1 ⴷⴻⴳ ⵓⵙⴻⴳⴳⵯⴰⵙ ⴰⵎⴻⵥⵡⴰⵔⵓ ⵏ ⴷⴰⵔⵉⵢⵓⵙ, ⵎⵎⵉⵙ ⵏ ⴰⵃⴰⵛⵡⵉⵔⵓⵙ, ⵡⴻⵏⵏⵉ ⵥⴻⴳ ⴰⵢⵜ ⵏ ⵎⴰⴷⴰⵢ, ⵡⴻⵏⵏⵉ ⵉⴷⴻⵡⵍⴻⵏ ⴷ ⴰⵊⴻⴵⵉⴷ ⵅ ⵜⴳⴻⵍⴷⵉⵜ ⵏ ⵉⴽⴰⵍⴷⴰⵏⵉⵢⵢⴻⵏ, ^□   2 ⴷⴻⴳ ⵓⵙⴻⴳⴳⵯⴰⵙ ⴰⵎⴻⵥⵡⴰⵔⵓ ⵏ ⵜⴳⴻⵍⴷⴰ ⵏⵏⴻⵙ ⵉⴱⴰⵏ-ⴰⵢⵉ-ⴷⴷ, ⵉ ⵏⴻⵛⵛ ⴷⴰⵏⵉⵢⴰⵍ, ⵥⴻⴳ ⵉⴷⵍⵉⵙⴻⵏ, ⴱⴻⵍⵍⵉ ⵍⵇⴻⴷⴷ ⵏ ⵉⵙⴻⴳⴳⵯⵓⵙⴰ ⵉ ⵅ ⵜⵓⵖⴰ ⵉⵙⵙⵉⵡⴻⵍ ⵡⴰⵡⴰⵍ ⵏ ⵙⵉⴷⵉ ⵉ ⵓⵏⴰⴱⵉ ⵉⵔⵎⵉⵢⴰ, ⵉ ⵓⴽⴻⵎⵎⴻⵍ ⵏ ⵍⵡⴻⵇⵜ ⵏ ⵍⵅⵉⵔⴱⴰⵜ ⵏ ⵓⵔⵛⴰⵍⵉⵎ, ⵜⵓⵖⴰ-ⵜ ⵙⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ. 3 ⵏⴻⵛⵛ ⴰⵔⵔⵉⵖ ⴰⵖⴻⵎⴱⵓⴱ ⵉⵏⵓ ⵖⴰⵔ ⵙⵉⴷⵉ ⴰⵔⴻⴱⴱⵉ, ⵃⵉⵎⴰ ⴰⴷ ⵅⴰⵙ ⴰⵔⵥⵓⵖ ⵙ ⵜⵥⴰⴵⵉⵜ ⴷ ⵓⵥⴰⵡⴻⴳ, ⵙ ⵓⵥⵓⵎⵎⵉ ⴷⴻⴳ ⵡⴻⵇⵔⴰⴱ ⴷ ⵢⵉⵖⵖⴻⴹ. 4 ⵏⴻⵛⵛ ⵥⵥⵓⴵⴻⵖ ⵉ ⵙⵉⴷⵉ, ⴰⵔⴻⴱⴱⵉ ⵉⵏⵓ, ⵓ ⵏⴻⵄⵎⴻⵖ ⴷⴷⵏⵓⴱ ⵏⵏⴻⵖ, ⵏⵏⵉⵖ

