1 ⴷⴻⴳ ⵡⵓⵙⵙⴰⵏ ⵉⵄⴷⵓⵏ ⵉⵙⵙⵉⵡⴻⵍ ⴰⵔⴻⴱⴱⵉ ⴷⵉ ⵎⴰⵔⵔⴰ ⵉⴽⵓⴷⴻⵏ ⵓ ⴷⴻⴳ ⵡⴰⵟⵟⴰⵙ ⵏ ⵉⴱⵔⵉⴷⴻⵏ ⴰⴽ-ⴷ ⵍⴻⵊⴷⵓⴷ ⵏⵏⴻⵖ ⵙ ⵉⵏⴰⴱⵉⵢⵢⴻⵏ. 2 ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⴰⵇⴰ ⵉⵙⵙⵉⵡⴻⵍ ⴰⴽⵉⴷⵏⴻⵖ ⵙ ⵎⵎⵉⵙ, ⵡⴻⵏⵏⵉ ⵉⴳⴳⴰ ⴷ ⴰⵡⵔⵉⵜ ⵏ ⴽⵓⵍⵛⵉ, ⵙ ⵡⴻⵏⵏⵉ ⵄⴰⵡⴻⴷ ⵉⴳⴳⴰ ⴷⴷⵓⵏⴻⵛⵜ. ^■   3 ⵎⵉⵏⵥⵉ ⵏⴻⵜⵜⴰ ⴷ ⵜⴰⵍⴻⵍⵍⴻⵛⵜ ⵏ ⵓⵄⵓⴵⵉ ⵏⵏⴻⵙ ⵓⵍⴰ ⴷ ⵜⵜⴻⵙⵡⵉⵔⵜ ⵏ ⵙⵉⵎⴰⵏⵜ ⵏⵏⴻⵙ, ⵓ ⵏⴻⵜⵜⴰ ⴷ ⵡⴻⵏⵏⵉ ⵢⴰⵔⴻⴱⴱⵓⵏ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ ⵙ ⵊⵊⴻⵀⴷ ⵏ ⵡⴰⵡⴰⵍ ⵏⵏⴻⵙ. ⴰⵇⴰ ⵏⴻⵜⵜⴰ ⵉⵙⵙⵉⵥⴷⴻⴳ ⴷⴷⵏⵓⴱ ⵏⵏⴻⵖ ⴷⴻⴳ ⵢⵉⵅⴻⴼ ⵏⵏⴻⵙ, ⵓⵛⴰ ⵉⵔⵓⵃ ⵉⵇⵇⵉⵎ ⵖⴰⵔ ⵢⴻⴼⴼⵓⵙ ⵏ ⵍⵄⴰⴹⵉⵎ ⴷⵉ ⵍⵓⵄⵍⴰ. ^■   4 ⵏⴻⵜⵜⴰ ⵢⵓⵄⵍⴰ ⴰⵟⵟⴰⵙ ⵅ ⵍⵎⴰⵍⴰⴽⴰⵜ ⴰⵎ ⵉⵙⴻⵎ ⵉ ⵉⵟⵟⴻⴼ ⴷ ⵍⵡⴰⵔⵜ ⴰⵇⴰ ⵉⵛⵏⴰ ⵅ ⵡⴻⵏⵏⵉ ⵏⵙⴻⵏ.

5 ⵎⵉⵏⵥⵉ ⵉ ⵎⴰⵏ ⵜⴻⵏ ⵥⵉ ⵍⵎⴰⵍⴰⴽⴰⵜ ⵉⵏⵏⴰ ⴰⵔⴻⴱⴱⵉ:

“ⵎⵎⵉ ⵉ ⵜⴻⴵⵉⴷ ⵛⴻⴽ, ⴰⵙⵙ-ⴰ ⵏⴻⵛⵛ ⵊⵊⵉⵖ-ⴷⴷ ⵛⴻⴽ!”,

ⵓⵛⴰ ⵄⴰⵡⴻⴷ ⵉⵏⵏⴰ:

“ⵏⴻⵛⵛ ⴰⴷ ⴰⵙ ⵉⵍⵉⵖ ⴷ ⴱⴰⴱⴰⵙ ⵓ ⵏⴻⵜⵜⴰ ⴰⴷ ⴰⵢⵉ ⵢⵉⵍⵉ ⴷ ⵎⵎⵉ”? ^■  

6 ⵓⵛⴰ ⵅⴻⵏⵏⵉ ⵅⵎⵉ ⴷⴷ-ⵉⵙⵙⵉⴷⴻⴼ ⴰⵎⴻⵏⵥⵓ ⵖⴰⵔ ⴷⴷⵓⵏⴻⵛⵜ, ⵉⵏⵏⴰ:

“ⴰⴷ ⴰⵙ ⵙⴻⵊⴷⴻⵏ ⵎⴰⵔⵔⴰ ⵍⵎⴰⵍⴰⴽⴰⵜ ⵏ ⴰⵔⴻⴱⴱⵉ.” ^■  

7 ⵓⵛⴰ ⵅ ⵍⵎⴰⵍⴰⴽⴰⵜ ⵉⵏⵏⴰ:

“ⵏⴻⵜⵜⴰ ⵉⴳⴳⴰ ⵍⵎⴰⵍⴰⴽⴰⵜ ⵏⵏⴻⵙ ⴷ ⵉⵙⴻⵎⵎⵉⴹⴻⵏ,

ⵓⵛⴰ ⵉⵎⵙⴻⵅⵅⴰⵔⴻⵏ ⵏⵏⴻⵙ ⴷ ⵉⵛⵜ ⵏ ⵜⵎⴻⵙⵙⵉ ⵉⵜⵜⴻⵃⴷⵓⴷⵓⵇⴻⵏ”, ^□  ■  

8 ⵎⴰⵛⴰ ⵅ ⵎⴻⵎⵎⵉ:

“ⵍⵄⴰⵔⵛ ⵏⵏⴻⴽ, ⴰ ⴰⵔⴻⴱⴱⵉ, ⴰⵇⴰ ⵉⴵⴰ ⵉ ⵍⴻⴱⴷⴰ ⵇⴰⵄ.

