ڒْعَاهْذْ أَقْذِيمْ - تَّاوْرَاثْ ذ  زّپُورْ ذ إِنَابِييّنْ

نُّومْرُو

 إِسمْ ذ أَقُوضَاضْ

 إِسمْ ذ أَقُوضَاضْ

تَّاوْرَاثْ نِيغْ شَّارِيعَا (5 إِذْلِيسنْ ن مُوسَا)

1

أَمز.

أَمزْوَارُو

أَربِّي إِخْڒقْ-د إِجنْوَانْ ذ ثمُّورْثْ - تَّارِيخْ ن أَذَامْ، نُوحْ، إِبْرَاهِيمْ، إِسْحَاقْ، يَاعْقُوبْ (أَربِّي إِسمَّا ث ’إِسْرَايِيلْ‘)، يُوسُوفْ ذ إِحنْجِيرنْ إِنّغْنِي ن يَاعْقُوبْ، ثَارْوَا ن إِسْرَايِيلْ

2

ؤُف.

 ؤُفُوغْ

 ؤُفُّوغْ ن أَيْثْ ن إِسْرَايِيلْ زِي مِيصْرَا س ؤُفُوسْ ن مُوسَا 

أَذْرَارْ ن سِينَا ذ تَّاوْرَاثْ 

ڒبْنِي ن ؤُقِيضُونْ إِقدّْسنْ ذ مَارَّا مِينْ ذَايسْ

3

لَاوِي

لَاوِي

خْ ثِيغَارْصَا (دّْبَايحْ) ذ ڒْْخذْمثْ ن إِكهَّاننْ 

ذْ لْفَارَايِيضْ زِي جِّيهثْ ن ڒْْخذْمثْ نْسنْ

4

ڒخْڒ.

ذِي ڒخْڒَا

أَثلّعْ ن أَيْثْ ن إِسْرَايِيلْ إِ ڒْْمِيجَاڒْ ن 40 إِسڭّْوُوسَا ذِي ڒخْڒَا

5

أَعَوذ.

أَعَاوذْ

أَفسَّارْ ن تَّاوْرَاثْ إِ ثْوَاڒَا وِيسّْ ثْنَاينْ

 إِذْلِيسنْ ن ؤُمزْرُويْ

6

ياش.

يَاشُووَا

 ؤُضُوفْ ن ثمُّورْثْ كنْعَانْ ذ ڒْْوَارْثْ

7

ڒقض.

ڒْقُوضَاثْ

ڒْوقْثْ ن ڒْْقُوضَاثْ نِّي إِحكّْمنْ ڒْْڭنْسْ ن إِسْرَايِيلْ، 

فكّنْ ثنْثْ زڭْ إِفَاسّنْ ن ڒْْعذْيَانْ نْسنْ: عُوثْنِييِيلْ، إِهُوذْ، بَارَاكْ، ذِيپُورَا، جِيذْيُونْ، أَبِيمَالِيكْ، ثُولَاعْ، يَا‘إِرْ، يِيفْثَا، شَامْشُونْ 

8

رَاع.

رَاعُوثْ

ثَامْغَارْثْ ن ثمُّورْثْ ن مُو‘أَبْ ثمْڒشْ أَكْ-ذْ

پُوعَازْ زِي ثقْبِيتْشْ ن ذَاوُوذْ

10-9

صم.

1”2 صَامْوِيلْ

أَنَابِي ذ ؤُكهَّانْ صَامْوِيلْ ذ  إِجدْجِيذنْ إِمزْوُورَا ن إِسْرَايِيلْ: شَاوُولْ، ذَاوُوذْ ذ سُولِيمَانْ

12-11

إِج.

1”2 إِجدْجِيذنْ

أَمزْرُويْ (تَّارِيخْ) ن إِجدْجِيذنْ ن إِسْرَايِيلْ

14-13

إِم.

1”2 إِمزْرُوينْ

أَمزْرُويْ (تَّارِيخْ) ن إِجدْجِيذنْ ن إِسْرَايِيلْ

15

عِز.

