1 ⵎⴰ ⵡⴰⵔ ⵜⴻⵙⵙⵉⵏⴻⵎ ⵛⴰ, ⴰ ⴰⵢⵜⵎⴰ, ⵙⵙⴰⵡⴰⵍⴻⵖ ⴰⴽ-ⴷ ⵢⴻⵏⵏⵉ ⵉⵙⵙⵏⴻⵏ ⵛⵛⴰⵔⵉⵄⴰ, ⴰⵇⴰ ⵛⵛⴰⵔⵉⵄⴰ ⵜⵚⴻⴵⴻⴹ ⵅ ⴱⵏⴰⴷⴻⵎ ⵎⵉⵏ ⵖⴰ ⵢⴻⴽⴽ ⵉⴷⴷⴰⵔ? 2 ⵜⴰⵎⵖⴰⵔⵜ ⵜⴻⵇⵇⴻⵏ ⵖⴰⵔ ⵡⴻⵔⵢⴰⵥ ⵏⵏⴻⵙ ⵙ ⵛⵛⴰⵔⵉⵄⴰ ⵎⵉⵏ ⵖⴰ ⵢⴻⴽⴽ ⵉⴷⴷⴰⵔ, ⵎⴰⵛⴰ ⵎⴰⵍⴰ ⵉⵎⵎⵓⵜ ⵡⴻⵔⵢⴰⵥ ⵏⵏⴻⵙ, ⴰⵇⴰ ⵜᵉⵜⵜⵡⴰⴼⴻⴽⴽ ⵥⵉ ⵛⵛⴰⵔⵉⵄⴰ ⵥⵉ ⵊⵊⵉⵀⴻⵜ ⵏ ⵡⴻⵔⵢⴰⵥ ⵏⵏⴻⵙ. ^■   3 ⵎⴰⵛⴰ ⵎⴰⵍⴰ ⵜⴻⵊⵊⴰ ⵉ-ⵜ ⵉ ⵡⴻⵔⵢⴰⵥ ⵏⵏⴻⵖⵏⵉ, ⵎⵉⵏ ⵖⴰ ⵢⴻⴽⴽ ⵡⴻⵔⵢⴰⵥ ⵉⴷⴷⴰⵔ, ⵜᵉⵜⵜⵡⴰⵙⴻⵎⵎⴰ ⵜⴻⵥⵏⴰ. ⵎⴰⵛⴰ ⵎⴰⵍⴰ ⵉⵎⵎⵓⵜ ⵡⴻⵔⵢⴰⵥ ⵏⵏⴻⵙ, ⵏⴻⵜⵜⴰⵜ ⵖⴰⵔⴻⵙ ⵜⵉⵔⴻⵍⵍⵉ ⵥⵉ ⵛⵛⴰⵔⵉⵄⴰ ⴰⵇⴰ ⵡⴰⵔ ⵜⴻⵥⵏⵉ ⵎⴰⵍⴰ ⵜⴻⵎⵍⴻⵛ ⴰⴽ-ⴷ ⵡⴻⵔⵢⴰⵥ ⵏⵏⴻⵖⵏⵉ. ^■   4 ⵅⴻⵏⵏⵉ, ⴰ ⴰⵢⵜⵎⴰ, ⴽⴻⵏⵏⵉⵡ ⵄⴰⵡⴻⴷ ⴰⵇⴰ ⵜⴻⵎⵎⵓⵜⴻⵎ ⵉ ⵛⵛⴰⵔⵉⵄⴰ ⵙ ⴰⵔⵔⵉⵎⴻⵜ ⵏ ⵍⵎⴰⵙⵉⵃ, ⵃⵉⵎⴰ ⴰⴷ ⵜⴷⴻⵡⵍⴻⵎ ⵉ ⵡⴻⵏⵏⴻⵖⵏⵉ ⵉ ⵡⴻⵏⵏⵉ ⴷⴷ-ⵉⴽⴽⴰⵔⴻⵏ ⵥⵉ ⵜⴰⴷⴷⴰⵔⵜ ⵏ ⵉⵎⴻⵜⵜⵉⵏⴻⵏ, ⵃⵉⵎⴰ ⴰⴷ ⵜⴻⵡⵛⴻⵎ ⵍⵖⵉⴵⴻⵜ ⵉ ⴰⵔⴻⴱⴱⵉ. ^■   5 ⵎⵉⵏⵥⵉ ⵓⵎⵉ ⴷ ⴰⵏⴻⵖ ⵜⵓⵖⴰ ⴷⵉ ⴰⵔⵔⵉⵎⴻⵜ ⵜⴰⵎⴻⴷⵏⵓⴱⵜ, ⵜⵓⵖⴰ ⵛⵛⴻⵀⵡⴰⵜ ⵏ ⴷⴷⵏⵓⴱ ⵅⴻⴷⴷⵎⴻⵏⵜ ⴷⴻⴳ ⵉⵖⴻⵥⴷⵉⵙⴻⵏ ⵏ ⴰⵔⵔⵉⵎⴻⵜ ⵏⵏⴻⵖ ⴰⵎ ⵜⵜⵡⴰⵄⴰⵔⵏⴻⵏⵜ ⵥⵉ ⵛⵛⴰⵔⵉⵄⴰ ⴰⵍⴰⵎⵉ ⵉ ⵖⴰ ⴰⵡⵢⴻⵏⵜ ⵍⵖⵉⴵⴻⵜ ⵉ ⵍⵎⴻⵡⵜ. 6 ⵎⴰⵛⴰ ⵍⴻⵅⵅⵓ ⴰⵇⴰ ⵏⴻⵜⵜⵡⴰⴼⴻⴽⴽ ⵥⵉ ⵛⵛⴰⵔⵉⵄⴰ, ⴰⵇⴰ ⵏⴻⵎⵎⵓⵜ ⵅ ⵎⵉⵏ ⵜⵓⵖⴰ ⴷⵉ ⵏⴻⵜⵜⵡⴰⵃⴱⴻⵙ, ⵃⵉⵎⴰ ⴰⴷ ⵏⴻⵄⴱⴻⴷ ⵙ ⵜⴻⵊⴷⵉⴷⴻⵜ ⵏ ⴰⵔⵔⵓⵃ, ⵡⴰⵔ ⵉⴵⵉ ⵙ ⵜⴻⵇⴷⵉⵎⵜ ⵏ ⵜⵉⵔⴰ ⵉⵇⴻⴷⴷⵙⴻⵏ. ^□  ■  

