1 ⵢⴰⵄⵇⵓⴱ, ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ ⵓ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⵉ ⵜⴻⵏⵄⴰⵛ ⵏ ⵜⵇⴻⴱⴱⴰⵍ ⵜⵉⵏⵏⵉ ⵉⵜⵜⵡⴰⵥⴻⴵⵄⴻⵏ ⵊⴰⵔ ⵍⴻⴳⵏⵓⵙ: ⵍⴻⵀⵏⴰ ⵅⴰⵡⴻⵎ! ^■  

2 ⴰ ⴰⵢⵜⵎⴰ, ⵎⴰⵍⴰ ⴰⴷ ⵅⴰⵡⴻⵎ ⴽⴽⴻⵏ ⵄⵍⴰⵎ ⴽⵓⵍ ⵉⵖⴻⴽⴽⵡⴰⵏ, ⵃⴻⵙⴱⴻⵎ ⵎⴰⵏ ⴰⵢⴰ ⵎⴰⵔⵔⴰ ⴷ ⵍⴻⴼⵔⴰⵃⴻⵜ, ^■   3 ⵎⴰⵖⴰⵔ ⴽⴻⵏⵏⵉⵡ ⵜⴻⵙⵙⵏⴻⵎ ⴱⴻⵍⵍⵉ ⵜⴰⵇⴻⴵⴻⴱⵜ ⵏ ⵍ’ⵉⵎⴰⵏ ⵏⵡⴻⵎ ⴰⴷ ⴷⴷ-ⵜⴻⵊⵊ ⵚⵚⴱⴰⵔ. ^■   4 ⵎⴰⵛⴰ ⵉⵜⵜⵅⴻⵚⵚⴰ ⵚⵚⴱⴰⵔ ⴰⴷ ⵉⵜⵜⵡⴰⴽⴻⵎⵎⴻⵍ ⵃⵉⵎⴰ ⴰⴷ ⵜⴰⵡⴹⴻⵎ ⵓ ⴰⴷ ⵜⴽⴻⵎⵎⵍⴻⵎ, ⵓⵛⴰ ⵡⴰⵔ ⴽⴻⵏⵏⵉⵡ ⵉⵜⵜⵅⴻⵚⵚⵉ ⵡⴰⵍⵓ.

5 ⵎⴰⵍⴰ ⵛⴰ ⵏ ⵉⵊⵊⴻⵏ ⵥⵥⴰⵢⵡⴻⵎ ⵜⴻⵇⵇⵉⵎ ⴰⵙ ⵄⴰⴷ ⵜⵉⵖⵉⵜ, ⴰⴷ ⵜⵜ ⵉⵜⵜⴰⵔ ⵥⵉ ⴰⵔⴻⴱⴱⵉ ⵡⴻⵏⵏⵉ ⵉⵜⵜⵉⵛⴻⵏ ⵙ ⵜⴻⵛⵔⵉⵎⴻⵜ ⵉ ⵎⴰⵔⵔⴰ ⴱⵍⴰ ⴰⵥⴰⵡⴰⵔ, ⵓⵛⴰ ⴰⴷ ⴰⵙ ⵜⴻⵎⵎⴻⵡⵛ. ^■   6 ⵎⴰⵛⴰ ⴻⵊⵊ ⵉ-ⵜ ⴰⴷ ⵉⵜⵜⴰⵔ ⵙ ⵍ’ⵉⵎⴰⵏ, ⴱⵍⴰ ⴰⵛⴻⴽⴽⵉ, ⵎⵉⵏⵥⵉ ⵡⴻⵏⵏⵉ ⵉⵜⵜⵛⴻⴽⴽⴰⵏ ⴰⵇⴰ ⵏⴻⵜⵜⴰ ⴰⵎ ⵍⴻⵎⵡⴰⵊ ⵏ ⵍⴻⴱⵃⴰⵔ ⵏⵏⵉ ⵉⵜⵜⵡⴰⵄⴰⵔⵔⵏⴻⵏ ⵥⴻⴳ ⵓⵙⴻⵎⵎⵉⴹ. 7 ⵡⴰⵔ ⵜⵜⴻⵊⵊⵉ ⴰⴷ ⴰⵙ ⵉⵜⵜⵖⵉⵍ ⵉ ⴱⵏⴰⴷⴻⵎ ⵏⵏⵉ ⴰⴷ ⵉⴽⵙⵉ ⵛⴰ ⵥⵉ ⵙⵉⴷⵉ, 8 ⵎⴰⵖⴰⵔ ⵏⴻⵜⵜⴰ ⵙ ⵜⵏⴰⵢⴻⵏ ⵉⵥⴻⴵⵉⴼⴻⵏ, ⵡⴰⵔ ⵢⴰⵔⵙⵉ ⴷⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵙ.

