1 “ⵎⴰⵖⴰⵔ, ⵅⵥⴰⵔ, ⴷⴻⴳ ⵡⵓⵙⵙⴰⵏ ⵏⵏⵉ ⵓ ⴷⵉ ⵍⵡⴻⵇⵜ ⵏⵏⵉ, ⵅⵎⵉ ⵉ ⵖⴰ ⵙⵙⴻⵏⵇⴻⵍⴱⴻⵖ ⵜⴰⵎⴻⵃⴱⴰⵙⵜ ⵏ ⵢⴰⵀⵓⴷⴰ ⴷ ⵓⵔⵛⴰⵍⵉⵎ, 2 ⴰⴷ ⵙⵙⵎⵓⵏⴻⵖ ⵎⴰⵔⵔⴰ ⵍⴻⴳⵏⵓⵙ, ⴰⴷ ⵜⴻⵏ ⵏⴻⴷⵀⴻⵖ ⵖⴰⵔ ⵜⴻⵖⵥⵓⵔⵜ ⵏ ⵢⴰⵀⵓⵛⴰⴼⴰⵟ. ⴷⵉⵏⵏⵉ ⴰⴷ ⴰⴽⵉⴷⵙⴻⵏ ⵎⵛⴰⵔⵔⴰⵄⴻⵖ ⵎⵉⵏⵥⵉ ⵏⵉⵜⵏⵉ ⵥⵓⵥⵥⴰⵔⴻⵏ ⵍⴳⴻⵏⵙ ⵉⵏⵓ ⴷ ⵜⴻⵙⵖⴰⵔⵜ ⵉⵏⵓ ⵊⴰⵔ ⵍⴻⴳⵏⵓⵙ ⵓ ⵎⵉⵏⵥⵉ ⵏⵉⵜⵏⵉ ⴱⴹⴰⵏ ⵜⴰⵎⵎⵓⵔⵜ ⵉⵏⵓ. 3 ⵏⵉⵜⵏⵉ ⴳⴳⵉⵏ ⵜⴰⵇⴻⴷⴷⵓⵃⵜ ⵅ ⵍⴳⴻⵏⵙ ⵉⵏⵓ ⵓ ⵡⵛⵉⵏ ⵉⵊⵊ ⵏ ⵡⴻⵃⵔⴰⵎ ⴷ ⵜⵜⴻⵅⵍⵉⵚⴻⵜ ⵉ ⵜⴻⵎⵖⴰⵔⵜ ⵏ ⴼⴰⵔⵇ-ⵛⵛⵖⴻⵍ ⵓ ⵉⵛⵜ ⵏ ⵜⴻⵃⵔⴰⵎⵜ ⵜⴻⵎⵎⴻⵏⵥ ⵉ ⴱⵉⵏⵓ, ⵃⵉⵎⴰ ⵏⵉⵜⵏⵉ ⵥⴻⵎⵎⴰⵔⴻⵏ ⴰⴷ ⵙⵡⴻⵏ.

