‏1 إِسِّيوڒْ سِيذِي أَكْ-ذ مُوسَا، إِنَّا:

‏2 ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’مَاڒَا إِجّْ ن ورْيَازْ نِيغْ إِشْثْ ن ثمْغَارْثْ إِ إِوجْذنْ مَاحنْذْ أَذْ إِوْشْ أَوَاڒْ ن ثمْرِيسْثْ ن وعْزَاڒْ مَاحنْذْ أَذْ إِعْزڒْ إِخفْ نّسْ إِ سِيذِي، ‏3 خنِّي أَذْ إِڭّْوجْ خْ بِينُو ذ شّْرَابْ. وَارْ إِسسّْ ڒْخدْجْ زِي بِينُو نِيغْ ڒْخدْجْ زِي شّْرَابْ ؤُ وَارْ إِسسّْ أَمَانْ ن ؤُضِيڒْ، ؤُ وَارْ إِتّتّْ زڭْ ؤُضِيڒْ أَزيْزَا نِيغْ ونِّي يُوژْغنْ. ^▫   ‏4 مَارَّا ؤُسَّانْ ن وعْزَاڒْ نّسْ وَارْ إِتّتّْ شَا مِينْ د-إِفّْغنْ زِي ثْزَايَارْثْ، زڭْ ؤُعقَّا نّسْ أَڒْ ثَاقْشُورْثْ نّسْ.

‏5 مَارَّا ؤُسَّانْ ن وَاوَاڒْ إِ د تَّاسنْ أَكْ-ذ وعْزَاڒْ نّسْ وَارْ إِتّكّْ ڒْمُوسْ خْ ؤُزدْجِيفْ نّسْ أَڒْ غَا قفّْڒنْ وُوسَّانْ نِّي إِعْزڒْ إِ سِيذِي ؤُشَا أَذْ يِيڒِي إِقدّسْ ؤُشَا أَذْ يجّْ إِعيَّاشنْ ن ؤُشوَّافْ ن ؤُزدْجِيفْ نّسْ أَذْ مْغَارنْ. ^▪   ‏6 مَارَّا ؤُسَّانْ إِ إِسّْحُوزّْ إِ سِيذِي، وَارْ د-إِتّْقَارِّيبْ شَا غَارْ ڒْخشْبثْ ن إِجّْ ن ؤُمتِّينْ. ^▫   ‏7 وَارْ إِسّْخمِّيجْ إِخفْ نّسْ خْ بَابَاسْ نِيغْ خْ يمَّاسْ نِيغْ خْ ؤُمَاسْ نِيغْ خْ ؤُتْشْمَاسْ مَاڒَا ڭُّورنْ أَذْ مّْثنْ، مِينْزِي ثَامْرِيسْثْ ن وعْزَاڒْ ن أَربِّي نّسْ أَقَا-ت خْ ؤُزدْجِيفْ نّسْ.

‏8 مَارَّا ؤُسَّانْ ن وعْزَاڒْ نّسْ أَذْ يِيڒِي إِقدّسْ إِ سِيذِي. ‏9 مَاڒَا ونِّي إِتّْمتَّانْ أَذْ إِمّثْ ذغْيَا ذڭْ ورْمَاشْ ن وَابْڒِيونْ ؤُشَا إِسّخْمجْ أَزدْجِيفْ نّسْ س ثمْرِيسْثْ ن وعْزَاڒْ نّسْ، خنِّي أَذْ إِحفّْ أَزدْجِيفْ نّسْ ذڭْ وَاسّْ ن ؤُسِيزْذڭْ نّسْ، ذڭْ وَاسّْ وِيسّْ سبْعَا إِتّْخصَّا أَذْ ث إِحفّْ.

‏10 ذڭْ وَاسّْ وِيسّْ ثْمنْيَا أَذْ يَاوِي ثْنَاينْ ن ثجْلِيلِيحِينْ نِيغْ ثْنَاينْ ن إِضْبِيرنْ غَارْ ؤُكهَّانْ غَارْ وَاذَافْ ن ؤُقِيضُونْ ن ؤُمْسَاڭَارْ.