عِيزْرَا

أَكهَّانْ عِيزْرَا إِعْقبْ-د غَارْ ؤُرْشَالِيمْ أَوَارْنِي لْمنْفَا 

غَارْ بَابِيلْ، أَوَارْنِي 70 إِسڭّْوُوسَا ن ثْمحْبَاسْثْ ذِي بَابِيلْ

16

نَاح.

نَاحَامْيَا

نَاحَامْيَا، أَمْسخَّارْ ذ ؤُذَايْ ن ؤُجدْجِيذْ ن لْفُورْسْ إِطّفْ تّسْرِيحْ مَاهنْذْ أَذْ إِبْنَا ڒحْيُوضْ ن ؤُرْشَالِيمْ عَاوذْ

17

إِسْت.

 إِسْثِيرْ

 إِسْثِيرْ، ثَاجدْجِيذْثْ ثُوذَاشْثْ ثذْوڒْ ذ ثمْغَارْثْ ن ڒْْحَاكمْ لْفُورْسْ

أَسنْجمْ ن مَارَّا وُوذَاينْ زڭْ إِفَاسّنْ ن حَامَانْ

ونِّي زِي جِّيڒْ ن أَخَاخْ، أَجدْجِيذْ ن عَامَالِيقْ ذ إِعَامَالِيقِييّنْ

 إِذْلِيسنْ ن شِّيعْرْ

18

أَيُوبْ

أَيُوبْ

أَمزْرُويْ ن صَّابْرْ ن أَيُوبْ ذِي مِينْ ذ أَسْ إِمْسَارنْ

19

إِزهد.

 إِزهِّيذنْ

 إِزْڒَانْ ن ذَاوُوذْ إِ يُورَا

 إِ إِمْغنَّاجنْ ذِي زَّاوشْثْ ثَامقّْرَانْثْ

20

أَوڒن.

أَوَاڒنْ إِوزْننْ

أَوَاڒنْ إِوزْننْ ن ؤُجدْجِيذْ ن سُولِيمَانْ

21

أَمب. 

أَمْبَارّحْ

أَمْبَارّحْ يَارزُّو ذِي ثُوذَارْثْ ن بْنَاذمْ

22

 إِزْڒِي

 إِزْڒِي خْ إِزْڒَانْ

 إِزْڒِي  ن ثَايْرِي نِّي إِدْجَانْ جَارْ ؤُجدْجِيذْ سُولَايْمَانْ ذ ثسْڒِيثْ نّسْ

 إِذْلِيسنْ ن 4 إِنَابِييّنْ إِمقّْرَاننْ

23

إِشا.


 إِشَاعْيَا أَنَابِي ذِي إِسْرَايِيلْ ذڭْ وُوسَّانْ ن إِجدْجِيذنْ ن إِسْرَايِيلْ. يُورَا أَطَّاسْ خْ أَمْسخَّارْ ن سِيذِي، إِخْسْ  أَذْ يِينِي لْمَاسِيحْ ونِّي إِ غَا إِسّنْجْمنْ ڒْْڭنْسْ نّسْ إِسْرَايِيلْ. إِدَّارْ إِشَاعْيَا عْڒَاينْ 700 إِسڭّْوُوسَا قْبڒْ لْمَاسِيهْ.  أَوَاڒنْ نّسْ أَمْ إِجّْ ن يغْزَارْ ن نُّوپُووَاثْ سّْثبْهْثنْثْ بْنَاذمْ. 

24

إِرْم. 


 إِرْمِييَا ذ أَنَابِي ذِي إِسْرَايِيلْ إِ إِودّبْ أَطَّاسْ ذڭْ وُوسَّانْ إِنڭُّورَا ن ثْڭلْذِيثْ ن إِسْرَايِيلْ، ذڭْ وُوسَّانْ ؤُژّْڒنْ خَاسنْ غَارْ بَابِيلْ.

25

إِڭجذ.

 إِزْڒَانْ س إِقجْذُورنْ ن إِرْمِييَا

أَنَابِي إِرْمِييَا إِشَّاثْ أَڭجْذُورْ خْ ؤُرْشَالِيمْ زِي سِّيبّثْ ن لْمنْفَا غَارْ بَابِيلْ ن إِمزْذَاغْ نّسْ

26

حِز.