7 ⵎⵉⵏ ⵉ ⵖⴰ ⵏⵉⵏⵉ ⵅⴻⵏⵏⵉ? ⵎⴰ ⵛⵛⴰⵔⵉⵄⴰ ⴷ ⴷⴷⴻⵏⴱ? ⵄⴻⵎⵎⴰⵔⵚ! ⵎⴰⵛⴰ ⵡⴰⵔ ⵙⵙⵉⵏⴻⵖ ⴷⴷⴻⵏⴱ ⵎⵖⵉⵔ ⵙ ⵛⵛⴰⵔⵉⵄⴰ ⵡⴰⵀⴰ, ⵎⴰⵖⴰⵔ ⵡⴰⵔ ⵙⵙⵉⵏⴻⵖ ⵏⵏⴻⵛⵡⴻⵜ ⵎⴰⵍⴰ ⵡⴰⵔ ⵜⴻⵏⵏⵉ ⵛⵛⴰⵔⵉⵄⴰ: “ⵡⴰⵔ ⵜⵜⴰⵙⴻⵎ!” ^■   8 ⵎⴰⵛⴰ ⴷⴷⴻⵏⴱ ⵢⵓⴼⴰ ⵍⴼⵓⵔⵚⴰ ⵙ ⵜⴻⵡⵚⴻⵢⵢⴻⵜ ⵓⵛⴰ ⵜⴻⴳⵎⴰ ⴷⴰⵢⵉ ⴽⵓⵍ ⵏⵏⴻⵛⵡⴻⵜ, ⵎⵉⵏⵥⵉ ⴱⵍⴰ ⵛⵛⴰⵔⵉⵄⴰ ⴷⴷⴻⵏⴱ ⵉⵎⵎⵓⵜ. ^■   9 ⵣⵉⵛ ⵜⵓⵖⴰ ⴷⴷⴰⵔⴻⵖ ⴱⵍⴰ ⵛⵛⴰⵔⵉⵄⴰ, ⵎⴰⵛⴰ ⵓⵎⵉ ⴷⴷ-ⵜⵓⵙⴰ ⵜⴻⵡⵚⴻⵢⵢⴻⵜ, ⵉⴱⴷⴰ ⴷⴷⴻⵏⴱ ⴰⴷ ⵉⴷⴷⴰⵔ, ⵓⵛⴰ ⵎⵎⵓⵜⴻⵖ.

