1 ⵎⴰⵏⵉⵙ ⴷⴷ-ⵉⴽⴽⴰ ⵓⵎⴻⵏⵖⵉ ⴷ ⵉⵎⵛⵓⴱⴱⴻⵛⴻⵏ ⵊⴰⵔ ⴰⵡⴻⵎ? ⵎⴰ ⵥⴻⵄⵎⴰ ⵥⴻⴳ ⵛⵛⴻⵀⵡⴰⵜ ⵉ ⵉⵎⵎⴻⵏⵖⴻⵏ ⴷⴻⴳ ⵉⵖⴻⵥⴷⵉⵙⴻⵏ ⵏⵡⴻⵎ? ^■   2 ⴽⴻⵏⵏⵉⵡ ⵜⴻⵎⵎⴻⵥⵔⴻⵎ ⵎⴰⵛⴰ ⴽⴻⵏⵏⵉⵡ ⵡⴰⵔ ⵖⴰⵔⵡⴻⵎ ⵡⴰⵍⵓ. ⴽⴻⵏⵏⵉⵡ ⵜⵏⴻⵇⵇⴻⵎ ⵓ ⵜᵉⵜⵜⴰⵙⵎⴻⵎ ⵓⵛⴰ ⵇⴰⵄ ⴰⵎⴻⵏⵏⵉ ⵡⴰⵔ ⴷⴷ ⴰⵡⴻⵎ ⵉⵜⵜⵉⴽⴽⵡⵉⴹ ⵡⴰⵍⵓ. ⴽⴻⵏⵏⵉⵡ ⵜⴻⵎⵛⵓⴱⴱⵓⵛⴻⵎ ⵓ ⵜᵉⵎⵎⴻⵏⵖⴰⵎ, ⵎⴰⵛⴰ ⵡⴰⵔ ⵖⴰⵔⵡⴻⵎ ⵡⴰⵍⵓ, ⵎⵉⵏⵥⵉ ⴽⴻⵏⵏⵉⵡ ⵡⴰⵔ ⵜᵉⵜⵜⴰⵔⴰⵎ. 3 ⵏⵉⵖ ⴽⴻⵏⵏⵉⵡ ⵜᵉⵜⵜⴰⵔⴰⵎ, ⵎⴰⵛⴰ ⵡⴰⵔ ⵜⴻⴽⵙⵉⵎ ⵛⴰ, ⵎⵉⵏⵥⵉ ⵜᵉⵜⵜⴰⵔⴻⵎ ⵎⵉⵏ ⵡⴰⵔ ⵉⵃⵍⵉⵏ ⵃⵉⵎⴰ ⴰⴷ ⵜⴻⴳⴳⴻⵎ ⵖⴰⵔ ⵛⵛⴻⵀⵡⴰⵜ ⵏⵡⴻⵎ. ^■   4 ⴰ ⴽⴻⵏⵏⵉⵡ ⵉⵏⵏⵉ ⵉⵥⴻⵏⵏⴰⵏ! ⵎⴰ ⵡⴰⵔ ⵜⴻⵙⵙⵉⵏⴻⵎ ⵛⴰ ⴱⴻⵍⵍⵉ ⵜⴰⵎⴻⵅⵙⵉⵡⵜ ⵏ ⴷⴷⵓⵏⴻⵛⵜ ⴰⵇⴰ-ⵜⵜ ⴷ ⵍⴻⵄⴷⴰⵡⴻⵜ ⵅ ⴰⵔⴻⴱⴱⵉ? ⴰⵃⴻⵇⵇⴰ ⵡⴻⵏⵏⵉ ⵉⵜⵜⴻⵅⵙⴻⵏ ⴰⴷ ⵢⵉⵍⵉ ⴷ ⴰⵎⴻⴷⴷⵓⴽⴽⴻⵍ ⵏ ⴷⴷⵓⵏⴻⵛⵜ, ⴰⴷ ⵢⵉⵍⵉ ⴷ ⵍⴻⵄⴷⵓ ⵏ ⴰⵔⴻⴱⴱⵉ. ^■   5 ⵏⵉⵖ ⵉⵜⵜⵖⵉⵍ ⴰⵡⴻⵎ ⴱⴻⵍⵍⵉ ⵜⵉⵔⴰ ⵉⵇⴻⴷⴷⵙⴻⵏ ⵡⴰⵔ ⵖⴰⵔⴻⵙ ⵍⵎⴻⵄⵏⴰ:

“ⴰⵔⵔⵓⵃ ⵡⴻⵏⵏⵉ ⴷⴰⵢⵏⴻⵖ ⵉⵥⴻⴷⴷⵖⴻⵏ ⵉⵜⵜⴰⵙⴻⵎ ⵙ ⵜⵓⵙⵎⵉ!”? ^■  

6 ⵎⴰⵛⴰ ⵙⵉⴷⵉⵜⵏⴻⵖ ⵉⵜⵜⵉⵛ ⴰⵏⴻⵖ ⴰⵔⴹⴰ ⴽⵜⴰⵔ, ⵎⴰⵖⴰⵔ ⵉⵏⵏⴰ:

“ⴰⵔⴻⴱⴱⵉ ⵉⵙⵙⵡⴰⴹⴹⴻⵄ ⵉⵎⵄⴻⴼⴼⴰⵔⴻⵏ,

ⵎⴰⵛⴰ ⵉ ⵉⵎⵡⴰⴹⵄⴻⵏ ⵉⵜⵜⵉⵛ ⴰⵙⴻⵏ ⴰⵔⴹⴰ.” ^■  

7 ⵙ ⵓⵢⴻⵏⵏⵉ ⵡⵛⴻⵎ ⵉⵅⴻⴼ ⵏⵡⴻⵎ ⵉ ⴰⵔⴻⴱⴱⵉ, ⵎⵄⴰⵍⴰⵎ ⴰⴽ-ⴷ ⵛⵛⵉⵟⴰⵏ ⵓⵛⴰ ⵏⴻⵜⵜⴰ ⴰⴷ ⵥⵥⴰⵢⵡⴻⵎ ⵢⴰⵔⵡⴻⵍ. ^■   8 ⴰⴷⵙⴻⵎ ⴰⵔⴻⴱⴱⵉ ⵓⵛⴰ ⵏⴻⵜⵜⴰ ⴰⴷ ⴽⴻⵏⵏⵉⵡ ⴷⴷ-ⵢⴰⴷⴻⵙ. ⵙⵉⵔⴷⴻⵎ ⵉⴼⴰⵙⵙⴻⵏ ⵏⵡⴻⵎ, ⴰ ⵉⵎⴻⴷⵏⴰⴱ, ⵇⴻⴷⴷⵙⴻⵎ ⵓⵍⴰⵡⴻⵏ ⵏⵡⴻⵎ, ⴰ ⴽⴻⵏⵏⵉⵡ, ⵉⵏⵏⵉ ⵖⴰⵔ ⵉⴵⴰ ⵜⵏⴰⵢⴻⵏ ⵏ ⵉⵥⴻⴵⵉⴼⴻⵏ. 9 ⵙⵃⵉⵙⵙⴼⴻⵎ, ⵛⴻⴹⵏⴻⵎ! ⵊⵊⴻⵎ ⵜⴰⴹⴻⵃⵃⴰⵛⵜ ⵏⵡⴻⵎ ⴰⴷ ⵜⴻⴷⵡⴻⵍ ⴷ ⴰⵛⴹⴰⵏ ⵓ ⵍⴻⴼⵔⴰⵃⴻⵜ ⵏⵡⴻⵎ ⴰⴷ ⵜⴻⴷⵡⴻⵍ ⴷ ⵍⴻⵃⵥⴻⵏ. ^■  

10 ⵎⴰⵔⵙⴻⵎ ⵉⵅⴻⴼ ⵏⵡⴻⵎ ⵥⵥⴰⵜ ⵉ ⵙⵉⴷⵉ ⵓⵛⴰ ⵏⴻⵜⵜⴰ ⴰⴷ ⴽⴻⵏⵏⵉⵡ ⵉⵙⵙⵄⵓⴵ. ^■  

11 ⴰ ⴰⵢⵜⵎⴰ, ⵡⴰⵔ ⵜⵜⵛⴻⵇⵇⴰⴼⴻⵎ ⵛⴰ ⴷⴻⴳ ⵡⴰⵢⴰⵡⵢⴰ! ⵡⴻⵏⵏⵉ ⵉⵛⴻⵇⵇⴰⴼⴻⵏ ⴷⴻⴳ ⵓⵎⴰⵙ ⵏⵉⵖ ⵉⵃⴻⴽⴽⴻⵎ ⵅ ⵓⵎⴰⵙ, ⴰⵇⴰ ⵡⴰ ⵉⵜⵜⵛⴻⵇⵇⴰⴼ ⴷⵉ ⵛⵛⴰⵔⵉⵄⴰ ⵓⵛⴰ ⵉⵃⴻⴽⴽⴻⵎ ⵅ ⵛⵛⴰⵔⵉⵄⴰ. ⵓⵛⴰ ⵎⴰⵍⴰ ⵜⵃⴻⴽⵎⴻⴷ ⵅ ⵛⵛⴰⵔⵉⵄⴰ, ⴰⵇⴰ ⵡⴰⵔ ⵜⴻⴵⵉⴷ ⵛⴰ ⴷ ⵡⴻⵏⵏⵉ ⵉⵜⵜⴻⴳⴳⴻⵏ ⵛⵛⴰⵔⵉⵄⴰ, ⵎⴰⵛⴰ ⵜⴰⵔⵔⵉⴷ ⵉⵅⴻⴼ ⵏⵏⴻⴽ ⴷ ⵍⵇⴰⴹⵉ ⵏ ⵛⵛⴰⵔⵉⵄⴰ.