4 ⵓ ⵄⴰⵡⴻⴷ, ⵎⵉⵏ ⵖⴰⵔⵡⴻⵎ ⴰⴽⵉⴷⵉ, ⵚⵓⵔ ⴷ ⵚⵉⴷⵓⵏ ⴷ ⵎⴰⵔⵔⴰ ⵊⵊⵡⴰⵢⴻⵀ ⵏ ⴼⵉⵍⵉⵛⵉⵜ. ⵎⴰ ⵜⴻⵅⵙⴻⵎ ⴰⴷ ⴰⵢⵉ ⵜⵅⴻⴵⵚⴻⵎ ⵎⵉⵏ ⴳⴳⵉⵖ? ⵎⴰⵛⴰ ⵎⴰⵍⴰ ⵜⴻⵅⵙⴻⵎ ⴰⴷ ⴰⵢⵉ ⵜⵅⴻⴵⵚⴻⵎ, ⵏⴻⵛⵛ ⴰⴷ ⵙⵙⵄⴻⵇⴱⴻⵖ ⴷⴻⵖⵢⴰ ⵓ ⵙ ⵜⴰⵥⵍⴰ ⵎⵉⵏ ⵜⴻⴳⴳⵉⵎ ⵅ ⵉⵥⴻⴵⵉⴼⴻⵏ ⵏⵡⴻⵎ, 5 ⵎⵉⵏⵥⵉ ⴽⴻⵏⵏⵉⵡ ⵜⴻⴽⴽⵙⵉⵎ ⵏⵏⵓⵇⴰⵔⵜ ⴷ ⵡⵓⵔⴻⵖ ⵉⵏⵓ ⵓ ⵎⵉⵏⵥⵉ ⴽⴻⵏⵏⵉⵡ ⵜⵉⵡⵢⴻⵎ ⵍⴻⵇⵛⵓⵄ ⵉⵏⵓ ⵢⵉⵖⵍⴰⵏ ⵖⴰⵔ ⵜⵥⴰⵡⵉⵢⵢⵉⵏ ⵏⵡⴻⵎ. 6 ⴽⴻⵏⵏⵉⵡ ⵜᵉⵥⵥⴻⵏⵥⴻⵎ ⵉⵃⴻⵏⵊⵉⵔⴻⵏ ⵏ ⵢⴰⵀⵓⴷⴰ ⴷ ⵉⵃⴻⵏⵊⵉⵔⴻⵏ ⵏ ⵓⵔⵛⴰⵍⵉⵎ ⵉ ⵉⵃⴻⵏⵊⵉⵔⴻⵏ ⵏ ⵢⵓⵏⴰⵏ ⵃⵉⵎⴰ ⴰⴷ ⵜⴻⵏ ⵜⴻⵙⵙⵉⴳⴳⵯⴻⵊⴻⵎ ⵅ ⵜⴻⵎⵎⵓⵔⵜ ⵏⵙⴻⵏ. 7 ⵅⵥⴰⵔ, ⵏⴻⵛⵛ ⴰⴷ ⵜⴻⵏ ⵙⵙⴻⴽⴽⴰⵔⴻⵖ ⵥⴻⴳ ⵡⴻⵎⵛⴰⵏ ⵎⴰⵏⵉ ⵜⴻⵏ ⵜⴻⵥⵥⴻⵏⵥⴻⵎ ⵓ ⴰⴷ ⵙⵙⵄⴻⵇⴱⴻⵖ ⵎⵉⵏ ⵜⴻⴳⴳⵉⵎ ⵅ ⵉⵥⴻⴵⵉⴼⴻⵏ ⵏⵡⴻⵎ. 8 ⴰⴷ ⵥⵥⴻⵏⵥⴻⵖ ⵉⵃⴻⵏⵊⵉⵔⴻⵏ ⵏⵡⴻⵎ ⴷ ⵢⴻⵙⵙⵉⵜⵡⴻⵎ ⴷⴻⴳ ⵓⴼⵓⵙ ⵏ ⵉⵃⴻⵏⵊⵉⵔⴻⵏ ⵏ ⵢⴰⵀⵓⴷⴰ ⵓ ⵢⵉⵏⴰ ⴰⴷ ⵜⴻⵏ ⵥⵥⴻⵏⵥⴻⵏ ⵉ ⵉⵙⴰⴱⴰ’ⵉⵢⵢⴻⵏ, ⵉⵊⵊ ⵏ ⵍⴳⴻⵏⵙ ⵉⴳⴳⵯⴻⵊ ⴰⵟⵟⴰⵙ, ⵎⴰⵖⴰⵔ ⵙⵉⴷⵉ ⴰⵇⴰ ⵉⵙⵙⵉⵡⴻⵍ.”

9 “ⵍⴰⵖⴰⵎ ⴰⵢⴰ ⵊⴰⵔ ⵍⴻⴳⵏⵓⵙ, ⵇⴻⴷⴷⵙⴻⵎ ⴰⵎⴻⵏⵖⵉ, ⵙⴻⴽⴽⴰⵔⴻⵎ ⴰⵢⵜ ⵏ ⴱⵓ-ⵜⴻⵖⵔⵓⴹⵜ, ⵊⵊⴻⵎ ⵎⴰⵔⵔⴰ ⵉⵄⴻⵙⴽⴰⵔⵉⵢⵢⴻⵏ ⴰⴷ ⴷⴷ-ⵇⴰⵔⵔⴱⴻⵏ, ⴰⴷ ⴳⴻⵄⵄⴷⴻⵏ ⵉ ⵓⵎⴻⵏⵖⵉ.

10 ⵃⴻⴷⴷⴻⵎ ⴷⴷⵓⵥⴰⵏ ⵏⵡⴻⵎ ⴷ ⵍⴻⵙⵢⵓⴼ ⵓⵍⴰ ⴷ ⵍⴻⵎⵡⴰⵙ ⵏⵡⴻⵎ ⵏ ⵡⴻⵥⴱⴰⵔ ⴰⵍ ⵖⴰ ⴷⴻⵡⵍⴻⵏ ⴷ ⴼⵍⵉⵜⵛⴰⵜ, ⴻⵊⵊ ⵡⴻⵏⵏⵉ ⵉⴹⴻⵄⴼⴻⵏ ⴰⴷ ⵢⵉⵏⵉ: ‘ⵏⴻⵛⵛ ⴷ ⴰⵔⵢⴰⵥ ⵉⵊⵀⴻⴷ!’

