1 ⵜⵜⵥⴰⵡⴳⴻⵖ ⵉⵏⵏⵉ ⴷ ⵉⵎⵖⴰⵔⴻⵏ ⵊⴰⵔ ⴰⵡⴻⵏ, ⵏⴻⵛⵛ ⴷ ⵡⴻⵏⵏⵉ ⴷ ⴰⵎⵖⴰⵔ ⴰⴽⵉⴷⵡⴻⵎ ⴷ ⴰⵛⴻⵀⵀⴰⴷ ⵏ ⵓⵡⴻⴷⴷⴻⴱ ⵉ ⵉⴽⴽⵉⵏ ⵅ ⵍⵎⴰⵙⵉⵃ ⵓⵍⴰ ⴷ ⴰⵎⵄⴰⵛⴰⵔ ⴷⴻⴳ ⵓⵄⵓⴵⵉ ⵏⵏⴻⵙ ⵉ ⴷⴷ ⵖⴰ ⵉⵜⵜⵡⴰⵙⵙⴻⴹⵀⴰⵔ: 2 ⴰⵔⴻⵡⵙⴻⵎ ⵜⴰⵃⵉⵎⴰⵔⵜ ⵏ ⴰⵔⴻⴱⴱⵉ ⵜⴻⵏⵏⵉ ⵜⵃⴻⵟⵟⴰⵎ, ⵡⴰⵔ ⵉⴵⵉ ⵙ ⵓⵖⵉⵍ ⵎⴰⵛⴰ ⵙ ⵍⵅⴰⴹⴰⵔ, ⵡⴰⵔ ⵉⴵⵉ ⴷⵉ ⵟⵟⵎⴻⵄ ⵏ ⴰⵔⴱⴻⵃ ⵡⴰⵔ ⵉⵃⵍⵉⵏ, ⵎⴰⵛⴰ ⵙ ⵎⴰⵔⵔⴰ ⵡⵓⵍ ⵏⵡⴻⵎ, ^■   3 ⵡⴰⵔ ⵉⴵⵉ ⴰⵎ ⵉⵏⵏⵉ ⵉⴵⴰⵏ ⵅ ⵜⵃⵉⵎⴰⵔⵜ, ⵎⴰⵛⴰ ⵓⵎⵉ ⵜⴻⴵⴰⵎ ⴷ ⵉⵊⵊ ⵏ ⵓⵎⴻⴷⵢⴰ ⵉⵛⵏⴰ ⵉ ⵏⵉⵜⵏⵉ. ^■   4 ⵓⵛⴰ ⵅⵎⵉ ⴷⴷ ⵖⴰ ⵉⴹⵀⴰⵔ ⵓⵎⴻⴽⵙⴰ ⴰⵎⴻⵇⵇⵔⴰⵏ ⴰⴷ ⵥⵥⴰⵢⴻⵙ ⵜᵉⵟⵟⴼⴻⵎ ⵜⵜⴰⵊ ⵏ ⵓⵄⵓⴵⵉ ⵉ ⵡⴰⵔ ⵉⴼⴻⵏⵏⵉⵏ. ^■  

5 ⵓ ⴽⴻⵏⵏⵉⵡ, ⵉⴱⵍⵉⵖⴻⵏ, ⵙⴰⵔⵙⴻⵎ ⵉⵅⴻⴼ ⵏⵡⴻⵎ ⵙⴰⴷⵓ ⵉⵎⵖⴰⵔⴻⵏ ⵏⵡⴻⵎ, ⴱⴻⵢⵙⴻⵎ ⵉⵅⴻⴼ ⵏⵡⴻⵎ ⵙ ⵓⵡⴰⴹⴻⵄ ⵉⵊⵊ ⵉ ⵡⴻⵏⵏⴻⵖⵏⵉ, ⵎⵉⵏⵥⵉ ⴰⵔⴻⴱⴱⵉ ⵉⵜⵜⵄⴻⴽⴽⴰⵙ ⵉⵎⵄⴻⴼⴼⴰⵔⴻⵏ, ⵎⴰⵛⴰ ⵉⵎⵡⴰⴹⵄⴻⵏ ⵉⵡⵛⴰ ⴰⵙⴻⵏ ⴰⵔⴹⴰ. ^■   6 ⵙⴻⵎⵥⴰⵢⴻⵎ ⵉⵅⴻⴼ ⵏⵡⴻⵎ ⵙⴰⴷⵓ ⴰⴼⵓⵙ ⵉⵊⴻⵀⴷⴻⵏ ⵏ ⴰⵔⴻⴱⴱⵉ, ⵃⵉⵎⴰ ⴰⴷ ⴽⴻⵏⵏⵉⵡ ⵉⵙⵙⵓⵄⵍⴰ ⴷⵉ ⵍⵡⴻⵇⵜ ⵏⵏⴻⵙ. ^■   7 ⵎⴰⵔⵔⴰ ⵉⵎⵏⵓⵙⴻⵏ ⵏⵡⴻⵎ ⴰⵔⵔⴻⵎ ⵜⴻⵏ ⵖⴰⵔ ⴰⵔⴻⴱⴱⵉ, ⴰⵇⴰ ⵏⴻⵜⵜⴰ ⵉⵜⵜⵀⵉⵍⵍⴰ ⴷⴰⵢⵡⴻⵎ. ^■  