9 ⴻⵊⵊ ⵜⴰⵡⵎⴰⵜ ⵉⵡⴰⴹⵄⴻⵏ ⴰⴷ ⵜⴻⵙⵙⴻⵎⵖⴰⵔ ⴷⵉ ⵍⵓⵄⵍⴰ ⵏⵏⴻⵙ

10 ⵓ ⴱⵓ-ⵡⴰⴳⵍⴰ ⴷⴻⴳ ⵓⵡⴰⴹⴻⵄ ⵏⵏⴻⵙ, ⵎⵉⵏⵥⵉ ⴰⵎⴻⵛⵏⴰⵡ ⵜⴰⵡⴰⵔⴷⴻⵛⵜ ⴷⵉ ⵍⴻⵃⵜⵉⵛ ⴰⴷ ⵉⴼⵏⴰ ⵏⴻⵜⵜⴰ.

11 ⵜⴰⴼⵓⵛⵜ ⴰⴷ ⵜⴻⵏⵇⴰⵔ ⵙ ⵍⴻⵃⵎⵓ ⵏⵏⴻⵙ, ⴰⴷ ⵜⴻⵙⵙⴻⵛⵎⴻⴹ ⵍⴻⵃⵜⵉⵛ ⵓⵛⴰ ⵜⴰⵡⴰⵔⴷⴻⵛⵜ ⴰⴷ ⵜⵉⵙⵍⴰⵡ ⵓⵛⴰ ⴰⴷ ⴰⵙ ⵉⵔⴰⵃ ⵡⴰⵥⵔⵉ ⵏ ⵡⵓⴷⴻⵎ ⵏⵏⴻⵙ. ⴰⵎⵎⵓ ⵉ ⵖⴰ ⵉⴼⵏⴰ ⵄⴰⵡⴻⴷ ⴱⵓ-ⵡⴰⴳⵍⴰ ⴷⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵙ. ^■  

12 ⵙⵙⴻⵄⴷ ⵏ ⵡⴻⵔⵢⴰⵥ ⵏⵏⵉ ⵉ ⵖⴰ ⵉⵃⴻⵎⵍⴻⵏ ⴰⵖⴻⴽⴽⵡⵉ, ⵎⵉⵏⵥⵉ ⵎⴰⵍⴰ ⵉⴷⵡⴻⵍ ⴷ ⴰⵎⵇⴻⴵⴻⴱ, ⴰⴷ ⵉⵟⵟⴻⴼ ⵜⵜⴰⵊ ⵏ ⵜⵓⴷⴰⵔⵜ ⵏⵏⵉ ⵜⵓⵖⴰ ⵉⵡⴰⵄⴷ ⵥⵥⴰⵢⴻⵙ ⴰⵔⴻⴱⴱⵉ ⵉ ⵢⴻⵏⵏⵉ ⵜ ⵉⵜⵜⴻⵅⵙⴻⵏ. ^■  

