1 ⵎⵉⵏ ⵉ ⵖⴰ ⵏⵉⵏⵉ ⵅ ⵉⴱⵔⴰⵀⵉⵎ, ⴰⵥⴻⴵⵉⴼ ⵏ ⵉⴱⴰⴱⴰⵜⴻⵏ ⵏⵏⴻⵖ, ⵎⵉⵏ ⵢⵓⴼⴰ ⴷⵉ ⴷⴷⴰⵜ ⵏⵏⴻⵙ? ^■   2 ⵎⵉⵏⵥⵉ ⵎⴰⵍⴰ ⵊⴻⴷⴷⵉⵜⵏⴻⵖ ⵉⴱⵔⴰⵀⵉⵎ ⵜⵓⵖⴰ ⵉⵜⵜⵡⴰⵙⴻⴳⴳⴻⴷ ⵙ ⵍⴻⵅⴷⴰⵢⴻⵎ, ⴰⵇⴰ ⵖⴰⵔⴻⵙ ⵛⵛⴰⵏ, ⵎⴰⵛⴰ ⵡⴰⵔ ⵉⴵⵉ ⵛⴰ ⵖⴰⵔ ⴰⵔⴻⴱⴱⵉ. 3 ⵎⵉⵏⵥⵉ ⵎⵉⵏ ⵉⵇⵇⴰⵔ ⵡⴻⴷⵍⵉⵙ? “ⵢⵓⵎⴻⵏ ⵉⴱⵔⴰⵀⵉⵎ ⴷⵉ ⴰⵔⴻⴱⴱⵉ ⵓⵛⴰ ⵉⵜⵜⵡⴰⵃⵙⴻⴱ ⴰⵙ-ⴷⴷ ⵎⴰⵏ ⴰⵢⴰ ⴷ ⵜⴰⵙⴻⴳⴷⴰ.” ^■   4 ⵡⴻⵏⵏⵉ ⵉⵅⴻⴷⴷⵎⴻⵏ ⵡⴰⵔ ⴷ ⴰⵙ ⵜᵉⵜⵜⵡⴰⵃⴻⵙⵙⴻⴱ ⵛⴰ ⵍⵎⵓⵏⴻⵜ ⵅ ⵍⴻⵃⵙⴰⴱ ⵏ ⴰⵔⴹⴰ ⵎⴰⵛⴰ ⵅ ⵍⴻⵃⵙⴰⴱ ⵏ ⵓⵎⴰⵔⵡⴰⵙ ⵎⵉⵏⵥⵉ ⵜⵜⵓⵔⵙⴻⵏ ⴰⵙ-ⴷⴷ. 5 ⵎⴰⵛⴰ ⵡⴻⵏⵏⵉ ⵡⴰⵔ ⵉⵅⴻⴷⴷⵎⴻⵏ, ⵎⴰⵛⴰ ⵢⵓⵎⴻⵏ ⴷⴻⴳ ⵡⴻⵏⵏⵉ ⵉⵜⵜⵙⴻⴳⴳⴰⴷⴻⵏ ⵉⵎⴻⴷⵏⴰⴱ, ⴰⵇⴰ ⵍⵉⵎⴰⵏ ⵏⵏⴻⵙ ⴰⴷ ⴰⵙ ⴷⴷ-ⵉⵜⵜⵡⴰⵃⵙⴻⴱ ⴷ ⵜⴰⵙⴻⴳⴷⴰ. 6 ⴰⵎ ⵎⴰⵎⵎⴻⵛ ⵉⵏⵏⴰ ⴷⴰⵡⵓⴷ ⵄⴰⵡⴻⴷ ⵅ ⵙⵙⴻⵄⴷ ⵏ ⴱⵏⴰⴷⴻⵎ ⵡⴻⵏⵏⵉ ⵓⵎⵉ ⴷⴷ ⴰⵙ ⵉⵃⵙⴻⴱ ⴰⵔⴻⴱⴱⵉ ⵜⴰⵙⴻⴳⴷⴰ ⴱⵍⴰ ⵍⴻⵅⴷⴰⵢⴻⵎ, ⵓⵎⵉ ⵉⵏⵏⴰ:

7 “ⵙⵙⴻⵄⴷ ⵏ ⵢⵉⵏⵏⵉ ⵓⵎⵉ ⵉⵜⵜⵡⴰⵖⴼⴰⵔ ⵓⵅⴻⵟⵟⵓ ⵏⵙⴻⵏ,

ⵉⵏⵏⵉ ⵓⵎⵉ ⵉⵙⵙⴷⵓⵍⵉ ⴰⵔⴻⴱⴱⵉ ⴷⴷⵏⵓⴱ ⵏⵙⴻⵏ. ^■  

8 ⵙⵙⴻⵄⴷ ⵏ ⴱⵏⴰⴷⴻⵎ ⵓⵎⵉ ⵡⴰⵔ ⴷⴷ ⴰⵙ ⵉⵃⴻⵙⵙⴻⴱ ⵛⴰ ⴰⵔⴻⴱⴱⵉ ⴷⴷⵏⵓⴱ ⵏⵏⴻⵙ.” ^■  

9 ⵎⴰ ⵙⵙⴻⵄⴷ-ⴰ ⵅ ⵢⴻⵏⵏⵉ ⵉⵜⵜⵡⴰⵅⴻⵜⵏⴻⵏ ⵡⴰⵀⴰ ⵏⵉⵖ ⵄⴰⵡⴻⴷ ⵅ ⵢⴻⵏⵏⵉ ⵡⴰⵔ ⵉⵜⵜⵡⴰⵅⴻⵜⵏⴻⵏ? ⵙ ⵎⵉⵏⵥⵉ ⵏⴻⵇⵇⴰⵔ: “ⵍⵉⵎⴰⵏ ⵏ ⵉⴱⵔⴰⵀⵉⵎ ⵉⵜⵜⵡⴰⵃⵙⴻⴱ ⴰⵙ-ⴷⴷ ⴷ ⵜⴰⵙⴻⴳⴷⴰ!” ^■  

10 ⵎⴰⵎⵎⴻⵛ ⴷ ⴰⵙ ⵜ-ⵉ-ⴷⴷ ⵉⵜⵜⵡⴰⵃⵙⴻⴱ? ⵎⴰ ⵍⴰⵎⵉ ⵜⵓⵖⴰ ⵙ ⵡⴻⵅⵜⴰⵏ ⵏⵉⵖ ⵎⴰⵍⴰ ⵜⵓⵖⴰ ⴱⵍⴰ ⴰⵅⵜⴰⵏ? ⵡⴰⵔ ⵜⵓⵖⵉ ⵙ ⵡⴻⵅⵜⴰⵏ, ⵎⴰⵛⴰ ⵜⵓⵖⴰ ⴱⵍⴰ ⴰⵅⵜⴰⵏ.

11 ⵎⵉⵏⵥⵉ ⵉⴽⵙⵉ ⴰⵅⵜⴰⵏ ⴷ ⵍⴻⵄⵍⴰⵎⴻⵜ, ⵓ ⴰⵛⴻⵎⵎⵉⵄ ⵏ ⵜⵙⴻⴳⴷⴰ ⵉⴽⵙⵉ ⵜ ⵙ ⵍⵉⵎⴰⵏ ⵓⵎⵉ ⵜ ⵜⵓⵖⴰ ⴱⵍⴰ ⴰⵅⵜⴰⵏ, ⵃⵉⵎⴰ ⴰⴷ ⵢⵉⵍⵉ ⴷ ⵜⴰⴱⴰⴱⴰⵜ ⵉ ⵎⴰⵔⵔⴰ ⵉⵏⵏⵉ ⵢⵓⵎⵏⴻⵏ ⵡⴰⵅⵅⴰ ⵏⵉⵜⵏⵉ ⴱⵍⴰ ⴰⵅⵜⴰⵏ, ⵃⵉⵎⴰ ⴰⴷ ⴰⵙⴻⵏ ⴷⴷ-ⵉⵜⵜⵡⴰⵃⵙⴻⴱ ⵍⵉⵎⴰⵏ ⴷ ⵜⴰⵙⴻⴳⴷⴰ ⵄⴰⵡⴻⴷ. ^■  

