1 ⴰⵇⴰ ⵏⴻⵛⵛⵉⵏ, ⴰⵎ ⵉⵎⵄⴰⵡⵏⴻⵏ, ⵏⵥⴰⵡⴻⴳ ⴽⴻⵏⵏⵉⵡ ⵃⵉⵎⴰ ⴰⵔⴹⴰ ⵏ ⴰⵔⴻⴱⴱⵉ ⵉ ⵜᵉⵟⵟⴼⴻⵎ, ⵡⴰⵔ ⴷⴰⵢⵡⴻⵎ ⵉⵜⵜⵡⴰⵙⵙⴱⴻⵟⵟⴻⵍ ⵛⴰ, ^■   2 ⵎⵉⵏⵥⵉ ⵉⵏⵏⴰ:

“ⴷⵉ ⵍⵡⴻⵇⵜ ⵏ ⴰⵔⴹⴰ ⵙⵍⵉⵖ ⴰⵛ,

ⵓⵛⴰ ⴷⴻⴳ ⵡⴰⵙⵙ ⵏ ⵓⵙⴻⵏⵊⴻⵎ ⵄⴰⵡⵏⴻⵖ ⵛⴻⴽ!”

ⵅⵥⴰⵔ, ⴰⵇⴰ ⴷⴰ ⵍⴻⵅⵅⵓ ⴷ ⵍⵡⴻⵇⵜ ⵏ ⴰⵔⴹⴰ, ⵅⵥⴰⵔ, ⴰⵇⴰ ⴷⴰ ⵍⴻⵅⵅⵓ ⴷ ⴰⵙⵙ ⵏ ⵓⵙⴻⵏⵊⴻⵎ. ^■  

3 ⵎⴰⵢⴻⵎⵎⵉ ⵉ ⵖⴰ ⵜⴻⵡⵛⴻⴷ ⵜⵜⴰⵙⵉⵄ ⵉ ⵛⴰ ⵏ ⵢⵉⵊⵊⴻⵏ ⴷⵉ ⵛⴰ ⵎⴰⵃⴻⵏⴷ ⴰⴷ ⵥⵥⴰⵢⴻⵙ ⵉⵏⵇⴰⵔⴹ? ⵉⵜⵜⵅⴻⵚⵚⴰ ⵡⴰⵔ ⴷⵉⵏ ⵉⵜⵜⵉⵍⵉ ⵛⴰ ⵏ ⵍⵄⵉⴱ ⴷⵉ ⵜⵙⴻⵅⵅⴰⵔⵜ ⵏⵏⴻⵖ, ^■   4 ⵎⴰⵛⴰ ⴷⵉ ⵎⴰⵔⵔⴰ ⵏⴻⵜⵜⵡⴻⵚⵚⴰ ⵉⵅⴻⴼ ⵏⵏⴻⵖ ⴰⵎⴻⵛⵏⴰⵡ ⵉⵎⵙⴻⵅⵅⴰⵔⴻⵏ ⵏ ⴰⵔⴻⴱⴱⵉ: ⴷⴻⴳ ⵡⴰⵟⵟⴰⵙ ⵏ ⵚⵚⴱⴰⵔ, ⴷⵉ ⵍⵎⴻⵃⵏⴻⵜ, ⴷⵉ ⵍⴻⵖⴱⴻⵏ, ⴷⵉ ⵍⴻⵃⴱⵓⵙⴰⵜ, ^■   5 ⵙⴰⴷⵓ ⵜⵉⵢⵢⵉⵜⴰ, ⴷⵉ ⵙⵙⵏⴰⵙⴻⵍ, ⴷⴻⴳ ⵓⵖⵓⵡⵡⴻⵖ, ⴷⵉ ⵜⴰⵎⴰⵔⴰ, ⴷⵉ ⴵⵢⴰⵍⵉ ⴱⵍⴰ ⵉⴹⴻⵚ, ⴷⴻⴳ ⵡⵓⵙⵙⴰⵏ ⵏ ⵓⵥⵓⵎⵎⵉ, 6 ⴷⵉ ⵍⴻⵚⴼⴰⵢⴻⵜ, ⴷⵉ ⵜⵓⵙⵙⵏⴰ, ⴷⵉ ⵜⵜⴰⵙⵉⵄ ⵏ ⵍⵅⴰⴹⴰⵔ, ⴷⵉ ⵍⴻⴹⵔⴰⴼⴻⵜ, ⴷⵉ ⴰⵔⵔⵓⵃ ⵉⵇⴻⴷⴷⵙⴻⵏ, ⴷⵉ ⵜⴰⵢⵔⵉ ⴱⵍⴰ ⵏⵏⵉⴼⴰⵇ, 7 ⵙ ⵡⴰⵡⴰⵍ ⵏ ⵜⵉⴷⴻⵜⵜ, ⴷⵉ ⵊⵊⴻⵀⴷ ⵏ ⴰⵔⴻⴱⴱⵉ, ⵙ ⵍⴻⵙⵏⴰⵃ ⵏ ⵜⵙⴻⴳⴷⴰ ⵖⴰⵔ ⵓⴼⵓⵙⵉ ⴷ ⵓⵥⴻⵍⵎⴰⴹ, 8 ⵙ ⵓⵄⵓⴵⵉ ⴷ ⴷⴷⴻⴵ, ⵙ ⵛⵛⴻⵏⵄⴻⵜ ⵜⴰⵚⴻⴱⵃⴰⵏⵜ ⵓ ⵙ ⵛⵛⴻⵏⵄⴻⵜ ⵜⴰⵄⴻⴼⴼⴰⵏⵜ, ⴰⵎ ⵉⵖⴻⵛⵛⴰⵛⴻⵏ, ⵡⴰⵅⵅⴰ ⴰⵎⴻⵏⵏⵉ ⴷ ⵉⵎⵜⵉⵇⵇⴰⵏ, 9 ⴰⵅⵎⵉ ⵡⴰⵔ ⵏⴻⵜⵜⵡⵉⵙⵙⴻⵏ, ⵡⴰⵅⵅⴰ ⵏⴻⵜⵜⵡⴰⵙⵙⴻⵏ, ⴰⵅⵎⵉ ⵏⴻⵜⵜⵎⴻⵜⵜⴰ, ⵓ ⵅⵥⴰⵔ, ⴰⵇⴰ ⵏⴻⴷⴷⴰⵔ, ⴰⵅⵎⵉ ⵏⴻⵜⵜⵡⴰⵄⴰⵇⴻⴱ ⵎⴰⵛⴰ ⵡⴰⵔ ⵏⴻⵜⵜⵎⴻⵜⵜⵉ ⵛⴰ, ^■  