13 ⵡⴰⵔ ⵜⴻⵊⵊⵉ ⵃⴻⴷ ⵎⴰⵍⴰ ⵉⵜⵜⵡⴰⵖⵡⴰ, ⴰⴷ ⵢⵉⵏⵉ: “ⴰⵔⴻⴱⴱⵉ ⵉ ⴷ ⴰⵢⵉ ⵉⵖⴻⴽⴽⵡⴰⵏ!” ⴰⵇⴰ ⴰⵔⴻⴱⴱⵉ ⵡⴰⵔ ⵉⵥⴻⵎⵎⴰⵔ ⴰⴷ ⵉⵜⵜⵡⴰⵖⵡⴰ ⵥⵉ ⵜⵓⵄⴻⴼⴼⵏⴰ ⵓⵛⴰ ⵏⴻⵜⵜⴰ ⵙ ⵢⵉⵅⴻⴼ ⵏⵏⴻⵙ ⵡⴰⵔ ⵉⵖⴻⴽⴽⵡⵉ ⵓⵍⴰ ⴷ ⵉⵊⵊ.

14 ⵎⴰⵛⴰ ⴽⵓⵍ ⵉⵊⵊ ⴰⴷ ⵉⵜⵜⵡⴰⵖⵡⴰ ⵥⵉ ⵏⵏⴻⵛⵡⴻⵜ ⵏⵏⴻⵙ ⵓⵛⴰ ⵏⵏⴻⵛⵡⴻⵜ ⴰⴷ ⵜ ⵜᵉⵟⵟⴻⴼ ⵓⵛⴰ ⴰⴷ ⵥⵥⴰⵢⴻⵙ ⵉⵜⵜⵡⴰⵖⵡⴰ.

15 ⵎⴰⵍⴰ ⵏⵏⴻⵛⵡⴻⵜ ⵜⴻⴽⵙⵉ ⵙ ⵓⵄⴻⴷⴷⵉⵙ, ⴰⴷ ⴷⴷ-ⵜⴰⵔⵓⵡ ⴷⴷⵏⵓⴱ ⵓⵛⴰ ⵅⵎⵉ ⵉ ⵖⴰ ⵉⵎⵖⴰⵔ ⴷⴷⵏⵓⴱ, ⴰⴷ ⴷⴷ-ⵢⴰⵡⵉ ⵍⵎⴻⵡⵜ.

16 ⴰ ⴰⵢⵜⵎⴰ ⵉⵄⵉⵥⵥⴻⵏ, ⵡⴰⵔ ⵜᵉⵜⵜⵡⴻⴷⴷⴰⵔⴻⵎ!

17 ⴽⵓⵍ ⵜⴰⵡⵀⵉⴱⵜ ⵜⴰⵚⴻⴱⵃⴰⵏⵜ ⴷ ⵉⴽⴻⵎⵎⵍⴻⵏ ⵜⵀⴻⴽⴽⵡⴰ-ⴷⴷ ⵥⵉ ⵙⴻⵏⵏⴻⵊ, ⵥⵉ ⵜⴱⴰⴱⴰⵜ ⵏ ⵜⴼⴰⵡⵉⵏ ⵉ ⵡⴰⵔ ⵖⴰⵔ ⵉⴵⵉ ⵓⴱⴻⴷⴷⴻⵍ ⵏⵉⵖ ⵜⵉⵍⵉ ⵏ ⴷⴷⴻⵡⵍⴰⵏ. ^■  

18 ⵢⵓⵙⴰ-ⴷⴷ ⴰⵙ ⵅ ⵍⵅⴰⴹⴰⵔ ⵎⴰⵃⴻⵏⴷ ⴰⴷ ⴰⵏⴻⵖ ⴷⴷ-ⵢⴻⵊⵊ ⵙ ⵡⴰⵡⴰⵍ ⵏ ⵜⵉⴷⴻⵜⵜ ⵃⵉⵎⴰ ⴰⴷ ⵏⵉⵍⵉ ⴷ ⵜⴰⵎⴻⵥⵡⴰⵔⵓⵜ ⵥⵉ ⵎⴰⵔⵔⴰ ⵎⵉⵏ ⵉ ⴷⴷ-ⵉⵅⴻⵍⵇⴻⵏ. ^■  