حِيزْقِييَالْ

حِيزْقِييَالْ ذ أَنَابِي-أَكهَّانْ أَمقّْرَانْ ن إِسْرَايِيلْ ذڭْ وُوسَّانْ ن ثْمحْبَاسْثْ ن إِسْرَايِيلْ ذِي لْمنْفَا ذِي بَابِيلْ - إِطّفْ ثِيمژْرَا ثِيمقّْرَانِينْ زِي أَربِّي خْ زَّاوشْثْ ثَامقّْرَانْثْ ذڭْ وُوسَّانْ نِّي ؤُ ذڭْ وُوسَّانْ إِ د غَا يَاسنْ خْمِي د غَا إِعْقبْ لْمَاسِيحْ غَارْ دُّونشْثْ أَكْ-ذ إِمْقدَّاسنْ نّسْ

27

دَان. 

ذَانْيَالْ

ذَانِييَالْ ذ أَنَابِي زِي إِسْرَايِيلْ ذڭْ وُوسَّانْ ن لْمنْفَا غَارْ بَابِيلْ. إِدَّارْ ذَانِييَالْ ذڭْ وُوسَّانْ ن إِجدْجِيذنْ ن بَابِيلْ ذ لْفُورْسْ ؤُ إِقِّيمْ خْ ڒْْكُورْسِي ن صُّولْطَا زڭْ ؤُمزَارُو أَڒْ ؤُنڭَّارُو. نُّوپُووَاثْ نّسْ أَقَا-ثنْثْ خْ ڒحْكَامَاثْ ن دُّونشْثْ-أَ إِ غَا تّْوَاهذْمنْثْ س إِجّْ ن وژْرُو  ذ أَمژْيَانْ إِ غَا إِوْضَانْ زڭْ إِجّْ ن وذْرَارْ يُوعْڒَانْ ؤُ أَژْرُو نِّي ذ ثَاڭلْذِيثْ ن لْمَاسِيحْ إِ د غَا يَاسنْ


 إِذْلِيسنْ ن 12 إِنَابِييّنْ إِمژْيَاننْ

28

هُوشْ. 

هُوشِيعَا

مَامّشْ ثذْوڒْ ثَامْغَارْثْ ن هُوشِيعَا ذ أَمذْيَا ن إِسْرَايِيلْ. أَربِّي إِحسّبْ-د إِسْرَايِيلْ ذ ثَامْغَارْثْ نّسْ

29

يُووِ.

يُووِيلْ

ڒْحُوكْمْ إِسَّاڭّْوَاذنْ خْ مَارَّا دُّونشْثْ

30

عَام.

عَامُوسْ

ڒْحُوكْمْ خْ ثِيمُّورَا إِ ذ أَسْ د-إِنّْضنْ إِ إِسْرَايِيلْ ؤُ خْ إِسْرَايِيلْ سِيمَانْثْ نّسْ - خمْسَا ن ثِيمژْرَا إِ ذ أَسْ إِوْشَا أَربِّي

31

عُوب.

عُوبَاذْيَا

نُّوپُووَا خْ إِذُومْ

32

يُون.

يُونُوسْ

ڒُومُورْ ن سِيذِي إِ يُونُوسْ مَاحنْذْ أَذْ إِبَارّحْ س ڒْْحُوكْمْ ن أَربِّي خْ ثنْذِينْثْ ن نِينْوَا - تُّوبثْ ن نِينْوَا

33

مِيخَا

مِيخَا

ڒْهُوكْمْ خْ سَامَارْيَا ذ ؤُرْشَالِيمْ - خْ وعْذڒْ ن إِسْرَايِيلْ ذِي ڒْْوقْثْ إِ د غَا يَاسنْ - أَفكِّي ن ؤُرْشَالِيمْ - ؤُرْشَالِيمْ أَذْ ثِيڒِي لْعَاصِيمَا ن ڒحْكَامثْ ن لْمَاسِيحْ 

34

نَحَم. 

