1 ⵙ ⵓⵢⴻⵏⵏⵉ, ⴰ ⴰⵢⵜⵎⴰ ⵉⵎⵇⴻⴷⴷⴰⵙⴻⵏ, ⵉⵏⵏⵉ ⵉⵜⵜⵡⴰⵍⴰⵖⴰⵏ ⵙ ⵜⵍⴰⵖⵉⵜ ⵏ ⵓⵊⴻⵏⵏⴰ, ⵅⵥⴰⵔⴻⵎ ⵖⴰⵔ ⵔⵔⴰⵙⵓⵍ ⵡⴰⵏⵉⵜⴰ, ⵖⴰⵔ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵏ ⵛⵛⵀⴰⴷⴻⵜ ⵏⵏⴻⵖ, ⵢⴻⵛⵛⵓ ⵍⵎⴰⵙⵉⵃ, ^□  ■   2 ⵡⴻⵏⵏⵉ ⴷ ⴰⵎⵜⵉⵇⵇⵉ ⵉ ⵡⴻⵏⵏⵉ ⵉ-ⵜ-ⵉ-ⴷⴷ ⵉⵙⵙⴳⴻⵄⵄⴷⴻⵏ, ⴰⵎ ⵎⴰⵎⵎⴻⵛ ⵜⵓⵖⴰ ⵎⵓⵙⴰ ⴷ ⴰⵎⵜⵉⵇⵇⵉ ⵅ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ. ^■   3 ⵎⵉⵏⵥⵉ ⴰⵄⵓⴵⵉ ⵏ ⵡⴰⵏⵉⵜⴰ ⴷ ⴰⵎⴻⵇⵇⵔⴰⵏ ⵙ ⵡⴰⵟⵟⴰⵙ ⵅ ⵡⴻⵏⵏⵉ ⵏ ⵎⵓⵙⴰ, ⴰⵎ ⵛⵛⴰⵏ ⵏ ⵓⴱⴻⵏⵏⴰⵢ ⵏ ⵜⴰⴷⴷⴰⵔⵜ ⵉⵎⵖⴰⵔ ⵅ ⵛⵛⴰⵏ ⵏ ⵍⴻⴱⵏⵉ ⵏⵏⴻⵙ. 4 ⵎⵉⵏⵥⵉ ⵎⴰⵔⵔⴰ ⵜⴰⴷⴷⴰⵔⵜ ⵜᵉⵜⵜⵡⴰⴱⵏⴰ ⵥⴻⴳ ⵉⵊⵊⴻⵏ, ⵎⴰⵛⴰ ⵡⴻⵏⵏⵉ ⵉⴱⴻⵏⵏⴰⵏ ⵎⴰⵔⵔⴰ ⴷ ⴰⵔⴻⴱⴱⵉ. ^■   5 ⵜⴻⵜⵜⵡⴰⵡⴻⴽⴽⴻⵍ ⵉ ⵎⵓⵙⴰ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ ⴰⵎ ⵉ ⵢⵉⵊⵊ ⵏ ⵓⵎⵙⴻⵅⵅⴰⵔ, ⵎⴰⵃⴻⵏⴷ ⴰⴷ ⵉⵛⵀⴻⴷ ⵅ ⵜⵎⴻⵙⵍⴰⵢⵉⵏ ⵎⵉⵏ ⵅⴻⴼ ⵖⴰ ⵉⵙⵙⵉⵡⴻⵍ ⵏⴻⵜⵜⴰ. ^■   6 ⵎⴰⵛⴰ ⵍⵎⴰⵙⵉⵃ ⴰⵎ ⵜⵎⴻⵎⵎⵉⵜ ⵉⵜⵜⵡⴰⴳⴳ ⵅ ⵜⴰⴷⴷⴰⵔⵜ ⵏⵏⴻⵙ, ⵓ ⵜⴰⴷⴷⴰⵔⵜ ⵏⵏⴻⵙ ⴷ ⵏⴻⵛⵛⵉⵏ, ⵎⴰⵍⴰ ⵏⴻⵇⵇⵉⵎ ⵏᵉⵜⵜⴻⵟⵟⴻⴼ ⴷⵉ ⵜⵜⵉⵇⵇⴻⵜ ⵓ ⴷⵉ ⵍⴻⵎⵖⴰⵔⴻⵜ ⵏ ⵓⵙⵉⵜⴻⵎ ⵏⵏⴻⵙ ⴰⵍ ⴰⵏⴻⴳⴳⴰⵔ. ^■  