12 ⵏⴻⵜⵜⴰ ⴷ ⵜⴰⴱⴰⴱⴰⵜ ⵉ ⵢⴻⵏⵏⵉ ⵙ ⵡⴻⵅⵜⴰⵏ, ⵡⴰⵔ ⵉⴵⵉ ⵉ ⵢⴻⵏⵏⵉ ⵉⴵⴰⵏ ⵙ ⵡⴻⵅⵜⴰⵏ ⵡⴰⵀⴰ, ⵎⴰⵛⴰ ⵄⴰⵡⴻⴷ ⵉ ⵢⴻⵏⵏⵉ ⵉⴳⴳⵓⵔⴻⵏ ⴷⴻⴳ ⵉⵚⵓⵔⴰⴼ ⵏ ⵍ’ⵉⵎⴰⵏ ⵏ ⵊⴻⴷⴷⵉⵜⵏⴻⵖ ⵉⴱⵔⴰⵀⵉⵎ ⵓⵎⵉ ⵜⵓⵖⴰ ⴱⵍⴰ ⴰⵅⵜⴰⵏ.

13 ⵎⵉⵏⵥⵉ ⵍⵡⴰⵄⴷ ⵉ ⵉⴱⵔⴰⵀⵉⵎ ⵓ ⵉ ⵥⵥⴰⵔⵉⵄⴻⵜ ⵏⵏⴻⵙ ⴱⴻⵍⵍⵉ ⴰⴷ ⵢⵉⵍⵉ ⴷ ⴰⵡⵔⵉⵜ ⵏ ⴷⴷⵓⵏⴻⵛⵜ, ⵡⴰⵔ ⵜ ⵉⴽⵙⵉ ⵛⴰ ⵥⵉ ⵛⵛⴰⵔⵉⵄⴰ, ⵎⴰⵛⴰ ⵥⵉ ⵜⵙⴻⴳⴷⴰ ⵏ ⵍ’ⵉⵎⴰⵏ ⵏⵏⴻⵙ.

14 ⵎⵉⵏⵥⵉ ⵎⴰⵍⴰ ⵉⵏⵏⵉ ⵥⵉ ⵛⵛⴰⵔⵉⵄⴰ ⴷ ⵉⵡⵔⵉⵜⴻⵏ, ⴰⵇⴰ ⵍ’ⵉⵎⴰⵏ ⵉⵅⴻⵙⵙⴰⵔⴻⵏ ⵓⵍⴰ ⴷ ⵍⵡⴰⵄⴷ ⵉⴱⴻⴹⵍⴻⵏ. ^■  

15 ⵎⴰⵖⴰⵔ ⵛⵛⴰⵔⵉⵄⴰ ⵜᵉⵜⵜⴰⵔⵓ ⴰⵖⴹⴰⴱ, ⵎⵉⵏⵥⵉ ⵎⴰⵏⵉ ⵡⴰⵔ ⵜⴻⴵⵉ ⵛⵛⴰⵔⵉⵄⴰ, ⵡⴰⵔ ⴷⵉⵏ ⵉⴵⵉ ⵓⵍⴰ ⴷ ⴰⵄⴻⴷⴷⵉ ⵏ ⵛⵛⴰⵔⵉⵄⴰ. ^■  

