‏1 إِسِّيوڒْ سِيذِي أَكْ-ذ مُوسَا، إِنَّا:

‏2 ”سِيوڒْ أَكْ-ذ أَيْثْ ن إِسْرَائِيل، إِنِي: ”خْمِي إِ غَا ثكْسِي إِشْثْ ن ثمْغَارْثْ دّيْسثْ ؤُشَا ثُورُووْ-د أَحنْجِيرْ، أَذْ ثِيڒِي ثخْمجْ سبْعَا ن وُوسَّانْ. أَذْ ثِيڒِي ثخْمجْ أَمْ ذڭْ وُوسَّانْ ن وعْزَاڒْ خْمِي خَاسْ إِذَامّنْ. ‏3 ذڭْ وَاسّْ وِيسّْ ثْمنْيَا إِتّْخصَّا أَذْ إِتّْوَاخْثنْ أَيْسُومْ ن ڒعْذَاڒْيثْ نّسْ. ^▪   ‏4 أَوَارْنِي إِ مَانْ أَيَا أَذْ ثقِّيمْ ثْڒَاثَا ؤُ-ثْڒَاثِينْ ن وُوسَّانْ ذڭْ إِذَامّنْ ن ؤُسِيزْذڭْ نّسْ. وَارْ ثتّْحِيذِي وَالُو زِي مِينْ إِدْجَانْ إِقدّسْ ؤُ وَارْ ثتّْرَاحْ غَارْ زَّاوشْثْ إِقدّْسنْ أَڒْ غَا تّْوَاكمّْڒنْ وُوسَّانْ ن ؤُسِيزْذڭْ نّسْ. ‏5 مَاڒَا ثُورُووْ-د ثَاحنْجِيرْثْ، أَذْ ثِيڒِي ثخْمجْ ثْنَاينْ ن سِيمَانَاثْ، أَمشْنَاوْ ذڭْ وُوسَّانْ ن وعْزَاڒْ نّسْ. أَوَارْنِي مَانْ أَيَا أَذْ ثقِّيمْ ستَّا ؤُ-ستِّينْ ن وُوسَّانْ ذڭْ إِذَامّنْ ن ؤُسِيزْذڭْ نّسْ. ^▫   ‏6 خْمِي إِ غَا تّْوَاكمّْڒنْ وُوسَّانْ ن ؤُسِيزْذڭْ ن مِّيسْ نِيغْ ن يدْجِيسْ، خنِّي أَذْ ثَاوِي إِجّْ ن إِزْمَارْ ن إِجّْ ن ؤُسڭّْوَاسْ أَمْ ثْغَارْصْثْ ن وشْمَاضْ نِيغْ إِجّْ ن وذْبِيرْ ذ أَمژْيَانْ نِيغْ إِجّْ ن ثجْلِيلِّيحْثْ أَمْ ثْغَارْصْثْ ن دّنْبْ غَارْ ؤُكهَّانْ غَارْ وَاذَافْ ن ؤُقِيضُونْ ن ؤُمْسَاڭَارْ. ‏7 ذ نتَّا أَذْ د-إِسّْقَارّبْ مَانْ أَيَا زَّاثْ إِ وُوذمْ ن سِيذِي ؤُشَا أَذْ خَاسْ إِفْذِي. خنِّي أَذْ تّْوَاسِيزْذڭْ س ڒْعُونْصَارْ ن إِذَامّنْ نّسْ. وَا ذ أَزرْفْ إِ ثنِّي إِ غَا يَارْونْ إِجّْ ن مِّيسْ نِيغْ إِشْثْ ن يدْجِيسْ. ^▫   ‏8 مَاڒَا وَارْ ثِيوِيضْ أَذْ ثَاوِي إِجّْ زڭْ وُودْجِي، خنِّي أَذْ ثطّفْ ثْنَاينْ ن ثجْلِيلِّيحِينْ نِيغْ ثْنَاينْ ن إِذْبِيرنْ إِمژْيَاننْ، إِجّْ إِ ثْغَارْصْثْ ن وشْمَاضْ ؤُ إِجّْ إِ ثْغَارْصْثْ ن دّنْبْ، ؤُشَا أَكهَّانْ أَذْ خَاسْ إِفْذِي. خنِّي أَذْ ثِيڒِي ثِيزْذڭْ.“ ^▫