1 ⴰⵇⴰ ⵜⴰ ⴷ ⵜⵡⴰⵍⴰ ⵡⵉⵙⵙ ⵜⵍⴰⵜⴰ ⵉ ⵖⴰⵔⵡⴻⵎ ⴷⴷ-ⵜⵜⴰⵙⴻⵖ. “ⵅ ⵓⵇⴻⵎⵎⵓⵎ ⵏ ⵜⵏⴰⵢⴻⵏ ⵏⵉⵖ ⵜⵍⴰⵜⴰ ⵏ ⵍⴻⵛⵀⵓⴷ ⴰⴷ ⵉⵜⵜⵡⴰⴹⵎⴻⵏ ⵎⴰⵔⵔⴰ ⵡⴰⵡⴰⵍ!” ^■   2 ⵏⵏⵉⵖ ⵜⵜ ⵇⴱⴻⵍ ⵓⵛⴰ ⴰⴷ ⴰⵡⴻⵎ ⵜ ⵉⵏⵉⵖ ⵇⴱⴻⵍ ⵄⴰⵡⴻⴷ, ⴰⵅⵎⵉ ⵜ ⵏⵏⵉⵖ ⵍⴰⵎⵉ ⴷ ⴰⵢⵉ ⵜⵓⵖⴰ ⴰⴽⵉⴷⵡⴻⵎ ⵡⵉⵙⵙ ⵎⴰⵔⵜⴰⵢⴻⵏ, ⵓⵛⴰ ⵄⴰⵡⴻⴷ ⵍⴻⵅⵅⵓ, ⵓⵎⵉ ⵖⴰⴱⴻⵖ, ⵜⵜⴰⵔⵉⵖ ⵜⵜ ⵉ ⵢⴻⵏⵏⵉ ⵉⵅⴹⴰⵏ ⵓ ⵉ ⵎⴰⵔⵔⴰ ⵉⵏⵏⴻⵖⵏⵉ, ⴰⵇⴰ, ⵎⴰⵍⴰ ⵓⵙⵉⵖ-ⴷⴷ ⵜⵡⴰⵍⴰ ⵏⵏⴻⵖⵏⵉⵜ, ⵡⴰⵔ ⴰⵔⴻⵃⵃⵎⴻⵖ ⵛⴰ. 3 ⵎⵉⵏⵥⵉ ⴽⴻⵏⵏⵉⵡ ⵜⴰⵔⴻⵥⵥⵓⵎ ⵍⴱⵓⵔⵀⴰⵏ ⴱⴻⵍⵍⵉ ⴰⵇⴰ ⵍⵎⴰⵙⵉⵃ ⵉ ⴷ ⴰⵢⵉ ⵉⵙⵙⴰⵡⴰⵍⴻⵏ, ⵡⴻⵏⵏⵉ ⵡⴰⵔ ⵉⴹⵄⵉⴼⴻⵏ ⴷⴰⵢⵡⴻⵎ, ⵎⴰⵛⴰ ⴰⵇⴰ ⵉⵊⵀⴻⴷ ⴷⴰⵢⵡⴻⵎ. 4 ⵡⴰⵅⵅⴰ ⵏⴻⵜⵜⴰ ⵉⵜⵜⵡⴰⵚⴻⵍⵍⴻⴱ ⴷⵉ ⵜⵓⴹⵄⴻⴼⵜ, ⴰⵇⴰ ⵉⴷⴷⴰⵔ ⵙ ⵊⵊⴻⵀⴷ ⵏ ⴰⵔⴻⴱⴱⵉ. ⵓⵍⴰ ⴷ ⵏⴻⵛⵛⵉⵏ ⴰⵇⴰ ⵏⴻⴹⵄⴻⴼ ⴰⴽⵉⴷⴻⵙ, ⵎⴰⵛⴰ ⴰⴷ ⴽⵉⵙ ⵏⴻⴷⴷⴰⵔ ⵥⵉ ⵊⵊⴻⵀⴷ ⵏ ⴰⵔⴻⴱⴱⵉ ⵉ ⴷⴰⵢⵡⴻⵎ ⵉⴵⴰⵏ.

