‏1 إِسِّيوڒْ سِيذِي أَكْ-ذ مُوسَا ذِي ڒخْڒَا ن سِينَا، ذڭْ ؤُقِيضُونْ ن ؤُمْسَاڭَارْ، ذڭْ وَاسّْ أَمزْوَارُو ن ؤُيُورْ وِيسّْ ثْنَاينْ، ذڭْ ؤُسڭّْوَاسْ وِيسّْ ثْنَاينْ أَوَارْنِي ڒَامِي د-فّْغنْ زِي ثمُّورْثْ ن مِيصْرَا، ؤُشَا إِنَّا:

‏2 ”كْسِي ڒْقدّْ ن مَارَّا ثَامسْمُونْثْ ن أَيْثْ ن إِسْرَائِيل، عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، ؤُشَا حْسبْ خنِّي إِسْمَاونْ نْسنْ أَزدْجِيفْ أَزدْجِيفْ، ن كُوڒْ أَرْيَازْ. ^▪   ‏3 إِتّْخصَّا شكْ ذ هَارُونْ أَذْ ثْحسّْبمْ كُوڒْ إِجّْ زِي عِيشْرِينْ ن إِسڭّْوُوسَا سنّجْ، مَارَّا إِنِّي إِدْجَانْ ذِي إِسْرَائِيل إِنِّي إِ غَا إِفّْغنْ أَكْ-ذ ڒْعسْكَارْ، تّْوَاستّْفنْ عْلَاحْسَابْ ثَارْبِيعِينْ ن ڒْعسْكَارْ نْسنْ. ‏4 أَذْ أَومْ إِوْشْ أَفُوسْ إِجّْ ن ورْيَازْ زِي كُوڒْ ثَاقْبِيتْشْ، أَرْيَازْ إِ إِدْجَانْ ذ أَزدْجِيفْ ن ثَادَّارْثْ ن بَابَاسْ. ‏5 أَقَا ذ إِنَا ذ إِسْمَاونْ ن يرْيَازنْ نِّي ذ أَومْ إِ غَا إِوْشنْ أَفُوسْ:

إِ رُوبِينْ، إِلِيصُورْ مِّيسْ ن شَاذَايُورْ.

‏6 إِ شِيمْعُونْ، شَالُومِييِيلْ، مِّيسْ ن صُورِييْشَادَّايْ.

‏7 إِ يَاهُوذَا، نَاحْشُونْ، مِّيسْ ن عَامِّينَاذَابْ.

‏8 إِ إِسَّاكَارْ، نَاثَانَايِيلْ، مِّيسْ ن صُوغَارْ.

‏9 إِ زَاپُولُونْ، إِلِييَابْ، مِّيسْ ن حِيلُونْ.

‏10 إِ أَيْثْ ن يُوسُوفْ: إِ إِفْرَايِيمْ، إِلِيشَامَاعْ، مِّيسْ ن أَمِّيهُوذْ، ؤُ إِ مَانَاسَّا، جَامْلِييِيلْ، مِّيسْ ن فَاذَاهْصُورْ.

‏11 إِ بِينْيَامِينْ، أَبِيذَانْ مِّيسْ ن جِيذْعُونِي.

‏12 إِ ذَانْ، أَخِيعَازَارْ، مِّيسْ ن عَامِّيشَادَّايْ.

‏13 إِ أَشِيرْ، فَاجْعِييِيلْ، مِّيسْ ن عُوكْرَانْ.

‏14 إِ جَاذْ، إِلِييَاسَافْ، مِّيسْ ن ذَاعُويِيلْ.

‏15 إِ نَافْثَالِي، أَخِيرَاعْ، مِّيسْ ن عِينَانْ.“

‏16 إِنَا ثُوغَا ذ إِنِّي إِتّْوَاڒَاغَانْ زِي ثْمسْمُونْثْ، ثُوغَا أَثنْ ذ إِمقّْرَاننْ خْ ثْقبَّاڒْ ن إِبَابَاثنْ نْسنْ، ذ إِزدْجِيفنْ خْ ڒُوڒُوفْ ن إِسْرَائِيل.

‏17 كْسِينْ مُوسَا ذ هَارُونْ إِرْيَازنْ نِّي ثُوغَا إِتّْوَارشْمنْ س إِسْمَاونْ نْسنْ

‏18 ؤُشَا سّْمُوننْ ثَامسْمُونْثْ مَارَّا ذڭْ وَاسّْ أَمزْوَارُو ن ؤُيُورْ وِيسّْ ثْنَاينْ ؤُشَا نِيثْنِي خبَّارنْ أَخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَازمّمنْ إِسْمَاونْ ن يِينِّي غَارْ إِدْجْ عِيشْرِينْ ن إِسڭّْوُوسَا سنّجْ، أَزدْجِيفْ أَزدْجِيفْ.