16 ⵙ ⵓⵢⴻⵏⵏⵉ ⵏⴻⵜⵜⵡⴰⵙⴻⴳⴳⴻⴷ ⵙ ⵍ’ⵉⵎⴰⵏ, ⵉⵅⵙ ⴰⴷ ⵢⵉⵏⵉ ⵙ ⴰⵔⴹⴰ, ⵎⴰⵃⴻⵏⴷ ⴰⴷ ⵢⵉⵍⵉ ⵍⵡⴰⵄⴷ ⵏⵉⵛⴰⵏ ⵉ ⵇⴰⵄ ⵥⵥⴰⵔⵉⵄⴻⵜ, ⵡⴰⵔ ⵉⴵⵉ ⵉ ⵢⴻⵏⵏⵉ ⵉⴵⴰⵏ ⵥⵉ ⵛⵛⴰⵔⵉⵄⴰ ⵡⴰⵀⴰ, ⵎⴰⵛⴰ ⵄⴰⵡⴻⴷ ⵉ ⵢⴻⵏⵏⵉ ⵉⴵⴰⵏ ⵥⵉ ⵍ’ⵉⵎⴰⵏ ⵏ ⵉⴱⵔⴰⵀⵉⵎ, ⵡⴻⵏⵏⵉ ⴷ ⵜⴰⴱⴰⴱⴰⵜ ⵏ ⵎⴰⵔⵔⴰ ⵉⴷⵏⴻⵖ, ^■  

17 ⴰⵎ ⵎⴰⵎⵎⴻⵛ ⵜⵓⵔⴰ: “ⴰⵇⴰ ⴳⴳⵉⵖ ⵛⴻⴽ ⴷ ⵜⴰⴱⴰⴱⴰⵜ ⵉ ⵢⵉⵊⵊ ⵏ ⵓⴱⴰⵔⵔⵓ ⵥⵉ ⵍⴻⴳⵏⵓⵙ!”, ⵥⵥⴰⵜ ⵉ ⴰⵔⴻⴱⴱⵉ ⵡⴻⵏⵏⵉ ⵥⵉ ⵜⵓⵖⴰ ⵢⵓⵎⴻⵏ ⵏⴻⵜⵜⴰ, ⵡⴻⵏⵏⵉ ⵉⵜⵜⵉⵛⴻⵏ ⵜⵓⴷⴰⵔⵜ ⵉ ⵉⵎⴻⵜⵜⵉⵏⴻⵏ ⴷ ⵡⴻⵏⵏⵉ ⵉⵜⵜⵍⴰⵖⴰⵏ ⵉⵏⵏⵉ ⵡⴰⵔ ⵉⴵⵉⵏ ⴰⵅⵎⵉ ⴵⴰⵏ. ^■  

18 ⵡⴰⵅⵅⴰ ⵉⵇⴹⴻⵄ ⴰⵙ ⵍⴰⵢⴰⵙ, ⴰⵇⴰ ⵢⵓⵎⴻⵏ ⵙ ⵓⵙⵉⵜⴻⵎ ⴰⴷ ⵉⴷⵡⴻⵍ ⴷ ⵜⴰⴱⴰⴱⴰⵜ ⵉ ⵡⴰⵟⵟⴰⵙ ⵏ ⵍⴻⴳⵏⵓⵙ ⴰⵎ ⵎⴰⵎⵎⴻⵛ ⵜⵓⵔⴰ: “ⴰⵎⵎⵓ ⵉ ⵖⴰ ⵜⵉⵍⵉ ⵥⵥⴰⵔⵉⵄⴻⵜ ⵏⵏⴻⴽ.” ^■  