10 ⵓⴼⵉⵖ ⴱⴻⵍⵍⵉ ⵜⴰⵡⵚⴻⵢⵢⴻⵜ ⵉ ⵉⴵⴰⵏ ⵉ ⵜⵓⴷⴰⵔⵜ, ⵜⵏⴻⴷⴷⴻⵀ ⵖⴰⵔ ⵍⵎⴻⵡⵜ.

11 ⵎⵉⵏⵥⵉ ⴷⴷⴻⵏⴱ, ⴰⵎ ⵢⵓⴼⴰ ⵍⴼⵓⵔⵚⴰ ⵙ ⵜⴻⵡⵚⴻⵢⵢⴻⵜ, ⵉⵛⵎⴻⵜ ⴰⵢⵉ ⵓⵛⴰ ⵉⵏⵖⴰ ⴰⵢⵉ ⵥⵥⴰⵢⴻⵙ.

12 ⵅⴻⵏⵏⵉ ⵛⵛⴰⵔⵉⵄⴰ ⵉⵇⴻⴷⴷⵙⴻⵏ ⵓ ⵜⴰⵡⵚⴻⵢⵢⴻⵜ ⵉⵇⴻⴷⴷⵙⴻⵏ, ⵜⵙⴻⴳⴳⴻⴷ ⵓ ⵜⴻⵚⴱⴻⵃ. ^■  

13 ⵎⴰ ⵉⴷⵡⴻⵍ ⴰⵢⵉ ⵎⵉⵏ ⵉⴵⴰⵏ ⴷ ⴰⵚⴻⴱⵃⴰⵏ ⴷ ⵍⵎⴻⵡⵜ ⵉⵏⵓ? ⵄⴻⵎⵎⴰⵔⵚ! ⵎⴰⵛⴰ ⴷⴷⴻⵏⴱ, ⵃⵉⵎⴰ ⴰⴷ ⵉⴱⴰⵏ ⴷⴷⴻⵏⴱ, ⵉⵙⵙⴻⴳⵎⴰ ⴷⴰⵢⵉ ⵍⵎⴻⵡⵜ ⵙ ⵎⵉⵏ ⵉⴵⴰⵏ ⴷ ⴰⵚⴻⴱⵃⴰⵏ, ⵃⵉⵎⴰ ⴰⴷ ⵉⴷⵡⴻⵍ ⴷⴷⴻⵏⴱ ⴷ ⴷⴷⴻⵏⴱ ⴽⵜⴰⵔ ⵙ ⵜⴻⵡⵚⵉⵢⵢⴻⵜ.

14 ⴰⵇⴰ ⵏⴻⵙⵙⴻⵏ ⴱⴻⵍⵍⵉ ⵛⵛⴰⵔⵉⵄⴰ ⵥⵉ ⴰⵔⵔⵓⵃ ⵉ ⵜⴻⴵⴰ, ⵎⴰⵛⴰ ⵏⴻⵛⵛ ⴷ ⴱⵏⴰⴷⴻⵎ ⴷ ⴰⵎⴻⴷⵏⵓⴱ, ⵎⵎⴻⵏⵥⴻⵖ ⵉ ⴷⴷⴻⵏⴱ, ^■  