‏11 أَكهَّانْ أَذْ إِسّوْجذْ إِشْثْ ذ ثَاغَارْصْثْ ن دّنْبْ ذ إِشْثْ ذ ثَاغَارْصْثْ ن وشْمَاضْ ؤُشَا أَذْ إِفْذِي خْ ڒعْمَارْ نِّي مِينْزِي نتَّا أَقَا إِخْضَا ذِي سِّيبّثْ ن ؤُمتِّينْ ؤُ نتَّا أَذْ إِسّْقدّسْ أَزدْجِيفْ نّسْ عَاوذْ ذڭْ وَاسّْ نِّي ^▫  

‏12 ؤُشَا أَذْ إِنيّشْ نِيشَانْ ؤُسَّانْ ن وعْزَاڒْ نّسْ إِ سِيذِي ؤُشَا أَذْ إِقدّمْ إِجّْ ن إِزْمَارْ ن إِجّْ ن ؤُسڭّْوَاسْ ذ ثَاغَارْصْثْ ن ؤُمَارْوَاسْ. ؤُسَّانْ إِعْذُونْ أَذْ إِڒِينْ وْضَانْ مِينْزِي أَقَا ثتّْوَاسخْمجْ ثمْرِيسْثْ ن وعْزَاڒْ نّسْ.

‏13 وَا ذ أَزرْفْ ن ونِّي إِعزّْڒنْ إِخفْ نّسْ س ثمْرِيسْثْ ن وعْزَاڒْ: ذڭْ وَاسّْ مِينْ ذِي تّْوَاكمّْڒنْ وُوسَّانْ ن وعْزَاڒْ نّسْ، أَذْ ث أَوْينْ غَارْ وَاذَافْ ن ؤُقِيضُونْ ن ؤُمْسَاڭَارْ.

‏14 خنِّي أَذْ د-إِسّْقَارّبْ ثَاوْهِيبْثْ نّسْ غَارْ سِيذِي، إِجّْ ن إِزْمَارْ إِشْنَانْ قَاعْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ ذ إِشْثْ ن ثخْسِي إِشْنَانْ قَاعْ ن إِجّْ ن ؤُسڭّْوَاسْ أَمْ ثْغَارْصْثْ ن دّنْبْ ذ إِجّْ ن إِشَارِّي إِشْنَانْ قَاعْ أَمْ ثْغَارْصْثْ ن ڒهْنَا

‏15 ذ إِشْثْ ن ثْسُودْجثْ أَكْ-ذ وغْرُومْ بْڒَا أَنْثُونْ ذ ڒمْسمْنَاثْ ن وَارنْ أَزْذَاذْ إِخدْجْضنْ س زّشْثْ ذ ثڒْفَافْ ن وغْرُومْ بْڒَا أَنْثُونْ تّْوَاذهْننْثْ س زّشْثْ ؤُڒَا ذ ثَاوْهِيبْثْ نّسْ ن ڒْغِيدْجثْ ذ ثوْهِيبِينْ نّسْ ن ؤُسيّبْ.

‏16 أَكهَّانْ أَذْ يَاوِي مَانْ أَيَا زَّاثْ إِ وُوذمْ ن سِيذِي ؤُشَا أَذْ إِسّوْجذْ ثَاغَارْصْثْ نّسْ ن دّنْبْ ذ ثْغَارْصْثْ نّسْ ن وشْمَاضْ.

‏17 أَذْ إِسّوْجذْ إِشَارِّي أَمْ ثْغَارْصْثْ ن ڒهْنَا إِ سِيذِي ؤُڒَا ذ ثَاسُودْجثْ أَكْ-ذ ثشْنِيفِينْ بْڒَا أَنْثُونْ ؤُشَا أَكهَّانْ أَذْ إِسّوْجذْ عَاوذْ ثَاوْهِيبْثْ ن ڒْغِيدْجثْ نّسْ ذ ثوْهِيبِينْ ن ؤُسيّبْ نّسْ.