19 ⵍⵉⵎⴰⵏ ⵏⵏⴻⵙ ⵡⴰⵔ ⵜⵓⵖⵉ ⵉⴹⵄⴻⴼ, ⵓⵎⵉ ⴷⴷ-ⵉⵃⵙⴻⴱ ⴰⵔⵔⵉⵎⴻⵜ ⵏⵏⴻⵙ ⵜⴻⵎⵎⵓⵜ ⴰⵎ ⵜⵓⵖⴰ ⵖⴰⵔⴻⵙ ⵎⵢⴰ ⵏ ⵉⵙⴻⴳⴳⵯⵓⵙⴰ, ⵓ ⵓⵎⵉ ⵉⵖⵔⵉ ⵓⵄⴻⴷⴷⵉⵙ ⵏ ⵙⴰⵔⴰ. 20 ⵏⴻⵜⵜⴰ ⵡⴰⵔ ⵉⵛⴻⴽⴽ ⵛⴰ ⴷⵉ ⵍⵡⴰⵄⴷ ⵏ ⴰⵔⴻⴱⴱⵉ ⴰⵅⵎⵉ ⵙ ⵏⵏⴻⵇⵙ ⵏ ⵍ’ⵉⵎⴰⵏ, ⵎⴰⵛⴰ ⵉⵎⵃⴻⴹ ⴷⵉ ⵍ’ⵉⵎⴰⵏ ⵏⵏⴻⵙ, ⵉⵡⵛⴰ ⴰⵄⵓⴵⵉ ⵉ ⴰⵔⴻⴱⴱⵉ. ^■   21 ⵜⵓⵖⴰ ⵉⵙⵙⴻⵏ ⵏⵉⵛⴰⵏ ⴱⴻⵍⵍⵉ ⵎⵉⵏ ⵥⵥⴰⵢⴻⵙ ⵜⵓⵖⴰ ⵉⵡⴰⵄⴷ ⴰⵔⴻⴱⴱⵉ, ⵉⵥⴻⵎⵎⴰⵔ ⴰⴷ ⵜ ⵉⴳⴳ ⵜⴰⵏⵢⴰ. ^■   22 ⵙ ⵓⵢⴻⵏⵏⵉ ⵉⵜⵜⵡⴰⵃⵙⴻⴱ ⴰⵙ-ⴷⴷ ⵍⵉⵎⴰⵏ ⴷ ⵜⴰⵙⴻⴳⴷⴰ. ^■  

23 ⵎⴰⵛⴰ ⵡⴰⵔ ⵜⵓⵔⵉ ⴷⵉ ⵙⵙⵉⴱⴱⴻⵜ ⵏⵏⴻⵙ ⵡⴰⵀⴰ, ⴰⵇⴰ ⵉⵜⵜⵡⴰⵃⵙⴻⴱ ⴰⵙ-ⴷⴷ ⵍ’ⵉⵎⴰⵏ ⵏⵏⴻⵙ ⴷ ⵜⴰⵙⴻⴳⴷⴰ, ^■   24 ⵎⴰⵛⴰ ⵄⴰⵡⴻⴷ ⴷⵉ ⵙⵙⵉⴱⴱⴻⵜ ⵏⵏⴻⵖ, ⵎⵉⵏⵥⵉ ⵏⴻⵜⵜⴰ ⴰⴷ ⴰⵏⴻⵖ ⵜ-ⵉ-ⴷⴷ-ⵉⵃⵙⴻⴱ ⴷ ⵜⴰⵙⴻⴳⴷⴰ, ⵉ ⵏⴻⵛⵛⵉⵏ ⵉⵏⵏⵉ ⵉⵜⵜⴰⵎⵏⴻⵏ ⴷⴻⴳ ⵡⴻⵏⵏⵉ ⵉ ⴷⴷ-ⵉⵙⵙⵏⴻⴽⴽⴰⵔⴻⵏ ⵢⴻⵛⵛⵓ ⵍⵎⴰⵙⵉⵃ, ⵙⵉⴷⵉⵜⵏⴻⵖ, ⵥⵉ ⵜⴰⴷⴷⴰⵔⵜ ⵏ ⵉⵎⴻⵜⵜⵉⵏⴻⵏ, 25 ⴰⵇⴰ ⴷ ⵏⴻⵜⵜⴰ ⵉⵜⵜⵡⴰⵙⴻⵍⵍⵎⴻⵏ ⴷⵉ ⵙⵙⵉⴱⴱⴻⵜ ⵏ ⴷⴷⵏⵓⴱ ⵏⵏⴻⵖ ⵓⵛⴰ ⵉⴽⴽⴰⵔ-ⴷⴷ ⵃⵉⵎⴰ ⴰⴷ ⴰⵏⴻⵖ ⵉⵙⴻⴳⴳⴻⴷ.