15 ⵎⵉⵏⵥⵉ ⵡⴰⵔ ⵙⵙⵉⵏⴻⵖ ⵎⵉⵏ ⵖⴰ ⴳⴳⴻⵖ, ⵓⵍⴰ ⵄⴰⵡⴻⴷ ⵎⵉⵏ ⵅⵙⴻⵖ, ⵡⴰⵔ ⵜ ⵜⵜⴻⴳⴳⴻⵖ, ⵎⴰⵛⴰ ⵎⵉⵏ ⵛⴰⵔⵔⵀⴻⵖ ⴷ ⵎⴰⵏⴰⵡⴻⵏⵏⵉ ⵉ ⵜⵜⴻⴳⴳⴻⵖ. ^■  

16 ⵎⴰⵍⴰ ⵜⵜⴻⴳⴳⴻⵖ ⵎⵉⵏ ⵡⴰⵔ ⵜⵜⴻⵅⵙⴻⵖ, ⴰⴷ ⵡⴰⴼⵇⴻⵖ ⴰⴽ-ⴷ ⵛⵛⴰⵔⵉⵄⴰ, ⴱⴻⵍⵍⵉ ⴰⵇⴰ ⵏⴻⵜⵜⴰⵜ ⵜⴻⵚⴱⴻⵃ.

17 ⵎⴰⵛⴰ ⵍⴻⵅⵅⵓ ⵏⴻⵛⵛ ⵡⴰⵔ ⵜⵜⴻⴳⴳⴻⵖ ⵎⴰⵏ ⴰⵢⴰ ⵄⴰⴷ, ⵎⴰⵛⴰ ⴷⴷⴻⵏⴱ ⵉ ⴷ ⴰⵢⵉ ⵉⵥⴻⴷⴷⵖⴻⵏ ⵉⵜⵜⴻⴳⴳ ⵉ-ⵜ.

18 ⵎⵉⵏⵥⵉ ⵙⵙⵏⴻⵖ ⵡⴰⵔ ⴷⴰⵢⵉ ⵉⵥⴻⴷⴷⴻⵖ ⵎⵉⵏ ⵉⵛⵏⴰⵏ, ⵉⵅⵙ ⴰⴷ ⵢⵉⵏⵉ ⴷⵉ ⴰⵔⵔⵉⵎⴻⵜ ⵜⴰⵎⴻⴷⵏⵓⴱⵜ ⵉⵏⵓ. ⵎⵉⵏⵥⵉ ⵉⵀⵡⴻⵏ ⵅⴰⴼⵉ ⵎⴰⵃⴻⵏⴷ ⴰⴷ ⵅⵙⴻⵖ ⵜⵛⵓⵏⵉ, ⵎⴰⵛⴰ ⵡⴰⵔ ⵥⴻⵎⵎⴰⵔⴻⵖ ⴰⴷ ⵜⵜ ⴳⴳⴻⵖ. ^■  

19 ⵎⵉⵏⵥⵉ ⵡⴰⵔ ⵜⵜⴻⴳⴳⴻⵖ ⵜⵛⵓⵏⵉ ⵉ ⵅⵙⴻⵖ, ⵎⴰⵛⴰ ⵍⵖⴰⵔ ⵉ ⵡⴰⵔ ⵜⵜⴻⵅⵙⴻⵖ ⵛⴰ, ⴷ ⵎⴰⵏⴰⵡⴻⵏⵏⵉ ⵉ ⵜⵜⴻⴳⴳⴻⵖ. 20 ⵎⴰⵍⴰ ⵜⵜⴻⴳⴳⴻⵖ ⵎⵉⵏ ⵡⴰⵔ ⵜⵜⴻⵅⵙⴻⵖ, ⵡⴰⵔ ⵉⴵⵉ ⵄⴰⴷ ⴷ ⵏⴻⵛⵛ ⵉ ⵉⵜⵜⴻⴳⴳⴻⵏ ⵎⴰⵏ ⴰⵢⴰ, ⵎⴰⵛⴰ ⴷⴷⴻⵏⴱ ⵡⴻⵏⵏⵉ ⴷ ⴰⵢⵉ ⵉⵥⴻⴷⴷⵖⴻⵏ.