‏18 خنِّي أَمْعزَّاڒْ أَذْ إِحفّْ أَشوَّافْ ن ثمْرِيسْثْ نّسْ ن وعْزَاڒْ غَارْ وَاذَافْ ن ؤُقِيضُونْ ن ؤُمْسَاڭَارْ ؤُشَا أَذْ إِكْسِي أَشوَّافْ ن ؤُزدْجِيفْ ن وعْزَاڒْ نّسْ ؤُشَا أَذْ يڭّْ أَيَا خْ ثْمسِّي إِ إِدْجَانْ سَاذُو ثْغَارْصْثْ ن ڒهْنَا. ^▪  

‏19 خنِّي أَذْ إِكْسِي ؤُكهَّانْ ثَامصَّاضْثْ ن زَّاثْ ينْڭّْوَانْ ن إِشَارِّي ذ إِشْثْ ن ثمْسمّنْثْ بْڒَا أَنْثُونْ زِي ثْسُودْجثْ ذ إِشْثْ ن ثڒْففْثْ بْڒَا أَنْثُونْ ؤُشَا أَذْ ثنْ إِسَّارْسْ خْ إِفَاسّنْ ن ؤُمْعزَّاڒْ س ثمْرِيسْثْ ن وعْزَاڒْ أَوَارْنِي مَا إِحفّْ ثَامْرِيسْثْ نّسْ ن وعْزَاڒْ. ‏20 أَكهَّانْ أَذْ ثنْثْ إِسّنْهزّْ زِي سَّا غَارْ ذَا زَّاثْ إِ وُوذمْ ن سِيذِي. أَقَا-ت ذ إِشْثْ ن ثْمسْڒَاشْثْ ثَامْقدَّاسْثْ إِ ؤُكهَّانْ، أَكْ-ذ إِذْمَارنْ ن ونْهزِّي ؤُ أَكْ-ذ ؤُشكْرُوذْ ن ثوْهِيبْثْ إِتّْوَاسْڭعّْذنْ. أَوَارْنِي أَيَا إِزمَّارْ ؤُمْعزَّاڒْ س ثمْرِيسْثْ ن وعْزَاڒْ أَذْ إِسُو بِينُو. ^▪  

‏21 وَا ذ أَزرْفْ ن ؤُمْعزَّاڒْ س ثمْرِيسْثْ نِّي ثُوغَا إِوَاعْذنْ ثَاوْهِيبْثْ نّسْ ذِي سِّيبّثْ ن ثمْرِيسْثْ ن وعْزَاڒْ نّسْ، بَارَّا مِينْ إِزمَّارْ ؤُفُوسْ نّسْ عَاذْ أَذْ إِسِّيوضْ. إِتّْخصَّا أَسْ أَذْ يڭّْ عْلَاحْسَابْ أَوَاڒْ إِ إِوْشِينْ، عْلَاحْسَابْ أَزرْفْ ن ثمْرِيسْثْ ن وعْزَاڒْ نّسْ.‘ “

‏22 إِسِّيوڒْ سِيذِي أَكْ-ذ مُوسَا، إِنَّا:

‏23 ”سِيوڒْ أَكْ-ذ هَارُونْ ذ إِحنْجِيرنْ نّسْ ؤُشَا إِنِي ’أَمُّو أَذْ ثْبَارْكمْ أَيْثْ ن إِسْرَائِيل ؤُشَا أَذْ أَسنْ ثِينِيمْ:

‏25 سِيذِي أَذْ يَارّْ ؤُذمْ نّسْ أَذْ خَاكْ يڭّْ ثْفَاوْثْ ؤُشَا أَذْ خَاكْ إِحِينّْ.

‏26 سِيذِي أَذْ غَاركْ د-إِنّقْڒبْ ؤُذمْ نّسْ ؤُشَا أَذْ أَشْ إِوْشْ ڒهْنَا!‘

‏27 أَذْ سِّيوْضنْ إِسمْ إِنُو خْ أَيْثْ ن إِسْرَائِيل ؤُ نشّْ أَذْ ثنْ بَارْكغْ.“