5 ⵇⴻⴵⴱⴻⵎ ⵉⵅⴻⴼ ⵏⵡⴻⵎ, ⵎⴰ ⴰⵇⴰ ⴽⴻⵏⵏⵉⵡ ⵜᵉⵜⵜⴱⴻⴷⴷⴰⵎ ⴷⵉ ⵍ’ⵉⵎⴰⵏ, ⴰⵔⵥⵓⵎ ⵍⴻⵄⵎⵓⵔ ⵏⵡⴻⵎ. ⵏⵉⵖ ⴰⴷ ⴰⵖ ⵡⴰⵔ ⵜⴻⵙⵙⵉⵏⴻⵎ ⵛⴰ ⴱⴻⵍⵍⵉ ⵢⴻⵛⵛⵓ ⵍⵎⴰⵙⵉⵃ ⴰⵇⴰ-ⵜ ⴷⴰⵢⵡⴻⵎ, ⵓ ⵎⴰⵍⴰ ⵡⴰⵔ ⵉⴵⵉ ⴰⵎⴻⵏⵏⵉ, ⴰⵇⴰ ⴽⴻⵏⵏⵉⵡ ⵜⴻⵎⵎⴻⵏⴹⴰⵔⴻⵎ? ^■   6 ⵎⴰⵛⴰ ⵙⵙⵉⵜⵉⵎⴻⵖ ⴰⴷ ⵜⴻⵙⵙⵏⴻⵎ ⴱⴻⵍⵍⵉ ⵡⴰⵔ ⵏⴻⵎⵎⴻⵏⴹⴰⵔ. 7 ⵜⵜᵉⵜⵜⴰⵔⴻⵖ ⴰⵔⴻⴱⴱⵉ ⵎⴰⵃⴻⵏⴷ ⵡⴰⵔ ⴷⴷ-ⵜᵉⵜⵜⴱⴰⵏ ⴷⴰⵢⵡⴻⵎ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵜⴰⵄⴻⴼⴼⴰⵏⵜ, ⵃⵉⵎⴰ ⵍⴱⵓⵔⵀⴰⵏⴰⵜ ⴰⴷ ⵉⵍⵉⵏⵜ ⴷⵉ ⵟⵟⵡⴻⵄ ⵏⵏⴻⵖ ⵓⵛⴰ ⴰⵇⴰ ⴽⴻⵏⵏⵉⵡ ⵜᵉⵜⵜⴻⴳⴳⴻⵎ ⵎⵉⵏ ⵉⴵⴰⵏ ⴷ ⴰⵚⴻⴱⵃⴰⵏ, ⵡⴰⵅⵅⴰ ⵏⴻⵛⵛⵉⵏ ⵏⴱⴰⵏ ⴰⵅⵎⵉ ⵏⴻⵎⵎⴻⵏⴹⴰⵔ. 8 ⵎⵉⵏⵥⵉ ⵏⴻⵛⵛⵉⵏ ⵡⴰⵔ ⵏⵥⴻⵎⵎⴰⵔ ⵡⴰⵍⵓ ⴹⵉⴷⴷ ⵉ ⵜⵉⴷⴻⵜⵜ, ⵎⴰⵛⴰ ⵉ ⵜⵉⴷⴻⵜⵜ ⵡⴰⵀ. 9 ⵎⵉⵏⵥⵉ ⵏⴻⵛⵛⵉⵏ ⵏⴼⴰⵔⵔⴻⵃ ⵍⴰⵎⵉ ⵏⴻⴹⵄⴻⴼ ⵓ ⴽⴻⵏⵏⵉⵡ ⵜⵊⴻⵀⴷⴻⵎ. ⵓⵛⴰ ⵏⴻⵜⵜⵥⴰⴵⴰ ⵄⴰⵡⴻⴷ ⵉ ⵍⴻⴽⵎⴰⵍⴻⵜ ⵏⵡⴻⵎ.

10 ⵙ ⵓⵢⴻⵏⵏⵉ ⵜⵜⴰⵔⵉⵖ ⴰⵡⴻⵎ-ⴷⴷ ⵎⴰⵏ ⴰⵢⴰ ⴰⵎ ⵖⴰⴱⴻⵖ, ⵎⴰⵃⴻⵏⴷ, ⵅⵎⵉ ⴷⴷ ⵖⴰ ⵢⴰⵙⴻⵖ, ⵉⵜⵜⵅⴻⵚⵚⴰ ⵡⴰⵔ ⵜⵜⴻⵇⵙⵉⵃⴻⵖ ⵛⴰ ⵄⵍⴰⵃⵙⴰⴱ ⵚⵚⵓⵍⵟⴰ ⵉ ⴷ ⴰⵢⵉ ⵉⵡⵛⴰ ⵙⵉⴷⵉ ⵉⵏⵓ ⵉ ⵍⴻⴱⵏⵉ, ⵡⴰⵔ ⵉⴵⵉ ⵉ ⵡⴰⵔⴻⴷⴷⴻⴵ. ^■  

11 ⵣⵉ ⵙⵙⴰ ⴷ ⵜⵙⴰⵡⴻⵏⵜ, ⴰ ⴰⵢⵜⵎⴰ, ⵉⵍⵉⵎ ⵜⴼⴰⵔⵔⵃⴻⵎ ⴷ ⵜⴽⴻⵎⵎⵍⴻⵎ, ⵉⵍⵉⵎ ⵜᵉⵜⵜⴼⴻⵡⵡⵊⴻⵎ, ⵅⴰⵔⵔⵚⴻⵎ ⵙ ⵢⵉⵊⵊ ⵏ ⵓⵅⴰⵔⵔⴻⵚ, ⵓⵛⴰ ⵉⵍⵉⵎ ⴷⵉ ⵍⵀⵓⴷⵏⴻⵜ, ⵅⴻⵏⵏⵉ ⴰⴷ ⴽⵉⵡⴻⵎ ⵢⵉⵍⵉ ⴰⵔⴻⴱⴱⵉ ⵏ ⵜⴰⵢⵔⵉ ⴷ ⵍⴻⵀⵏⴰ. ^■  

12 ⵙⴻⴵⵎⴻⵎ ⵉⵊⵊⴻⵏ ⵅ ⵡⴻⵏⵏⴻⵖⵏⵉ ⵙ ⵍⴻⵀⵏⴰ ⵙ ⵓⵙⵓⴷⴻⵎ ⵉⵇⴻⴷⴷⵙⴻⵏ. ^■  

13 ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵜⵜⵙⴻⴵⴰⵎⴻⵏ ⵅⴰⵡⴻⵎ ⵙ ⵍⴻⵀⵏⴰ.

14 ⵍⴻⵀⵏⴰ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴷ ⵜⴰⵢⵔⵉ ⵏ ⴰⵔⴻⴱⴱⵉ ⴷ ⵜⵎⵓⵏⵜ ⵏ ⴰⵔⵔⵓⵃ ⵉⵇⴻⴷⴷⵙⴻⵏ ⴰⴷ ⵉⵍⵉⵏ ⴰⴽⵉⴷⵡⴻⵎ ⵎⴰⵔⵔⴰ. ⴰⵎⵉⵏ.