1 ⵙⵉⴷⵉ ⵉⵏⵏⴰ ⴰⵢⵉ: “ⵔⵓⵃ ⵉⵛⵜ ⵏ ⵜⵡⴰⵍⴰ ⵏⵏⴻⵖⵏⵉ, ⴻⵅⵙ ⵜⴰⵎⵖⴰⵔⵜ ⵏⵏⵉ ⵉⵜⵜⵡⴰⵙⵄⵉⵥⵥⴻⵏ ⵥⴻⴳ ⵓⵎⴻⴷⴷⵓⴽⴽⴻⵍ ⵏⵏⴻⵙ ⵏ ⵡⵓⵍ, ⵎⴰⵛⴰ ⵡⴰⵅⵅⴰ ⴰⵎⴻⵏⵏⵉ ⵜⴻⵥⵏⴰ, ⴰⵎⴻⵛⵏⴰⵡ ⵙⵉⴷⵉ ⵉⵜⵜⴻⵅⵙ ⴰⵢⵜ ⵏ ⵉⵙⵔⴰⵉⵍ ⴰⵎ ⵏⵉⵜⵏⵉ ⵅⴻⵥⵥⴰⵔⴻⵏ ⵖⴰⵔ ⵉⵔⴻⴱⴱⵉⵜⴻⵏ ⵏⵏⴻⵖⵏⵉ ⵓ ⵜⵜⴻⵅⵙⴻⵏ ⵚⵚⴻⴷⵇⴻⵜ ⵏ ⵡⴻⵖⵔⵓⵎ ⵙ ⵥⵥⴱⵉⴱ.” ^□  

2 ⵙ ⵓⵢⴻⵏⵏⵉ ⵙⵖⵉⵖ ⵜⵜ ⵉ ⵏⴻⵛⵛ ⵙ ⵅⴻⵎⵎⴻⵙⵟⴰⵛ ⵏ ⵓⵇⵉⵢⵢⴰⵜ ⵏ ⵏⵏⵓⵇⴰⵔⵜ ⵓ ⵙ ⵉⵊⵊ ⵏ ‘ⵓⵃⵓⵎⵉⵔ’ ⵏ ⵉⵎⴻⵏⴷⵉ ⵓ ⵙ ⵍⵇⴻⴷⴷ ⵏ ⵉⵊⵊ ⵏ ‘ⵍⴰⵜⴰⵅ’ ⵏ ⵉⵎⴻⵏⴷⵉ. 3 ⵏⴻⵛⵛ ⵏⵏⵉⵖ ⴰⵙ: “ⵛⴻⵎ ⴰⴷ ⵖⴰⵔⵉ ⵜⴻⵇⵇⵉⵎⴻⴷ ⴰⵟⵟⴰⵙ ⵏ ⵡⵓⵙⵙⴰⵏ. ⵡⴰⵔ ⵜⵜⴻⴳⴳ ⵛⴰ ⴼⴰⵔⵇ-ⵛⵛⵖⴻⵍ ⵓ ⵡⴰⵔ ⵜⵜⵉⵍⵉ ⵏ ⵉⵊⵊ ⵏ ⵡⴻⵔⵢⴰⵥ ⵏⵏⴻⵖⵏⵉ ⵓ ⵓⵍⴰ ⴷ ⵏⴻⵛⵛ ⴰⴷ ⵉⵍⵉⵖ ⵉ ⵛⴻⵎ ⴰⵎⴻⵏⵏⵉ.” ^■   4 ⵎⴰⵖⴰⵔ ⴰⵢⵜ ⵏ ⵉⵙⵔⴰⵉⵍ ⴰⴷ ⵇⵇⵉⵎⴻⵏ ⴰⵟⵟⴰⵙ ⵏ ⵡⵓⵙⵙⴰⵏ ⴱⵍⴰ ⴰⵊⴻⴵⵉⴷ, ⴱⵍⴰ ⵍⵃⴰⴽⴻⵎ, ⴱⵍⴰ ⵜⴰⵖⴰⵔⵚⵜ, ⴱⵍⴰ ⴰⵎⴰⵢⴹⵓ ⵉⵇⴻⴷⴷⵙⴻⵏ, ⴱⵍⴰ ⴰⴱⴰⵍⵟⵓ ⵏ ⵓⴽⴻⵀⵀⴰⵏ ⴷ ⵍⴻⵅⵢⴰⵍⴰⵜ ⵏ ⵍ’ⴰⵚⵏⴰⵎ. ^■   5 ⴰⵡⴰⵔⵏⵉ ⴰⵙ ⴰⴷ ⴷⴷ-ⴷⴻⵡⵍⴻⵏ ⴰⵢⵜ ⵏ ⵉⵙⵔⴰⵉⵍ¸ ⴰⴷ ⴰⵔⵥⵓⵏ ⵅ ⵙⵉⴷⵉ, ⴰⵔⴻⴱⴱⵉ ⵏⵙⴻⵏ ⵓ ⵅ ⴷⴰⵡⵓⴷ, ⴰⵊⴻⴵⵉⴷ ⵏⵙⴻⵏ. ⴷⴻⴳ ⵓⵏⴻⴳⴳⴰⵔ ⵏ ⵡⵓⵙⵙⴰⵏ ⴰⴷ ⴷⴷ-ⴰⵙⴻⵏ ⵜⵜⴰⵔⵊⵉⵊⵊⵉⵏ ⵖⴰⵔ ⵙⵉⴷⵉ ⴷ ⵜⵛⵓⵏⵉ ⵏⵏⴻⵙ. ^■