نَاحُومْ

ڒْحُوكْمْ خْ ثنْذِينْثْ ن نِينْوَا

35

حَاب. 

حَابَاقُّوقْ

ڒْحُوكْمْ خْ بَابِيلْ ذ ڒْْڭنْسْ نّسْ ن إِكَالْذَانِييّنْ - ثَاژَادْجِيثْ ن حَابَاقُّوقْ

36

صَاف. 

صَافَانْيَا

ڒْحُوكْمْ ذڭْ وَاسّْ ن سِيذِي - أَڒَاغِي حِيمَا أَذْ سّْوَاضْضْعنْ ڒڭْنُوسْ زَّاثْ إِ أَربِّي: غَازَّا، مُو‘أَبْ، عَامُّونْ، إِثِييُوبِييَا

37

حَاڭ. 

حَاڭَّايِي

أَسجّعْ إِ ڒبْنِي ن زَّاوشْثْ إِقدّْسنْ ذِي ؤُرْشَالِيمْ عَاوذْ

38

زَاك.

زَاكَارِييَّا

ثِيمژْرَا إِسّْتّبْهثنْ ن ؤُنَابِي زَاكَارِييَا 

مِينْ إِ غَا إِمْسَارنْ مَاڒَا أَذْ د-إِعْقبْ لْمَاسِيهْ خْ وذْرَارْ ن زِّيثُونْ مَاحنْذْ أَذْ إِحْكمْ زِي ؤُرْشَالِيمْ خْ مَارَّا دُّونشْثْ

39

مـَال. 

مَالَاخِي

مَالَاخِي إِعْڒمْ ڒْْڭنْسْ س نُّوپُووَاثْ إِفَارْزنْ 


ڒْعَاهْذْ ن جْذِيذْ - ڒخْبَارْ أَصبْحَانْ نِيغْ لْإِنْجِيلْ

41-40

43-42

مت. مك. لك. يُوح.

ڒخْبَارْ أَصبْحَانْ 

مَاتَّا، مَارْكُوسْ، لُوكَا، يُوحَانَّا

أَربْعَا ن إِمحْذَارنْ ؤُرِينْ كُوڒْ إِجّنْ زَّايْسنْ مَارَّا مِينْ ذ أَسمْ إِمّوْشنْ حِيمَا أَذْ ث أَرِينْ خْ يشُّو لْمَاسِيحْ زڭْ وُوسَّانْ ن ؤُخڒْقضْ نّسْ أَڒْ ڒْْموْثْ ذ ثْنُوكْرَا نّسْ ذ ثْمكْسِيثْ نّسْ غَارْ ؤُجنَّا

44

ڒخ.

ڒخْذَايمْ ن رُّوسُولْ

أَمزْرُويْ ن ؤُبَارّحْ ن لْ‘إِنْجِيلْ ذِي ؤُرْشَالِيمْ زڭْ ؤُمزْوَارُو أَڒْ ؤُنڭَّارْ ن ڒحْكَامثْ ن إِرُومَانِييّنْ 

ثِيبْرَاثِينْ ن رَّاسُولْ بُولُوسْ إِ ثْمسْمُونِينْ ن لْمَاسِيحْ

45

رُوم.

غَارْ رُومَا

خْ ؤُسنْجمْ س لِيمَانْ ذِي لْمَاسِيهْ وَاهَا، وَارْ إِدْجِي س ڒخْذَايمْ ن دِّينْ أَمْ وخْثَانْ ن وُوذَاينْ نِيغْ وضْفَارْ ن شَّارِيعَا. إِنِّي أَرزُّونْ أَذْ كمّْڒنْ شَّارِيعَا إِتّْخصَّا أَذْ ت كمّْڒنْ قَاعْ، مَاشَا نِيثْنِي وَارْ زمَّارنْ!

47-46

1”2 كُور.