11 ⴰⵥⵥⵍⴻⵎ ⵓ ⵜⴰⵙⴻⵎ-ⴷⴷ, ⴰ ⵎⴰⵔⵔⴰ ⵍⴻⴳⵏⵓⵙ ⵉ ⴷⴷ-ⵉⵏⵏⴹⴻⵏ. ⵙⵏⴻⴷⴷⴻⵀ ⵖⴰⵔ ⴷⵉⵏⵏⵉ, ⴰ ⵙⵉⴷⵉ, ⴰⵢⵜ ⵏⵏⴻⴽ ⵏ ⴱⵓ-ⵜⴻⵖⵔⵓⴹⵜ!

12 ⵊⵊⴻⵎ ⵍⴻⴳⵏⵓⵙ ⴰⴷ ⴽⴽⴰⵔⴻⵏ ⴰⴷ ⴳⴻⵄⵄⴷⴻⵏ ⵖⴰⵔ ⵜⴻⵖⵥⵓⵔⵜ ⵏ ⵢⴰⵀⵓⵛⴰⴼⴰⵟ. ⵎⴰⵖⴰⵔ ⴷⵉⵏⵏⵉ ⴰⴷ ⵇⵇⵉⵎⴻⵖ ⵏⴻⵛⵛ ⵃⵉⵎⴰ ⴰⴷ ⵛⴰⵔⵔⵄⴻⵖ ⵎⴰⵔⵔⴰ ⵍⴻⴳⵏⵓⵙ ⵉ-ⴷⴷ-ⵉⵏⵏⴹⴻⵏ.

13 ⴳⴳⴻⵎ ⴰⵎⵊⴰⵔ ⴷⴰⵢⴻⵙ, ⵎⴰⵖⴰⵔ ⵚⵚⴰⴱⴻⵜ ⵜⴻⵏⵏⴳⵯⴰ, ⴰⵙⴻⵎ-ⴷⴷ, ⵀⵡⴰⵎ, ⵎⵉⵏⵥⵉ ⵜⴰⵙⵉⵔⵜ ⵏ ⵓⴹⵉⵍ ⵜⴻⵛⵛⵓⵔ ⵓ ⵚⵚⵡⴰⵔⴻⵊ ⵏ ⵜⵙⵉⵔⵜ ⴼⴻⵢⵢⴹⴻⵏ, ⵎⴰⵖⴰⵔ ⵜⴰⵄⴻⴼⴼⴰⵏⵜ ⵏⵙⴻⵏ ⴷ ⵜⴰⵎⴻⵇⵇⵔⴰⵏⵜ.” ^■  

14 “ⵉⴱⴰⵔⵔⵓⵜⴻⵏ, ⵉⴱⴰⵔⵔⵓⵜⴻⵏ ⴷⵉ ⵜⴻⵖⵥⵓⵔⵜ ⵏ ⵜⴻⵍⵡⵉⵃⵜ ⵉⵜⵜⴻⵃⵔⵓⴵⵓⴹⴻⵏ ⵏ ⵓⵙⴰⵔⵡⴻⵜ, ⵎⴰⵖⴰⵔ ⴰⵙⵙ ⵏ ⵙⵉⴷⵉ ⵢⵓⴷⴻⵙ, ⴷⵉ ⵜⴻⵖⵥⵓⵔⵜ ⵏ ⵜⴻⵍⵡⵉⵃⵜ ⵉⵜⵜⴻⵃⵔⵓⴵⵓⴹⴻⵏ ⵉ ⵓⵙⴰⵔⵡⴻⵜ.

15 ⵜⴰⴼⵓⵛⵜ ⴷ ⵜⵥⵉⵔⵉ ⴱⴱⴰⵔⵛⵏⴻⵏⵜ, ⵉⵜⵔⴰⵏ ⴰⵔⵔⵉⵏ ⵜⴰⴼⴰⵡⵜ ⵏⵙⴻⵏ. ^■  

16 ⵙⵉⴷⵉ ⴰⴷ ⵉⵥⴻⵀⵀⴰⵔ ⵥⵉ ⵚⵉⵀⵢⵓⵏ ⵓ ⴰⴷ ⵢⴰⵔⵔ ⵜⵎⵉⵊⵊⴰ ⵏⵏⴻⵙ ⴰⴷ ⵉⵜⵜⵡⴰⵙⴻⵍ ⵥⵉ ⵓⵔⵛⴰⵍⵉⵎ ⴰⵍⴰⵎⵉ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ ⴰⴷ ⴰⵔⵊⵉⵊⴻⵏ, ⵎⴰⵛⴰ ⵙⵉⴷⵉ ⴷ ⴰⴷⵓⵔⵔⵉ ⵉ ⵍⴳⴻⵏⵙ ⵏⵏⴻⵙ ⴷ ⵍⴱⵓⵔⵊ ⵉ ⴰⵢⵜ ⵏ ⵉⵙⵔⴰⵉⵍ.”