21 ⵅⴻⵏⵏⵉ ⵜⵜⴰⴼⴻⵖ ⵛⵛⴰⵔⵉⵄⴰ ⴰⵢⴰ ⴰⵎ ⵜⵜⴻⵅⵙⴻⵖ ⴰⴷ ⴳⴳⴻⵖ ⵜⵛⵓⵏⵉ ⵄⵍⴰⵃⵚⴰⴱ ⵜⴰⵏⴻⴼⵙⴻⵛⵜ ⵉⵏⵓ, ⴰⵇⴰ ⵍⵖⴰⵔ ⵢⵓⴷⴻⵙ ⴰⵢⵉ-ⴷⴷ. 22 ⵎⵉⵏⵥⵉ ⴼⴰⵔⵃⴻⵖ ⵙ ⵛⵛⴰⵔⵉⵄⴰ ⵏ ⴰⵔⴻⴱⴱⵉ ⵥⵉ ⵊⵊⵉⵀⴻⵜ ⵏ ⴱⵏⴰⴷⴻⵎ ⵏⵏⵉ ⴷⵉ ⴷⴰⵅⴻⵍ ⵉⵏⵓ, ^■   23 ⵎⴰⵛⴰ ⵜⵜⵡⴰⵍⵉⵖ ⴷⵉⵏ ⵛⵛⴰⵔⵉⵄⴰ ⵏⵏⴻⵖⵏⵉ ⴷⴻⴳ ⵉⵖⴻⵥⴷⵉⵙⴻⵏ ⵏ ⴰⵔⵔⵉⵎⴻⵜ ⵉⵏⵓ, ⵜᵉⵜⵜⵎⴻⵏⵖⴰ ⴰⴽ-ⴷ ⵛⵛⴰⵔⵉⵄⴰ ⵏ ⵍⴻⵄⵇⴻⵍ ⵉⵏⵓ ⵓⵛⴰ ⵜⵃⴻⴱⴱⴻⵙ ⴰⵢⵉ ⵙ ⵛⵛⴰⵔⵉⵄⴰ ⵏ ⴷⴷⴻⵏⴱ ⵜⴻⵏⵏⵉ ⵉⴵⴰⵏ ⴷⴻⴳ ⵉⵖⴻⵥⴷⵉⵙⴻⵏ ⵏ ⴰⵔⵔⵉⵎⴻⵜ ⵉⵏⵓ. ^■   24 ⴰⵢⴻⵃⵃⴰⵜ ⵎⴰⵏⴰ ⵡⴻⵎⵛⵓⵎ-ⴰ ⵏ ⴱⵏⴰⴷⴻⵎ ⵉ ⴵⵉⵖ! ⵡⵉ ⴷ ⴰⵢⵉ ⵖⴰ ⵉⵙⵙⵏⴻⵊⵎⴻⵏ ⵥⵉ ⴰⵔⵔⵉⵎⴻⵜ-ⴰ ⵏ ⵍⵎⴻⵡⵜ? 25 ⵜⵜⵇⴰⴷⵉⵖ ⴰⵔⴻⴱⴱⵉ, ⵙ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⵜⵜⵡⴰⵙⵏⴻⵊⵎⴻⵖ! ⴰⵎⵎⵓ ⴰⵇⴰ ⵏⴻⵛⵛ ⵙⵉⵎⴰⵏⵜ ⵉⵏⵓ ⵙ ⵍⴻⵄⵇⴻⵍ ⵉ ⵅⴻⴷⴷⵎⴻⵖ ⵉ ⵛⵛⴰⵔⵉⵄⴰ ⵏ ⴰⵔⴻⴱⴱⵉ, ⵎⴰⵛⴰ ⵙ ⴰⵔⵔⵉⵎⴻⵜ ⵉⵏⵓ ⵜⴰⵎⴻⴷⵏⵓⴱⵜ ⵉ ⵛⵛⴰⵔⵉⵄⴰ ⵏ ⴷⴷⴻⵏⴱ.