“ⴰ ⵙⵉⴷⵉ ⵉⵏⵓ, ⵛⴻⴽ ⴷ ⴰⵔⴻⴱⴱⵉ ⴰⵎⴻⵇⵇⵔⴰⵏ ⴷ ⵉⵙⵙⵉⴳⴳⵯⵉⴷⴻⵏ, ⵡⴻⵏⵏⵉ ⵉⵃⴻⵟⵟⴰⵏ ⵍⵄⴰⵀⴷ ⵏⵏⴻⵙ ⴷ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵉ ⵢⵉⵏⵏⵉ ⵜ ⵉⵜⵜⴻⵅⵙⴻⵏ ⵓ ⵉ ⵢⵉⵏⵏⵉ ⵉⵃⴻⵟⵟⴰⵏ ⵜⵉⵡⴻⵚⵚⴰ ⵏⵏⴻⵙ. ^■   5 ⵏⴻⵛⵛⵉⵏ ⵏⴻⵅⴹⴰ ⵓ ⵏⴻⴳⴳⴰ ⵍⵎⵓⵄⵚⵉⵢⵢⴻⵜ ⴷ ⵍⵖⴰⵔ ⵓ ⵏⵖⴻⵡⵡⴻⵖ ⴰⵎ ⵏⴻⴼⴼⴻⵖ ⵥⵉ ⵜⵉⵡⴻⵚⵚⴰ ⴷ ⵍⴼⴰⵔⴰⵢⵉⴹ ⵏⵏⴻⴽ. ^■   6 ⵡⴰⵔ ⵏⴻⵙⵍⵉ ⵉ ⵉⵎⵙⴻⵅⵅⴰⵔⴻⵏ ⵏⵏⴻⴽ, ⵉⵏⴰⴱⵉⵢⵢⴻⵏ, ⵉⵏⵏⵉ ⵜⵓⵖⴰ ⵉⵙⵙⴰⵡⴰⵍⴻⵏ ⴷⴻⴳ ⵢⵉⵙⴻⵎ ⵏⵏⴻⴽ ⵉ ⵉⵊⴻⴵⵉⴷⴻⵏ ⵏⵏⴻⵖ ⴷ ⵍⵃⵓⴽⴽⴰⵎ ⵏⵏⴻⵖ ⴷ ⵍⴻⵊⴷⵓⴷ ⵏⵏⴻⵖ ⵓⵍⴰ ⵉ ⵎⴰⵔⵔⴰ  ⵍⴳⴻⵏⵙ ⵏ ⵜⴻⵎⵎⵓⵔⵜ.

7 ⵛⴻⴽ, ⴰ ⵙⵉⴷⵉ ⵉⵏⵓ, ⵖⴰⵔⴻⴽ ⵜⴰⵙⴻⴳⴷⴰ, ⵎⴰⵛⴰ ⵏⴻⵛⵛⵉⵏ ⵖⴰⵔⵏⴻⵖ ⵍⴻⵃⵢⴰ ⴷⴻⴳ ⵓⵖⴻⵎⴱⵓⴱ, ⴰⵎ ⵎⴰⵎⵎⴻⵛ ⵜⴻⴵⴰ ⴰⵙⵙ-ⴰ, ⵖⴰⵔ ⵉⵔⵢⴰⵥⴻⵏ ⵏ ⵢⴰⵀⵓⴷⴰ ⴷ ⵉⵎⴻⵥⴷⴰⵖ ⵏ ⵓⵔⵛⴰⵍⵉⵎ ⴷ ⵎⴰⵔⵔⴰ ⵉⵙⵔⴰⵉⵍ, ⵖⴰⵔ ⵢⴻⵏⵏⵉ ⵢⵓⴷⵙⴻⵏ ⴷ ⵢⴻⵏⵏⵉ ⵉⴳⴳⵯⴻⵊⴻⵏ ⴷⵉ ⵎⴰⵔⵔⴰ ⵜⵉⵎⵎⵓⵔⴰ ⵎⴰⵏⵉ ⵅⴰⵙⴻⵏ ⵜⵓⵥⵥⵍⴻⴷ ⵛⴻⴽ ⴷⵉ ⵙⵙⵉⴱⴱⴻⵜ ⵏ ⵍⴻⵖⴷⴰⵔ ⵏⵙⴻⵏ ⵉ ⵥⵉ ⵛⴻⴽ ⵖⴹⴰⵔⴻⵏ. 8 ⴰ ⵙⵉⴷⵉ, ⴷⴰⵢⵏⴻⵖ ⵍⴻⵃⵢⴰ ⴷⴻⴳ ⵓⵖⴻⵎⴱⵓⴱ ⵏⵏⴻⵖ, ⴰⵇⴰ-ⵜ ⴷⴻⴳ ⵉⵊⴻⴵⵉⴷⴻⵏ ⵏⵏⴻⵖ ⴷⵉ ⵍⵃⵓⴽⴽⴰⵎ ⵏⵏⴻⵖ ⴷⴻⴳ ⵉⴱⴰⴱⴰⵜⴻⵏ ⵏⵏⴻⵖ ⵎⴰⵖⴰⵔ ⵏⴻⵛⵛⵉⵏ ⵏⴻⵅⴹⴰ ⴰⴽⵉⴷⴻⴽ.