19 ⵙⵏⴻⵎ ⴰⵢⴰ, ⴰ ⴰⵢⵜⵎⴰ ⵉⵄⵉⵥⵥⴻⵏ, ⴻⵊⵊ ⴽⵓⵍ ⴱⵏⴰⴷⴻⵎ ⴰⴷ ⵉⵇⴻⴵⴻⵇ ⵃⵉⵎⴰ ⴰⴷ ⵉⵙⴻⵍ, ⵡⴰⵔ ⵜⵇⴻⴵⵉⵇⴻⵎ ⵛⴰ ⵖⴰⵔ ⵡⴰⵡⴰⵍ ⵏⵉⵖ ⵖⴰⵔ ⵜⴻⴼⵇⴻⵃⵜ. ^■   20 ⵎⵉⵏⵥⵉ ⵜⴰⴼⵇⴻⵃⵜ ⵏ ⵡⴻⵔⵢⴰⵥ ⵡⴰⵔ ⴷⴷ-ⵉⵜⵜⵉⵡⵉ ⵛⴰ ⵜⴰⵙⴻⴳⴷⴰ ⵥⵥⴰⵜ ⵉ ⴰⵔⴻⴱⴱⵉ. 21 ⵙ ⵓⵢⴻⵏⵏⵉ ⵙⵙⴰⵔⵙⴻⵎ ⵅⴰⵡⴻⵎ ⵇⴰⵄ ⵜⴰⵅⵎⵓⵊⵉ ⴷ ⵡⴰⵟⵟⴰⵙ ⵏ ⵜⵓⵄⴻⴼⴼⵏⴰ, ⵓⵛⴰ ⵇⴻⴱⵍⴻⵎ ⵙ ⵜⴻⵎⵀⵉⵏⵜ ⴰⵡⴰⵍ ⵉ ⵉⵜⵜⵡⴰⵥⵥⵓⵏ ⴷⵉ ⵟⵟⴱⵉⵄⴻⵜ ⵏⵏⴻⵖ ⵏⵏⵉ ⵉⵥⴻⵎⵎⴰⵔⴻⵏ ⴰⴷ ⵉⵙⵙⴻⵏⵊⴻⵎ ⵍⴻⵄⵎⵓⵔ ⵏⵡⴻⵎ. ^■  