10 ⴰⵅⵎⵉ ⵏⴻⵛⵛⵉⵏ ⵏⴻⴼⴼⵓⴳⴻⵎ, ⵎⴰⵛⴰ ⵏⴼⴰⵔⵃ ⵍⴻⴱⴷⴰ, ⴰⵅⵎⵉ ⵏⴻⵥⵍⴻⴹ, ⵡⴰⵅⵅⴰ ⴰⵎⴻⵏⵏⵉ ⵏⴻⵜⵜⴻⵊⵊⴰⵔ ⴰⵟⵟⴰⵙ, ⵓⵛⴰ ⴰⵅⵎⵉ ⵡⴰⵔ ⵖⴰⵔⵏⴻⵖ ⵛⴰ, ⵡⴰⵅⵅⴰ ⵖⴰⵔⵏⴻⵖ ⴽⵓⵍⵛⵉ.

11 ⴰⵇⴻⵎⵎⵓⵎ ⵏⵏⴻⵖ ⵉⵏⵏⵓⵔⵥⴻⵎ ⵉ ⴽⴻⵏⵏⵉⵡ, ⴰ ⵉⴽⵓⵔⵉⵏⵜⵉⵢⵢⴻⵏ, ⵓⵍ ⵏⵏⴻⵖ ⵉⵎⵖⴰⵔ ⴰⵟⵟⴰⵙ.

12 ⴽⴻⵏⵏⵉⵡ ⵡⴰⵔ ⵜᵉⵜⵜⵡⴰⵃⵚⴰⵔⴻⵎ ⵥⵥⴰⵢⵏⴻⵖ, ⵎⴰⵛⴰ ⵜᵉⵜⵜⵡⴰⵃⵚⴰⵔⴻⵎ ⵙ ⵎⵉⵏ ⵉⴵⴰⵏ ⴷⵉ ⴷⴰⵅⴻⵍ ⵏⵡⴻⵎ.