12 ⵉⵊⵊⴻⵏ ⵡⴰⵀⴰ ⵉ ⵉⴵⴰⵏ ⴷ ⴱⴰⴱ ⵏ ⵛⵛⴰⵔⵉⵄⴰ, ⵏⴻⵜⵜⴰ ⴷ ⵡⴻⵏⵏⵉ ⵖⴰⵔ ⵜⴻⴵⴰ ⵜⵥⴻⵎⵎⴰⵔ ⵃⵉⵎⴰ ⴰⴷ ⵉⵡⵛ ⵜⵓⴷⴰⵔⵜ ⵏⵉⵖ ⴰⴷ ⵜⵜ ⵢⴰⵔⴻⵢⵢⴻⴱ. ⵎⴰⵛⴰ ⵎⵉⵏ ⵜⴻⵄⵏⵉⴷ ⵛⴻⴽ ⵓⵎⵉ ⵜⵃⴻⴽⴽⵎⴻⴷ ⵅ ⵓⵎⵇⴰⵔⵔⴻⴱ ⵏⵡⴻⵎ?

13 ⵎⴰ ⵅⴻⵏⵏⵉ ⵉ ⵖⴰ ⵏⵉⵏⵉ ⵅ ⵢⴻⵏⵏⵉ ⵉⵇⵇⴰⵔⴻⵏ: “ⴰⵙⵙ-ⴰ ⵏⵉⵖ ⵜⵉⵡⴻⵛⵛⴰ ⴰⴷ ⵏⵔⴰⵃ ⵖⴰⵔ ⵜⴻⵏⴷⵉⵏⵜ-ⴰ ⵖⴰⵔ ⵜⴻⵏⴷⵉⵏⵜ-ⵉⵏ, ⴰⴷ ⴷⵉⵏ ⵏⴻⴳⴳ ⵜⴰⵙⴻⴱⴱⴰⴱⵜ, ⴰⴷ ⵏⵙⴻⵖ ⴰⴷ ⵏⴻⵥⵥⴻⵏⵥ ⴰⴷ ⵏⴰⵔⴱⴻⵃ!” ^■  

14 ⵏⵉⵜⵏⵉ ⵡⴰⵔ ⵙⵙⵉⵏⴻⵏ ⵎⴰⵎⵎⴻⵛ ⵉ ⵖⴰ ⵜⵉⵍⵉ ⵜⵉⵡⴻⵛⵛⴰ. ⵎⵉⵏ ⵜⴻⵄⵏⴰ ⵜⵓⴷⴰⵔⵜ ⵏⵏⴻⵖ? ⴰⵇⴰ-ⵜⵜ ⵎⵖⵉⵔ ⴷ ⵉⵊⵊ ⵏ ⵍⴻⴼⵡⴰⵔ ⵉ ⵖⴰ ⴷⴷ-ⵉⴹⵀⴰⵔ, ⴰⴷ ⵉⴷⵓⵔⵔⴻⵇ, ⴰⴷ ⵜⴻⴼⵙⵉ ⵍⴻⵅⴷⴻⵏⵏⵉ? ^■  

15 ⵙ ⵓⵢⴰ ⵉⵜⵜⵅⴻⵚⵚⴰ ⴰⴷ ⵉⵏⵉⵏ: “ⵎⴰⵍⴰ ⵉⵅⵙ ⵙⵉⴷⵉ, ⴰⴷ ⵏⴻⴷⴷⴰⵔ, ⴰⴷ ⵏⴻⴳⴳ ⵜⴰ ⴷ ⵜⵉⵏ.” ^■  

16 ⵉⵡⴰ ⵏⵉⵜⵏⵉ ⵜⵜⴼⴻⵢⵢⵛⴻⵏ ⵍⴻⵅⵅⵓ ⴷⴻⴳ ⵓⵄⴻⴼⴼⴰⵔ ⵏⵙⴻⵏ, ⵎⴰⵛⴰ ⵇⴰⵄ ⴰⴼⴻⵢⵢⴻⵛ-ⴰ ⴷ ⴰⵄⴻⴼⴼⴰⵏ.

17 ⵡⴻⵏⵏⵉ ⵉⵙⵙⵏⴻⵏ ⴰⴷ ⵉⴳⴳ ⵍⵅⴰⵔ ⵓⵛⴰ ⵡⴰⵔ ⵜ ⵉⵜⵜⴻⴳⴳ, ⴰⴷ ⴰⵙ ⴷⴷ-ⵉⵜⵜⵡⴰⵃⵙⴻⴱ ⴷ ⴷⴷⴻⵏⴱ. ^■