9 ⵖⴰⵔ ⵙⵉⴷⵉ ⵉⵏⵓ, ⴰⵔⴻⴱⴱⵉ ⵏⵏⴻⵖ, ⴰⵔⵔⴻⵃⵎⴻⵜ ⴷ ⵡⴻⵖⴼⴰⵔ ⵡⴰⵅⵅⴰ ⵏⴻⵛⵛⵉⵏ ⵏⵖⴻⵡⵡⴻⵖ ⵅⴰⵙ. ^■  

10 ⵡⴰⵔ ⵏⴻⵙⵍⵉ ⵉ ⵜⵎⵉⵊⵊⴰ ⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ, ⵎⴰⵃⴻⵏⴷ ⴰⴷ ⵏⵓⵢⵓⵔ ⴷⵉ ⵍⵇⴰⵡⴰⵏⵉⵏ ⵏⵏⴻⵙ ⵏⵏⵉ ⵉ ⴷ ⴰⵏⴻⵖ ⵉⵡⵛⴰ ⵙ ⵓⴼⵓⵙ ⵏ ⵉⵎⵙⴻⵅⵅⴰⵔⴻⵏ ⵏⵏⴻⵙ, ⵉⵏⴰⴱⵉⵢⵢⴻⵏ.

11 ⵎⴰⵔⵔⴰ ⵉⵙⵔⴰⵉⵍ ⵜⵓⵖⴰ ⵉⵜⵜⵄⴻⴷⴷⴰ ⵅ ⵛⵛⴰⵔⵉⵄⴰ ⵏⵏⴻⴽ ⵓ ⵉⵜⵜⴻⴼⴼⴻⵖ ⵥⴻⴳ ⵡⴻⴱⵔⵉⴷ ⵎⴰⵃⴻⵏⴷ ⵡⴰⵔ ⵉⵜⵜⴻⵙⵍⵉ ⵉ ⵜⵎⵉⵊⵊⴰ ⵏⵏⴻⴽ. ⵓ ⴰⵎⵎⵓ ⵉ ⵅⴰⵏⴻⵖ ⵜᵉⵜⵜⵡⴰⵥⴻⴵⴻⵄ ⵏⵏⴻⵄⵍⴻⵜ ⵉ ⵉⵜⵜⵡⴰⴹⴻⵎⵏⴻⵏ ⵙ ⵜⵊⴰⴵⵉⵜ ⵉ ⵉⵜⵜⵡⴰⵔⵉⵏ ⴷⵉ ⵛⵛⴰⵔⵉⵄⴰ ⵏ ⵎⵓⵙⴰ, ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ, ⵎⵉⵏⵥⵉ ⵏⴻⵛⵛⵉⵏ ⵏⴻⵅⴹⴰ ⴰⴽⵉⴷⴻⵙ. ^■  

12 ⵏⴻⵜⵜⴰ ⵉⴳⴳⴰ ⴰⵡⴰⵍⴻⵏ ⵏⵏⴻⵙ ⵜⵜⴱⴻⴷⴷⴰⵏ, ⴰⵡⴰⵍⴻⵏ ⵏⵏⵉ ⵉⵙⵙⵉⵡⴻⵍ ⴰⴽⵉⴷⵏⴻⵖ ⵓ ⴰⴽ-ⴷ ⵍⵇⵓⴹⴰⵜ ⵏⵏⴻⵖ ⵏⵏⵉ ⵜⵓⵖⴰ ⵉ ⵅⴰⵏⴻⵖ ⵉⵃⴻⴽⴽⵎⴻⵏ, ⴰⵎ ⴷⴰⵢⵏⴻⵖ ⵉⴳⴳⴰ ⵉⵊⵊ ⵏ ⵍⵖⴰⵔ ⴷ ⴰⵎⴻⵇⵇⵔⴰⵏ ⵉ ⵡⴰⵔ ⵉⵎⵙⴰⵔⴻⵏ ⵄⴻⵎⵎⴰⵔⵚ ⵙⴰⴷⵓ ⵓⵊⴻⵏⵏⴰ, ⴰⵎⴻⵛⵏⴰⵡ ⵎⵉⵏ ⵉⴳⴳⴰ ⵉ ⵓⵔⵛⴰⵍⵉⵎ.