13 ⵎⴰⵛⴰ ⵍⴻⵅⵅⵓ ⴰⴷ ⵙⵙⵉⵡⵍⴻⵖ ⴰⵅⵎⵉ ⵙⵙⴰⵡⴰⵍⴻⵖ ⴰⴽ-ⴷ ⵉⵃⴻⵏⵊⵉⵔⴻⵏ: ⴰⵔⵔⴻⵎ ⴰⵢⵉ-ⴷⴷ ⵙ ⵎⵉⵏ ⵜᵉⵜⵜⵓⵔⵙⴻⵎ ⵓ ⵙⵡⴻⵙⵙⵄⴻⵎ ⵜⴰⵢⵔⵉ ⵏⵡⴻⵎ ⵉ ⵏⴻⵛⵛ! ^■  

14 ⵡⴰⵔ ⵜⵜⵎⵓⵏⴻⵎ ⵛⴰ ⴷⴻⴳ ⵓⵥⴰⵢⵍⵓ ⴰⴽ-ⴷ ⵍⴽⵓⴼⴼⴰⵔ, ⵎⴰⵖⴰⵔ ⵎⴰⵏ ⴰⵛⵔⴰⵛ ⵉ ⵖⴰⵔ ⵜⴻⴵⴰ ⵖⴰⵔ ⵜⵙⴻⴳⴷⴰ ⴰⴽ-ⴷ ⵜⵓⵄⴻⴼⴼⵏⴰ, ⵓ ⵎⴰⵏ ⵜⴰⵎⵓⵏⵜ ⵉ ⵖⴰⵔ ⵜⴻⴵⴰ ⵉ ⵜⴼⴰⵡⵜ ⴰⴽ-ⴷ ⵜⴰⴵⴻⵙⵜ? ^■  

15 ⵏⵉⵖ, ⵎⴰⵏ ⴰⵔⵡⴰⵙ ⵉ ⴷⵉ ⵊⴰⵔ ⵍⵎⴰⵙⵉⵃ ⴷ ⵛⵛⵉⵟⴰⵏ? ⵏⵉⵖ ⵎⴰⵏ ⵜⴰⵙⵖⴰⵔⵜ ⵏ ⵍⵎⵓⵎⴻⵏ ⴰⴽ-ⴷ ⵓⴽⴰⴼⵔⵉⵡ?

16 ⵏⵉⵖ ⵎⴰⵏ ⵜⴰⵙⵖⵓⵏⵜ ⵉ ⴷⵉⵏ ⵊⴰⵔ ⵣⵥⴰⵡⴻⵛⵜ ⵏ ⴰⵔⴻⴱⴱⵉ ⴷ ⵛⵛⵡⴰⵟⴻⵏ? ⴰⵇⴰ ⴽⴻⵏⵏⵉⵡ ⴷ ⵥⵥⴰⵡⴻⵛⵜ ⵏ ⴰⵔⴻⴱⴱⵉ ⵉⴷⴷⴰⵔⴻⵏ, ⴰⵎ ⵎⴰⵎⵎⴻⵛ ⵉⵏⵏⴰ ⴰⵔⴻⴱⴱⵉ:

“ⵏⴻⵛⵛ ⴰⴷ ⵥⴻⴷⵖⴻⵖ ⴰⴽⵉⴷⵙⴻⵏ ⵓⵛⴰ ⴰⴷ ⵓⵢⵓⵔⴻⵖ ⵊⴰⵔ ⴰⵙⴻⵏ.

ⵏⴻⵛⵛ ⴰⴷ ⵉⵍⵉⵖ ⴷ ⴰⵔⴻⴱⴱⵉ ⵏⵙⴻⵏ, ⵏⵉⵜⵏⵉ ⴰⴷ ⵉⵍⵉⵏ ⴷ ⵍⴳⴻⵏⵙ ⵉⵏⵓ. ^■  

17 ⵙ ⵓⵢⴻⵏⵏⵉ, ⴼⴼⵖⴻⵎ-ⴷⴷ ⵥⵉ ⵍⵡⴻⵙⵜ ⵏⵙⴻⵏ,

ⴱⴹⴰⵎ ⵅⴰⵙⴻⵏ, ⵉⵇⵇⴰⵔ ⵙⵉⴷⵉ.

ⵡⴰⵔ ⵜⵜⵃⴰⴷⴰⵎ ⵎⵉⵏ ⵉⵏⴻⴳⵙⴻⵏ,

ⵓ ⵏⴻⵛⵛ ⴰⴷ ⴽⴻⵏⵏⵉⵡ ⵇⴻⴱⵍⴻⵖ. ^■  

18 ⵏⴻⵛⵛ ⴰⴷ ⴰⵡⴻⵎ ⵉⵍⵉⵖ ⴷ ⴱⴰⴱⴰⵜⵡⴻⵎ,

ⴽⴻⵏⵏⵉⵡ ⴰⴷ ⴰⵢⵉ ⵜⵉⵍⵉⵎ ⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ,

ⵉⵇⵇⴰⵔ ⵙⵉⴷⵉ, ⵡⴻⵏⵏⵉ ⴷ ⴰⵎⵥⴻⵎⵎⴰⵔ ⵅ ⴽⵓⵍⵛⵉ.” ^■