17 “ⴰⴷ ⵜⴻⵙⵙⵏⴻⵎ, ⴰⵇⴰ ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⵡⴻⵏⵏⵉ ⵉⵥⴻⴷⴷⵖⴻⵏ ⵅ ⵚⵉⵀⵢⵓⵏ, ⴰⴷⵔⴰⵔ ⵉⵏⵓ ⵉⵇⴻⴷⴷⵙⴻⵏ ⵓ ⵜⴰⵏⴷⵉⵏⵜ ⵏ ⵓⵔⵛⴰⵍⵉⵎ ⴰⴷ ⵜⵉⵍⵉ ⴷ ⵣⵥⴰⵡⴻⵛⵜ ⵉⵇⴻⴷⴷⵙⴻⵏ. ⵄⴻⵎⵎⴰⵔⵚ ⴰⴷ ⵜⵜ ⵛⵛⵓⵇⴻⵏ ⵉⴱⴰⵔⵔⴰⵏⵉⵢⵢⴻⵏ.” ^■  

18 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵎⵙⴰⵔ ⴰⵇⴰ ⵉⴷⵓⵔⴰⵔ ⴰⴷ ⵓⴷⵎⴻⵏ ⵙ ⴱⵉⵏⵓ ⵥⴻⵎⵎⴻⵏ ⵜ ⵊⴷⵉⴷ ⵓ ⵜⵉⵡⵔⵉⵔⵉⵏ ⴰⴷ ⵙⵙⴻⴼⵢⴻⵏⵜ ⵙ ⵓⵖⵉ ⴷ ⵎⴰⵔⵔⴰ ⵜⵉⵖⴻⵥⵔⴰⵜⵉⵏ ⵏ ⵢⴰⵀⵓⴷⴰ ⴰⴷ ⴷⴰⵢⵙⴻⵏ ⵜⵜⴰⵥⵥⵍⴻⵏ ⵡⴰⵎⴰⵏ ⵓ ⵢⵉⵛⵜ ⵏ ⵜⴰⵍⴰ ⴰⴷ ⵜⴻⴷⴷⵓⵇⵇⴻⵥ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ, ⴰⴷ ⵜⴼⴻⵢⵢⴻⴹ ⵜⴻⵖⵥⵓⵔⵜ ⵏ ⵛⵉⵟⵟⵉⵎ. ^■  

19 ⵎⵉⵚⵔⴰ ⴰⴷ ⵜⴻⴷⵡⴻⵍ ⴷ ⵉⵛⵜ ⵏ ⵍⵅⴰⵔⴱⴻⵜ ⵓ ⵉⴷⵓⵎ ⴷ ⵉⵊⵊ ⵏ ⵍⴻⵅⵍⴰ ⵢⴰⵔⴻⴱⴱⴻⵊ ⵥⵉ ⵙⵙⵉⴱⴱⴻⵜ ⵏ ⵍⵄⵓⵏⴼ ⵉ ⴳⴳⵉⵏ ⴹⵉⴷⴷ ⵉ ⴰⵢⵜ ⵏ ⵢⴰⵀⵓⴷⴰ ⵏⵏⵉ ⵥⵉ ⵙⵙⵉⵥⵥⵍⴻⵏ ⵏⵉⵜⵏⵉ ⵉⴷⴰⵎⵎⴻⵏ ⵉⵎⴻⵥⴷⴰⴳⴻⵏ ⴷⵉ ⵜⴻⵎⵎⵓⵔⵜ ⵏⵙⴻⵏ. 20 ⵜⴰⵎⵎⵓⵔⵜ ⵏ ⵢⴰⵀⵓⴷⴰ ⵎⴰⵛⴰ ⴰⴷ ⵜⴻⵇⵇⵉⵎ ⵉ ⵍⴻⴱⴷⴰ ⵓ ⵓⵔⵛⴰⵍⵉⵎ ⵥⵉ ⵊⵊⵉⵍ ⴰⵍ ⵊⵊⵉⵍ. 21 ⵏⴻⵛⵛ ⴰⴷ ⵃⴻⵙⴱⴻⵖ ⵉⴷⴰⵎⵎⴻⵏ ⵏⵙⴻⵏ, ⵉⵏⵏⵉ ⵜⵢⵖⴰ ⵃⴻⵙⵙⴰⴱⴻⵖ ⵡⴰⵔ ⵉⵥⴷⵉⴳⴻⵏ, ⴷ ⵉⵎⴻⵥⴷⴰⴳⴻⵏ ⵓ ⵙⵉⴷⵉ ⴰⴷ ⵉⵥⴷⴻⵖ ⴷⵉ ⵚⵉⵀⵢⵓⵏ.”