7 ⵎⵉⵏⵥⵉ ⴰⵔⵔⵓⵃ ⵉⵇⴻⴷⴷⵙⴻⵏ ⵉⵏⵏⴰ:

“ⴰⵇⴰ ⴰⵙⵙ-ⴰ ⵎⴰⵍⴰ ⵜⴻⵙⵍⵉⵎ ⵜⵎⵉⵊⵊⴰ ⵏⵏⴻⵙ, ^■  

8 ⵡⴰⵔ ⵜⵜⴻⵙⵙⴻⵇⵙⵉⵃⴻⵎ ⵛⴰ ⵓⵍⴰⵡⴻⵏ ⵏⵡⴻⵎ ⵎⴰⵃⴻⵏⴷ ⴰⴷ ⵜ ⵜⴻⵙⵄⴰⵔⴻⵎ,

ⴰⵎⴻⵛⵏⴰⵡ ⵉⵏⵏⵉ ⵉⵖⴻⵡⵡⵖⴻⵏ,

ⵓ ⴰⵎⴻⵛⵏⴰⵡ ⴷⴻⴳ ⵡⴰⵙⵙ ⵏ ⵓⵊⴰⵔⵔⴻⴱ ⴷⵉ ⵍⴻⵅⵍⴰ, ^■  

9 ⵓⵎⵉ ⴷ ⴰⵢⵉ ⵊⴰⵔⵔⴱⴻⵏ ⵍⴻⵊⴷⵓⴷ ⵏⵡⴻⵎ, ⵇⴻⴵⴱⴻⵏ ⴰⵢⵉ,

ⴰⵎ ⵥⵔⵉⵏ ⵜⵉⵎⴻⴳⴳⴰ ⵜⵉⵎⴻⵇⵇⵔⴰⵏⵉⵏ ⵉⵏⵓ ⴰⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ.

10 ⵙ ⵓⵢⴻⵏⵏⵉ ⵄⵉⴼⴼⴻⵖ ⵥⵉ ⵊⵊⵉⵍ ⵏⵏⵉ, ⵏⵏⵉⵖ:

‘ⵡⴰ ⴷ ⵉⵊⵊ ⵏ ⵍⴳⴻⵏⵙ ⵉ ⵉⵡⴻⴷⴷⴰⵔⴻⵏ ⴷⴻⴳ ⵡⵓⵍ ⵏⵏⴻⵙ

ⵏⵉⵜⵏⵉ ⵡⴰⵔ ⵙⵙⵉⵏⴻⵏ ⵛⴰ ⵉⴱⵔⵉⴷⴻⵏ ⵉⵏⵓ!’,

11 ⴰⵍⴰⵎⵉ ⵊⵊⵓⴵⴻⵖ ⴷⴻⴳ ⵡⴻⵖⴹⴰⴱ ⵉⵏⵓ:

‘ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⵖⴰⵔ ⴰⵔⵔⴰⵃⴻⵜ ⵉⵏⵓ!’ ” ^■  

12 ⵙ ⵓⵢⴻⵏⵏⵉ, ⴰ ⴰⵢⵜⵎⴰ, ⵃⴹⴰⵎ ⵃⵉⵎⴰ ⵄⴻⵎⵎⴰⵔⵚ ⵡⴰⵔ ⵉⵜⵜⵉⵍⵉ ⵃⴻⴷ ⵥⵥⴰⵢⵡⴻⵎ ⵖⴰⵔⴻⵙ ⵓⵍ ⴷ ⴰⵄⴻⴼⴼⴰⵏ ⵉ ⵡⴰⵔ ⵉⵜⵜⵉⵎⵏⴻⵏ ⵓⵎⵉ ⵖⴰ ⵜⴰⴳⴳⵯⴻⵊⴻⵎ ⵅ ⴰⵔⴻⴱⴱⵉ ⵉⴷⴷⴰⵔⴻⵏ,

13 ⵎⴰⵛⴰ ⵇⴻⴵⴱⴻⵎ ⵉⵅⴻⴼ ⵏⵡⴻⵎ ⴽⵓⵍ ⴰⵙⵙ ⴰⵍ ⴰⵙⵙ ⵓⵎⵉ ⵇⵇⴰⵔⴻⵏ: ‘ⴰⵙⵙ-ⴰ!’, ⵃⵉⵎⴰ ⵓⵍⴰ ⴷ ⵉⵊⵊ ⵥⵥⴰⵢⵡⴻⵎ ⵡⴰⵔ ⵉⵜⵜⴻⵇⵙⵉⵃ ⵛⴰ ⵙ ⵡⴻⵛⵎⴰⵜ ⵏ ⴷⴷⴻⵏⴱ.