13 ⴰⵎ ⵎⴰⵎⵎⴻⵛ ⵜⵓⵔⴰ ⴷⵉ ⵛⵛⴰⵔⵉⵄⴰ ⵏ ⵎⵓⵙⴰ, ⴰⵎⵎⵓ ⵢⵓⵙⴰ-ⴷⴷ ⵅⴰⵏⴻⵖ ⵎⴰⵔⵔⴰ ⵍⵖⴰⵔ ⵏⵏⵉ, ⵓ ⵏⴻⵛⵛⵉⵏ ⵅⴻⵏⵏⵉ ⵡⴰⵔ ⵏⵥⴰⵡⴻⴳ ⵛⴰ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ, ⵎⴰⵃⴻⵏⴷ ⴰⴷ ⵏⵃⴻⵢⵢⴻⴷ ⵅ ⵍⵎⵓⵄⵚⵉⵢⵢⴻⵜ ⵏⵏⴻⵖ ⵓ ⵎⴰⵃⴻⵏⴷ ⴰⴷ ⵏⴰⵔⵥⵓ ⴰⴷ ⵏⴻⴼⵀⴻⵎ ⵜⵉⴷⴻⵜⵜ ⵏⵏⴻⴽ.

14 ⵙⵉⴷⵉ ⵉⵃⴹⴰ ⵍⵖⴰⵔ ⵓⵛⴰ ⵉⵙⵙⴰⵔⵙ ⵉ-ⵜ-ⵉ-ⴷⴷ ⵅⴰⵏⴻⵖ, ⵎⴰⵖⴰⵔ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ ⴷ ⴰⵎⵙⴻⴳⴳⴻⴷ ⴷⵉ ⵎⴰⵔⵔⴰ ⵍⴻⴼⵄⴰⵢⴻⵍ ⵏⵏⴻⵙ ⵏⵏⵉ ⵉⴳⴳⴰ ⵓⵎⵉ ⵡⴰⵔ ⵏⴻⵙⵍⵉ ⵖⴰⵔ ⵜⵎⵉⵊⵊⴰ ⵏⵏⴻⵙ.

15 ⵓ ⵍⴻⵅⵅⵓ, ⴰ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ, ⵡⴻⵏⵏⵉ ⵉⵙⵙⵓⴼⴼⵖⴻⵏ ⵍⴳⴻⵏⵙ ⵏⵏⴻⴽ ⵥⵉ ⵜⴻⵎⵎⵓⵔⵜ ⵏ ⵎⵉⵚⵔⴰ ⵙ ⵢⵉⵊⵊ ⵏ ⵓⴼⵓⵙ ⵉⵊⴻⵀⴷⴻⵏ ⵓ ⵡⴻⵏⵏⵉ ⵉⴳⴳⵉⵏ ⵉ ⵢⵉⵅⴻⴼ ⵏⵏⴻⵙ ⵉⵊⵊ ⵏ ⵢⵉⵙⴻⵎ, ⴰⵎ ⵎⴰⵎⵎⴻⵛ ⵉⴵⴰ ⴰⵍ ⴰⵙⵙ-ⴰ. ⵏⴻⵛⵛⵉⵏ ⵏⴻⵅⴹⴰ ⵓ ⵏⴻⴳⴳⴰ ⵍⵖⴰⵔ. ^■  