ⵜⴰⵖⵖⴰⵔⵛⵜ ⵏ ⵜⴳⴻⵍⴷⵉⵜ ⵏⵏⴻⴽ, ⴰⵇⴰ-ⵜⵜ ⴷ ⵜⴰⵖⵖⴰⵔⵛⵜ ⵜⴻⵚⴼⴰ. ^■  

9 ⴰⵇⴰ ⵜⴻⵅⵙⴻⴷ ⵜⴰⵙⴻⴳⴷⴰ, ⵜⵛⴰⵔⵀⴻⴷ ⵍⵖⴰⵔ.

ⵙ ⵓⵢⴻⵏⵏⵉ ⴰⵇⴰ ⵉⴷⵀⴻⵏ ⵉ ⵛ ⴰⵔⴻⴱⴱⵉ, ⴰⵔⴻⴱⴱⵉ ⵏⵏⴻⴽ,

ⵙ ⵥⵥⴻⵛⵜ ⵏ ⵍⴻⴼⵔⴰⵃⴻⵜ ⵙⴻⵏⵏⴻⵊ ⵉ ⵉⵎⵄⴰⵛⴰⵔⴻⵏ ⵏⵏⴻⴽ.” ^■  

10 ⵓⵛⴰ ⵅⴻⵏⵏⵉ:

“ⵣⴻⴳ ⵓⴱⴻⴷⴷⵓ ⵜⴻⴳⴳⵉⴷ ⵛⴻⴽ ⴷⵙⴰⵙ ⵏ ⵜⴻⵎⵎⵓⵔⵜ,

ⵓⵛⴰ ⵉⵊⴻⵏⵡⴰⵏ ⴵⴰⵏ ⴷ ⵍⵅⴻⴷⵎⴻⵜ ⵏ ⵉⴼⴰⵙⵙⴻⵏ ⵏⵏⴻⴽ. ^■  

11 ⵉⵏⴰ ⴰⴷ ⵜⵜⵡⴰⵜⴻⵃⵃⴰⵏ, ⵎⴰⵛⴰ ⵛⴻⴽ ⴰⴷ ⵜⴷⵓⵎⴻⴷ,

ⵓⵛⴰ ⵉⵏⴰ ⵎⴰⵔⵔⴰ ⴰⴷ ⴰⵔⵛⴰⵏ ⴰⵎ ⵡⴰⵔⵔⵓⴹ. ^■  

12 ⴰⵎⴻⵛⵏⴰⵡ ⵉⵊⵊ ⵏ ⵓⵙⴻⵍⵀⴰⵎ ⴰⴷ ⵜⴻⵏ ⵜⵜⴹⴻⴼⵙⴻⴷ.

ⴰⴷ ⵜⵜⵡⴰⴱⴻⴷⴷⵍⴻⵏ ⴰⵎ ⵡⴰⵔⵔⵓⴹ,

ⵎⴰⵛⴰ ⵛⴻⴽ ⴰⴷ ⵜⵉⵍⵉⴷ ⴷ ⵡⴻⵏⵏⵉ ⵓⵛⴰ ⵉⵙⴻⴳⴳⵯⵓⵙⴰ ⵏⵏⴻⴽ ⵡⴰⵔ ⵇⴻⵟⵟⵉⵏ ⵛⴰ.” ^■  

13 ⵓ ⵉ ⵎⴰⵏ ⵜⴻⵏ ⵥⵉ ⵍⵎⴰⵍⴰⴽⴰⵜ ⵉⵏⵏⴰ ⵉⵊⵊ ⵏ ⵡⴰⵙⵙ:

“ⵇⵇⵉⵎ ⵖⴰⵔ ⵢⴻⴼⴼⵓⵙ ⵉⵏⵓ

ⴰⵍ ⴷ ⵖⴰ ⴳⴳⴻⵖ ⵍⵄⴻⴷⵢⴰⵏ ⵏⵏⴻⴽ ⴷ ⵜⴰⵏⴻⴱⴷⴰⵜ ⵙⴰⴷⵓ ⵉⴹⴰⵔⴻⵏ ⵏⵏⴻⴽ”? ^■  

14 ⵎⴰ ⵡⴰⵔ ⴵⵉⵏⵜ ⵏⵉⵜⴻⵏⵜⵉ ⴷ ⴰⵔⵔⵓⵃⴰⵜ ⵉ ⵜⵙⴻⵅⵅⴰⵔⵜ, ⵜⵜⵡⴰⵙⴻⴽⴽⴻⵏⵜ-ⵉ-ⴷⴷ ⵃⵉⵎⴰ ⴰⴷ ⵙⴻⵅⵅⴰⵔⴻⵏⵜ ⵉ ⵢⴻⵏⵏⵉ ⵖⴰ ⵉⵡⴰⵔⵜⴻⵏ ⵜⵓⴷⴰⵔⵜ?