1 ⵎⵉⵏⵥⵉ ⴽⵓⵍ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵉⵜⵜⵡⴰⴽⴽⴻⵙ-ⴷⴷ ⵥⴻⴳ ⵉⵡⴷⴰⵏ, ⵉⵜⵜⵡⴰⵙⴳⴻⵄⵄⴻⴷ ⴷⵉ ⵟⵟⵡⴻⵄ ⵏ ⵉⵡⴷⴰⵏ ⵅ ⵎⵉⵏ ⵉⴵⴰⵏ ⵏ ⴰⵔⴻⴱⴱⵉ, ⵎⴰⵃⴻⵏⴷ ⴰⴷ ⵉⵇⴻⴷⴷⴻⵎ ⵜⵉⵡⵀⵉⴱⵉⵏ ⴷ ⵜⵖⴰⵔⵚⵉⵏ ⵅ ⴷⴷⵏⵓⴱ. 2 ⵉⵥⴻⵎⵎⴰⵔ ⴰⴷ ⵉⵙⵙⵡⴰⴹⴻⵄ ⵉⵅⴻⴼ ⵏⵏⴻⵙ, ⴰⴷ ⵉⵃⵉⵏⵏ ⵅ ⵉⵇⵓⴱⴱⴰⵏⵉⵢⵢⴻⵏ ⴷ ⵉⵎⵡⴻⴷⴷⴰⵔⴻⵏ, ⵎⵉⵏⵥⵉ ⵓⵍⴰ ⴷ ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ ⵉⵢⴰⵔⴹ ⵜⵓⴹⵄⴻⴼⵜ. 3 ⵎⴰⵖⴰⵔ ⵙ ⵎⴰⵏ ⴰⵢⴰ ⴷ ⵉⵛⵜⴻⵏ ⵉⵜⵜⵅⴻⵚⵚⴰ ⴰⵙ ⴰⴷ ⵉⵙⵙⴳⴻⵄⵄⴻⴷ ⵜⵉⵖⴰⵔⵚⵉⵏ ⵅ ⴷⴷⵏⵓⴱ ⵏ ⵍⴳⴻⵏⵙ ⵓⵛⴰ ⵄⴰⵡⴻⴷ ⵅ ⴷⴷⵏⵓⴱ ⵏ ⵢⵉⵅⴻⴼ ⵏⵏⴻⵙ. ^■  

4 ⵓⵍⴰ ⴷ ⵉⵊⵊⴻⵏ ⵎⴰ ⴰⴷ ⵉⴽⵙⵉ ⵉ ⵢⵉⵅⴻⴼ ⵏⵏⴻⵙ ⵛⵛⴰⵏ-ⴰ, ⵎⵖⵉⵔ ⵡⴻⵏⵏⵉ ⵉⵜⵜⵡⴰⵍⴰⵖⴰⵏ ⵥⵉ ⴰⵔⴻⴱⴱⵉ ⴰⵎ ⵎⴰⵎⵎⴻⵛ ⵉⵜⵜⵡⴰⵍⴰⵖⴰ ⵀⴰⵔⵓⵏ. ^■   5 ⴰⵎⵎⵓ ⵄⴰⵡⴻⴷ ⵍⵎⴰⵙⵉⵃ ⵡⴰⵔ ⵉⵙⵙⵄⵓⴵⵉ ⵛⴰ ⵉⵅⴻⴼ ⵏⵏⴻⵙ ⵓⵎⵉ ⵉⴷⵡⴻⵍ ⴷ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ, ⵎⴰⵛⴰ ⵉⵙⵙⵄⵓⴵⵉ ⵡⴻⵏⵏⵉ ⴷⴷ ⵖⴰⵔⴻⵙ ⵉⵙⵙⵉⵡⵍⴻⵏ:

“ⵛⴻⴽ ⴷ ⵎⵎⵉ,

ⵏⴻⵛⵛ ⵊⵊⵉⵖ-ⴷⴷ ⵛⴻⴽ ⴰⵙⵙ-ⴰ!” ^■  

6 ⴰⵎ ⵎⴰⵎⵎⴻⵛ ⵉⵏⵏⴰ ⵄⴰⵡⴻⴷ ⴷⵉ ⵎⴰⵏⵉ ⵏⵏⴻⵖⵏⵉ:

“ⵛⴻⴽ ⴷ ⴰⴽⴻⵀⵀⴰⵏ ⵉ ⵍⴻⴱⴷⴰ,

ⴷⵉ ⵚⵚⵉⴼⴻⵜ ⵏ ⵎⴰⵍⴽⵉⵚⴰⴷⵉⵇ.” ^■  

7 ⵍⴰⵎⵉ ⵜⵓⵖⴰ ⵢⴰⵔⵔⴻⴹ ⴰⵔⵔⵉⵎⴻⵜ, ⵉⵇⴻⴷⴷⴻⵎ ⵜⵉⵥⴰⴵⵉⵜⵉⵏ ⴷ ⵜⵓⵜⵔⴰ ⵙ ⵉⵖⵓⵢⵢⴰⵏ ⴰⵟⵟⴰⵙ ⵓ ⵙ ⵉⵎⴻⵟⵟⴰⵡⴻⵏ ⵉ ⵡⴻⵏⵏⵉ ⵜⵓⵖⴰ ⵉⵥⴻⵎⵎⴰⵔⴻⵏ ⴰⴷ ⵜ-ⵉ-ⴷⴷ-ⵉⵙⵙⵏⴻⴽⴽⴰⵔ ⵥⵉ ⵍⵎⴻⵡⵜ ⵉ ⵜⵓⴷⴰⵔⵜ, ⵓⵛⴰ ⵉⵙⵍⴰ ⴰⵙ. ^■   8 ⵏⴻⵜⵜⴰ, ⵡⴰⵅⵅⴰ ⵜⵓⵖⴰ-ⵜ ⴷ ⵜⴰⵎⴻⵎⵎⵉⵜ, ⴰⵇⴰ ⵉⵍⵎⴻⴷ ⵟⵟⴰⵄⴻⵜ ⵥⵉ ⵎⵉⵏ ⵅⴰⵙ ⵉⴽⴽⵉⵏ ⴷ ⵜⵉⴳⴳⵯⵓⴷⵉ ⵓ ⵥⴻⴳ ⵓⵡⴻⴷⴷⴻⴱ ⵉ ⵉⴽⵙⵉ. ^■   9 ⴰⵎⵎⵓ ⵉ ⵉⴷⵡⴻⵍ ⵏⴻⵜⵜⴰ ⵉⴽⴻⵎⵎⴻⵍ, ⵉⴷⵡⴻⵍ ⴷ ⵍⵄⵓⵏⵚⴰⵔ ⵏ ⵜⵓⴷⴰⵔⵜ ⵉⵜⵜⴷⵓⵎⴰⵏ ⵉ ⵎⴰⵔⵔⴰ ⵉⵏⵏⵉ ⴷ ⴰⵙ ⵉ ⵖⴰ ⵉⵟⴰⵄⴻⵏ,

10 ⵓⵛⴰ ⵉⴳⴳⴰ ⵉ-ⵜ ⴰⵔⴻⴱⴱⵉ ⴷ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⴷⵉ ⵚⵚⵉⴼⴻⵜ ⵏ ⵎⴰⵍⴽⵉⵚⴰⴷⵉⵇ.

11 ⴰⵇⴰ ⵖⴰⵔⵏⴻⵖ ⴰⵟⵟⴰⵙ ⵎⵉⵏ ⵖⴰ ⵏⵉⵏⵉ ⵅ ⵎⴰⵍⴽⵉⵚⴰⴷⵉⵇ ⵡⴰⵏⵉⵜⴰ, ⵉⵡⵄⴰⵔ ⴰⴷ ⵜ ⵏⴼⴻⵙⵙⴰⵔ, ⵎⵉⵏⵥⵉ ⵜⴷⴻⵡⵍⴻⵎ ⵜⴻⵡⵄⴰⵔⴻⵎ ⴰⴷ ⵜⴻⵙⵍⴻⵎ.

12 ⵎⴰⵖⴰⵔ ⵜⵓⵖⴰ ⵉⵜⵜⵅⴻⵚⵚⴰ ⴰⴷ ⵜⵉⵍⵉⵎ ⴷ ⵉⵎⴻⵙⵖⴰⵔⴻⵏ ⵥⵉ ⵊⵊⵉⵀⴻⵜ ⵏ ⵍⵎⵉⵊⴰⵍ ⵏ ⵍⵡⴻⵇⵜ ⵉ ⵜⴹⴻⴼⴼⴰⵔⴻⵎ ⵜⵖⵓⵔⵉ ⴰⵢⴰ. ⵎⴰⵛⴰ ⵍⴻⵅⵅⵓ ⵉⵜⵜⵅⴻⵚⵚⴰ ⴰⵡⴻⵎ ⵄⴰⴷ ⴰⴷ ⴰⵡⴻⵎ ⵜⵍⴻⵎⴷⴻⵎ ⵍⵃⵓⵔⵓⴼ ⵉⵎⴻⵥⵡⵓⵔⴰ ⵏ ⴱⴻⴷⴷⵓ ⵏ ⵡⴰⵡⴰⵍⴻⵏ ⵏ ⴰⵔⴻⴱⴱⵉ, ⴽⴻⵏⵏⵉⵡ ⵜⴻⵃⴷⴰⵊⴻⵎ ⵄⴰⴷ ⴰⵖⵉ, ⵎⴰⵛⵉ ⵎⴰⵛⵛⴰ ⵉⵊⴻⵀⴷⴻⵏ. ^■  

13 ⵎⵉⵏⵥⵉ ⴽⵓⵍ ⵉⵊⵊⴻⵏ ⵡⴻⵏⵏⵉ ⵉⵛⴰⵔⵛⴻⵏ ⴷⴻⴳ ⵓⵖⵉ, ⵡⴰⵔ ⵉⵇⴻⴷⴷ ⵅ ⵡⴰⵡⴰⵍ ⵏ ⵜⵙⴻⴳⴷⴰ, ⵎⵉⵏⵥⵉ ⵏⴻⵜⵜⴰ ⴷ ⴰⵙⴻⵢⵎⵉ ⵄⴰⴷ.

14 ⵎⴰⵛⴰ ⵎⴰⵛⵛⴰ ⵉⵊⴻⵀⴷⴻⵏ ⵉⴼⴼⴻⵖ-ⴷⴷ ⵉ ⵢⴻⵏⵏⵉ ⵉⵎⵖⴰⵔⴻⵏ, ⵉⵏⵏⵉ ⴰⵇⴰ ⵏⵏⵓⵎⴻⵏ ⴰⴷ ⴷⴰⵔⵔⴱⴻⵏ ⵜⴰⵛⵉⵜ ⵏⵙⴻⵏ ⵃⵉⵎⴰ ⴰⴷ ⴼⴰⵔⵥⴻⵏ ⵍⵅⴰⵔ ⵅ ⵍⵖⴰⵔ.