16 ⴰ ⵙⵉⴷⵉ ⵉⵏⵓ, ⵥⵉ ⵙⵙⵉⴱⴱⴻⵜ ⵏ ⵜⵙⴻⴳⴷⴰ ⵏⵏⴻⴽ, ⵙⵃⴻⵢⵢⴻⴷ ⴰⵖⴹⴰⴱ ⵏⵏⴻⴽ ⴷ ⵡⴻⵙⵄⴰⵔ ⵏⵏⴻⴽ ⵅ ⵜⴻⵏⴷⵉⵏⵜ ⵏⵏⴻⴽ ⵓⵔⵛⴰⵍⵉⵎ, ⵅ ⵡⴻⴷⵔⴰⵔ ⵏⵏⴻⴽ ⵉⵇⴻⴷⴷⵙⴻⵏ. ⵎⴰⵖⴰⵔ ⵥⵉ ⵙⵙⵉⴱⴱⴻⵜ ⵏ ⴷⴷⵏⵓⴱ ⵏⵏⴻⵖ ⴷ ⵍⵎⵓⵄⵚⵉⵢⵢⴻⵜ ⵏ ⵉⴱⴰⴱⴰⵜⴻⵏ ⵏⵏⴻⵖ ⵜⴻⴷⵡⴻⵍ ⵓⵔⵛⴰⵍⵉⵎ ⴷ ⵍⴳⴻⵏⵙ ⵏⵏⴻⴽ ⴷ ⵍⵄⴰⵔ ⵉ ⵎⴰⵔⵔⴰ ⵉⵏⵏⵉ ⴷ ⴰⵏⴻⵖ ⴷⴷ-ⵉⵏⵏⴹⴻⵏ.

17 ⵓ ⵍⴻⵅⵅⵓ, ⴰ ⴰⵔⴻⴱⴱⵉ ⵏⵏⴻⵖ, ⵙⴻⵍ ⵖⴰⵔ ⵜⵥⴰⴵⵉⵜ ⵏ ⵓⵎⵙⴻⵅⵅⴰⵔ ⵏⵏⴻⴽ ⵓ ⵖⴰⵔ ⵓⵥⴰⵡⴻⴳ ⵏⵏⴻⵙ, ⴻⵊⵊ ⵓⴷⴻⵎ ⵏⵏⴻⴽ ⴰⴷ ⵢⴻⴳⴳ ⵜⴰⴼⴰⵡⵜ ⵅ ⵣⵥⴰⵡⴻⵛⵜ ⵏⵏⴻⴽ ⵉⵇⴻⴷⴷⵙⴻⵏ, ⵜⴻⵏⵏⵉ ⵉⴷⴻⵡⵍⴻⵏ ⴷ ⵍⵅⴰⵔⴱⴻⵜ, ⴷⵉ ⵟⵟⵡⴻⵄ ⵏ ⵙⵉⴷⵉ ⵉⵏⵓ.

18 ⴻⵡⵛ ⴰⵎⴻⵥⵥⵓⵖ ⵏⵏⴻⴽ, ⴰ ⴰⵔⴻⴱⴱⵉ, ⵙⴻⵍ. ⴰⵔⵥⴻⵎ ⵜⵉⵟⵟⴰⵡⵉⵏ ⵏⵏⴻⴽ ⵓ ⵅⵥⴰⵔ ⵍⵅⵉⵔⴱⴰⵜ ⴷ ⵜⴻⵏⴷⵉⵏⵜ ⵏⵏⵉ ⵉⵜⵜⵡⴰⵍⴰⵖⴰⵏ ⵙ ⵢⵉⵙⴻⵎ ⵏⵏⴻⴽ, ⵎⵉⵏⵥⵉ ⵏⴻⵛⵛⵉⵏ ⵡⴰⵔ ⵏⴻⵡⴹⵉ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ ⵎⴰⵃⴻⵏⴷ ⴰⴷ ⵏⵥⴰⵡⴻⴳ ⵅ ⵓⵙⴷⴰⵀⴻⴵⵉ ⵏ ⵜⵙⴻⴳⴷⴰ ⵏⵏⴻⵖ, ⵎⴰⵛⴰ ⵅ ⵓⵙⴷⴰⵀⴻⴵⵉ ⵏ ⴰⵔⵔⴰⵃⵎⴻⵜ ⵏⵏⴻⴽ ⵜⴰⵎⴻⵇⵇⵔⴰⵏⵜ.