22 ⵉⵍⵉⵎ ⴷ ⵉⵏⵏⵉ ⵉⵜⵜⴻⴳⴳⴻⵏ ⴰⵡⴰⵍ, ⵡⴰⵔ ⵉⴵⵉ ⴷ ⵉⵏⵏⵉ ⵉⵜⵜⴻⵙⵍⴰⵏ ⵡⴰⵀⴰ, ⵡⴰⵔ ⵛⴻⵎⵜⴻⵎ ⵉⵅⴻⴼ ⵏⵡⴻⵎ! ^■   23 ⵎⵉⵏⵥⵉ ⵎⴰⵍⴰ ⵃⴻⴷ ⵉⵙⵍⴰ ⵉ ⵡⴰⵡⴰⵍ, ⵎⴰⵛⴰ ⵡⴰⵔ ⵥⵥⴰⵢⴻⵙ ⵉⴳⴳⵉ, ⴰⵇⴰ ⵏⴻⵜⵜⴰ ⴰⵎⴻⵛⵏⴰⵡ ⵉⵊⵊ ⵏ ⵡⴻⵔⵢⴰⵥ ⵉ ⵉⵅⴻⵥⵥⴰⵔⴻⵏ ⴷⵉ ⵜⵉⵙⵉⵜ ⴷⴻⴳ ⵓⵖⴻⵎⴱⵓⴱ ⵏⵏⴻⵙ. ^■   24 ⴰⵇⴰ ⵉⵜⵜⵡⴰⵍⴰ ⵉⵅⴻⴼ ⵏⵏⴻⵙ, ⵉⵔⵓⵃ, ⵓⵛⴰ ⵍⴻⵅⴷⴻⵏⵏⵉ ⴰⴷ ⵉⵜⵜⵓ ⵎⴰⵎⵎⴻⵛ ⵜⵓⵖⴰ ⵉⴵⴰ. 25 ⵎⴰⵛⴰ ⵡⴻⵏⵏⵉ ⵉ ⵖⴰ ⵉⵅⵥⴰⵔⴻⵏ ⴷⵉ ⵛⵛⴰⵔⵉⵄⴰ ⵉⴽⴻⵎⵎⵍⴻⵏ ⵏ ⵜⵍⴻⵍⵍⵉ ⵓⵛⴰ ⵉⵇⵇⵉⵎ ⵉⵅⴻⵥⵥⴰⵔ ⴷⴰⵢⴻⵙ, ⵡⴰⵔ ⵉⴵⵉ ⴰⵎ ⵉⵊⵊⴻⵏ ⵉⵜⵜⴻⵙⵍⴰ ⵍⴻⵅⴷⴻⵏⵏⵉ ⵉⵜⴻⵜⵜⵓ ⴷⴻⵖⵢⴰ, ⵎⴰⵛⴰ ⴰⵎ ⵉⵊⵊⴻⵏ ⵡⴻⵏⵏⵉ ⵜⵜ ⵉⵜⵜⴻⴳⴳⴻⵏ ⵙ ⵜⵉⴷⴻⵜⵜ, ⴰⵇⴰ ⵡⴰⵏⵉⵜⴰ ⴰⴷ ⵉⵜⵜⵡⴰⴱⴰⵔⴻⴽ ⴷⵉ ⵎⵉⵏ ⵉⵜⵜⴻⴳⴳ. ^■  

26 ⵎⴰⵍⴰ ⴷⵉⵏ ⵡⴻⵏⵏⵉ ⵓⵎⵉ ⵉⵜⵜⵖⵉⵍ ⴰⵇⴰ ⵏⴻⵜⵜⴰ ⵉⵜⵜⵙⴻⵅⵅⴰⵔ ⵉ ⴰⵔⴻⴱⴱⵉ ⴰⵎ ⵡⴰⵔ ⵉⵃⴻⵟⵟⵉ ⵉⵍⴻⵙ ⵏⵏⴻⵙ, ⵎⴰⵛⴰ ⵉⵅⴻⴷⴷⴻⵄ ⵓⵍ ⵏⵏⴻⵙ, ⵅⴻⵏⵏⵉ ⴰⵇⴰ ⵜⴰⵙⴻⵅⵅⴰⵔⵜ ⵏⵏⴻⵙ ⴱⴰⵟⴻⵍ. ^■   27 ⵎⴰⵖⴰⵔ ⵜⴰⵙⴻⵅⵅⴰⵔⵜ ⵜⴰⵎⴻⵥⴷⴰⴳⵜ ⵜⴰⵎⵇⴻⴷⴷⴰⵙⵜ ⵇⵉⴱⴰⵞ ⵉ ⴰⵔⴻⴱⴱⵉ, ⵜⴰⴱⴰⴱⴰⵜ, ⴰⵇⴰ-ⵜ ⴷ ⵜⴰ: ⴰⴷ ⵜⵚⵓⵏⴻⴷ ⵉⵢⵓⵊⵉⵍⴻⵏ ⴷ ⵜⵉⵊⵊⴰⵍ ⴷⵉ ⵍⵎⴻⵃⵏⴻⵜ ⵏⵙⴻⵏⵜ ⵓⵛⴰ ⴰⴷ ⵜⴻⵙⵙⵃⴻⵢⵢⴷⴻⴷ ⵉⵅⴻⴼ ⵏⵏⴻⴽ ⵥⵉ ⴷⴷⵓⵏⴻⵛⵜ ⴱⵍⴰ ⵍⵖⴻⵛⵛ.