غَارْ كُورِينْثُوسْ

خْ  وَاطَّاسْ ن ثْمسْڒَايِينْ إِ إِتّْهِيمَانْ إِ إِمَاسِيحِييّنْ ذِي كُورِينْثُوسْ: ثِيغِيثْ ن أَربِّي ذِي لْمَاسِيحْ، خْ مَاشَّا، خْ إِمْشُوبّشنْ جَارْ ڒْْمُومِينِينْ، خْ ڒمْڒَاشْ، خْ ونِّي وَارْ غَارسْ بُو ثمْغَارْثْ، خْ ڒْْهُوقُوقْ ن رُّوسُولْ، خْ أَرُّوحْ إِقدّْسنْ، خْ أَرِّيمثْ ن لْمَاسِيحْ، خْ ثَانُوكْرَا ن لْمَاسِيحْ، خْ ثُوذَارْثْ ن بُولُوسْ أَمْ رَّاسُولْ ن لْمَاسِيحْ ...

48

ڭال.

غَارْ ڭَالَاطْيَا

ذِي ثبْرَاثْ-أَ  نُوفَا أَطَّاسْ خْ ثُوذَارْثْ ن بُولُوسْ زڭْ وَامِي إِبْذَا أَذْ إِضْفَارْ لْمَاسِيحْ ؤُ مَامّشْ إِبَارّحْ لْ‘إِنْجِيلْ.

پُولُوسْ إِعْڒمْ إِ ينِّي أَرزُّونْ أَذْ سّمْغَارنْ ذڭْ يِيخفْ نْسنْ، ذڭْ وخْثَانْ إِ غَارْسنْ ذڭْ ويْسُومْ إِ وَارْ إِنفّْعنْ. ؤُذَايْ ذ ثِيذتّْ ونِّي ذ ؤُذَايْ س وُوڒْ

49

أَفا.

غَارْ أَفَاسُوسْ

ثَابْرَاثْ ثَاصبْحَانْثْ خْ لْمَاسِيحْ ذ ثُوذَارْثْ ثْمَاسِيحشْثْ، خْ ڒمْڒَاشْ ذ ؤُمنْغِي أَرُّوهَانِي س ثْژَادْجِيثْ ذ لِيمَانْ ذ وَاوَاڒْ ن أَربِّي

50

فِيل.

غَارْ فِيلِيبِّي

ثَابْرَاثْ ثَاصبْحَانْثْ خْ ؤُوَاضعْ ن لْمَاسِيحْ، مَامّشْ إِسّْوَاضعْ إِخفْ نّسْ أَڒْ ڒْْموْثْ خْ صَّالِيبْ

51

كُول.

غَارْ كُولُوسِّي

ثَابْرَاثْ خْ ڒمْغَارثْ ن لْمَاسِيحْ ونِّي ذ أَمنْزُو ن مَارَّا مِينْ د-إِثْوَاخڒْقنْ ؤُشَا ؤُڒَا ذ أَزدْجِيفْ ن ثْمسْمُونْثْ، ثنِّي ذ أَرِّيمثْ ن لْمَاسِيحْ

53-52

ثِيسْ.

غَارْ ثِيسَّالُونِيكِي

ثَابْرَاثْ نِّي ذِي نُوفَا أَطَّاسْ خْ ثْوَاسِيثْ ن لْمَاسِيحْ ؤُ خْ مَامّشْ إِتّْخصَّا أَذْ ثِيڒِي ثُوذَارْثْ ن ؤُمَاسِيحِي نِّي ث إِتّْرَاجَا 

ثِيبْرَاثِينْ ن رَّاسُولْ بُولُوسْ إِ شَا ن إِمْسخَّارنْ إِنّغْنِي ن لْمَاسِيحْ

55-54

1”2 ثْمْ.

غَارْ ثِيمُوثِييُو

ثِيمُوثِييُو، أَمسخَّارْ إِعِيزّنْ إِ بُولُوسْ. بُولُوسْ إِسّڒْمذْ ثِيمُوثْيُو خْ مَامّشْ إِتّْخصَّا أَذْ إِسّڒْمذْ ثْمسْمُونِينْ ن لْمَاسِيحْ حِيمَا وَارْ ودَّارنْثْ زڭْ وبْرِيذْ ن لْمَاسِيحْ 

56

ثِيث.