19 ⴰ ⵙⵉⴷⵉ ⵉⵏⵓ, ⵙⴻⵍ! ⴰ ⵙⵉⴷⵉ ⵉⵏⵓ, ⵖⴼⴰⵔ! ⴰ ⵙⵉⴷⵉ ⵉⵏⵓ, ⵃⴹⴰ ⵓⵛⴰ ⴻⴳⴳ, ⵡⴰⵔ ⵜⵄⴻⵟⵟⴰⵍ ⵛⴰ, ⴷⵉ ⵟⵟⵡⴻⵄ ⵏ ⵢⵉⵅⴻⴼ ⵏⵏⴻⴽ, ⴰ ⴰⵔⴻⴱⴱⵉ ⵉⵏⵓ, ⵎⴰⵖⴰⵔ ⵜⴰⵏⴷⵉⵏⵜ ⵏⵏⴻⴽ ⴷ ⵍⴳⴻⵏⵙ ⵏⵏⴻⴽ ⵜⵜⵡⴰⵍⴰⵖⴰⵏ ⵙ ⵢⵉⵙⴻⵎ ⵏⵏⴻⴽ.”

20 ⴰⵎ ⵜⵓⵖⴰ ⵙⵙⴰⵡⴰⵍⴻⵖ ⵄⴰⴷ ⵓ ⵜⵜⵥⴰⴵⵉⵖ ⵓ ⵏⴻⵄⵄⵎⴻⵖ ⵙ ⴷⴷⵏⵓⴱ ⵉⵏⵓ ⴷ ⴷⴷⵏⵓⴱ ⵏ ⵍⴳⴻⵏⵙ ⵉⵏⵓ ⵉⵙⵔⴰⵉⵍ ⵓ ⵜⵜⵥⴻⴵⵄⴻⵖ ⴰⵥⴰⵡⴻⴳ ⵉⵏⵓ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ, ⴰⵔⴻⴱⴱⵉ ⵉⵏⵓ, ⴷⵉ ⵟⵟⵡⴻⵄ ⵏ ⵡⴻⴷⵔⴰⵔ ⵉⵇⴻⴷⴷⵙⴻⵏ ⵏ ⴰⵔⴻⴱⴱⵉ ⵉⵏⵓ, 21 ⴰⵎ ⵜⵓⵖⴰ ⵙⵙⴰⵡⴰⵍⴻⵖ ⵄⴰⴷ ⴰⵎⵎⵓ, ⵜⵜⵥⴰⴵⵉⵖ, ⵢⵓⵙⴰ-ⴷⴷ ⵡⴻⵔⵢⴰⵥ ⵊⵉⴱⵔⵉⵍ ⵏⵏⵉ ⵥⵔⵉⵖ ⴷⴻⴳ ⵓⵎⴻⵥⵡⴰⵔⵓ ⴷⵉ ⵜⵎⴻⵥⵔⵉⵡⵜ, ⵉⴹⵡⴰ-ⴷⴷ ⵥⴻⴳ ⵓⵊⴻⵏⵏⴰ ⵖⴰⵔⵉ ⵓⵛⴰ ⵉⵃⴰⴷⴰ ⴰⵢⵉ ⵖⴰⵔ ⵍⵡⴻⵇⵜ ⵏ ⵜⵖⴰⵔⵚⵜ ⵏ ⵜⵎⴻⴷⴷⵉⵜ. ^□   22 ⵏⴻⵜⵜⴰ ⵉⵙⵙⴻⴼⵀⴻⵎ ⵓ ⵉⵙⵙⵉⵡⴻⵍ ⴰⴽⵉⴷⵉ, ⵉⵏⵏⴰ: “ⴷⴰⵏⵉⵢⴰⵍ, ⵏⴻⵛⵛ ⴼⴼⵖⴻⵖ-ⴷⴷ ⵖⴰⵔ ⵍⵡⴻⵇⵜ-ⴰ ⵎⴰⵃⴻⵏⴷ ⴰⴷ ⵛⴻⴽ ⵙⵙⴰⵔⴳⴱⴻⵖ ⵅ ⵍⵎⴻⵄⵏⴰ. 23 ⵖⴰⵔ ⵓⵎⴻⵥⵡⴰⵔⵓ ⵏ ⵓⵥⴰⵡⴻⴳ ⵏⵏⴻⴽ ⵉⴼⴼⴻⵖ-ⴷⴷ ⵢⵉⵊⵊ ⵏ ⵡⴰⵡⴰⵍ ⵓ ⵏⴻⵛⵛ ⵓⵙⵉⵖ-ⴷⴷ ⵃⵉⵎⴰ ⴰⴷ ⴰⵛ ⵜ ⵏⵏⵉⵖ, ⵎⴰⵖⴰⵔ ⵛⴻⴽ ⴷ ⵉⵊⵊ ⵏ ⵡⴻⵔⵢⴰⵥ ⵉⵄⵉⵥⵥⴻⵏ ⴰⵟⵟⴰⵙ. ⴼⵀⴻⵎ ⴰⵡⴰⵍ-ⴰ ⵓ ⴰⵔⵥⵓ ⵍⴻⴼⵀⴰⵎⴻⵜ ⴷⵉ ⵜⵎⴻⵥⵔⵉⵡⵜ-ⴰ.