14 ⵎⵉⵏⵥⵉ ⵏⴻⵜⵜⵡⴰⵙⵎⵓⵏ ⴰⴽ-ⴷ ⵍⵎⴰⵙⵉⵃ, ⵎⴰⵍⴰ ⵏⴻⵇⵇⵉⵎ ⵏⵛⴻⴱⴱⴰⵔ ⴷⵉ ⵍⵄⴰⵀⴷ-ⴰ ⴷ ⴰⵎⵜⵉⵇⵇⵉ ⵥⴻⴳ ⵓⵎⴻⵥⵡⴰⵔ ⴰⵍ ⴰⵏⴻⴳⴳⴰⵔ.

15 ⴰⵎ ⵎⴰⵎⵎⴻⵛ ⵉⵜⵜⵡⴰⵏⵏⴰ:

“ⴰⵙⵙ-ⴰ, ⵎⴰⵍⴰ ⵜⴻⵙⵍⵉⵎ ⵜⵎⵉⵊⵊⴰ ⵏⵏⴻⵙ,

ⵡⴰⵔ ⵜⴻⵙⵙⴻⵇⵙⵉⵃⴻⵎ ⵛⴰ ⵓⵍⴰⵡⴻⵏ ⵏⵡⴻⵎ

ⵎⴰⵃⴻⵏⴷ ⴰⴷ ⵜ ⵜⴻⵙⵄⴰⵔⴻⵎ.” ^■  

16 ⵅⴻⵏⵏⵉ ⵎⵉⵏ ⵉⵄⵏⴰⵏ ⵏⵉⵜⵏⵉ ⵉⵏⵏⵉ ⵉⵙⵍⵉⵏ ⵜ, ⵅⴻⵏⵏⵉ ⵖⴻⵡⵡⵖⴻⵏ? ⵎⴰ ⵡⴰⵔ ⴵⵉⵏ ⵏⵉⵜⵏⵉ ⵎⴰⵔⵔⴰ ⴷ ⵉⵏⵏⵉ ⴷⴷ-ⵉⴼⴼⵖⴻⵏ ⵥⵉ ⵎⵉⵚⵔⴰ ⵙ ⵓⴼⵓⵙ ⵏ ⵎⵓⵙⴰ?

17 ⵣⵉ ⵎⴰⵏ ⵡⴻⵏ ⵉⵄⵉⴼⴼ ⵏⴻⵜⵜⴰ ⵅⴻⵏⵏⵉ ⴰⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ? ⵎⴰ ⵡⴰⵔ ⵉⴵⵉ ⵥⴻⴳ ⵢⴻⵏⵏⵉ ⵉⵅⴹⴰⵏ, ⵉⵏⵏⵉ ⵓⵎⵉ ⵉⵡⴹⴰⵏ ⵉⵖⵙⴰⵏ ⵏⵙⴻⵏ ⴷⵉ ⵍⴻⵅⵍⴰ? ^■  

18 ⵉ ⵓⵎⵉ ⵉⵊⵊⵓⴵ ⵏⴻⵜⵜⴰ, ⴱⴻⵍⵍⵉ ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⴷⵉ ⴰⵔⵔⴰⵃⴻⵜ ⵏⵏⴻⵙ, ⵎⴰ ⵡⴰⵔ ⵉⴵⵉ ⵉ ⵢⴻⵏⵏⵉ ⵡⴰⵔ ⴷⴷ ⴰⵙ ⵉⵜⵜⴻⴳⴳⴻⵏ ⴰⵔⵔⴰⵢ ⵡⴰⵀⴰ? ^■  

19 ⴰⵇⴰ ⵏⴻⵜⵜⵡⴰⵍⴰ ⴱⴻⵍⵍⵉ ⵏⵉⵜⵏⵉ ⵡⴰⵔ ⵥⴻⵎⵎⴰⵔⴻⵏ ⴰⴷ ⴰⴷⴼⴻⵏ ⵅ ⵙⵙⵉⴱⴱⴻⵜ ⵏ ⴱⵍⴰ ⵍ’ⵉⵎⴰⵏ ⵏⵙⴻⵏ.