‏19 أَمْ مَامّشْ ذ أَسْ يُومُورْ سِيذِي إِ مُوسَا، أَقَا إِحْسبْ إِ-ثنْ ذِي ڒخْڒَا ن سِينَا.

‏20 أَيْثْ ن رُوبِينْ، أَمنْزُو ن إِسْرَائِيل: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، عْلَاحْسَابْ إِسْمَاونْ نْسنْ أَزدْجِيفْ أَزدْجِيفْ، كُوڒْ أَرْيَازْ زِي عِيشْرِينْ إِسڭّْوُوسَا سنّجْ، كُوڒْ إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏21 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن رُوبِينْ ذِي ستَّا ؤُ-أَربْعِينْ-أَڒفْ ؤُ-خمْسَا مْيَا.

‏22 أَيْثْ ن شِيمْعُونْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، إِنِّي زَّايسْ إِتّْوَاحسْبنْ أَكْ-ذ لْعَاذَاذْ ن إِسْمَاونْ نْسنْ، أَزدْجِيفْ أَزدْجِيفْ، كُوڒْ أَرْيَازْ زِي عِيشْرِينْ إِسڭّْوُوسَا سنّجْ، إِنِّي د-إِفّْغنْ غَارْ ڒْعسْكَارْ، ‏23 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن شِيمْعُونْ ذِي ثسْعَا ؤُ-خمْسِينْ-أَڒفْ ؤُ-ثڒْثْ-مْيَا.

‏24 أَيْثْ ن جَاذْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏25 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن جَاذْ ذِي خمْسَا ؤُ-ربْعِينْ-أَڒفْ ؤُ-ستَّا-مْيَا ؤُ-خمْسِينْ.

‏26 أَيْثْ ن يَاهُوذَا: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏27 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن يَاهُوذَا ذِي أَربْعَا ؤُ-سبْعِينْ-أَڒفْ ؤُ-ستَّا-مْيَا.

‏28 أَيْثْ ن إِسَّاكَارْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏29 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن إِسَّاكَارْ ذِي أَربْعَا ؤُ-خمْسِينْ-أَڒفْ ؤُ-أَربْعَا-مْيَا.

‏30 أَيْثْ ن زَاپُولُونْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏31 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن زَاپُولُونْ ذِي سبْعَا ؤُ-خمْسِينْ-أَڒفْ ؤُ-أَربْعَا-مْيَا.

‏32 أَيْثْ ن يُوسُوفْ:

أَيْثْ ن إِفْرَايِيمْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ ، كُوڒْ إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏33 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن إِفْرَايِيمْ ذِي أَربْعِينْ-أَڒفْ ؤُ-خمْسَا-مْيَا.

‏34 أَيْثْ ن مَانَاسَّا: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏35 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن مَانَاسَّا ذِي ثْنَاينْ ؤُ-ثْڒَاثِينْ-أَڒفْ ؤُ-مِيثَاينْ.

‏36 أَيْثْ ن بِينْيَامِينْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏37 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن بِينْيَامِينْ ذِي خمْسَا ؤُ-ثْڒَاثِينْ-أَڒفْ ؤُ-أَربْعَا-مْيَا.

‏38 أَيْثْ ن ذَانْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏39 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن ذَانْ ذِي ثْنَاينْ ؤُ-ستِّينْ-أَڒفْ ؤُ-سبْعَا-مْيَا.

‏40 أَيْثْ ن أَشِيرْ: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏41 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن أَشِيرْ ذِي وَاحِيثْ ؤُ-ربْعِينْ-أَڒفْ ؤُ-خمْسَا-مْيَا.

‏42 أَيْثْ ن نَافْثَالِي: تّْوَاستّْفنْ نِيثْنِي زِي جِّيهثْ ن وخْڒَاقْ نْسنْ عْلَاحْسَابْ ڒَادْجَاثْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ، أَمْ تّْوَاحسْبنْ إِسْمَاونْ ن مَارَّا إِرْيَازنْ زِي عِيشْرِينْ إِسڭّْوُوسَا سنّجْ، كُوڒْ  إِجّنْ ونِّي د-إِتّفّْغنْ أَكْ-ذ ڒْعسْكَارْ، ‏43 أَمُّو إِ ثُوغَا إِنِّي إِتّْوَاحسْبنْ إِ ثقْبِيتْشْ ن نَافْثَالِي ذِي ثْڒَاثَا ؤُ-خمْسِينْ-أَڒفْ ؤُ-أَربْعَا-مْيَا.