24 ⵜⵜⵡⴰⴳⴳⴻⵏⵜ ⵙⴻⴱⵄⵉⵏ ⵏ ⵙⵉⵎⴰⵏⴰⵜ ⵅ ⵍⴳⴻⵏⵙ ⵏⵏⴻⴽ ⵓ ⵅ ⵜⴻⵏⴷⵉⵏⵜ ⵏⵏⴻⴽ ⵉⵇⴻⴷⴷⵙⴻⵏ, ⵃⵉⵎⴰ ⴰⴷ ⵜᵉⵜⵜⵡⴰⵙⴱⴻⴷⴷ ⵜⵜⴰⵄⴻⴷⴷⵓ ⵓ ⴰⴷ ⵉⵜⵜⵡⴰⵛⴻⵎⵎⴻⵄ ⴷⴷⴻⵏⴱ ⵓ ⴰⴷ ⵜᵉⵜⵜⵡⴰⵚⵍⴻⵃ ⵍⵎⵓⵄⵚⵉⵢⵢⴻⵜ ⵓ ⵃⵉⵎⴰ ⴰⴷ ⵜᵉⵜⵜⵡⴰⵡⵉ ⵜⵙⴻⴳⴷⴰ ⵓ ⵃⵉⵎⴰ ⴰⴷ ⵜᵉⵜⵜⵡⴰⵛⴻⵎⵎⴻⵄ ⵜⵎⴻⵥⵔⵉⵡⵜ ⴷ ⵓⵏⴰⴱⵉ ⵓ ⵃⵉⵎⴰ ⴰⴷ ⵉⵜⵜⵡⴰⴷⵀⴻⵏ ⴰⵇⴷⴰⵙ ⵏ ⵓⵇⴻⴷⴷⴻⵙ. 25 ⵙⵙⴻⵏ ⵓ ⴼⵀⴻⵎ, ⴰⵇⴰ ⵥⴻⴳ ⵡⴰⵎⵉ ⴷⴷ-ⵉⴼⴼⴻⵖ ⵡⴰⵡⴰⵍ ⵃⵉⵎⴰ ⴰⴷ ⵄⴻⴷⵍⴻⵏ ⵓ ⴰⴷ ⴱⵏⴰⵏ ⵓⵔⵛⴰⵍⵉⵎ ⵄⴰⵡⴻⴷ ⵖⴰⵔⴻⵙ ⴰⵍ ⴰⵎⴻⴷⵀⵓⵏ, ⵎⵉⵏ ⵉⵅⵙ ⴰⴷ ⵢⵉⵏⵉ ⵍⵎⴰⵙⵉⵃ, ⵍⵃⴰⴽⴻⵎ, ⴰⵇⴰ ⵙⴻⴱⵄⴰ ⵏ ⵙⵉⵎⴰⵏⴰⵜ ⵓ ⵄⴰⴷ ⵜⵏⴰⵢⴻⵏ ⵓ-ⵙⴻⵜⵜⵉⵏ ⵏ ⵙⵉⵎⴰⵏⴰⵜ. ⴰⴷ ⵜᵉⵜⵜⵡⴰⴱⵏⴰ ⵓⵔⵛⴰⵍⵉⵎ ⵄⴰⵡⴻⴷ ⴰⴽ-ⴷ ⵡⴰⵥⵥⴰⵢ ⴷ ⵍⵃⵉⴹ ⴷⴻⴳ ⵉⴽⵓⴷⴻⵏ ⵢⴻⵡⵄⴰⵔⴻⵏ.

