْ ن ڒقْشُوعْ نِّي ثوْزنْ أَڒْفَاينْ ؤُ-أَربْعَا-مْيَا شِيقْلُو عْلَاحْسَابْ شِيقْلُو ن زَّاوشْثْ إِقدّْسنْ.

‏86 ثنْعَاشْ ن ثْغنْجَايِينْ ن وُورغْ شُّورنْ س ڒبْخُورْ. كُوڒْ ثَاغنْجَايْثْ ثوْزنْ عشْرَا ن إِشِيقْلنْ، عْلَاحْسَابْ أَشِيقْلْ ن زَّاوشْثْ إِقدّْسنْ. مَارَّا ؤُرغْ ن ثْغنْجَايِينْ إِوْزنْ مْيَا ؤُ-عِيشْرِينْ ن إِشِيقْلنْ.

‏87 مَارَّا ڒبْهَايمْ إِ ثْغَارْصْثْ ن وشْمَاضْ أَقَا أَثنْ ثنْعَاشْ ن إِينْذُوزنْ، ثنْعَاشْ ن إِشَارِّييّنْ، ثنْعَاشْ ن إِزْمَارنْ ن إِجّْ ن ؤُسڭّْوَاسْ أَكْ-ذ ثوْهِيبْثْ ن ڒْغِيدْجثْ نْسنْ، ؤُ ثنْعَاشْ ن إِغَايْضنْ إِمژْيَانِينْ إِ ثْغَارْصْثْ ن دّنْبْ.

‏88 مَارَّا ڒبْهَايمْ ن ثْغَارْصْثْ ن ڒهْنَا أَقَا أَثنْ أَربْعَا ؤُ-عِيشْرِينْ ن إِينْذُوزنْ، ستِّينْ ن إِشَارِّييّنْ ذ ستِّينْ ن إِغَايْضنْ ذ ستِّينْ ن إِزْمَارنْ ن إِجّْ ن ؤُسڭّْوَاسْ. مَانْ أَيَا ذ ثَاوْهِيبْثْ إِ ؤُذشّنْ ن ؤُعَالْطَارْ أَوَارْنِي إِتّْوَاذْهنْ.

‏89 ؤُمِي يُوذفْ مُوسَا غَارْ ؤُقِيضُونْ ن ؤُمْسَاڭَارْ حِيمَا أَذْ كِيسْ إِسِّيوڒْ، إِسْڒَا إِشْثْ ن ثْمِيجَّا ثسِّيوڒْ أَكِيذسْ زِي سنّجْ ن ثْقبَّارْثْ ن وصْڒَاحْ إِ إِدْجَانْ خْ تَّاپُوثْ ن شّْهَاذثْ، زِي جَارْ ثْنَاينْ ن إِكِيرُوبنْ. أَمُّو إِسِّيوڒْ سِيذِي أَكِيذسْ. ^▫