‏44 إِنَا ذ إِنِّي إِتّْوَاحسْبنْ ؤُ نِيثْنِي تّْوَاحسْبنْ س ؤُفُوسْ ن مُوسَا ذ هَارُونْ ذ إِمْغَارنْ ن إِسْرَائِيل، أَقَا أَثنْ ذِي ثنْعَاشْ ن يرْيَازنْ، إِجّْ ن ورْيَازْ إِ كُوڒْ ثَادَّارْثْ ن بَابَاسْ. ‏45 مَارَّا إِنِّي إِتّْوَاحسْبنْ زڭْ أَيْثْ ن إِسْرَائِيل، عْلَاحْسَابْ ثَادَّارْثْ ن إِبَابَاثنْ نْسنْ، مَارَّا إِنِّي غَارْ إِدْجْ عِيشْرِينْ ن إِسڭّْوُوسَا سنّجْ، كُوڒْ  إِجّْ ونِّي د-إِتّفّْغنْ أَكْ-ذ ڒْعسْكَارْ، ‏46 مَارَّا إِنِّي إِتّْوَاحسْبنْ أَقَا أَثنْ ذِي ستَّا-مْيَا ؤُ-طڒْثْ-أَڒَافْ ؤُ-خمْسَا-مْيَا ؤُ-خمْسِينْ. ^▪  

‏47 إِلَاوِيينْ وَارْ شَارْشنْ شَا جَارْ أَسنْ ذِي ڒحْسَابْ ذِي طّْوعْ ن ثقْبِيتْشْ ن إِبَابَاثنْ نْسنْ، ‏48 مِينْزِي سِيذِي ثُوغَا إِسِّيوڒْ أَكْ-ذ مُوسَا، إِنَّا: ‏49 ”مْغِيرْ ثَاقْبِيتْشْ ن لَاوِي وَارْ ت تّحْسبْ شَا ؤُ وَارْ ت زمِّي شَا أَزدْجِيفْ أَزدْجِيفْ جَارْ أَيْثْ ن إِسْرَائِيل. ‏50 أڭّْ إِلَاوِييّنْ خْ ثْزذِّيغْثْ ن شّْهَاذثْ ؤُ خْ مَارَّا ڒقْشُوعْ نّسْ ؤُ خْ مَارَّا مِينْ ذ أَسْ د-يُوسِينْ. نِيثْنِي أَذْ أَرْپُونْ ثَازذِّيغْثْ أَكْ-ذ ڒقْشُوعْ نّسْ مَارَّا ؤُشَا أَذْ ذَايسْ سخَّارنْ. إِتّْخصَّا أَذْ وْثنْ إِقِيضَانْ نْسنْ مِينْ د-إِنّْضنْ إِ ثْزذِّيغْثْ. ‏51 مَاڒَا ڭُّورْ أَذْ ثتّْوَافْسِي ثْزذِّيغْثْ، أَذْ ت هذْمنْ إِلَاوِييّنْ ؤُشَا مَاڒَا إِتّْخصَّا أَذْ ثتّْوَاڭّْ ثْزذِّيغْثْ ذِي شَا ن ومْشَانْ، خنِّي أَذْ ت سّْبدّنْ إِلَاوِييّنْ. مَاڒَا أَذْ د-إِقَارّبْ شَا ن ؤُبَارَّانِي، خنِّي نتَّا أَذْ إِتّْوَانغْ. ‏52 أَيْثْ ن إِسْرَائِيل أَذْ وْثنْ إِقِيضَانْ نْسنْ، كُوڒْ إِجّْ غَارْ ڒْمَارْڭحْ ن ڒْعسْكَارْ نّسْ ؤُ كُوڒْ إِجّْ غَارْ ثْعدْجَانْثْ نّسْ عْلَاحْسَابْ ثَارْبِيعِينْ ن ڒْعسْكَارْ نْسنْ. ‏53 إِلَاوِييّنْ أَذْ وْثنْ إِقِيضَانْ نْسنْ غَارْ كُوڒْ جِّيهثْ ن ثْزذِّيغْثْ ن شّْهَاذثْ، حِيمَا وَارْ إِتِّيڒِي ؤُذُوقّزْ ن وغْضَابْ خْ ثْمسْمُونْثْ ن أَيْثْ ن إِسْرَائِيل. إِتّْخصَّا إِ إِلَاوِييّنْ أَذْ حْضَانْ خْ ثْزذِّيغْثْ ن شّْهَاذثْ.“

‏54 ؤُشَا ڭِّينْ أَيْثْ ن إِسْرَائِيل س مَارَّا مِينْ يُومُورْ سِيذِي إِ مُوسَا، وَاهْ، أَمُّو إِ-ث ڭِّينْ.