غَارْ ثِيثُوسْ

پُولُوسْ إِسّڒْمذْ ثِيثُوسْ زِي جِّيهثْ ن ڒْْخذْمثْ نسْ ثڭْزِيرْثْ ن كْرِيثَا

57

فلمن.

غَارْ فِيلِيمْoنْ

ثَابْرَاثْ ثَامژْيَانْثْ ن بُولُوسْ إِ فِيلِيمُونْ خْ ؤُنِيسِيمُوسْ، إِسْمغْ ن فِيلِيمْoنْ نِّي زَّايسْ يَارْوڒْ مَاشَا غَارسْ د-إِعْقبْ 





58

عبر.

غَارْ إِعِيبْرَانِييّنْ

ثَابْرَاثْ ثَاصبْحَانْثْ خْ ڒمْغَارثْ ن لْمَاسِيحْ سنّجْ إِ كُوڒْشِي: سنّجْ إِ لْمَالَاكَاثْ، سنّجْ إِ مُوسَا، سنّجْ إِ شَّارِيعَا 

ثِيبْرَاثِينْ ن رُّوسُولْ إِنّغْنِي

59

يَاع.

ثَابْرَاثْ ن يَاعْقُوبْ

يَاعْقُوبْ يُورَا ثَابْرَاثْ-أَ إِ وُوذَاينْ إِمَاسِيحِييّنْ إِمْطَارّْشنْ خْ صَّابْرْ ن لِيمَانْ، خْ ؤُوَاضعْ، خْ لِيمَانْ ذ ڒخْذَايمْ، دّنْبْ ن يِيڒسْ ؤُ خْ ثَايْرِي جَارْ وَاوْمَاثنْ

61-60

پُوطْ. 

2 ثِيبْرَاثِينْ ن بُوطْرُوسْ

پُوطْرُوسْ يُورَا ثِيبْرَاثِينْ نّسْ خْ ثِيمسْڒَايِينْ إِفَارْزنْ: خْ طَّاعثْ إِ صُّولَاطَاثْ، خْ ڒمْرَاشْ، خْ صَّابْرْ ذِي ؤُمَارّثْ ؤُ خْ ثُوذَارْثْ ثَامَاسِيحشْثْ

62 ،63، 64

يُوحْ.

3 ثِيبْرَاثِينْ ن يُوحَانَّا

يُوحَانَّا يُورَا ثِيبْرَاثِينْ نّسْ خْ  مَامّشْ إِ غَا يُويُورْ ڒْْمُومِينْ ذِي ثْفَاوْثْ ذ ثِيذتّْ ؤُ خْ ثَايْرِي جَارْ وَاوْمَاثنْ

65

يَاه.

ثَابْرَاثْ ن يَاهُوذَا

يَاهُوذَا إِعْڒمْ ڒْْمُومِينِينْ زِي جِّيهثْ ن ينِّي أَرزُّونْ أَذْ غَارّنْ ڒْْمُومِينِينْ س ثْغُورِي نْسنْ إِسّْخَارِّيقنْ ؤُ س ؤُسْثهْزِي نْسنْ أَمْ ضفَّارنْ مْغِيرْ ثِيزِي نْسنْ.  

أَسَارْڭبْ خْ مِينْ إِ غَا يِيڒِي ذغْيَا 

66

أَسَا.

أَسَارْڭبْ

ڒوْحِييْ أَمقّْرَانْ إِ إِوْشَا يشُّو لْمَاسِيحْ س ؤُفُوسْ ن لْمَالَاكْ نّسْ إِ ؤُمْسخَّارْ نّسْ يُوحَانَّا، إِجّْ ن ڒوْحِييْ إِ زِي إِ ذ أَسْ إِسَّارْڭبْ لْمَاسِيحْ خْ مِينْ إِ غَا يِيڒِي ذڭْ وُوسَّانْ إِنڭُّورَا خْمِي د غَا يَاسْ نتَّا إِ ثْوَاڒَا وِيسّْ ثْنَاينْ حِيمَا أَذْ يِيڒِي ذ أَجدْجِيذْ خْ مَارَّا دُّونِّيثْ