26 ⴰⵡⴰⵔⵏⵉ ⵉ ⵜⵏⴰⵢⴻⵏ ⵓ-ⵙⴻⵜⵜⵉⵏ ⵏ ⵙⵉⵎⴰⵏⴰⵜ ⵏⵏⵉ ⴰⴷ ⵉⵜⵜⵡⴰⴽⴽⴻⵙ ⵓⵎⴻⴷⵀⵓⵏ ⵓ ⵡⴰⵔ ⵖⴰⵔⴻⵙ ⵉⵜⵜⵉⵍⵉ ⵡⴰⵍⵓ. ⵓ ⵜⴰⵏⴷⵉⵏⵜ ⴷ ⵣⵥⴰⵡⴻⵛⵜ ⵉⵇⴻⴷⴷⵙⴻⵏ ⴰⴷ ⵜⵜⵡⴰⵔⴻⴷⴷⴵⴻⵏⵜ ⵙ ⵢⵉⵊⵊ ⵏ  ⵍⴳⴻⵏⵙ ⵏ ⵉⵊⵊ ⵏ ⵍⵃⴰⴽⴻⵎ ⵡⴻⵏⵏⵉ ⵉ ⴷⴷ ⵖⴰ ⵢⴰⵙⴻⵏ ⵓ ⵜⴰⵏⴻⴳⴳⴰⵔⵓⵜ ⵏⵏⴻⵙ ⴰⴷ ⵜⵉⵍⵉ ⴷⵉ ⵙⵙⴻⵃⵍⴻⵜ ⵓⵛⴰ ⴰⴷ ⴷⵉⵏ ⵢⵉⵍⵉ ⵓⵎⴻⵏⵖⵉ ⵖⴰⵔⴻⵙ ⴰⵍ ⴰⵏⴻⴳⴳⴰⵔ, ⴰⵔⴻⴷⴷⴻⴵ ⵏⵏⵉ ⴰⵇⴰ ⵢⵓⵔⴰ ⴰⴷ ⵢⵉⵍⵉ. 27 ⵏⴻⵜⵜⴰ ⴰⴷ ⵉⴳⴳ ⵉⵊⵊ ⵏ ⵍⵄⴰⵀⴷ ⴰⴽ-ⴷ ⵡⴰⵟⵟⴰⵙ ⵙ ⵓⵖⵉⵍ ⵓ ⴷⴻⴳ ⵡⴻⵥⵢⴻⵏ ⵏ ⵙⵉⵎⴰⵏⴰ ⴰⴷ ⵉⵙⵙⴱⴻⴷⴷ ⵜⴰⵖⴰⵔⵚⵜ ⴷ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⵓ ⵅ ⵡⴰⴼⵔⵉⵡ ⵏ ⵏⵏⵄⴰⵡⴰⵜ ⴰⴷ ⴷⴷ-ⵢⴰⵙ ⵉⵊⵊ ⵏ ⵓⵎⵜⴻⵃⵃⴰⵢ ⵖⴰⵔⴻⵙ ⴰⵍ ⵖⴰ ⵉⵜⵜⵡⴰⴼⴰⵔⵔⴻⵖ ⵍⴻⵃⴽⴰⵎ ⵉ ⵢⵓⵔⵉⵏ ⵅ ⵡⴻⵏⵏⵉ ⵉⵜⵜⵡⴰⵜⴻⵃⵃⴰⵏ. ^□  ■