8 ⴰⵔⵔⴻⵎ-ⴷⴷ ⵍⴱⴰⵍ, ⵃⴹⴰⵎ, ⵎⵉⵏⵥⵉ ⵍⴻⵄⴷⵓ ⵏⵡⴻⵎ, ⵛⵛⵉⵟⴰⵏ ⴰⵎⴻⵇⵇⵔⴰⵏ, ⵉⵜⵜⵃⴰⵎⴰ ⴰⵎ ⵡⴰⵢⵔⴰⴷ ⵉⴵⵓⵥⴻⵏ, ⵓ ⵢⴰⵔⴻⵥⵥⵓ ⵎⵉⵏ ⵉⵥⴻⵎⵎⴰⵔ ⴰⴷ ⵉⵚⴰⵔⴹ. ^■   9 ⵎⴻⵏⵄⴻⵎ ⴰⴽⵉⴷⴻⵙ ⵉⵅⴻⴼ ⵏⵡⴻⵎ ⴰⵎ ⵜᵉⵟⵟⴼⴻⵎ ⵏⵉⵛⴰⵏ ⴷⵉ ⵍ’ⵉⵎⴰⵏ, ⴰⵇⴰ ⵜⴻⵙⵙⵏⴻⵎ ⴱⴻⵍⵍⵉ ⴰⵢⵜⵎⴰⵜⵡⴻⵎ ⴷⵉ ⴷⴷⵓⵏⴻⵛⵜ ⵓⵍⴰ ⴷ ⵏⵉⵜⵏⵉ ⴽⴻⵙⵙⵉⵏ ⴰⵡⴻⴷⴷⴻⴱ-ⴰ. ^■  

10 ⵎⴰⵛⴰ ⴰⵔⴻⴱⴱⵉ ⵏ ⴰⵔⴹⴰ ⵡⴻⵏⵏⵉ ⴷ ⴰⵏⴻⵖ ⴷⴷ-ⵉⵍⴰⵖⴰⵏ ⵖⴰⵔ ⵓⵄⵓⴵⵉ ⵏⵏⴻⵙ ⵉⵜⵜⴷⵓⵎⴰⵏ ⵙ ⵢⴻⵛⵛⵓ ⵍⵎⴰⵙⵉⵃ, ⴰⵇⴰ ⵏⴻⵜⵜⴰ, ⴰⵡⴰⵔⵏⵉ ⵍⴰⵎⵉ ⵏⵡⴻⴷⴷⴻⴱ ⴷⵔⵓⵙ ⵏ ⵍⵡⴻⵇⵜ, ⴰⴷ ⴰⵏⴻⵖ ⵉⵙⵙⴻⵊⵀⴻⴷ, ⴰⴷ ⴰⵏⴻⵖ ⵉⴹⵎⴻⵏ ⵓ ⴰⴷ ⴰⵏⴻⵖ ⵉⵙⴻⴷⴷ ⵉ ⵍⴻⴱⴷⴰ. ^■  

11 ⵖⴰⵔⴻⵙ ⵏⴻⵜⵜⴰ ⴰⵄⵓⴵⵉ ⴷ ⵚⵚⵓⵍⵟⴰ ⴷ ⵍⵄⴻⵥⵥ ⵉ ⵍⴻⴱⴷⴰ ⵏ ⵍⴻⴱⴷⴰⵜ ⵇⴰⵄ. ⴰⵎⵉⵏ.

12 ⵓⵔⵉⵖ ⴰⵡⴻⵎ-ⴷⴷ ⵛⴰ ⵏ ⵜⵎⴻⵙⵍⴰⵢⵉⵏ ⵡⴰⵔ ⵉⴵⵉ ⴰⵟⵟⴰⵙ, ⵙ ⵓⴼⵓⵙ ⵏ ⵙⵉⵍⵡⴰⵏⵓⵙ, ⵓⵎⴰ ⴷ ⴰⵎⵜⵉⵇⵇⵉ, ⵓ ⵏⴻⵛⵛ ⵇⴻⵏⵏⵄⴻⵖ ⵓ ⵛⴻⵀⴷⴻⵖ ⴰⵇⴰ ⵎⴰⵏ ⴰⵢⴰ ⴷⵉ ⵎⵉⵏ ⴷⵉ ⵜⴻⴵⴰⵎ, ⴰⵇⴰ-ⵜ ⴷ ⴰⵔⴹⴰ ⵏ ⴰⵔⴻⴱⴱⵉ ⴷ ⵜⵉⴷⴻⵜⵜ.

13 ⵜⴰⵎⴻⵙⵎⵓⵏⵜ ⵉⵜⵜⵡⴰⴼⴰⵔⵥⴻⵏ ⵉ ⵉⴵⴰⵏ ⴷⵉ ⴱⴰⴱⵉⵍ, ⵜⵙⴻⴵⴰⵎ ⵅⴰⵡⴻⵎ ⵙ ⵍⴻⵀⵏⴰ, ⵓⵍⴰ ⴷ ⵎⵎⵉ ⵎⴰⵔⴽⵓⵙ.

14 ⵙⴻⴵⵎⴻⵎ ⵅ ⵡⴰⵢⴰⵡⵢⴰ ⵙ ⵓⵙⵓⴷⴻⵎ ⵉⵇⴻⴷⴷⵙⴻⵏ. ⵍⴻⵀⵏⴰ ⴰⴷ ⴽⵉⵡⴻⵎ ⵢⵉⵍⵉ ⵎⴰⵔⵔⴰ ⵉⴷⵡⴻⵎ ⵉ ⵉⴵⴰⵏ ⴷⵉ ⵍⵎⴰⵙⵉⵃ. ⴰⵎⵉⵏ. ^■